WEAWEA 19:7 - ASII LAKDAP Bible (BSI)

⁷ Kra lotjai, apaiq raq adü wa akhu akhea thun kra kham na hechang. Raüta kham ka akhum na nyuk chang. Kra lot jai she apaiq ka piitiip mong na minyap wa nong. Shatmaq apaiq khum ka apii ashe raji na saüli miraq.

Hawa Naga Bible 2001

⁷ Kvruex yimaq piq rueq miqmac khoz vkhvy htenc kuex huy ruiux, yuix rvhoalc lot vtueq jix jerak mungx nuex nyuip lvp tuex; yuq muinz nawk palx htungx maq piq kuex raungyac kox nuex httuiuc laz sawc muq shauk dvyx doc.

WEAWEA 19:7 Referencias Cruzadas

LEWI 11:24

Jurwa arjaq chongtlaq thun ngam maa ka ajaq maq shamjiiq apaiq ka kra ranaiq raji na saüli ashe mijaki: Ahok san asi phan nyamse thun tarü hutjok, shatmaq ahokphi na ahoksan ka atiikho raüta sitlaq phan kiimaq awok mong wa atsam ka abliiq raüta jophaqtlaqti phan riiwe kla pong, kiimaq tlotli ahokblai phan ahokphi na akhang asiti phan thun kriika ashe. Jurwa arthun phan ngam maa dopijiiq kriiti raq akhea ka kham maq heraatlo. Shatmaq apaiq kiimin kra ranaiq raji na saüli ka ashe misi.

LEWI 11:31

Jurwa arthun ara ajaq maq shamtlaq, riimakla atsai arki amaa ka jaq maq shamtlaq, kriiti ka raji na saüli ashe miraq.

LEWI 11:32

Kiimaq arthun maa ka dea raüta hupsam phanshi ra thaq na dea raüla, kriika ashe miraq. Arka hupsam pe maq ahai, khu akhea, ngamkhü maq aklo hupsam, riimakla thoila khiiq jamlai phan miitu lang raüli jiimin, kriika ashe miishe mijaki. Kriika kham na tsam chang. Shatmaq kra hupsam thun ka raji na saüli ashe miraq.

LEWI 11:39

Kiimaq nyamse aphaq chang phan kra tsaiki raüla, kiimaq kra maa ka maiq ashi ra raq ajaq maq sham rat raüla, apaiq ka raji na saüli ashe miishe mijaki.

LEWI 11:40

Kiimaq maiq ashi ra raq kra ngam maa kiiwa phanshi ra chum raüta phaqsiq raüla, apaiq raq adü wa khu akhea ka kham maq ahechang. Shatmaq apaiq khum ka raji na saüli ashe miraq. Kiimaq jurwa ngam maa pitlaq kriiti raq adü wa khea ka kham maq heraatlo. Shatmaq apaiq khum ka raji na saüli ashe miraq.

LEWI 14:46

Kra jam ka kilü shaq baiq je bala maiq weshi ra kra jam mong na nyap wa raüla, kriiwe ka raji na saüli ashe miraq.

LEWI 15:5

Maiq ashi ra raq apaiq changdü na tiithan raümin,

LEWI 22:6

Ramwebi juwa ashe ma jaki tlaq, apaiq ka raji na saüli ashe miraq. Kiimaq kra jai miimin apaiq raq ajü mihe shaq wiiwii, asii honglu thun ka phaqsea maimak.

WEAWEA 19:10

Maiq ümriiti riiwa kra wabun kra riichomtaq kriiwe raq apaiq dü wa khea samtlaq thun kra kham maq hechang. Kiimaq apaiq ka raji na saüli akhum ka apii ashe miraq. Ara thungtri arka pattup pat-sa miitu. Israilnok miitu kiimaq pong mungti wanshawe Israilnok rai siti miitu min.

WEAWEA 19:19

Kriimaq ranaiqtsam ngoja niishe kiimaq ramiishi she ngoja na, maiq akhum apii riimak asii sitiwe raq, akhum apii ashe sitiwe khum na phumram kham maq bat chang. Kiimaq ramiishi ngoja na, apaiq raq arewe jurwa akhu akhea thun nai akhum na kham maq ranap rashe dong na tiinyuk raüta, akhum tiisii wantaq we kra khum ka tiisii heke wan chang.

WEAWEA 19:21

Namshiq raq ara thungtri ka pattup pat-sa lang wan ratlo. Jurwa arewe khum na phumram kham maq bat kuqtlaq, kriiwe riimin, apaiq düwa akhu akhea thun kra kham maq heraatlo. Kiimaq jurwa kra kham ka ajaq maq shamtlaq, kriiwe kiimin raji na saüli apaiq khum ka ashe apii misi.

WEAWEA 19:22

Akhum ashe we raq jamlai phan hupsam wa ajaq ma shamtlaq, kriithun ka ashe apii she miraq. Kiimaq kriithun hupsam ka maiq jurwa ajaq maq than shamtlaq kriiwe kiimin raji na saüli ashe miraq.

WEAWEA 19:8

Kiimaq minsaü kaü ka wa na chaqtiwe riimin apaiq khum wa khu akhea thun kriika kham maq hechang. Raüta adü na kham maq tiinyuk chang. Shatmaq apaiq kiimin raji na saüli, akhum ka ashe miraq.

Hebrews 13:11

Jehudinok thaq na, Ajong Pinthum Ramwe sitlaq kra riika, nyamse honglu na ataa tiijai kra sham raüta, mungmaiqse ngarai tiikhoi miitu, Asii Thaq Asii Khok kiijaq, rawiitek kuq tlo. Shatmaq, honglu na akuq nyamse maa thun kriika, maiqhiq shong chii phai na chaq baiq ki tlo.