Titus 1:3 - ASII LAKDAP Bible (BSI)

³ kiimaq akhing riikhaqli na apaiq raq kra apaiq tsütsa bomtsi na tiichhikuqto. Riita ara Tsütsa ara chongke arang ka ngi ma kiinong kuqto. Kiimaq ngi raq ara bomtsi ka Shiikeawe nashiq Chhiitiwe aming maq chii riim lata chongkuq tiikang.

Hawa Naga Bible 2001

³ Kvkhoc vkhing rvkhauk kuq tueq nuex rullungx thuiuzthuic kuex bomjungc nuex tvkhic tvdung kuq phuex. Kvruex bomjungc kuex ngaz muex kuy ningkhvnc nuex naungshiq Palc daungc Taungjix rueq nvr tueq bomc rulc rv-ngvlc kvruex ngaz rueq jungphvnx vshaungx.

Muklom

³ Etho khakla rangham o piq aa iri raaq raa utung aa raaq tungkang o wungta. Hiqtang thaluntey Shkewa raaqkhat wang, iri tung aa raaq phanchan raa ngama kotta.

Titus 1:3 Referencias Cruzadas

ISAIA 12:2

Shiikeawe ka ngi chhiiti; Ngi ka apaiq ma mikamha kiimaq haisong mang. Tati raq ngi ma ningkun kuqtlo kiimaq rii tiihongtlo; apaiq ka ngi chhiiti.

ISAIA 45:15

Israilnok Shiikeawe, asenginok chhiiti, apaiq ka atiipaü raüta siti Shiikeawe.

ISAIA 45:21

Warong ra, lantea namshiq kha ka rung na shok wa rongkiq; kha phoketi liipan na bom mirwaisolaq. Rathup niiphü akha mihong wan nguta juro tiithaita? Kriika Ngi, Tatiwe, asenginok chhiitiwe raq tiithaito riimak shea? Arjaq tisho ahin ka ahü.

DANIEL 11:27

Raütiishe kra hokhamwenai ka adam na chamrii ashi na ngaraüta dung misiq. Shatmaq tsangnai tsan mong niika ka abi thüshat miraq. Krai mren, weshi raq weshi ma arot michong. Krai mren, tsangnai raq jamlai wa rittlaq kriika lapmak miraq. Jamkhano ngukla, kra akhing ka misaüshaqli.

DANIEL 8:23

“Kra mungtan thun ka then wan, akhing she saüwan raüla, tsangshiq ngarai ka ra ma hiq ma she miraq, tsangshiq raq mo ka hochang dongdii she miraq, kiimaq hokham weshi ka, atsan tsii wanshakshak, shotsan lumtsan, kiimaq laopha pinthum she midong wan.

DANIEL 9:24

“Shiikeawe raq, namshiqnok nai asii chela kra ngarai kharü mong wa nai ashut kharü mong wa tiichhiike wan miitu, rahiq jipi akhing ka, jang miishi maq rawii roqmiishi tiihong thüto. Ngarai ka midii kuq. Kiimaq pattup pat-sa miitu tingting kha miphokuq wan. Krai mren, riisham bomchong nai shammibi bomchong ka wiitashe mikupi wan. Kiimaq asii Shomjam kiimin jangshi ri hali Shiikeawe ma mikiinong kuq wan.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

Mark 1:15

“Akhing ahea saüto she. Shiikeawe mungtan ka aje niishe! Ümchaü sanha, namshiq ngarai lamphan kra baiqthü rongliishe. Lanta Tsütsa Ahea kiima kam wan ronglaq!”

Mark 13:10

Kiimaq, phangthum ranaiq kra misaü shaq na, Tsütsa Ahea arka mangjong maiqse wiita ma mitiitai kuq wan. Kra jai miishetiq phangthum ranaiq akhing kra misaü.

Mark 16:15

Apaiq raq tsangshiq ma aming ka akha kuqto, “Namshiq ka mangjong tlotli na kironglaq. Lanta, Tsütsa Ahea kra mangjong maiqse tlotli ma chongkuq kirongkiq.

Luke 1:47

I tsai i ji sanglili kai chochi, Shiikeawe ka ngi Chhiiti.

Acts 10:36

Shiikeawe raq Israilnok ma Jesuq Khristo lümaq hansang lam phan Tsütsa Ahea chong kuqtaq kriika, ümniiriimin asap haü she. Apaiq ka maiqse angu wiita ma Tatiwe.

Acts 17:26

Apaiq raq maiq ka weshi tiiq wanto she. Kiimaq kriiwe lai wiishetiq, maiqphan ka pahea tiipu wanto. Raüta ara mangjong hiq ara hamli niishe tiisi wanto. Tsangshiq ka ümriiba na shongnga chang wa kra, asi anga wan chang jamkhü wiirü thun kriimin, kongkhu miiphü thapthi wanje she tiihong raüta thü wanto.

Romans 15:19

Shiikeawe raq ngi lümaq awang chang nai amao chang jaqsham pahea sham wanto. Arthun awang chang nai amao chang jaqsham wantaq arka, Shiikeawe Asii Wenyi ningkun maq sham wanto. Ara trahoke wan jaqsham arka, ngi raq Jerusalem maq pha wan lata, Illirikam chela na saüli, hiqshi na tra hokuq wan wan maq, khum wan lata chongkuq wankang. Ngi raq Khristo Tsütsa Ahea kra arang chong maq tiichap wan lata, atsii na saüli, tiitho tiipha chongkuq wankang.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

Romans 16:26

Riita, ümchaü, shammibi raq waiqthütaq kra lümaq tengteng bomtsi ka wiitarü man na, linkuq wanto she. Kiimaq pattup pat-sa Shiikeawe aming maq, maiq mung thun wiita na tiitai kuq wanto she. Kriika tlotli mikam wanlaq nguta, kiimaq apaiq aming ka milang wan laq nguta kuqto.

