TAKSU LAK 16:21 - ASII LAKDAP Bible (BSI)

²¹ Maiqla, nyungwesheti riika, phanrap asap atsin; Abomtsi ka athuk atsom bom wan wan, maiqse tsantsii apa tiinin jawan wan miraq.

Hawa Naga Bible 2001

²¹ Tharc httax vtueq peluz wvnc thuinz httaz jix waz kuex piq rueq tuiuz tay yaq tharc httax wvnc yaq. Piq bomc nyamc hvlx wvnc shuimc vkay nuex pinhtumc shunshvlx wvnc dvyx rvtueq.

TAKSU LAK 16:21 Referencias Cruzadas

1 HOKHVMX 3:12

ümniiraq ijaq wa jamlai wa jaü laü kra ngi raq mikuqha. Ngi raq ümniima maiq ahinti juwe riimin milap wan shaq kiimaq rawiichii niimin jurmin lap wan lot mak chang phan anyan phaqchi tsaühea kiimaq taksu tsii kra ümniima mikuqha.

Tvtsvmc 45:2

Ümniika maiqwere phong na tsomhea pinthum; ümniika traho bomchong tsinhea. Shiikeawe raq ümniika wranaiqshe shiimanto.

TAKSU LAK 10:13

Taksu maiqse riika tingting bomtsi chongtlo; Shatmaq maiqjiqti nübok miika, sintsang hochangli chongtlo.

TAKSU LAK 10:23

Maiqjiqti ma ashut kiimung ka peohea. Shatmaq taksu maiqse riika athuk atsom kli shamtlo.

TAKSU LAK 10:8

Maiqshaqti raq tsii achong kuq ka langtlo; Shatmaq angi nola banbokti ka, maiqmiili mimiq phaq.

TAKSU LAK 15:7

Taksu maiqse riika, nanok ma phaqchi wan kuqtlo. Shatmaq angiti raq riimak.

TAKSU LAK 16:22

Taksu maiqse ma, anyan phaqchi ka rilung tsitsü khamdü; shatmaq angi nolati ma, hon atsii chongke ka rashe tiichali.

TAKSU LAK 23:15

Ise lei, ümniika maiqshaq ma jahaüla, ngi ka pinthum michochiha.

TAKSU LAK 27:9

Homseng nai pewun homseng, tsang ka homhea. Shatmaq chamchao riika, tsantsii bunchacha riitlo.

THARC TVLUINGC 12:10

Phaqchi Shrawe raq, bomtsi ka asumwiq waiqto. Kiimaq apaiq raq tengteng bomtsi ka tingting maq waiqto.

ISAIA 50:4

Ajong Thaq Na Ajong Pinthum Tatiwe raq jamlai chong chang wa kra ngi ma shrin kuqto, kra ningkhan ngi raq ahun aniiti ma ningkun shoqkuqlot tiikang. Wranaptek apaiq raq itsan tiichhiitlo; apaiq raq ngi ma jamlai phan shrinkero wa kra tai miitu.

Hosea 14:9

Taksuti raq tak wan ronglaq. Ara bomchong ara. Tatiwe tri lam phan ka tingting. Tingting maiq raq arlam miphan wan. Raüta mishongnga wan. Shatmaq ngarai maiqse arjaq mithap wan. Tsangshiq raq tri raütu shipoq wanto.

Matthew 11:25

Kra akhing na Jesuq raq Awe rai akha riibomto, “I we le, ra nai hiq rümti Tati we le! Ngi raq ümniima pinthum kechu tum tiikang. Ümniiraq atsin ahonti kiimaq tsüwe tsitwe thun ma, jamlai wa apaü riibaiq laü, kra thun tengman tlaq bomtsi ka, jehin nore setiim, jam min saptsin makti thun ma tiichhikuq wan laü she.

Luke 4:22

Apaiq traho bom chongke kra tai raüta, tsangshiq tarü raq tsan na washasha maq taito. Kiimaq tsangshiq tsan heali chhaq riito. Kiimaq apaiq raq jan jang jang hea maq bomchong kewan kra tai raüta, tsangshiq ka, kai amao riito. Kiimaq tsangshiq liipan na, “Riita, notsam, apaiq arka Joseph se riimak shiiraq?” nguta riiwaito.

John 7:46

Kiijiishe, hokranok raq, “Arwe raq trahoke khan ka, ümchaü niitaq maiq ahinti juwe riimin hoku mak shaq chhi mai!” nguta Phorisinok bom ka treto.

Romans 16:19

Namshiq raq pharangrang maq, Asii Tsütsa ma kamwan tlan kriika, nanok wiitarü raq tai wanto she. Riita, ngi ka ara bomtsi ara tai wan lata, namshiq ma pinthum khoqriiq tiikang. Namshiq ka ahea lamphan lam niika, tsangtsang tsiitsii maq sirong laq. Shatmaq, abi lam phan niika, makchuk nibii ikhiili sironglaq.

James 3:17

Shatmaq, kamasham na, Shiikeawe raq akuq taksma tsii rümti maiqse rilung ka siirairai miraq. Apaiq ka kechu maiqse. Apaiq ka nokwe rai ari aram maq siti. Nanok rai sobsob bombom maq siti. Kiimaq apaiq ka nanok rai riilung riiwii maq siti. Kiimaq nanok ma shamhea kaiwa jaqsham kewan niili arilung ka mitiisung wan. Apaiq riika shiikong tsii ka thü mak. Kiimaq mongnam tsii min thü mak she miraq.