WEAWEA 18:8 - ASII LAKDAP Bible (BSI)

⁸ Tatiwe raq Aron ma nguto, “Tsan na tiitsanglaq, Ngi ma kuqtlaq honglu thun wa na chaq chang riimak tlotli akhek jaqmiiq thun kriika, Ngi raq ümniimiishe kuqtiikang. Ngi kriithun ka ümniima nai ümsaü ümsetiim rii pattup pat-sa miitu saqseng athiiq ikha kuqtiikang.

Hawa Naga Bible 2001

⁸ Yehowa rueq Arun muex ngoc, “Wvr maq jauk shomc nawk kuy juing phvnx rvmuq maq, yauk noalc htep shomc kuy juing phvnx htenc kuex msaz nuimhez muex ngaz rueq kuq phaungx, vruex mvnjuz kuex mnoz nuiyc msaz msuiuz hez muex kuq phaungx.

WEAWEA 18:8 Referencias Cruzadas

2 HOKHVMX 12:16

Kiimaq atham jangke honglu akuq wan nai ngarai honglu akuq wan thun kriika tek mong na thü wan mak. Kriithun ka ramwebi rii.

2 KAÜWA WERAÜ 31:4

Arthaq niimin, hokhamwe raq Jerusalemti ma ramwebi nai Lewinok rii honglu kechang thun kra kuqho rong laq nguta chong kuqto. Kra kuqho raütiq ramwebi nai Lewinok raq Tatiwe Thungtri na chongtlaq kra phan phan tsangshiq raq jaqsham ka tsapkapkap maq tsantsii kuq raüta misham lot.

2 KAÜWA WERAÜ 31:5

Kra aming kuqtaq krai mren, Israilnok raq ahea pinthum kongphiq thun ka kuq wanto. Ahea pinthum piiwong kham ra, che, olip tai, ngiq ngu, kiimaq tsangshiq jaq na phanrap sitlaq kiiwa aroq khu wa honglu thun kra kuqto.

DUNGWVNC 28:43

Aron nai asetiim raq wranaiqshe arthun rohun ara sam raütiitiq, tsangshiq ka Ngi asi tombutiip na wachang riimakla Asii Khok na berong-wacha na honglu kewa ramwe jaqsham wa chang. Kra raütiq tsangshiq sham ka tiichhi wa kha na tsangshiq ka tsatbaiq mak miraq. Arka pattup thungtri raütu, Aron nai asaü asetiim raq lang chang.

DUNGWVNC 29:21

Kiimaq berong-wacha kiiwa tiijai wiijam ka lamlaq. Kiimaq ram ram chang tel kiiwa wiijam lamlaq. Laüta kriimaq Aron nai apaiq khea thun kiijaq kiimaq asetiim dü na kiimaq tsangshiq khea thun kiijaq bat kuqlaq. Kiimaq, apaiq, nai asetiim ka kiimaq tsangshiq khea thun kriika ngi ma akiinongke kun asii she miraq.

DUNGWVNC 29:28

Kiimaq ümtiikiiwa isenginok raq rintii-honglu kuqtlaqtek na, ara awühokpe ngam nai akhuk ngam arka ramwe rii ngamrea pong na raithü raa nguta Ngi raq pattup pat-sa klaimak phan tri miishe shatthü tiikang.

DUNGWVNC 29:29

“Kiimaq Aron raq samtlaq ramwe rohun thun kriika apaiq tsaikai jai na asetiim miishe kiinongke chang. Raüta tsangshiq ka ramwe ma shong jai na ara tiisamke chang.

DUNGWVNC 40:13

Laüta Aron ma ramwe rohun thun kra tiisam kuqlaq. Laüta akhum na asii tel ma nyat laüta ramkuqlaq. Akha klo laüta apaiq ka kiinong kuqlaq. Kra raüla apaiq raq iramwe jaq sham raüta Ngi mishkumpan milot.

DUNGWVNC 40:15

Kra laüta tsangshiq ka awe jamkho asii ramkham tel ma nyat laüta kiinong kuqlaü kiikhiisii, tsangshiq kiimin ramkham tel maq nyat laüta kiinong kuqlaq. Kra riihaüla tsangshiq ka ramwebi ja raüta Ngi shiikumpan jaqsham milot. Ara ramkham tel maq nyattlaü ariiraq tsangshiq ka pattup pat-sa ramwebi ma mitiija wan.”

