Revelation 7:2 - ASII LAKDAP Bible (BSI)

² Kiimahali, ngi raq rase ashi hali shedong mung nü maq, atra Shiikeawe sil ka ajaq na sham raüta dong wanto chhikang. Raüta, apaiq raq hong raüta rasetiim blai, Shiikeawe raq mangjong hiq nai sammoktra jü ka shiithen baiq miitu, arang kuqtaqti kiima riimto taikang.

Hawa Naga Bible 2001

² Kvmaq vtvraungx httax yaq Tishox tvsik kuex shuimx yaq raungkamx washiz shaldungc kox maq waung yaq kuex ngaz rueq khiz tauk. Tishox rueq ghaq nuiyc svmuktvrax muex vgvrx vtsvrx tvgurc lot juing luimc vkawc kuy rvhumc jix raungkamx waz bvlic muex,

Muklom

² Etho nga adak rangkamwa atharang Shkewa tashat chol tha som eq saalkhong kowang ka pha tha khi táng. Piq aa eshi bali rangkamwa tang ma ring eq batta, barima mingkang nia jungshi sha tashit ma Shkewa tarong kotta.

Revelation 7:2 Referencias Cruzadas

2 HOKHVMX 19:4

Asiria mung rümti ajong hokhamwe raq asengi ajong pinthumwe ka atra Shiikeawe tiishummiikai tiikito. Riita üm Tatiwe, üm Shiikeawe raq arthun shummii tlaq ara mitailaq. Raüta akha bomti thun ma sintsang mitiiholaq. Arningkhan nashiqnok ümchuwa aso tiichong tlaq kra miitu Shiikeawe jaq wa achu jaülaq.”

ASHICHONG 8:6

Ümtsantsii maiq ahin ma naqkuq kiq, kilü wiita ashaq riilaq, Ngi arli she ümkhuk na pom wantlii riilaq. Ümlungwii tsamkü walü ikha, ümnaq ro raq ngi ka ahaüshe ahata, Arka tsekhi wacha kü tsi ikha, walü wa heng hea.

ISAIA 41:2

“Shedong mung nüwa re hengheanok rekhat tangtinok ka juro shea wata? Raüta kriiwe raq ümra mung wa khatkitlaq kra tiitang wan ruq riitlaq? Apaiq ma hokhambi thun nai maiq mung thun tiitangketi ka juwa? Anepjasai maq tsangshiq ka botkhulai ikha chumbaiqtlo. Aliqsin maq hüp raüta tsangshiq ka rahai raq tsamkü pan wantlaq ikha tiipan baiqtlo.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

MALAKI 3:1

Tati Ningkun Ajong Pinthumwe raq tretlo, “Ngi raq itsasoqtiwe, ngi kai ma lamtanho, sinkhu na mitiikiha. Krai mren, namshiq raq ümchaü thenge liitlan Tatiwe ka tiihanghiiq miili apaiq Shomjam mong na misaüho. Ümchaü namshiq raq maklii khamthii khetlan kra misaüho. Raüta itongshong bomtsi kra chiiriim raüta michongkuq.”

MALAKI 4:2

Shatmaq namshiq ibom taitai siti miika, kra ranaiq na ngi tiichhii wan ningkun ka rashe kiitlaq ikha, namshiq khuthaq na mililiim wan. Raüta namshiq ma khusang maq siwan miitu rashekiili ikha mikii kiimaq rashekii chai ikha namshiq khum na ra miwiikuq. Kiimaq namshiq ka wase miishe mija han kiimaq khoqriiq shishiiq, minsaü setiim minsaütiip mong wa nyiim tiiphaq kai kilü dibaiq kiijaq riichunchea tlaq ikha michochi han.

Matthew 16:16

Kiijiishe Simon Petar raq treto, “Ümniika atra Shiikeawe Se Messia.”

Matthew 26:63

Shatmaq Jesuq ka kaiqshakli riito. Kiijiishe Ramwe Ajong Pinthum we raq jangshi ri hali, tumkhamkok ka toraütiishe, Jesuq ma hali akha ngutiishe bom ka tiitsa wai nongto, “Ümchaü ngi raq ümniima atra Shiikeawe mang na tumkham kok tolata bom waipha: riikhaqli chong laq. Ümniika Messia dea sha? Ümniika Shiikeawe Se dea sha?”

John 6:27

Abi kai chang phaqsea miitu minshiiq ka naq niiko rai rongkiq. Shatmaq, pattup pat-sa rilung phaqsea miitu minshiiq ka shiichaq rong laq. Arka Maiq Se raq namshiq ma mikuq. Ara jamkhano chongtiikang ngukla, Awe Shiikeawe raq ahup akhang wan arang hotlaq kriika apaiq ma ake kun she.”

2 Corinthians 1:22

Kiimaq nashiq khum na apaiq raq, apaiq rii she nguta, Asii Wenyi miithii maq shongto. Kiimaq apaiq raq nashiq ma nashiq tsan mong na Asii Wenyi kiimin athiikewi she. Riita, ara Asii Wenyi thiikuqtaq arka, Shiikeawe raq nashiq miitu ümchuwa mikuqha nguta kiq kham raüpot khakuqtaq kra, rawiichii nashiq raq kunli milap wan rong i she dea nguta tiichhike wan kiqkham raükha tiipha khake la niishe kuqto.

Ephesians 1:13

Kiimaq namshiq riimin la, Shiikeawe bomtsi Tsütsa Ahea kra tai lan. Kra tai lan krai mren she, namshiq ka tiichhii wanto she. Namshiq raq Khristo ma kam lan she. Krai mren, Shiikeawe raq namshiq ka apaiq rii she nguta, awura mong niishe tiiham wanto. Raüta, namshiq ma Asii Wenyi she kuqto.

