WEAWEA 18:7 - ASII LAKDAP Bible (BSI)

⁷ Shatmaq Asii Pinthum Khok nai berong-wacha na ramwe jaqsham chang ümchuwa sitlaq kriika ümnaq nai ümsetiim raq lam lam riili sham ratlo. Arthun jaqsham arka ümnaq arang. Jamkhano ngukla Ngi raq ramwe jaqsham kongphiq ka ümnaq miili kuqkang. Krai mren, maiq juwa arthun jaqsham miitu shong wan mak dea, kriiti weshi ra ka arthun asii hupsam thun artho niila wa raüla, apaiq ka atsea mirbaiq.”

Hawa Naga Bible 2001

⁷ Yuq muinz msaz nuimhez rueq dvyx shomrawx nuiyc Vsawc Baung nuex seng vtueq shomc waz rueq gurc pic juing htenc kuex shuimc kay rax. Nuimhez rueq shuimc juing shomc waz yauk shuimc kuex yauk noalc ikhoc lekuq shec phaungx ningkhvnc nuex kvruex kuex mnoz rueq gurc pic juing rvtueq. Kvkhoc rvtueq vsawc baung nuex kvnvp kay jix seng muq miqsaz ukhaq yuq muinz vthueyc rvhumc tuex,” ngoz tueq jungx tueq.

WEAWEA 18:7 Referencias Cruzadas

Tvtsvmc 115:10

Tati ma kamronglaq, namshiq Tati ramwebi raq. Apaiq raq namshiq khrumtlo, kiimaq namshiq tiiwongkuqtlo.

DUNGWVNC 28:1

Tatiwe raq Mosheq ma nguto, “Ümphu Aron nai asetiim Nadab, Abihu, Eleajar, kiimaq Ithamar thun ka tiihea kikiq. Laüta tsangshiq ka Israilnok phong wa pong na tsea laüta thülaq. Raüta tsangshiq ka ramwebi ma ja raüta Ngi mishkumpanlaq.

DUNGWVNC 29:9

Kiimaq khea shinket thun kra tsangshiq chhü na tiipa kuqlaq. Kiimaq khuphok thun ka tsangshiq khu na tiiphok paq kuqlaq. Akha Aron nai asetiim ka ümniiraq ramwe ma mishong haü. Tsangshiq nai tsangsaütiim raq Ngi shiikumpan miitu pattup pat-sa ramwebi jaq misham wan.

EJEKIEL 44:15

Tati Rakaü Hiqwe raq nguto, “Shatmaq Lewi phan wa Jadok saüse weraü wa ramwebi thun riika, Israilnok mungmaiqse abiti thun raq Ngi ka miimthü raüta sumla phra shomnoqkai kihotaq akhing niimin, tsangshiq ka iwokhong na siraüta tsapkapkap maq Ngi shomnoq wan Shomjam na jaqsham wanto. Arningkhan ümchaü, tsangshiq raq Ngi ka mishlilii kiimaq ikhaki na chap raüta, Ngi ma ngampü honglu nai tiijai honglu kra wa na michaq.

EJEKIEL 44:16

Tsangshiq kli she i Shomjam mong na nyap wa raüta, Ngi ma hongluke chang berong-wacha kiijaq jaq misham wan kiimaq shomjam na noqku kra milii wan.

EJEKIEL 44:8

Tsangshiq raq i Shomjam na asii tri maq jaqsham wan arang ka howan mak dea. Shatmaq tsangshiq raq sham chang kra pongmungti ma khoti tiisham wanto.

LEWI 16:2

Apaiq raq nguto, “Ümphu Aron ma chonglaq, apaiq ka akhing riikhaqli niitiq, kheachan khetuk jai na Asii Pinthum Khok kiijaq nyapwa ratlo. Jamkhano ngukla kiijaq Ngi ka Tongshong Tek pang chang thaq na phumda mong na kilata riihumki tiikang. Kiimaq apaiq raq ibom kla tlea raüla, apaiq ka atsea mirbaiq.

LEWI 7:35

Ara ngamrea ba thun ahata Tatiwe ma phaqsea honglu akuq kiiwa lam raüta Aron nai asetiim ka ramwebi ma shongtaq ranaiq akhing na tsangshiq rii nguta athiiq wan.

WEAWEA 1:51

Ümtiikiiwa namshiq ka lamjap piitiip kiiwa laüwan nong tlan, Lewi phan raq Tombutiip kra arun miraq. Raüta piitiip anye kiijaq hali tiip ka mihai wan nong. Juwa kra Tombutiip tho na wajiiq, kriiti ka tiitsailaq atsea baiq chang.

WEAWEA 16:40

Arka Aron saüse phan riimakti raq, juli jiimin berong-wacha tho na Tatiwe ma homseng honglu chaq wa maimak nguta, Israilnok miitu honlam bomchong ashi riito. Kriiti ka Kora nai asenginok khiimbaiqtaq kiikha wa raq apaiq kiimin mikhiimbaiq. Arthun jaqsham klo wantaq arka Tatiwe raq Mosheq lümaq aming kuqtaq kra phan phan Eleajar raq kloto.