ISAIA 10:27

Kra akhing she saüwa raüla, Ngi raq namshiq ka Asiria mungti kharii mong wa mitiidong baiqha. Raüla namshiq ka wase she mijahan kiimaq tsangshiq kharii ka namshiq raq homan she mirhan.”

LEWI 21:10

“Ramwe Ajong Pinthumwe khum niika ram ram chang tel maq apaiq khupo na anyuk kun she. Kiimaq apaiq ka ramwe rohun kra sam miitu pongna asii araibaiqkun she. Kra ningkhan apaiq raq maaho majü shiri tiichhi ma akhu ka thaihü maq thü maimak. Riimakla maaho tiichhi nguta adü na asam khu akhea kra chaibaiq maimak.

LEWI 23:20

Ramwe raq kra winsii ka sku pongse nai krai adam na Tatiwe ma akhek atiitsang kongphiq ramwebi miitu mikuq. Arthun honglu arka asii.

LEWI 6:16

Kiiwa chantlaq abung ka ramwebi raq miphaq siq. Kriika winsii ma pi maq shohü maq kochang. Raüta asii khok Tombutiip Tatiwe asi rinkea kiimaq phaq chang. Arka Tatiwe ramwebi rii she nguta phaqsea-honglu akuq kiiwa phea kuqtlo. Arka asii pinthum, ngarai-honglu nai thiitham-honglu thun kuqtlaq kiikha.

LEWI 6:18

Arka maiqpat ümchuwa saü wantlaq, kiijaq Aron saüse phan maiqwere thun raq Tatiwe ma akuq wa tsangshiq rii she apheakuq nguta phaqsiq wan ruq riichang. Maiq ahinti ashi ra raq ara phaqsea-honglu ara jaq miila sham raüla arjaq asii ningkun asi kriiraq kriiti ka mishthenbaiq.

LEWI 6:20

Arka Aron phan wa ramwe ma shong wan tri raütu. Apaiq ka ramwe ma shong wantlaq ranaiq na, apaiq raq Tatiwe ma bunwong win kilogram shi honglu na kechang. (Arka ratili na ranaiqtek wong-honglu kuqtlaq kiichu). Khoko ka ranap na kiimaq khoko ka raji na kechang.

LEWI 6:26

Ara nyamse ka honglu na taketiwe ramwe raq ara ngam ka asii ba, Tatiwe asi Tombutiip rinkea maq phaq chang.

LEWI 7:14

Apaiq raq ara chongkai winsii phan phan kriiwa manshishi lam raüta Tatiwe ma akhek atiitsang jaqmiiq ma mang raüta kechang. Ara honglu thun arka kiijaq ramwe jaqshamti jurwa ngam tiijai ka berong-wacha na wantlaq kriiwe riishe.

LEWI 7:28

Tatiwe raq Mosheq ma arthun thungtri kuqto.

LEWI 7:6

Ara ngam ka ramwe jamti maiqwere raq phaq dam mimai. Shatmaq arka asii hiq ba kriimiili phaq chang. Jamkhano ngukla arka asii pinthum.

LEWI 8:30

Mosheq raq ram ram chang tel kiiwa wiijam lamto. Kiimaq ngam tiijai berong-wacha kiiwa wiijam lamto. Raüta Aron nai asetiim dü na kiimaq tsangshiq dü na miirii samtlaq kiijaq batto. Akha klo raüta apaiq raq tsangshiq ka kiimaq tsangshiq miirii thun ka Tatiwe ma ngamrea ikha kiinong kuqto.

WEAWEA 18:9

Asii pinthum honglu kuqtlaq thun wa, berong-wacha na wa na chaq mak honglu thun kriiwa, arthun arka ümniiriishe miraq: wong-honglu thun kra, ngarai-honglu thun kra, kiimaq thiitham honglu thun kra. Ngi ma ümchuwa ram tiibok honglu akuq thun kriika ümniirii nai ümsetiim rii she.

WEAWEA 5:9

Kiimaq Israilnok raq akhek atiitsang kongphiq Tatiwe ma kuqtlaq thun kriika, tsangshiq raq ümriiti ramwe jaq niiwa kra kongphiq ka kuqtlaq kriiwe riishe miraq.

