Titus 1:2 - ASII LAKDAP Bible (BSI)

² Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hawa Naga Bible 2001

² Kvruex nawk palx htungx vlayx lvmx kuex pattup rullungx kuex tvluimc juing lvmx nuex vjungx tec shec tueq. Vrot vkaq vguez Tishox rueq mvnnuex pat vjat maq phuex pattup rullungx kuex naungshiq muex kuy tvkoc bomkhvmc taq shec tueq.

Muklom

² Eshi asing shey ning ma pattuk rollung tungmang kot aa. Shkewa, barey jin hut bat moq, hiqtang ma iri rollung raa rangham ang wey moq o rangtum ta.

Titus 1:2 Referencias Cruzadas

ISAIA 1:20

Shatmaq ümniiraq ikiq khiiruq la khiihaüla, ümniima atsai lam kli she misi. Arka Ngi Tati raq ngutiikang.”

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

Matthew 25:34

Kra tiingalot raütiishe, Hokham we raq apaiq ma jaqtsi nü na ngati maiqse kiima akhiishe mingu, ‘I We raq akap-hap wanti tiim le! Warong ra. Warong ra, i We raq rapha hiqwa miiphü namshiq miitu atiije kra apaiq wokhong na silanta, apaiq achu shiiman kriishe lap lanta sironglaq.

Matthew 25:46

Riita ümchaü sanha arthun arka pattup pat-sa thum mak miq mak chamchao wamungtan kiiniishe mitiidea baiq wan. Shatmaq, kechu maiqse thun arka pattup pat-sa rilung lap wan raütiishe misi wan.”

Mark 10:17

Kiimaq Jesuq nai ajaqshisetiim ka tiido wan raüta awa rai, lam niishe riito. Kiijaq maiq weshi ka tlat chhat ju raüta, Jesuq khaki na, kaütsrong na ngasaq raüta, “Ahea Shrinketi we, ngi raq pattup rilung lap miitu jamlai jaqsham chang wa miraq?” nguta apaiq ma waito.

Mark 10:30

ara mangjong hiq amiili, achu shiiman pahea milap. Apaiq raq aroq ashi maq pat raüta, ajam, aphu ano, ashea nyungtiim, anyungtiim, asetiim kiimaq wak thung jan dam pahea milap. Kiimaq achamchao thun min mirhum. Kiimaq mungtan saüho tlaq akhing na, apaiq raq pattup rilung milap wan.

John 10:28

Krai mren, ngi raq tsangshiq ma pattup pat-sa rilung kuq tiikang. Krai mren, tsangshiq ka tsai mak she miraq. Tsangshiq ka i wokhong wa jurmin khotwa lot mak she.

John 17:2

Ümniiraq apaiq ma maiqse angu wiita hupkhang wan miitu arang ka kuq laü she. Krai mren, ümniiraq apaiq ma sengi ümchuwa kuq laü, kriima apaiq raq pattup pat-sa rilung she mikuq.

John 17:24

“I We lei! Ümniiraq tsangshiq ka i sengi ma tiija wan laü she. Krai mren, ngi raq tsangshiq ka, ngi ümbano sitiikang, kiijaq ngi rai adam na tiisi wan dam rotiikang. Akha siwan hai jiitiq, ümniiraq i khushü tiijong kuq laü kra, tsangshiq raq michhi wan. Ara jamkhano chongtiikang ngukla, ara ra nai hiq armin mitiiq pha wan shaq niiphü dongdii, ümniiraq ngi ka lungwii wan laü ihata. Kriikha maq, i khushü tiijong kuq tlaü kata.

John 5:39

Namshiq raq Asii Bomtsi ka sidi phat siq tlan. Namshiq raq Asii Bomtsi phat tlan kriika, kiiwa namshiq raq pattup pat-sa rilung ka lap wan ma nguta phat tlan. Riita, ara Asii bomtsi riika, ngi arka juwa kra chongkuq tlo!

John 6:54

Jurwa i ngam phu ara phaq tlaq, kiimaq i tiijai ara nyang tlaq, kriiti riika pattup pat-sa rilung alap wan wishe ngushat. Kiimaq phangthum ranaiq na, ngi raq apaiq ka amaa wa atiidong mirwan ha.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.

Acts 15:18

Riita ija arka Tati apaiq bomchong. Arka rathup rapha niiphü achongthü.’

Romans 1:2

Ara Tsütsa Ahea arka, man na rapha hiq wa niiphü dongdii, Shiikeawe raq maiqse ma mikuq ha, nguta kiqkham kongphiq akha kewi she dongdii. Arka Shiikeawe apaiq raq, shammibi lümaq bom ka tiichongkuq thüto. Kra chong wantaq kiqkham bomtsi ka, Asii Bomtsi na aheawiq maq waiqthü raüta thü wantlo.

