WEAWEA 19:8 - ASII LAKDAP Bible (BSI)

⁸ Kiimaq minsaü kaü ka wa na chaqtiwe riimin apaiq khum wa khu akhea thun kriika kham maq hechang. Raüta adü na kham maq tiinyuk chang. Shatmaq apaiq kiimin raji na saüli, akhum ka ashe miraq.

Hawa Naga Bible 2001

⁸ Manx kvruex juiuz gay jix waz rueq muinz miqmac khoz vkhvy htenc kuex huy ruiux yuix rvhoalc rax, yuq muinz raungyac kox nuex httuiuc laz sawc muq shauk dvyx doc.

WEAWEA 19:8 Referencias Cruzadas

LEWI 16:28

Jurwa ara ngam thun ka wa na chaqki tlaq kriiti raq, adü na asam akhu akhea thun kra wiita kham maq heraatlo. Raüta piitiip mong na miwa shaq na aju ka heraatlo.

LEWI 17:15

Maiq weshi ra juli jiimin, Israilnok phan lo, riimakla wanshawe pongmungti lo raq, ngam ka apaiq tsai tsai atsaiki riimakla rum ngamse raq akaq kra ngam ka phaq raüla, apaiq raq adü wa khea kra kham maq heraatlo. Kiimaq ajii ka heraatlo. Raüta raji na saüli apaiq khum ka misii shaq wiiwii khechang.

WEAWEA 19:21

Namshiq raq ara thungtri ka pattup pat-sa lang wan ratlo. Jurwa arewe khum na phumram kham maq bat kuqtlaq, kriiwe riimin, apaiq düwa akhu akhea thun kra kham maq heraatlo. Kiimaq jurwa kra kham ka ajaq maq shamtlaq, kriiwe kiimin raji na saüli apaiq khum ka ashe apii misi.

WEAWEA 19:7

Kra lotjai, apaiq raq adü wa akhu akhea thun kra kham na hechang. Raüta kham ka akhum na nyuk chang. Kra lot jai she apaiq ka piitiip mong na minyap wa nong. Shatmaq apaiq khum ka apii ashe raji na saüli miraq.

WEAWEA 19:9

Kra lot jai she maiq weshi akhum asii pii mak we riishe kra minsaü kaü achaq wabun kriishe mirchom. Raüta piitiip phai hiq ba ashi asii pii mak ba na phong chang. Raütiishe kriika Israilnok raq lang miitu kiijiili she phong chang. Israilnok raq kiiwa wabun kra lamki raüta kham rai shot chang. Raüta kra kham kriimaq apii phan hupsam kra tiisii bat chang. Ara apii chang phan tiisii he wantlaq arka ngarai tiisii miitu klotlo.