Ephesians 4:30

Maiq ma bom abi bom lanta, Asii Wenyi tsan naq tiibi rongkiq. Asii Wenyi namkhum na sitlaq kriika, namkhum ka Shiikeawe riishe nguta, Shiikeawe raq jaqkhaq raü atiipakuq. Arka Ranaiqshi Akhing na, Shiikeawe raq namshiq ka mitiichhii kuq dea nguta, Shiikeawe raq miithii ashong kuq wan.

TRI CHONGKE 5:26

Maiqse ngusaq maiq ashi raq Shiikeawe ka walütu mong maq apaiq rai riibomtlaq kra taijai she, apaiq ka atra silot tlaq asi sha?

1 Thessalonians 1:9

Tsangshiq wiitarü raq, man na naishiq namshiq ma Tsütsa Ahea chongke wa saü wan kai akhing na, namshiq raq naishiq ka, kai tsapkap lanta tao wan lan irthun ira, ümchaü min tsaki wan ruq li tsaki tlo. Kiimaq namshiq ka amaa sumla phra noq lanta, sitlan shaqmii rilung lamphan wa, atra kiimaq riikhaqli Shiikeawe rilung lamshe phan wan lan. Kiimaq apaiq puk na nyap lan. Kriithun ka tsangshiq raq ümchaü min chongruq li chong tlo.

2 Timothy 2:19

Shatmaq, Shiikeawe raq ashong khamlawe kaü ka jurmin tiimeshiki lot mak she. Ara khamlawe kaü na akha bomtsi waiq thüje she: “Tatiwe raq asengibi ka sapshat! Jurwa apaiq ka Tatiwe sengi she nguta sitlaq, kriiti raq ngarai lam phan raa mak she,” nguta waiq tlo.

Hebrews 12:22

Shatmaq, ümchaü sanha, namshiq ka Jajon pum na, kiimaq atra Shiikeawe sichang chela ramungtan Jerusalem na, ahing amun rasetiim sitlaq, kiijiishe saü wan tlan.

Revelation 1:3

Kechu jonghea, jurwa ara lakdap ara phat tlaq. Kiimaq kechu jonghea, jurwa ara shammi bom chong, ara lakdap na ara tai tlaq. Raüta ara lakdap na waiqtaq bomtsi kra lang tlaq! Jamkhano ngukla arthun mra ara pin wan ma akhing ka ajeli she.

Revelation 10:1

Kiijiishe, ngi raq rase ajong ashi ramungtan maq asatkai chhikang. Apaiq ka phumda mong na riito. Kiimaq apaiq khu thaq na maitsai kaü ashi, apaiq khuphok ikha tiichan raü riito chhikang. Apaiq theaphi ka rashekaü litlaq ikha chaihea langlang. Kiimaq ahok wiinai ka wanii tu khamchong nyai rai tlaq ikha achhai anyii.

Revelation 10:4

Tsangshiq raq kra chonglot ri she, ngi raq awaiq riithü la nguta dankang. Shatmaq, ngi ma ramungtan maq maiq bom ashi raq, “Ramok miishi raq jamlai bom wa chongtaq kriika kaiqshak maq apaü laüta thülaq. Kriika naq waiqthü kiq!” nguta tiiwin riimto taikang.

Revelation 16:12

Kiijiishe, rase trok ngojati raq, apaiq jaq wa Shiikeawe tsankhiq winpin kra jürai jonghea Euphretis niishe raübaiqto. Krai mren, kra jürai ka rüsaq she, shinriiq shinkito. Arka shedong mung wa hokhambi kitlaq kra kai miitu lam tanke wan she.

Revelation 5:2

Kiimaq ngi raq rase ashi srea jong raq, “Ara lakdam kom sil atrap phan thun ara tiibum raüta, tlii linti maiq weshi raq maiqshaq arjaq asi sha?” nguta tiihong raüta rüm tiitaito taikang.

Revelation 8:3

Kiimahali rase ashi ka honglu chaq chang, chaq khiqwin ka ajaq na sham raü dongkito chhikang. Raüta, berongwacha tho kiijaq chapkito. Apaiq ma Shiikeawe sengi achu jaü honglu krai triishot chaq dam miitu, honglu na chaq chang homseng pahea kuqto. Kra kuqtaq kriika apaiq raq chaq berongwacha, hokham ngacho khaki na totlaq kiijaq chaq ma nguta kuqto.

Revelation 9:14

Kra maiq bom raq rase trok ngojati ma, “Rasetiim blai Euphretis jüjong rai na kharü maq akhathü kra diibaiq laq!” nguta chongto.

Revelation 9:4

Kupchi miika pechong wiirü, sangphii miijii, kiimaq ajaq awai phanphan nyiimjaq ka shiithen raa mak nguta aming kuqto. Tsangshiq riika maiqse angu wa, tsangshiq khakam na Shiikeawe sil maq raiwaiq hüti thun kra ngiq raüta, tiichamchao chang nguta arang kuqto.

1 SAMUEL 17:26

Kiijiishe Dawit raq, apaiq tho na chaptibi kriima waito, “Riita ara Philistainwe ara tsat raüta, Israilnok ma shummii kharii tiihotlaq kriiwa tiichhii kewantiwe ma jamlai poksi jiq mikuq ngukai? Riita atra Shiikeawe phenlabi Israilnok ka jimaq nishishi raüta shummiitiwe ara thatsangti Philistainwe arka ju wa?”

1 SAMUEL 17:36

Ngi raq hangsi thun nai chapbi thun tsatbaiq kang. Krai mren sii hali, ara thatsang borii waitiwe Philistainwekaü armin, atra Shiikeawe phenlabi shummiitiwe armin kiikhiisii mitsatbaiqha.