Romans 16:25

Shiikeawe khushü kli tiijong rong i! Apaiq raq namshiq ka kamasham na pharangrang maq mitiishong nga lot. Kriika ngi raq Jesuq Khristo bomtsi, Asii Tsütsa namshiq ma chongkuq tiikang kra phanphan miraq. Kiimaq aka rapha hiq wa niiphü, apaü raüta athü tengteng bomtsi riisham mak maq atiichhikuq kra phan miraq.

Romans 2:7

Maiq wiijamti riika, nok ma bin ma shamhea kaiwa, asap ada jaqsham kli shamkuq wan ruq sitlo. Kiimaq Shiikeawe jaq wa, asii khushü nai shreng manto kiimaq tsaiki mak phan tsitsü rilung kli rit wantlo. Tsangshiq miika, Shiikeawe raq pattup pat-sa rilung mikuq.

Romans 5:2

Apaiq raq nashiq ka, nashiq kamtsantsii maq, ara Shiikeawe kaphap mangchan wura khong niishe tiishang kuq wanto. Ümchaü nashiq ka apaiq wokhong mong niishe sitiikai. Krai mren, nashiq riimin Shiikeawe chhainyii rilung kiimin mirsha lap wan rong i she nguta, tiishom raa tiikai!

Romans 5:21

Riita, ija, ara chong tiikai arai mren, maiqse ka ngarai ningkun raq atsai kharü mong na shaq raüta, jamkho jamsha wantaq, kra jai tiijo she hali, Shiikeawe raq kaphap mangchan jonghea maq, maiqse ka, apaiq rai wehea miishe tiija wantlo. Raüta kechu maiqse she nguta, ajam na tiidii wantlo. Raüta, nashiq ma pattup pat-sa rilung tsitsü raü ka, nashiq Tati Jesuq Khristo pum lümiishe kuqtlo.

Romans 5:4

Ache miishe jawan tlaq kra riika Shiikeawe raq ahea dea nguta mishreng wan. Kiimaq apaiq riishe, ahea nguta thi wantaq miiphat ka, nashiq ma aran chang asi she.

Romans 6:23

Ara jamkhano chong tiikang ngukla, ngarai tang wanti riika, atsai lam humtlo. Shatmaq, Shiikeawe riika maiqse ma, nashiq Tati Khristo Jesuq lümaq phemaq, pattup pat-sa rilung kuqtlo.

Colossians 1:27

Shiikeawe raq kra apaü raüta athü wan ka, ümchaü sanha asengi ma, aphoq kechang she nguta akiq tiideato she. Riita ara achong lot mai rahea phan, achhai anyii tsiiqchong nyamchong rümtlaq arka, wiitarü miitu rümtlo. Riita ara chongtiikai apaü raüta athü bomtsi ka, Khristo ka namshiq khum niishe sitlo nguta chongtlo. Kra liichum ka, namshiq riimin Shiikeawe achhai anyii khushü jonglu kra milap wandam han she nguta ngo ahata.

1 Thessalonians 2:15

Tsangshiq ka Jesuq Khristo tsea baiqti. Kiimaq Shiikeawe shammibi thun kra tseabaiqti. Kiimaq tsangshiq riisü hali, naishiq thun armin ümtinkhan wa tiichamchaoto. Tsangshiq raq Shiikeawe maklii na abi pinthum klo tlo! Tsangshiq ka wiitarü ma wesang ralii sitlo!

1 Thessalonians 5:8

Shatmaq, nashiq ka rawü maiqsetiim. Krai mren, nashiq ka tsangrakrak maq siwan raa tlo. Nashiq raq Shiikeawe ma kamwantsii nai lungwiitsii thü tiikai ka, raihi kheathum khuk na phataq khesam laita, re na kai ma tiije tlaq, ikha khekham maq, si chang. Kiimaq Shiikeawe raq, nashiq ka mitiichhii kuq dongdii nguta, nashiq ran tsantsii rüm tiikai kriika, nashiq khupo na, khali khuphok aphok ikha, phok laita siwan raa tlo.

1 Timothy 6:12

Nashiq kamasham rilung lamphan arka, aju riilong ikha. Arkha maq, ara kamasham rilung ju riilong na, samhea shiikut laüta julili riilaq. Laüta, ümniiraq pattup pat-sa rilung tsitsü poksi kra lap wanli chang miitu, shiichaq wan ruq ju laq. Shiikeawe raq ümniima ara poksi ara mikuq ha nguta, ümniiraq nokwe man na, Shiikeawe ma kamwan laü akhing ranaiq na, kiq kham raüpot khakuqto she.

1 Timothy 6:19

Akha singa raü jiitiq tiina, tsangshiq raq rawiichii rilung na, thenki mak phan chaq nai sengtum kra milap. Raüta, pattup pat-sa rilung milap.

