TAKSU LAK 14:14 - ASII LAKDAP Bible (BSI)

¹⁴ Ashut kloti riika ashut thiitham milap; Kiimaq maiqphaqti riika, apaiq raq ahea shamtaq kra miitu poksi milap.

Hawa Naga Bible 2001

¹⁴ Vbac miqsaz tsuingshiq rueq lvp aungx yaq rulc rv-ngvlc lvp wvnc wuez shuex. Miq hvlx jix htenc kuex tsuingshiq honc vyaungc vhvlx kvruex tv-phvnc yauk mauk kuex lvp wvnc wuez shuex.

TAKSU LAK 14:14 Referencias Cruzadas

Tvtsvmc 109:17

Apaiq raq maiq ma mansonto, apaiq miimin mansonlaq! Apaiq raq maiq ma ramram kuq romak phan riito, apaiq ma jurmin ramram kuqmak raüjaq ahea!

TAKSU LAK 12:14

Ümnü maq jamlai wa bomtlaü, kiimaq ümjaq maq jamlai wa shamtlaü, kra khan khan poksi milap haü. Ümnii ma thektlaq poksi kra milap haü.

TAKSU LAK 12:21

Kechu maiqse miika tsaimiq khusiq chamchao saü mak. Shatmaq maiq ma ashut kiimungti miika, chamchao sangrai miili rilung misung.

TAKSU LAK 14:10

Ümchochi ka ümniirii, ümtsan mong na akhap akhiq kiimin, ümniirii. Maiq ahinti raq riisha hodam mak.

TAKSU LAK 14:15

Maiqjiqti miika phanrap ahea siisaq, shatmaq khonglaqti riika, lam ka samhea liiraüta khumtlo.

TAKSU LAK 18:20

Maiqse raq anübok maq, jamlai bomtsi wa bom tlaq; kriitsi ka maiqmii raq seachang miraq.

TAKSU LAK 9:12

Nyan phaqchi sap haüla, ümnii miili liip miraq, ümniiraq apaiq ka shishe haüla, ümniili misumphaq haü.

JEREMIA 17:5

Tatiwe raq ngutlo, “Juwa iwokhong wa dongho raüta maiqse ma kamtlaq, raüta maiqse han-ngam hiqda ningkun ma kamtlaq, kriiti ka Ngi raq mitiishutbaiqha.

JEREMIA 2:19

Ümniiraq abi kiimungtlaü kriiraq ümniima mo mitiiho, kiimaq ümniika iwokhong wa dongho laü kra riili ümniika mitiishut. Arka ümtinkhan akhap wa kiimaq ashut wa kra misap haü, ngi miimthü laü, Tatiwe, üm Shiikeawe, kiimaq iwokhong na simang she nguta kiholaü kra. Arka, Ngi, Ajong Pinthum Tatiwe raq ngutiikang.”

JEREMIA 8:5

Ikhiijiika isenginok namshiq ka ngi phana jai na jang wan man maq, klang maq iwokhong wa jamkho juho lan? Namshiq ka nam phra sumla thun kriidii niili she tiipop wan lan. Lantea ngi phaniika jang wan roman she ngiimtlan.

EJEKIEL 22:31

Arningkhan, Ngi raq itsankhiq walü tum ka tsangshiq khuthaq niishe miraü baiqha. Lata wa raq jamkho tiibunlak khiimbaiq tlaq ikha tsangshiq ngarai kha na mitiithen baiqha.” Arka Tati Rakaü Hiqwe raq toqtantlo.

Hosea 4:16

Kumtoq kaü ashpuq ma hahea, Israilnok kiimin kiikha, riita Tatiwe raq tsangshiq skusekong ikha, nyiimlung rü na mirüm wan sha?

JEPHANIA 1:6

Iwokhong wa juho raüta, ümtiikiimin ngi ritwa makti thun, mitiithum baiqha. Ngi rai riibom wan mak she, hon atsii waiso mak sheti kiimin, wiita mitsat baiqha.”

John 4:14

Shatmaq, jurwa ngi raq akuq ha kham nyang tlaq, kriiti ma kham nyang tsi ka dong mak she miraq. Ngi raq akuq ha kham ka apaiq tsan mong na, tsitsü khamphok rai se miishe mija wan. Kiimaq apaiq ma pattup pat-sa rilung she mikuq.”

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

Galatians 6:4

Maiq khumtek raq, maiqmii ka jamkhiiwa chapnga tlaq, kra samhea shin raüta sichang. Riita, ngohea dea, apaiq raq jaqsham wantaq kriika, ahea dea klo wantaq jiika, apaiq raq atiishomra chang lamlu misi. Kra tiina, nanok jaqsham rai triingea raüta, bom ka raa mak.

Galatians 6:8

Apaiq raq, apaiq ngarai han-ngam raq jamlai wa jaü tlaq kra phanphan, ngarai han-ngam wak na minshiiq wantaq, jiika, kra wak kiiwa, atsai rilung tsam mijut. Kiimaq, apaiq raq Asii Wenyi wak na, minshiiq raü jiila, Asii Wenyi wak wa, apaiq raq pattup rilung tsam ka mijut.

Hebrews 3:12

Lungwii Phungmaiqse phunainotiim lei, namshiq phong wa jurmin tiima tsantsii ka abi naq thü rongkiq. Tsantsii abi thüti nai angiim boqshat maq siti ka, atra Shiikeawe wokhong wa adong mirho. Shiikeawe wokhong wa dongho man chang miitu, honkam shat maq si rong laq.