TAKSU LAK 16:20 - ASII LAKDAP Bible (BSI)

²⁰ Ümniima jamlai wa shrinkuqtaq, kra tsapkapkap tsan na rümlaq, kra haüla phanrap mi ong haü. Tatiwe ma kamlaq; Raüla khoqriiq shishiiq misi haü.

Hawa Naga Bible 2001

²⁰ Mnoz rueq tvluing wvnc toq kvyuq thuinz rvwak kuiuz, ngoz ruiux mnoz rueq lotlaungc wvnc shuiux; Yehowa muex tvluimc shuiuz, mnoz thuinhvlc juing lvp shuex.

TAKSU LAK 16:20 Referencias Cruzadas

1 KAÜWA WERAÜ 5:20

Tsangshiq kamtsantsii ka Shiikeawe ma kuqto. Raüta Shiikeawe jaq wa khrum lap miitu achu jaüto. Krai mren Shiikeawe riimin tsangshiq achu jaü ka treto. Raüta tsangshiq ma rekhat ka tiitang kuqto. Tsangshiq raq Hagraiqnok nai tsangshiq raq ashun renok ahin thun ka wiita tangto.

Tvtsvmc 125:1

Tatiwe ma kamtibi ka Jajon pum ikha, kriika ümtiikiimin bai lotmak, ümtiikiimin tiijin baiqlot mak.

Tvtsvmc 146:5

Jurwa Jakob Shiikeawe ka apaiq khrumti ma thütlaq kriiti ma peohea kiimaq juwa apaiq Tatiwe ma tlamtlaq,

Tvtsvmc 2:12

atiikhai rokrok ajichong na bum ronglaq; riimakla atsankhiq ka tiidongchhaq li minyai wan, krai mren namshiq ka chutli mitsai han. Apaiq wokhong na nyap wanti ma chochi jonghea miraq.

Tvtsvmc 32:10

Abi kiimungti thun ka chamchao raa dongdii, shatmaq Tatiwe ma kamtibi ka apaiq tiipitmak phan lungwii maq khupwong kuqtlo.

Tvtsvmc 34:8

Tatiwe thuktsom ka ümtinkhan heawa wa ka ümnaq maiqmii raq rit liina. Peohea miraq apaiq wokhong na tiiwongshat siti ma.

TAKSU LAK 13:13

Tsiichong ahea shisheti ka, tsailam mirhum. Shatmaq tri wokhong na siti ka, hansang rakhang misi.

TAKSU LAK 13:15

Athuk atsom maiqse ka, maiq raq kai shrengtlo. Shatmaq joksaü liiqse ka athum riikitlo.

TAKSU LAK 17:2

Khonglaq jaqshise riika, sengi atijongwe se kra jiibaiq raüta, tijongwe tachong wiijam milap wan.

TAKSU LAK 19:8

Anyan phaqchi humti ka maiqshaq; ajaq maq jamlai wa shamtlaq kra, khaqkhaq phanrap lam na ongruq.

TAKSU LAK 8:35

Jurwa ngi humtlaq, kriiti raq rilung humtlo, kiimaq Tatiwe min, apaiq ka milungwii.

ISAIA 30:18

Li jiimin, Tatiwe riika namshiq ma tiihangkuq wan ruq roli miraq. Apaiq riika namshiq ma mangchan tiichhikeli sitlo. Jamkhano ngukla apaiq riika wranaiqtek tingting kli klotlo. Kechu jonghea jurwa Tatiwe miili kamtsantsii thütlaq.

DANIEL 3:28

Kiijiishe, hokhamwe raq nguto, “Shadrakh, Meshakh, kiimaq Abednego Shiikeawe kli tiitsam ronglaq! Apaiq raq arase tiiki raüta, apaiq shomnoqti kiimaq apaiq ma kamti, arwetiim ara tiichhiikuqto. Tsangtsam raq, ngi aming ka jinto. Raüta tsangshiq miisaq ka maiqmii jaqphi na chiim raüta, tsangshiq Shiikeawe kra tlea raüta, laihin phra khaki na bum mak riito kiimaq noq mak riito.

DANIEL 6:23

Hokhamwe ka pinthum khoqriiqto. Kiimaq Daniel ka khobok mong wa tiidong hitlo ronglaq nguta aming kuqto. Krai mren tsangshiq raq apaiq ka khobok mong kiiwa ra niishe tiidong hitto. Raüta tsangshiq raq akhum na liikiita jamlai ami atsi min ahü riito. Jamkhano ngukla apaiq raq akhum ka Shiikeawe ma kiinong kuqto.

Matthew 10:16

“Tairong laq! Ngi raq namshiq ka ara mangjong hiq na skuse kong ka shephong mong na tiikai ikha tiiki tiikang. Namshiq ka paü se ikha tsii lamshatmaq si ronglaq. Kiimaq haütaü ikha tsan ninse maq si ronglaq.