TAKSU LAK 16:19 - ASII LAKDAP Bible (BSI)

¹⁹ Shiikong maiqse rai siraüta, maiqtsiiq arun wan phaqsea dam nam ma, aranse ma jaraüta, miitsan siriiwe ka ahea lin.

Hawa Naga Bible 2001

¹⁹ Htemc vrvmc raz tueq thuinz tvyomx httaz kuex tuluimc jix miq vshiz shiz rulc vnyvlc hup svmx rv-phvlc tix htauk nuex muinz vhvlx pinhtumc rvtueq.

TAKSU LAK 16:19 Referencias Cruzadas

Tvtsvmc 138:6

Ümniika ratsan ramong nyang na sihaü jiimin, ümniiraq wepuq wese thun shiililiitlaü, kiimaq shiikongkhiqti raq ümmaklii wa tiipaüki lotmak.

Tvtsvmc 34:18

Tatiwe ka tsaiji ajomti tho na; apaiq raq aran chang ahüti thun wiita khup wongkuqtlo.

DUNGWVNC 15:9

Rewe raq nguto, ‘Ngi raq tsangshiq ka mijoha lata milap-ha; Ngi raq tsangshiq tsiiq tum milapha, kiimaq ngi raq aroro milam wanha; Inepja michat ha, lata tsangshiq hupsam wiita milamhoha.’

TAKSU LAK 1:13

Nashiq raq huru longseng rahea phan, tsiiq anyam wiita milap rong i. Laita kra sepat lopi kiimaq, nashiq jamkun tuptup tiima wan rong i!

TAKSU LAK 1:14

Wara ümniimin naishiq rai adam ponglaq! Nashiq tarü taro tsiiqtum she, mito wan rong,” nguta tsangshiq raq mitiishon.

TAKSU LAK 25:7

Jamkhano ngukla, wese ngachang wa, welabi ngachang na ngawakiq nguta achong ka, wela ngachang wa, wese ngachang na ngakikiq nguta achong thaq na ahea.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

TAKSU LAK 3:34

Maiqmii kli asap atsin nguta, akhü tiinga raü siti miika, Tatiwe ma jamliip ahü. Shatmaq tsannin wokninti miika, apaiq raq khrum kuqtlo.

ISAIA 10:6

Ngi raq Asiria mungti ka tiiki lata ra weahünok mungti, itsan tiikhiqtinok kra tiikhat tiikang. Ngi raq tsangshiq ka maiq mung wa tsiiq nai nyam trunkai kiimaq atiihuk kai kiimaq maiq ka ji maq nishishi, lam na botkhulai rai shottlii tiithenbaiq tiikikang.”

ISAIA 53:12

Kra ningkhan, Ngi raq apaiq ma shreng jonghea ngachang mikuqha, kra ngachang ka ajong alabi kiimaq ningkun ajong hotibi phong na miraq. Apaiq raq arilung ka khoqriiq shishiiq maq kuqto, raüta abi maiqse kharii kra riisha wan damto. Apaiq raq ngarai maiqse pahea rilung kra la na tsaito, kiimaq tsangshiq mra ka midiikuqlaq nguta achu jaüto.”

ISAIA 57:15

“Ngi ka ratsan ramong nyang na siti kiimaq asii Shiikeawe, pattup pat-sa thummak miqmak phan. Ngi ka ratsan ramong na kiimaq asii ba na siti. Shatmaq Ngi ka ka maiqse juwa aranse ma jatlaq kiimaq maiqmii ngarai tiidiitlaq kriiti rai sitiikang. Krai mren Ngi raq tsangshiq ma kamtsantsii nai rantsantsii ka thüda kuqtiikang.

ISAIA 9:3

Ümniiraq tsangshiq ma chochi jonghea kuqlaü, Tati lei; ümniiraq tsangshiq ma chojong chise rilung she kuqlaü. Ümniiraq tsangshiq ma jaqsham kuqlaü kriima chochitlo, tsamjut tumwan raüjaq chochitlaq ikha, riimakla sepat lopi riiphea lam maq chochitlaq ikha chochitlo.

Matthew 5:3

“Jurwa tsangshiq ka wenyi na miitsan nguta tumtlaq, kriiti ka chochi; Ramuntan ka tsangshiq rii!”

PHOWEBI 5:30

“Tsangshiq ka sepat lopi riichom raüta, riiphea phaq na mochii kito, phenla weshi ma jechak se ka achhuq chhuq, riimakla anainai chhaq riiphea motlo, Sisera miika khea ahea pinthum kra, hokhamnyung dang na kai ma, khea na awaiq angon asi kra rittlo.”