Romans 5:6

Arka akha jamkhano chong tiikai ngukla, nashiq ka tsaija chhunja ngila ngu raü chamchao rai tiikai bala shon niili, Khristo ka Shiikeawe raq rahiq tiihongtaq akhing bala riikhaqli na, nashiq akhnok abi ngarai maiqse, ara khupi wan miitu tsaito.

1 Corinthians 9:17

Ngi raq ara minshiiq wan tiikang arka, i tsiitsii maq tlungwii lata ashamkuq ha ngu raü jiitiina, ngi raq amaq athii lap chang ngutiimin misi wa. Shatmaq ümchaü sanha, ngi raq Shiikeawe minshiiq tiikang arka, ngi ma holai akuq kha maq sham tiikang. Shiikeawe raq ngi ma ara minshiiq miitu arang kunli ake wanwi she.

Galatians 4:4

Shatmaq, riikhaqli akhing aten she saü wan kiita, Shiikeawe raq, apaiq ma Ase shaq kriishe tiikito. Apaiq ka mangjong han-ngam na, maiq nyung ashi wok na, maiqse ma pokito. Kiimaq Jehudinok Thungtri wokhong na si raüta, jonglu wanto.

Ephesians 1:10

Ara Shiikeawe raq sürii wanto kiimung jonghea jaqsham arka, akhing saüto she angu na, ra nai hiq phansang wantaq thun kunkun ka Khristo wokhong niishe mikiinong kuq wan. Khristo riishe phanrap ka mirüm wan.

Ephesians 2:17

Riita, ara chongtiikai krai mren, Khristo ka saükito. Raüta, apaiq raq Tsütsa Ahea, khusang maq siwan lamlu kra, maiqse angu tarü ma chongkuqto. Namshiq Pongnok phan maiqse, namshiq Shiikeawe pha wa luhea na sitlan phan miimin la, kiimaq Jehudinok phan, apaiq Shiikeawe tho na shongngati phan miimin la, ara chongkuqto she.

Philippians 1:13

Arkha maq, Roman hokham we jamkheti phenlanok nai maiq ahinti tarü raq, ngi ümchaü phaqtek na sitiikang arka, Khristo jaqshi ma jatiikang kriikha na dea, ngutiishe sap wanto.

Colossians 1:23

Krai mren ümchaü sanha, namshiq ka kamtsantsii tiipha chang Tsütsa Ahea bomtsi thaq na pharangrang maq jaq riiwiiq lanta sirong laq. Riita man na, namshiq raq Tsütsa Ahea tai wan lan akhing na, jamkhiiwa pharangrang maq kamwan lan, kriiwa akhiismin naq tiimeshi rongkiq maq sirong laq. Riita ngi Paul ka, ara Tsütsa Ahea, mangjong hiq wiita na chongkuq wantaq ara chongke miitu jaqshise miishe jawankang.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

1 Thessalonians 2:4

Kra rii na, Shiikeawe raq naishiq ma, jamkho chongkuq tlaq, kra phan phan, naishiq raq maiqse ma chongkuq tiikai. Ara jamkhano ngutiikai ngukla, Shiikeawe raq ara Tsütsa Ahea ara chongke miitu, naishiq ma tawun ka akhamke kun she. Naishiq riika, maiqse tsan tiihea miitu ka chong mai. Shatmaq, naishiq tiima tsantsii ajiq alam shinti, Shiikeawe tiichochi miituli, ara Tsütsa Ahea ara chongkuq tiikai.

1 Timothy 1:1

Ngi, Paul, Khristo Jesuq kiimwe ma nashiq Chhiiti Shiikeawe aming maq kiimaq nashiq ran tiikai Khristo Jesuq raq ashong we raq--

1 Timothy 1:11

Riita, ara chongtiikang tengteng tri raü tu arka, Tsütsa Ahea ara nangnga chongtlo. Ara Tsütsa Ahea raq maiqse ma phanchan kewan miitu arang ka, Shiikeawe raq ngi ma kuqto. Ara Tsütsa Ahea arka, achhai anyii, kiimaq ningkun jonghea, maiqse tiichhii wan chang ningkun tu riito. Kiimaq, arka shiiman bomtsi Shiikeawe nübok maq adong.

1 Timothy 2:3

Arka, Shiikeawe maklii na athuk atsom hon atsii. Arka nashiq Chhiiti Shiikeawe tiichochi chang jaqsham.

1 Timothy 4:10

Nashiq wiitarü, ara miitu pinthum hunnii tiikai. Kiimaq pinthum shiichaq laita minshiiq tiikai. Ara jamkhano chongtiikai ngukla, nashiq raq, nashiq ran tsantsii ka atra Shiikeawe jaqkhon mong na likuq kaishe. Apaiq ka maiqse angu wiitarü tiichhiiketi we, akhek ka apaiq ma kam tlaqti ka Tiichhiiketi we.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.

Titus 2:10

Kiimaq tsangshiq raq atijong wetiim khiiq ka khot raa mak. Tsangshiq ka phanrap jaqsham kaiwa na, maiqshaq ma jawan ra tlo. Kiimaq phanrap na, atsap akap maq jaqsham ra tlo. Tsangshiq ka akha maiqshaq ma jawan raüta, kiimaq tsangshiq raq ahea jaqsham tlaq kra lümaq, Shiikeawe, nashiq Chhiiti we khushü kra, tsangshiq raq phanrap jaqsham tlaq kra lümaq mitiijong wan.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Revelation 14:16

Krai mren, phumkhu thaq na ngati we raq aningshao maq mangjong hiq wa tsam manrü ka hanto.