Biblia Todo Logo
La Biblia Online
- Anuncios -




TAKSU LAK 14:14 - Hawa Naga Bible 2001

14 Vbac miqsaz tsuingshiq rueq lvp aungx yaq rulc rv-ngvlc lvp wvnc wuez shuex. Miq hvlx jix htenc kuex tsuingshiq honc vyaungc vhvlx kvruex tv-phvnc yauk mauk kuex lvp wvnc wuez shuex.

Ver Capítulo Copiar

ASII LAKDAP Bible (BSI)

14 Ashut kloti riika ashut thiitham milap; Kiimaq maiqphaqti riika, apaiq raq ahea shamtaq kra miitu poksi milap.

Ver Capítulo Copiar




TAKSU LAK 14:14
20 Referencias Cruzadas  

Piq rueq mvnhttonx kuex roc yaq, piq muinz mvnhttonx mrvhumc kueq! Piq rueq ruimruimc kuy kuex shuiuc pac yaq ningkhvnc nuex uraq muinz piq muex ruimx kuq muq mruez shueq!


Mnoz somraungc yauk noalc kuex mbomc mnyamc nuiyc mnoz rueq shuimx kaz vshuiux yauk shuimc htenc nuex vjungx rvtueq, mnoz rueq lvp aungx yaq kuex mnoz rueq lvp shuiux.


Tsuingrux jix kuex vbac phvnx yvmx muinz rvhumc tuex rvmuq, yuq muinz layx bac jix kuex kuilc daz juing rulc rvhumc tuex.


Mnoz kokez vtuiux kuex mnoz tvkoc rvtueq; mnoz thuinbac vtuiux kvmuinz mnoz tvkoc dvyx rvtueq. Ukhaq muinz kvruex rv-phvlc naungx lot muq.


Vngauk vngaz jix waz kuex yvmx muex muinz kvmx yaq; tharc svmz miqsaz htenc kuex tsuingshiq khamz tenc juing htenc kuex vhvlx waq lawc yaq.


Mnoz rueq jungphvnc ningkhvnc nuex yaungx wvnc tueq phvnx ruip saz kuex mnoz rueq lvp wvnc shuiux rvtueq.


Mnoz nuex taksux tharc httax ruiux kuex, mnoz rueq vjux lvp wvnc shuiux, kvruex mnoz rueq tvdux gay ruiux kuex kuilc daz rvhumc tuiux.


Yehowa rueq, “Ngvy kox wawc yek waungc jix miqsaz htenc nuiyc vthueyc rvyaq miq hungc vlaungc muex tvluimc yaq htenc kuex ngaz rueq mvrax tvgurc shaungx.


Mngarvyx rueq mnoz muex murx tvgurc kv-phux, mnoz ngvy kox wawc kvroz wvnc toq kvraq mnoz muex murx tvgurc kv-phux. Ngaz Yehowa m-Tishox tuip gay ningkhvnc nuex, ngaz muex hiyaz thuinz vguez kuex mtanc lac bac yaq nguinx mnoz rueq tuiuz wvnc shuiux. Vruex kuex ngaz, Tvphaungc Tvsuip Yehowa rueq jungx vshaungx.”


Kvkhoc rvtueq ngvy miqsaz htenc lex, nuimshiq kuex yek waung muit maq, ngaz kox wawc yvmx ngoz tueq lac mkaq muinz kvroz wvnc wuez vtuinx? Mnoz kuex m-yac yuimx htenc muex thuinz rvnx vtueq ngvy kox nuex yek waungc tvkoc tvlvlc vshuiux.


Kvkhoc rvtueq ngaz rueq ngvy thuinkhvy kuex tsuingshiq htauk nuex ruiuc gay ruiux, tsuingshiq rueq shuimx wvnc tueq honc vyaungc rulc rv-ngvlc tsuingshiq kuex wvr rueq ikhoc tvbac gay shaungx.” Johvlc Yehowa rueq ngoz tueq.


Israel miqsaz htenc kuex kumrawx htenc ikhoc duingx tsanz wuez yaq. Ngaz rueq tsuingshiq kuex khelbuenx sahez ikhoc ghaq htungx httuingx ruix tvnx nuex yvmx khoc lac remx lot shaungx?


Ngvy yix nuex phvnx muq maq kvroz kay wvnc jix htenc nuiyc ngvy kox nuex kvnvp muq, ngaz rueq shunshvlc tvkoc thoz muq jix htenc kuex ngaz rueq tvbac gay shaungx,” ngoz tueq jungx tueq.


yuq muinz ngaz rueq kuy dvnc vshaungx yuix vruex nuingc jix waz kuex mkaq muinz khvmx svy rvhumc tuex rvmuq. Ngaz rueq kuy juing yuix vruex kuex piq tvkoc pattup rullungx lvp wvnc juing yuix ruilx yaungx wvnc tuex,” ngoz tueq tvralc tueq.


Nuiyshiq thuinz vmungx nuex sawc ric maq kvsomc parc juing lvmx vshiz kuex, vruex mungkawx nuex naungshiq thuiuzthuic tvraungx vtix lvmx, jvnc vtueq nuimshiq rulc rvbomc nyamc vtix lvmx kuex miqsaz taksux tharc nuex rvwak miq maq, Tishox kejux luimc vkawc maq naungshiq kuex Tishox rueq vkuq vtsuing vrux thuinz maq yauk shuimc lvmx rvtueq.


Miq vshiz maq vshiz rueq miqmac yauk shuimc kuex mlawc tvtsuingc shueq, miqmac yauk shuimc vhvlx ngoz ruiux kuex vganc washiz yauk shuimc rulc tv-ngvlc rac muq, piq rueq shuimx yaq yauk shuimc nuex thuinz hvlc kvsomc parc lot tuex.


Miqsaz gvnngvmx ngoz yaq ghaq nuex khic yuingc jix waz kuex vthueyc vmvy ngoz yaq vthuey vngoz kuex tvjomx gvnz wvnc shuex; Siyac ngoz yaq ghaq nuex khic yuingc jix waz kuex pattup rullungx ngoz yaq vthuey vngoz kuex tvjomx gvnz wvnc shuex.


Kvmluimx jix phunox bix lex, vtvraungx Tishox kox wawc kvwek wvnc nuex httuiuc laz honc vbac kvmluimx vyaq thuinz vmungx httaz jix nuimshiq nuex vshiz muinz httax muq mruez kueq honc lvmz wuez shuinz.


Síguenos en:

Anuncios


Anuncios


¡Síguenos en WhatsApp! Síguenos