TAKSU LAK 16:22 - ASII LAKDAP Bible (BSI)

²² Taksu maiqse ma, anyan phaqchi ka rilung tsitsü khamdü; shatmaq angi nolati ma, hon atsii chongke ka rashe tiichali.

Hawa Naga Bible 2001

²² Taksux tharc kuex wvtharc jix waz tvkoc rullungx yuix ruilx rvtueq, yuq muinz miqyaq jix muex tharc jungc kuy kuex vkhing tvhtumx dvyx rvtueq.

TAKSU LAK 16:22 Referencias Cruzadas

TAKSU LAK 10:11

Kechu maiqse bom chong ka rilung tsitsü; Shatmaq ashut kiimungti riika, tatso wawoli niqtlo.

TAKSU LAK 13:14

Taksu maiqse bomchong ka rilung khamdü, tsailam thiikhobok wa tiichhii wan tlo.

TAKSU LAK 14:27

Tatiwe ma haisong tsantsii thüka rilung khamdü; tsailam thiikho na dea mak miraq.

TAKSU LAK 15:2

Taksu maiqse bomchong ka, ataiti ma phaqchi kran. Shatmaq maiqjiqti bom ka banbokmii.

TAKSU LAK 15:28

Maiqshaqti riika maiqbom treho ma, samhea tiima raüta maiqbom tretlo. Shatmaq maiq abiti riika, mobom mobom bom raüta, tatso khoti niqtlo.

TAKSU LAK 16:21

Maiqla, nyungwesheti riika, phanrap asap atsin; Abomtsi ka athuk atsom bom wan wan, maiqse tsantsii apa tiinin jawan wan miraq.

TAKSU LAK 16:23

Taksu maiqse bomchong ka, ami na khaqkhaq chong tlo; krai mren maiqse tsantsii tiinintlo.

TAKSU LAK 18:4

Taksu maiqse bomtsi ka, sammoktra chum tsaü ikha; longrong mong maq adong, jüse rai ikha khangriri hea, hüphin hanphin anyangsea ma sumhea.

TAKSU LAK 18:7

Maiqjiqti bom chong ka apaiq thiikho; anübok kli apaiq maakho.

TAKSU LAK 3:22

Tsangnai raq ümniima rilung mikuq, khoqriiq shishiiq rilung mikuq.

Matthew 15:14

“Tsangshiq Phorisinok miitu ka namshiq naq brorii rongkiq! Tsangshiq ka maiqse makchuk jaqmiiti kong kra shun shea wanti, makchuk welabi kong. Maiq makchuk weshi raq makchuk weshi kra shun shea raüla, tsangnai anai jongri ka khobok niili midia wan.”

John 5:24

“Ngi raq chong tiikang arka tengteng: Jurwa i bom chong ara tai tlaq kiimaq ngi tiikaiti we ma kam tlaq, kriiti raq pattup pat-sa rilung ka alap wan wishe. Kriiti kha ka apho chang ahü she. Amaa wa atra she.

John 6:63

Tsitsü keti ka Shiikeawe Wenyi kli. Maiqse han-ngam ningkun miika, maiqse ma tsitsü raü triiche kuqlot mak. Ngi raq namshiq ma chongkuq tiikang i bomtsi ahata, namshiq ma tsitsü keti Shiikeawe Wenyi raüchong.

John 6:68

Kiijiishe, Simon Petar raq Jesuq bom ka treto, “Tatiwe! ümniika miimbaiq thü laita, naishiq ka jujai she wa miphan hai? Ümniili pattup pat-sa rilung tsitsü raü shamti we.