WEAWEA 19:9 - ASII LAKDAP Bible (BSI)

⁹ Kra lot jai she maiq weshi akhum asii pii mak we riishe kra minsaü kaü achaq wabun kriishe mirchom. Raüta piitiip phai hiq ba ashi asii pii mak ba na phong chang. Raütiishe kriika Israilnok raq lang miitu kiijiili she phong chang. Israilnok raq kiiwa wabun kra lamki raüta kham rai shot chang. Raüta kra kham kriimaq apii phan hupsam kra tiisii bat chang. Ara apii chang phan tiisii he wantlaq arka ngarai tiisii miitu klotlo.

Hawa Naga Bible 2001

⁹ Kvruex yimaq nawk palx htungx maq vsawc jix waz rueq manx labuenx kuex tvjomx kaz vtueq jerak phic kox nuex httax yaq nawk palx htungx maq vsawc baung nuex tvy rax. Israel miqsaz kuex nawk palx htungx maq sawc muq kuex tvsawc muex yuix tvshot tvhungx ruiux yuq, labuenx kvruex laung rax. Htungx vruex kuex mvrax sawc tvkoc shuimc kay rvtueq.

WEAWEA 19:9 Referencias Cruzadas

LEWI 15:20

Kiimaq kriinyung ka akheasam bala jamlai phan thaq no ngatlaq lo kontlaq kra hupsam ka ashe miraq.

JEKERIA 13:1

Tati Ningkun Ajong Pinthumwe raq ngutlo, “Kra akhing saü wan raüla, hiqtang maq jütangkham miphok. Kra kham raq Dawit saüse phan nai Jerusalem na siti raq ngarai nai ashe sumla noq wantaq kriiwa mitiisii heakuq wan.

WEAWEA 19:13

Jurwa maiq maa ka jaq maq shamtlaq raüta akhum ashe pii tiishimak riitlaq, kriiwe ka apii asheli riishatshat miraq. Jamkhano ngukla akhum na phum ram kham maq bat mak dea. Kra ningkhan apaiq raq Tatiwe Tombutiip ka tiishetlo. Krai mren apaiq ka Tatiwe sengi nguta wea dam mak she miraq.

WEAWEA 19:17

Apii ashe kra tiisii ma, minsaü ashii kaü ngarai tiisii miitu wa na achaq wabun kra tsoq chang. Raüta hamlii tak na thiichang. Raüta kriithaq na kham anye thiichang.

WEAWEA 19:18

Apha na maiq ju khum wa asii apii ahü kriiti raq hissop pekii nyamse kra toqkai chang. Raüta kra pekii nyam ka kham na tsam chang. Raüta tombutiip ka kham maq bat chang. Kiimaq tiip mong na phanrap hupsam thun sitlaq kra wiita phumram kham maq bat chang. Kiimaq tiip mong na maiq ümchuwa asi kriithun kunli dü na phumram kham maq bat chang. Kiimaq bomtsi anai ngoja na, maiq ümriiti khumwa pii mak asii sitiwe raq kra maiq rii shamtiwe riimakla, maiq maa na ajaq maq shamtiwe, riimakla maiq maakho na ajaq maq shamtiwe khum na phum ram kham maq bat chang.

WEAWEA 19:3

Kiimaq tsangnai raq kra kaü ka ramwe Eleajar jaq na mikuq. Raüta kra minkaü ka piitiip phai niishe hitho chang. Raüta apaiq man na kra kaü ka ataa chang.

WEAWEA 19:8

Kiimaq minsaü kaü ka wa na chaqtiwe riimin apaiq khum wa khu akhea thun kriika kham maq hechang. Raüta adü na kham maq tiinyuk chang. Shatmaq apaiq kiimin raji na saüli, akhum ka ashe miraq.

WEAWEA 6:12

Kiimaq apaiq akhing ka Tatiwe ma thongshi ri hali Najiraiq phan ma jawan miitu kiinong kewan nong ratlo. Kongkhu lak na apaiq khum kiinong kuq wantaq kra akhing lea wantaq kriika wea mak she miraq. Jamkhano ngukla akhu asii athü wan kriika atiishe shi riiwanto. Kriikha na apaiq raq thongshiri athamke honglu arawii wiishi skuse ka ke wan chang.

WEAWEA 8:7

Arka akha tiisiilaq: tsangshiq khum na phumram kham maq bat laüta tiisiilaq. Kiimaq tsangshiq ma tsang khum tlotli wa abin ka asi riibaiq ronglaq kiimaq tsangshiq khu akhea thun ka kham maq he ronglaq nguta chonglaq. Kra raüla tsangshiq ka apii chang ahü asii she miraq.

WEAWEA 9:13

Shatmaq juwa akhum ka asii taü maq kiimaq apaiq ka wanhiq khum lam na riimak, shatmaq apaiq raq Tiichhiiwan Poi ka lang mak raüla, kriiwe ka isengi nguta wea dam maimak she. Jamkhano ngukla apaiq raq kra akhing ranaiq na Ngi ma honglu kuqwa mak riito. Apaiq raq ngarai tangtaq kra miitu apaiq ka chamchao raa dongdii she.

2 Corinthians 5:21

Khristo raq ngarai ka tangmak dea. Shatmaq Shiikeawe raq nashiq miitu, apaiq ka ngarai kaq ma tiija wanto. Kriikha maq, ümchaü nashiq ka, Khristo puk na nyap wankai krai mren, nashiq ka Shiikeawe raq kechu maiqsetiim miishe tiija wanto.

2 Corinthians 7:1

Lungwii phunainotiim lei, Shiikeawe raq ara chongtiikai thun kiqkham raüpot arka nashiq ma akhakuq siisaq. Riita ara ningkhan, nashiq raq nashiq khum nai nashiq tsaiji tiishe chang phan jamlai wa sitlaq, kriika wiita runbaiq rong i. Shiikeawe ma haisong tsantsii nai shreng manto thüshat maq, nashiq rilung arka apaiq ma apkuq laita, asii arai rilung si rong i.

Hebrews 7:26

Riita, arningkhan, Jesuq ka nashiq miitu, Ramwe Ajong Pinthum we miishe thüto. Kiimaq, nashiq ma jamlai phan wa raa tlaq kra, apaiq raq wiita liikuq tlo. Apaiq ka Shiikeawe tiichochiti we. Apaiq khum na ashut aphit nguta jam min ahü, siirairai. Kiimaq, akhum na jamlai ngarai min ahü. Shiikeawe raq apaiq ka ngarai maiqse phong mong wa, pong na raithü wanto. Raüta ratsan ramong nyang na, tsaühea niishe tiinga wanto.

Hebrews 9:13

Riita, ija, Shiikeawe tri jinti ka Shiikeawe rai sham riichhi lot mak she, apii tiishang kitlo. Kriiti mra shiikhoi baiq miitu ka, chhechhi ataa tiijai, kiimaq minsaü pongsetiim ataa tiijai, kiimaq minsaü saüpongse ta raüta, wa na honglu na achaq wan, kra berongwacha wa, wabun kra lam raüta, kra wabun maq tsangshiq khum na bat tlo. Ara bat jai shetiq, tsangshiq khum ka Thungtri maq apii ashe ashi sitlaq kriika, tiishi kuq kai she nguta, tsangshiq ka Shiikeawe shomnoq wan, jolitiip mong na, nokwe rai she lom wan dam tlo.