1 Corinthians 9:13

Namshiq wiitarü raq asap han, jurwa Shomjam na jaqsham tlaq, kriiti riika Shomjam wa phaqsiq tlo. Kiimaq jurwa aluchiim na alu ta kuq tlaq, kriiti riika Shomjam wa honglu kra phaqsiq tlo.

TRI CHONGKE 12:11

Tatiwe raq apaiq shomnoq chang hiq ka bashi tiitsang dada she mitsea. Raüta mithü wan. Kra hiqba kiijiili apaiq ka namshiq raq shomnoq chang. Kiimaq ngi raq namshiq ma aming kuq kang kra phan phan, wiita namshiq raq lam wan lanta, kiijaq apaiq ma kewa ratlo: Namshiq raq wa na chaqtlii chang honglu kuqtlan kra kiimaq laihin honglu kuqtlan thun kra, namshiq raq aroq khu wa honglu kuqtlan thun kra, kiimaq namshiq raq Tatiwe ma akhek atiitsang kongphiq mikuqha nguta kiqkham kuqlan thun kra mikuq wan han.

TRI CHONGKE 12:6

Kriiba kiijaq namshiq raq wa na chaq chang honglu takuq tlan thun kra mikuq han, kiimaq namshiq raq ahin honglu kuqtlan thun kra, namshiq raq aroq khuwa kuqtlan honglu thun kra, kiimaq namshiq raq honglu thun kuqtlan kra, kiimaq namshiq raq Tatiwe ma mikuqha nguta kongphiq akha han thun kra, kiimaq namshiq tsantsii maq honglu kuqtlan thun kra, kiimaq nashiq nyamse minsaü nai skukong raq chhikhu anyung chhikhu-honglu kuqtlan thun kra hiq bashi niili kewan chang.

TRI CHONGKE 18:1

Mosheq raq Israilnok ma nguto, “Lewi phan ramwe jati riika Israilnok mung na tachong hiq shong rahai ka lap mak miraq. Tsangshiq ka Tatiwe ma honglu thun nai nyamse thun honglu na takuqtlaq kra phaqsiq raüta sichang.

TRI CHONGKE 26:13

Tatiwe ma akha ngulaq, ‘Asii honglu kechang thun ka ümchaü ijam na ahü she. Ngi raq Lewinok ma, pong mungti wanshawe thun ma, jechisetiim ma, kiimaq manti-nyungre ma wiita kuq baiq kang she, ümniiraq ngi ma aming kuq laü kra phan phan. Ümniiraq aroq khu wa hongluke miitu aming akuq haü thun irka, ngi raq tlea mang, riimakla laq thaq mang.

Hebrews 1:9

Ümniiriika tingting jaqsham kli lungwii tlaü, Abi jaqsham ka asaisi riitlaü. Arkha miitiina, ngi Üm Shiikeawe raq, ümniika shong wan kang. Kiimaq, ümniima ümkongti tiim tarü thaq na, chochi ajong pinthum shreng lap wan miitu, shong wan kang.”

1 John 2:20

Shatmaq namshiq riiwe kla, Khristo raq Wenyi ramkham kok maq ram raüta, namshiq jaq ka akhaqke wishe. Kiimaq Asii Wenyi raq namkhum na, Asii phumram kham maq abat wishe. Krai mren, namshiq raq tengteng bomtsi ka sap lan she.

1 John 2:27

Riita ümchaü kla, namshiq raq jamlai chapa chang min ahü she. Khristo raq apaiq Wenyi ka namshiq khum na araüke wishe. Asii Wenyi ka namshiq khum na sishat sitlaq wiiwii, maiqse raq namshiq ma shrinke rea ngo min rarai mak she. Apaiq Wenyi raq namshiq ma phanrap hon atsii ka kunkun she chongkuq tlo. Kiimaq apaiq raq namshiq ma jamlai wa shrinkuq tlaq kriika tengteng. Ajiq ka tlang kuq mak phan. Krai mren, Asii Wenyi raq namshiq ma jamlai wa chongkuq tlaq, kra lang lanta sirong laq. Lanta Khristo rai pumshi hanshi maq tiipum lanta sironglaq.