Titus 1:4 - ASII LAKDAP Bible (BSI)

⁴ Ngi raq, Titas ma waiqtiikang, apaiq ka ngi ma kamasham na i se shaq. Ara kamasham arka nainai wiita ma taro hupsam. Shiikea Awe raq kiimaq nashiq Chhiiti Khristo Jesuq raq ümniika kaphap shat kiimaq hansang maq mithülaq.

Hawa Naga Bible 2001

⁴ Taungjix Yesu kuex naungshiq rulc rv-ngvlc kvmluimx lvmx nuex vdvmz dvyx isaz shauk rvtueq Titu kox nuex ngaz rueq vruex luik kuex wuiyq tvwvnc vphaungx. Naungwaz Tishox nuiyc naungshiq palc daungc jix waz Christu Yesu rueq mnoz muex kejux nuiyc nomic kuex mmenjenc kuq kv-phux.

Muklom

⁴ Iri likwit raa kam na isa may Titus rangma nga wit ang. Shkewa etho hiqtang thaluntey Khristo Jesu ching kowang nangma nungmay nia ráng manchan cham ang aa.

Titus 1:4 Referencias Cruzadas

Luke 2:11

Ümchaü rawa, Dawit chela na namshiq Chhiiti we, Tati Khristo chiito.

John 4:42

Kiimaq tsangshiq raq jechak nyung nangnga, “Naishiq raq ümchaü apaiq ma kam tiikai arka, ümniiraq naishiq ma chong laü kra jaq seng laita kamwan ka riimak she. Shatmaq, naishiq raq maiqmii mak maq chhi laitiishe, apaiq ka riikhaqli mangjong maiqse Chhiiti we dea nguta kamwan tiikai.”

Romans 1:12

Riita, bom chong tiikang arka, namshiq miimin liip, kiimaq ngi miimin liip miraq. Namshiq kamtsantsii ka, ngi lümaq mima wan. Kiimaq i kamtsantsii ka namshiq lümaq mima wan. Nashiq ka riithü riithü laita, adam maq jonglu wan chang ahata.

Romans 1:7

Riita, ara chongkuq tiikang arai mren, ngi raq namshiq tarü Rom na sitibi ma, ara lak ara waiq tiikang. Shiikeawe raq namshiq ka dang na lakshiipo alak ikha lungwii tlo. Raüta, namshiq ka apaiq raq asengi miitu riichom hea wanto she. Shiikeawe, Na we, kiimaq Tati Jesuq Khristo raq namshiq ka kaphap shat kiimaq hansang maq mithülaq.

2 Corinthians 12:18

Ngi raq Titas ka namshiq phana tiiwa kang. Apaiq rai kongti Phungmaiqse weshi tiiwadam kang ihata. Riita, namshiq riika, Titas raq namshiq khuthaq na lapphaq lusiq ikha, klo wanto ngutiisha tiima tlan? Nainai sham akai thun ümchuwa sham wan tiikai arka, tsantsii ashi miili sham tiikai riimak sha?

2 Corinthians 2:13

Shatmaq, naphuno we Titas ka kiijaq riihum mang kha maq, ngi ka pinthum chapa wankang. Kra ningkhan she, kiijaq siti Phungmaiqse phunainotiim ma, khusang maq sirong liijo nguta bomthü lata, Mesidonia wang niishe wawan kang.

2 Corinthians 4:13

Asii bomtsi na akha chongtlo, “Ngi Shiikeawe ma kamtiikang. Krai mren, ngi raq Shiikeawe tsütsa ka chongkuq tiikang.”

2 Corinthians 7:6

Shatmaq munjuk mijuk, tiimang miichanti ma tsaiji doke wanti Shiikeawe raq, Titas ka naishiq phana tiiwa raüta, naishiq tsaiji ka kongtam puqshi tiijongkuq wanto.

2 Corinthians 8:16

Titas ka naishiq rai kiqshi tsiimshi maq, namshiq khrum kuq tlaq kriikha maq, Shiikeawe ma pinthum kechu tum tiikai!

2 Corinthians 8:23

Kiimaq Titas riiwe kla, apaiq ka i kongti, ngi rai shamshi kaishiti la na, namshiq khrum wa nguta watlo. Kiimaq, apaiq rai akongti we wenai wadam tlaq kriika, Phungtuti mang maq watlo. Arka Jesuq Khristo khushü tiijong lu miitu watlo.

2 Corinthians 8:6

Titas raq ara jaqsham ahea, aram ari lungwii tsantsii jaqsham arka, namshiq Korinti liipan na apha wan wishe. Riita, krai mren, ümchaü min naishiq raq, apaiq ma honglu hirii jaqsham kra thaü nong tiikai. Apaiq raq ara jaqsham arka, tiinyi li misham laq.

Galatians 2:3

I kongti we Titas ka Grik phan. Li jiimin, apaiq raq atho ka han raa ma nguta, shiichut wan mak dea riito.

Galatians 3:26

Riita, ümchaü sanha, namshiq tarü ka Shiikeawe setiim siisaq she jawan lan. Arka, Jesuq Khristo ma kamtsantsii thü tlan kra lümaq tiija wanto.

Galatians 3:28

Krai mren, ümchaü sanha, nashiq liipan na, arka Jehudinok phan, arka Pongnok phan nguta, rairii wan chang lam ka ahü she. Di ama phan nai chiisan maiqse phan, nguta tiikhothiq wan chang min ahü she. Kiimaq jechak nai maiqwe nguta, tiikhothiq wan chang min ahü she. Namshiq wiitarü Jesuq Khristo rai pumshi hanshi she jawan lan, krai mren, namshiq wiitarü ka weshi ikhli she sitlan.

