TAKSU LAK 16:18 - ASII LAKDAP Bible (BSI)

¹⁸ Shiikong tsantsii ka atsai lam sheati, khünga maklii ka adea wa chang thiikho theti.

Hawa Naga Bible 2001

¹⁸ Vngamc vngax rueq sumrumx momaq lvmx nuex shvlx laq vtueq, tuluimc thuinz rueq vsumx dvy wvnc juing lvmx nuex shvlx laq yaq.

TAKSU LAK 16:18 Referencias Cruzadas

ESTHAR 3:5

Kiimaq Mordekai riika, anga min ngamak, abum min bummak, kiimaq anoq min noq mak kra Haman raq chhi raüta kai khiqto.

ESTHAR 6:6

Krai mren, Haman ka khok mong na nyap wato. Kiimaq hokhamwe raq apaiq ma, “Ngi raq maiq weshi ra ma pinthum shreng tiichhike rotiikang. Riita ngi raq kriiwe ma jamlai phan klo kuq ha jiiwa ahea miraq?” nguta bom ka waito. Kra tai raütiishe, Haman raq atsan mong na akha tiimato, “Riita ara hokhamwe raq atinkhan shreng tiichhike wan lungwii tlaq arka juwa miraq? Arka ngi ahata.”

ESTHAR 7:10

Krai mren, tsangshiq raq Haman ka apaiq raq Mordekai tiishak paq ma nguta phaqsi khamchong ahai kiijaq tiishak paqbaiqto. Kiijiishetiq hokhamwe tsankhiq ka shiwanto.

TAKSU LAK 11:2

Ashkongti riika jaqloli jea mingaü; shatmaq sobsob bombomti ka taksu maiqse.

TAKSU LAK 17:19

Ngarai lungwiiti ka chamchao lungwiiti, tsiiqtum linje maq tiitsakiti ka, thiimeaq daku ma hiqkhu chinketi.

TAKSU LAK 18:12

Kumrongheati tsailam na sup; sobsob bombomti, khali khuphop maq hup.

TAKSU LAK 29:23

Maiqse shiikong raq, apaiq ma jea mitiingaü. Shatmaq sobsob bom bomti miika, shreng manto asi miraq.

TAKSU LAK 8:13

Tatiwe shreng ngutiikai ka, abi kiimung thun ka saisi raa. Ngi raq shiikong tsii nai khünga tsii ka saisi tiikang. Abi lamphan nai arot bomtsi kra saisi tiikang.

ISAIA 37:38

Ranaiqshi apaiq ka aphrakaü Nisrokh noqrea shomjam mong na riito. Kiijaq asenai wenai, Adrammelekh nai Sharejar raq apaiq ka tsangnai nepjasai maq sebaiqto. Raüta tsangnai ka Ararat mung na tiipaü juhoto. Apaiq changkhü songti ka asetiim phong wa weshi, amang min Esarhaddon ngutlaq kriiwe raq awe changkhü song hokham ajongwe ma jato.

JEREMIA 49:16

Üm shiikong tsii raq ümniika lao baiqto. Ümniima nanok ka haitlo nguta tiimarai tlaü kriika riimak. Nanok ka ümniima haimak she. Ümniika pum na longraq khu na sitlaü. Diiluhea pum thun thaq na sitlaü. Ümniika liihawe sitlaq ikha pum chohea thaq na sihaü min, Tatiwe raq ümniika hiq na mitiideabaiq. Arka, Tatiwe raq toqtantlo.”

JEREMIA 50:32

Üm mung ka shiikonghea. Ümchaü ka hok thaü lantiishe mikü raihan. Ümnaq doti ka maiq ahüshe miraq. Ngi raq üm chela thun ka wiita wa miishe michaq baiqha. Krai mren chela mong na jamlai wa sitlaq thun ka michup mithen wan.”

EJEKIEL 28:17

Ümniika ümsham tsomhea khana shiikongsiq laü, kiimaq ümmang jong tsaki raq ümniika angiwe ikhiishe tiijabaiqto. Kiimaq angiwe ikha kiimung tlaü. Arningkhan Ngi raq ümniika hiq na tiidea baiqkang. Kiimaq ümnaq tiideabaiq kang kriika hokhambi ahinti ma honlam chongke riito.

EJEKIEL 29:9

Ejip mung ka hiqmiq changkhü ma mijaki. Kiijiishetiq ümniiraq Ngi ardea Tatiwe nguta misaphaü. “Jamkhano ngukla ümniiraq Nai rai ka ümrii. Kriika ümniiraq aphan sanghaü nguta tiitsaki tlaü.

DANIEL 11:12

Apaiq raq rekhat tang raüta kiimaq rewe phenlabi pahea tsatbaiq wantaq kra miitu, jarap jirap alachongwa lishe, mishkong siq. Shatmaq apaiq raq rekhat ka tangwan ruq tang mak miraq.

DANIEL 5:22

“Shamtaq, ümniika ase kra taü miidea min, kiimaq krii thun mra pin wantaq kra sapshatshat taü miimin, ümtsii chhi laüta aran ma jamaü riitlaü.

DANIEL 5:24

Arningkhan tiina, Shiikeawe raq maiqjaq ashi tiiki raüta ara bomtsi tiiwaiq kitaq ara.

Matthew 26:74

Kiijiishe Petar raq, “Shiikeawe raq asap! Ngi raq tengteng chongtiikang! Ngi raq apaiq ka juwa asap man sap mang!” ngutiishe khiilataq tiidamkito. Apaiq raq kra bomtre tlaq liipan niili she, wuwa riigoli riito.

Luke 14:9

Kiimaq namwan chongti we, namnai tiiheati we kra ümtho na kiraüta akha ngu kai chang lo dongki, ‘Phuno we le, riita, ara ngachang arka, apaiq ma likuq laq.’ Kra ngu raü jiika, ümniiraq kai jea ngaü chang mirki. Kiimaq ümniika maiq nyungwe nosebi ngachang, rintsii na lo, riimak la, shok anok niishe ngakai chang midongki.

Romans 11:20

Kriika riikhaqli tengto dea. Tsangshiq ngei baiq rat wantaq kriika, tsangshiq raq kamtsantsii thü wan mak kha na, ngeibaiq wanto. Kiimaq ümchaü namshiq ka tsangshiq cham chang chong na triiche cham tlan. Arka namshiq raq kamtsantsii thü tlan kra kha maq, tiichamkuq wantlo. Shatmaq, kra miitu namshiq ka naq shiikong rongkiq. Ashkong wan la na, namshiq ka tiihaisong shatmaq khoti singa ronglaq. Kra riihan jiika, namshiq ma ahea miraq.

1 Timothy 3:6

Apaiq ka kamasham rilung na akha adiq she riichang. Ahon atsii ka aku she riichang. Kra riimak ngu raü ka, apaiq ka ashkong tiina mirki. Raüta, Shiikeawe raq Thawe jamkho tiidea baiqtaq kiikha, apaiq min midia.

PHOWEBI 11:28

Shatmaq Ammon mung hokhamwe raq Jephtha raq bom tiichonghotaq kriika akhiismin weamak riito.

1 SAMUEL 17:42

Raüta apaiq raq Dawit ka samhea tiitsang liiraüta sanha, atsan mong niika, ashummiisi wali she riito. Jamkhano ngukla Dawit ka nonose shamhea shamjü kra chhito.