WEAWEA 18:9 - ASII LAKDAP Bible (BSI)

⁹ Asii pinthum honglu kuqtlaq thun wa, berong-wacha na wa na chaq mak honglu thun kriiwa, arthun arka ümniiriishe miraq: wong-honglu thun kra, ngarai-honglu thun kra, kiimaq thiitham honglu thun kra. Ngi ma ümchuwa ram tiibok honglu akuq thun kriika ümniirii nai ümsetiim rii she.

Hawa Naga Bible 2001

⁹ Shomrawx htauk nuex wvr maq jauk muq vsawc pinhtumc shomc kuy juing ngoz yaq: vruiy vwungx maq shomc kuq yaq, mvrax kvdawc shomc kuq yaq nuiyc murx kvdawc shomc kuq yaq htenc kuex mnoz rueq lvp shuiux. Ngvy tvkoc ngoz tueq vlekuq vsawc shomc kuq yaq yauk noalc phvnx htenc kuex msaz nuimhez rueq lvp juing rvtueq.

WEAWEA 18:9 Referencias Cruzadas

2 HOKHVMX 12:17

Kra bala Siria mung Hokhamwe Hajael raq Gath chela ka longkito. Raüta kra chela ka jiito. Kra lot jai she apaiq raq Jerusalem kra long wala nguta tanto.

NEHEMIA 10:36

Kiimaq, nashiq raq, nase chhikhuse hum wan tiikai kra, Thungtri na chong tlaq kra phanphan, Shomjam na boqho laita, ramwebi phana boqho lili mirii rong i. Laita, Shiikeawe ma kiinong kuq wan lili mirii rong i. Kiimahali, nashiq jam na jam nyamse sitlaq kiiwa, minsaü kaütiim raq ase chhikhu nyungtlaq kra lo, sku kaü raq ase chhikhuse nyung tlaq kra lo, kiimaq chhechhi kaü raq ase chhikhuse nyungtlaq kra, Shiikeawe ma kiinong kuq wan lili mirii rong i.

EJEKIEL 42:13

Kra maiqwe raq ngi ma nguto, “Ara jam wiinai arka asii. Ara jam wiinai arjaq Tatiwe man na chap wati, ramwebi raq asii pinthum honglu thun kra phaqsiq tlo. Ara khok thun arka asii, kha maq ramwebi raq asii pinthum ngam rea thun ka arjaq thütlo: rai awong honglu thun nai ngarai miitu honglu ngam thun kra, riimakla thiitham honglu akuq thun kra thütlo.

EJEKIEL 44:29

Rai nai wong honglu thun, ngarai honglu thun kiimaq thiitham honglu thun kra tsangshiq ramwebi rii tü adung. Kiimaq tsangshiq raq Israil mung na Ngi rii pong na rai raüta thütlaq kriithun ka tsangshiq raq tao chang.

LEWI 10:17

“Riita namnai kra ngarai-honglu ngam ka asii siqlaitap maq phaq man jamto? Arka pinthum asii ngamrea. Kiimaq Tatiwe raq mungmaiqse ngarai kra tiisii wan miitu namshiq ma a kuqto.

LEWI 14:13

Raüta apaiq raq kra sku pongse ka asii ba ngarai-honglu nai chaqtlii-honglu tachang ba kiijaq mitaa. Apaiq raq arka klo raa dongdii. Jamkhano ngukla thiitham-honglu ka ngarai-honglu ka ramwe rii kiimaq arka pinthum asii.

LEWI 2:10

Kriiwa abung tiichongtlaq honglu thun kriika ramwebi riishe. Arka asii pinthum. Jamkhano ngukla phaq sea honglu Tatiwe ma akuq wan krii bungshe.

LEWI 22:11

Shatmaq ramwe dise, apaiq kampho maq ari araq riimakla, apaiq jam na rawü achhi jiika ramwe rii phaqsea laptlaq kra phaq sea mimai.

LEWI 22:7

Rashe nyap jai shetiq apaiq ka asii miraq. Krai mren apaiq raq asii honglu thun, apaiq rii phaqsea sitlaq kra phaq sea mimai.

LEWI 4:22

Kiimaq mungtuwe raq hemak lam maq ngarai tangtaq, raüta Tatiwe aming thun kiiwa aming ashi jin raüta shuttaq jiika,

LEWI 4:27

Kiimahali nokmaiqse phong wa maiq weshi ra raq sapmak lam maq, ngarai tangtaq, raüta Tatiwe aming thun kiiwa aming ashi jin raüta shuttaq jiika,

LEWI 5:1

Arthun ngarai klo raüla ngarai honglu kechang miraq. Maiq weshi ra ka rung na hakhi kewa miitu tiihea raüjaq, apaiq raq jamlai wa chhitaq kra chong mak, riimakla ani maq taitaq kra hakhi kuq mak raüla, kra kha miitu apaiq ka chamchao raa dongdii.

LEWI 5:6

Kiimaq apaiq ngarai kra tham miitu apaiq raq Tatiwe ma sku kaü ashi, riimakla chhechhi kaü ka honglu na kewan ratlo. Raüta kriiwe ngarai miitu ramwe raq nyamse ka honglu na mitaa.

LEWI 6:19

Tatiwe raq Mosheq ma arthun thungtri raütu kuqto.

LEWI 6:30

Shatmaq arwa phanshi rase jiimin ngam tiijai ka Tombutiip mong niila lam wan raüla, raüta ngarai tiisii wan honglu niila kuq raüla, kra ngam ka aphaq maimak she. Kriika wa na chaq baiq raa dongdii.

LEWI 7:1

Thiitham-honglu ke thungtri ka arthun ara. Arka pinthum asii.

LEWI 7:6

Ara ngam ka ramwe jamti maiqwere raq phaq dam mimai. Shatmaq arka asii hiq ba kriimiili phaq chang. Jamkhano ngukla arka asii pinthum.

LEWI 7:7

Ara ngarai-honglu nai thiitham-honglu khuthaq na tri raü ashi sitlo. Kriika ara anai wiita miitu langtlo: kra ngam ka honglu taketi ramwe rii sii.

WEAWEA 18:10

Ümniiraq arthun ka asii silaitap maq phaqsea chang. Kiimaq maiqwere riili phaqsea chang. Arthun arka asii nguta kai shreng laq.

TRI CHONGKE 18:1

Mosheq raq Israilnok ma nguto, “Lewi phan ramwe jati riika Israilnok mung na tachong hiq shong rahai ka lap mak miraq. Tsangshiq ka Tatiwe ma honglu thun nai nyamse thun honglu na takuqtlaq kra phaqsiq raüta sichang.