WEAWEA 18:20

Tatiwe raq Aron ma nguto, “Ümniiraq Israil mung wa tachong hupsam hiqphu ka ümniirii ka phushi min chum kuqmak ahü miraq. Ngi, Tatiwe sitiikang arli ümnii rii ka. Ngi arli she ümniima hongli.”

WEAWEA 18:3

Tsangshiq raq ümnaq choke wan jaqsham sitlaq kra nai Tombutiip miitu tsangshiq raq jaqsham chang sitlaq kriika sham raa dongdii. Shatmaq tsangshiq ka Asii Khok na sitlaq asii hupsam thun ka tsangshiq jaq maq sham maimak. Riimakla berong-wacha ka jaq ma shamwa maimak. Tsangshiq raq krii thun ka jaq miila sham raüla, tsangshiq nai ümniika khoshi na tsea baiq chang miraq.

WEAWEA 3:10

Ümniiraq Aron nai asetiim ka ramwe jaqsham miitu mishong haü. Maiq ahinti raq ramwe jaqsham kra shamlai nguta manhii raüla, kriiti ka tiidoq ra atsea baiq chang miraq.”

WEAWEA 3:38

Kiimaq Mosheq nai Aron nai asetiim riika Tombutiip khaki nü na shedong nü siim na tsangshiq piitiip ka tei wan chang riito. Tsangshiq ma jaqsham ka Asii Khok na Israilnok miitu jaqsham chang ümchuwa sitlaq kra liiwan chang riito. Maiq ahinti jurwa ara tsangshiq jaqsham kra sham lai nguta danjiiq, kriiti ka tiitsailaq atsea baiq chang riito.

Matthew 10:8

Lanta, atsiti thun ka chhintsii kuq wan rong laq; kiimaq atsai arkiti thun ka ama wa tiijang kuq wan ronglaq. Thupbi thati ashong ashai tsisiti thun kra tiihea kuq rong laq. Kiimaq tsak amii tha thun kra jobaiq ronglaq. Namshiq raq ara ningkun ara phe maq alap han, krai mren namshiq riimin nanok ma phe maq jaq ka shamkuqki rongkiq.

John 3:27

Kiijiishe, Johan raq tsangshiq bom ka treto, “Shiikeawe raq jamlai wa, apaiq rii she nguta, maiqse ma maiqmii kharü na phankuq wantaq, kriili apaiq rii miraq. Kiiwa chan raütiika, juwe riimin lap lot mak.

Ephesians 3:8

Ngi arka, Shiikeawe sengi maiqse phong na, wiitarü thaq na aran, nobung pinthum nguta si tiikang. Shatmaq, Shiikeawe raq ngi ma, ara thek tlaq jaqsham jonghea, Pongnok phan maiqse ma, Jesuq Khristo tsiiq anyam, rahea pinthum Tsütsa Ahea, kra chongke wan jaqsham ara, kuqto.

TRI CHONGKE 18:2

Israilnok maiq phan ahin raq lap tlaq kiikha tsangshiq raq tachong hupsam hiq ka thü maimak. Tsangshiq ma kiim jonghea pinthum ka Tatiwe raq kiq khamkuqtaq kra phan phan tsangshiq ma Tatiwe ramwebi jaqsham kuq wantaq kra.

Hebrews 5:4

Ju riimin ramwe ajong jaqsham ka maiqmii raq rit mak phan. Shiikeawe raq Aron ka jamkho shongtaq kiikhiisiitiq shong chang.

JOSHUA 18:7

Kiitiina, Lewi phan riika, namshiq rai hiqshong ka lap mak miraq. Jamkhano ngukla tsangshiq rii tachong hiqshong ka, tsangshiq raq Tatiwe ramwe jaq sham tlaq kriili she. Kiimahali Gad phan, Reuben phan, kiimaq shedong nü na siti Manase phan miitu hiqshong ka, Jordan rai maq shedong nü wang binjü wa achumke kun she. Tsangshiq ma Tatiwe jaqshise Mosheq raq chumkuqto she.”

1 Peter 5:2

Shiikeawe raq apaiq skuse kong namshiq ma trüm tlaq kra, chochikhiq maq shiikum pan lanta rüm ronglaq. Adam ajo lam miika naq rüm rongkiq. Shiikeawe raq tsangshiq ka jamkhii tiichhan chhi wan ro wa, kiikha tiichhan chhi ronglaq. Sku rüm jaqsham ka laqkhaq lap ma süram lanta naq rüm rongkiq. Shatmaq lungwii tsantsii maq skuse kong ka rüm ronglaq.

1 Peter 5:3

Nam wokhong na siti phungtuti ka aming khuthaq miika naq shiipuq rongkiq. Shatmaq namshiq maiqmii rilung jaqsham wan tlan kiimaq tiichhi kuq lanta rüm rong laq.

1 SAMUEL 2:28

Israilnok maiqphan tlotli sitlaq kra phong wa, ngi raq tsangta ka, iramwebi ma, berong-wacha na jaqsham ma, honglu homseng kra chaq ma, kiimaq asii miirii sam raüta, ngi rai bom riichong ma nguta shongkang. Kiimaq ngi raq tsangshiq ma berong-wacha na chaq chang ngam kiiwa tsangshiq rii ngamrea lamthü miitu arang kuqkang.