Ephesians 1:2

Nawe Shiikeawe kiimaq Tati Jesuq Khristo raq, namshiq ka kaphap shat kiimaq khusang maq mirümlaq.

Colossians 1:2

Shiikeawe sengi Kolosia na siti, Khristo rai pumshi maq tsapkapkap siti naishiq phunainotiim ma: Na We Shiikeawe raq namshiq ka kaphap shat maq hansang maq mirümlaq.

1 Timothy 1:12

Ngi raq nashiq Tatiwe Khristo Jesuq ma pinthum kechu tum tiikang. Apaiq raq ngi ka apaiq kiimwe ma shongto. Raüta ngi ma kiimwe jaqsham Tsütsa Ahea chongke wan jaqsham ka ngut wan miitu, wenyi ningkun kuq wan ruq maq khrum kuq tlo.

2 Timothy 1:1

Ngi, Paul, Khristo Jesuq kiimwe, Shiikeawe raq thapthi raüta ashong wan, raüta nashiq raq Khristo Jesuq rai tiipum laita lapkai rilung kra chiiriim raüta chongkekai miitu atiikiwe raq--

2 Timothy 1:2

Timothi, ngi raq lungwiitiikang ise ma: Shiikea Awe kiimaq Khristo Jesuq nashiq Tatiwe raq ümniika kaphap shat, tiihang shat, kiimaq hansang maq mithülaq.

2 Timothy 4:10

Demas ka mangjong rilung lamphan na kihoto she. Apaiq raq ngi ka tiishaü baiq thü raüta kihoto. Raüta, apaiq ka Thesalonia chela na wawanto. Kresens ka Galatia wang na wawanto. Kiimaq Titas ka Dalmatia wang na wawanto.

Titus 1:3

kiimaq akhing riikhaqli na apaiq raq kra apaiq tsütsa bomtsi na tiichhikuqto. Riita ara Tsütsa ara chongke arang ka ngi ma kiinong kuqto. Kiimaq ngi raq ara bomtsi ka Shiikeawe nashiq Chhiitiwe aming maq chii riim lata chongkuq tiikang.

Titus 2:13

Nashiq raq tsankhun maq, ranaiqshishi ka, nashiq ma Ajong Shiikeawe khushü jonghea luhea achhai anyii liliim sitlaq kra, michhi rong i nguta, khewan tiikai. Kriika nashiq Chhiitiwe Jesuq Khristo saüki tlaq, achu shiiman jonghea Ranaiq na michhi rong i nguta kamto maq khe laita sitiikai.

2 Peter 1:1

Ngi, Simon Petar, jaqshise kiimaq Jesuq Khristo kiimwe raq-- Jumiiwa nashiq Shiikeawe kiimaq Chhiiti Jesuq Khristo kechu lümaq athii tsinhea naishiq ma kuqtaq kiikha kamasham kuqwataqtibi ma:

2 Peter 1:11

Akha sihan jiila, Shiikeawe raq namshiq ma nashiq Tati Jesuq Khristo sichang pattup mungtan jam kiijaq siwan dam miitu kilü dije maq mikhe.

2 Peter 2:20

Ara ngarai khamchum mangjong hiq na riitsam nyiim tlaq ara mong wa maiq tiichhii wan tlaq kriika, tsangshiq raq nashiq Tati kiimaq nashiq Chhii wanti we Jesuq Khristo ma kamwan raüta tiichhiitlo. Shatmaq, tsangshiq ka man na jamkho siwan taq kiikha rilung lamphan achü na hali jangho nong raüta, tsangshiq hanho phara ngarai rong arai kharü mong na thongshi ri hali jangki nong raü ka, tsangshiq rilung ka Phung na mishang shaq na sitaq kra nam ma tiimiqchup naolaq she miraq.

2 Peter 3:18

Shatmaq nashiq Tatiwe kiimaq Chhiitiwe Jesuq Khristo kaphap na kiimaq apaiq sap wan niili chhanchhi wan ruq ronglaq. Apaiq khushü ngao kli ümchaü kiimaq pattup pat-sa na saüli mijong laq! Amen.

2 Peter 3:2

Richü pat na, asii ra shammibi raq chü rüm raüta, Shiikeawe bomtsi riisham bom maq chongkuq wantaq tsütsa kra nai nashiq Tatiwe kiimaq nashiq Chhii wanti we raq ashrinkuq Tsütsa Ahea kiimwebi lümaq namshiq ma chongkuqtaq kra, ümchaü namshiq ma bliiq chongke nong rotiikang.

1 John 5:14

Nashiq ka Shiikeawe man na tsailam jilam miishe sitiikai. Jamkhano ngukla, nashiq raq mongngam maq asap i she, nashiq raq apaiq jaq wa jamlai wa, apaiq raq thi tlaq kra phanphan jaü tiikai kriika, apaiq raq kuq tlo nguta asap i she.

Jude 1:3

Lungwii phunainotiim lei, nashiq raq tiichhii wan rilung lap wan kai kra thaq na seng lata, ngi raq namshiq ma lak ashi, tlothit li waiq tlo ha jiilei nguta tiima wan kang. Arka, Shiikeawe raq nashiq asengi ma, pattup pat-sa kamasham kuqtaq, ara awongsii maq rüm laita siwan miitu, rekhat wanruq maq sichang nguta tsaido jido bom chongke lak waiq wan tiima kang.