2 Timothy 1:1

Ngi, Paul, Khristo Jesuq kiimwe, Shiikeawe raq thapthi raüta ashong wan, raüta nashiq raq Khristo Jesuq rai tiipum laita lapkai rilung kra chiiriim raüta chongkekai miitu atiikiwe raq--

2 Timothy 1:9

Shiikeawe raq nashiq ka chhii wanto she. Raüta, nashiq ka asengi miishe hea wanto. Shiikeawe raq nashiq chhii wantaq, raüta hea wantaq arka, nashiq ka maiqshaq sitiikai nguta riimak. Kriika apaiq tiima na, nashiq miitu jamlai wa thimi wantaq, kiimaq apaiq raq nashiq ka mangchan tlaq, kriithaq na seng raütli, nashiq ka shea wanto. Apaiq raq ra nai hiq min miphansang wan shaq niiphü dongdii, Jesuq Khristo kaphap mangchan wokhong maq, nashiq ka lungwiito.

2 Timothy 2:10

Ara ningkhan tiina, ngi ka Shiikeawe raq maiqse angu phong wa, apaiq riishe nguta tsea wan tiiti thun kra miitu, phanrap phanrii litkot chamchao, haikaiq haike, shumraü kharü wiita nin lata, sitiikang. Arka, Jesuq Khristo lümaq kuq tlaq tiichhii wan rilung kra, milap wan laq nguta, raüta tsangshiq raq pattup pat-sa Shiikeawe khushü kra mitiijong laq nguta nin tiikang.

2 Timothy 2:13

Kiimaq nashiq raq, apaiq ka Tatiwe riimak nguta shishe hai jiimin, Apaiq ka Tatiwe li dongdii misi wan. Jamkhano ngukla, apaiq raq apaiq kiqkham ka, arot ma tiija baiq wan lot mak.”

2 Timothy 2:15

Shiikeawe raq ümniika maiqshaq jaqshise ashi dea nguta wea wan li chang miitu, tsapkapkap maq shra jaqsham kra sham laq. Shiikeawe tengman tlaq bomtsi ka khaqshkhaq maq, liichum kra tru chongkuq laq. Shiikeawe bomtsi chongke lam maq, ümniika akhiismin naq tiijeasi kiq.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

Titus 2:7

Phanrap na, ümniiriika ümbom ümnyiim na, ümjaq sham ümkai wa maq tiichhikuq laq. Ümniiraq nanok ma trahokuq tlaü na, tsapkapkapse maq, kiimaq atsi dada maq chongkuq laq.

Titus 3:7

Ara raükhokkhok kuqtaq arka, apaiq kaphap mangchan khoqramkii maq, nashiq ka kei raüta, Shiikeawe rai wehea she tiija wan raüta, apaiq wokhong na tiisi wan miitu kuqto. Krai mren, nashiq raq ranphan tiikai pattup pat-sa rilung kra milap wan laq nguta kuqto.

1 John 2:25

Kiimaq akha siti miika pattup pat-sa rilung mikuq ha nguta Khristo apaiq raq nashiq ma kiq khamkuqto.

1 John 5:20

Nashiq raq asap i, Shiikeawe Se ka kito. Raüta nashiq ma phaqchi kuqto. Krai mren, nashiq raq riikhaqli Shiikeawe ka saptiikai. Nashiq ka riikhaqli Shiikeawe rai pumshi hanshi maq sitiikai--Ase Jesuq Khristo rai pumshi hanshi maq sitiikai. Ahata riikhaqli Shiikeawe. Kiimaq ahata pattup pat-sa rilung.

Jude 1:21

Kiimaq, namshiq riika Shiikeawe mangchan wokhong mong na siwan ruq sirong laq. Lanta, khekham maq, pattup pat-sa rilung kongphiq kra, lap wan miitu sirong laq. Kriika Tati Jesuq Khristo raq, namshiq ma mikuq. Apaiq raq kra kaphap mangchan wokhong maq mikuq.

Revelation 13:8

Mangjong maiqse, ra takiq na siti kunli raq, ara jü mong maq adong ngamthaiq kaü arshe mishomnoq. Shatmaq tsatbaiqtaq Skuse jaq na sitlaq, maiq atrati mang waiq chang lakdam na, juju mang wa ra nai hiq ara miphan sang shaq niiphü dongdii awaiq wan wishe asi, kriiti thun riili she, ara jü mong maq adong wan ngamthaiq kaü ka shomnoq mak miraq.

Revelation 17:8

Kra ngamthaiq kaü ka man na atra riito. Shatmaq, ümchaü ka amaa she. Apaiq ka wulum mung wa saü wan nam nam she. Kra saüwa raüla, ngamkaü ka atsea she mirbaiq. Mangjong hiq na maiqse diim tlaq kiiwa, ümriiti mang wa atra lakdap na, ra nai hiq miphan sang wan shaq niiphü dongdii waiq thü hü, kriiti thun tarü raq, ara ngamthaiq kaü sham na lii raüta, kai awang mirwan. Kriika man na atra riito. Shatmaq, ümchaü ka atra riimak she. Shatmaq, ngamthaiq kaü ka thongshi ri hali atra misam wa nong.

1 SAMUEL 15:29

Israilnok rümti khushü ajong Shiikeawe raq arot chongmak. Kiimaq apaiq tiima tsantsii kiimin klaimak. Apaiq ka maiqse riimak. Apaiq hon atsii ka klai mak.”