Revelation 7:1 - ASII LAKDAP Bible (BSI)

¹ Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.

Hawa Naga Bible 2001

¹ Kvruex yimaq raungkamx waz bvlic kuex ghaq shuk bvlic nuex jvp vtueq, ghaq htauk nuex muinz, svmuktvrax htauk nuex muinz, pulx jungx htenc nuex muinz raungguil muq tvkoc shuk bvlic wawc raungguil htenc kuex tvsuingx shuimx gay tueq.

Muklom

¹ Iri jio mingkang shokthabali na bali rangkamwa tang lang aa tha nga khi táng, etho mingkang etho jungshi, etho bang tang na rangpong pong moq angma ning aa mingkang shokthabali wang rangpong tang tha táng ta.

Revelation 7:1 Referencias Cruzadas

ISAIA 11:12

Tati raq tanglap ashi ra na doraüta misham. Raüta miithii ma mishong. Arka apaiq raq maiqmung thun ma, Israil mungti nai Juda mungti ka, mangjong tlotli na, shedong shenyap kiimaq shekhu shemai mung na, anyin baiqrat kiiwa adam niishe triichom wan nong tiikang nguta tiichhike wan saqse.

ISAIA 27:3

“Ngi raq ara chhintsii wankang. Lata kham maq aheawiq nyukruq nyuk kang. Lata maiq raq tiibiti mak chang miitu Ngi raq ranaiq rawa kheshat maq liiwan kang.

ISAIA 27:8

Tati raq asenginok ka pongmung na munglu shumwikong ma tiija raüta amo tiihoto. Apaiq raq tsangshiq ka shedong mung wa rathaiq bihea pinthum tiisaü raüta tsuq wanto.

JEREMIA 49:36

Ngi raq Elam mung khuthaq na trotam maq rathaiq jonghea mitiisaüha. Lata Ngi raq Elam mungti ka mangjong tlotli na wiita mijo baiqha. Tsangshiqnok munglu shumwi kong raq mangjong hiq wa maiq mung kra wiita minyam wan shaq wiiwii mijobaiqha.

EJEKIEL 37:9

Kiijiishe Shiikeawe raq ngi ma nguto, “Maiqse lei, rahai kiima riisham bom maq tiithailaq. Rahai kiima Ngi, Tati Rakaü Hiqwe raq rahai apaiq ka trotam maq haiwan raüta, ara amaa maiqrii phong arma tsitsü heakuq ronglaq. Lanta tsangshiq ka maiq atra kong miishe tiija ronglaq nguta aming kuqtlo nguta chonglaq.”

EJEKIEL 7:2

“Maiqse lei, Ngi, Tati Rakaü Hiqwe raq Israilnok mungti ma chongtiikang: Israil mungti thum wan ka arshe!

DANIEL 11:4

Shatmaq apaiq mungtan ka pinthum ajong alu, ahong ala siwan tlaq bala, apaiq mungtan ajong ka mungtan blai miishe mitiikhoki. Raüta kra mungtan blai hokhambi ka apaiq lai ala phan riimak, maiq pongphanti raq mung ka misiq wan. Shatmaq tsangshiq ningkun ka apaiq ningkun jong khan ka riimak miraq.

DANIEL 7:2

arthun ara riito: Rahai ka trotam maq haiwanto. Raüta sammoktra chum ka wiita brakshaq wanto.

DANIEL 8:8

Kra chhepongwe ka alachong dokdok pinthum shiikong siq wanto. Shatmaq apaiq ningkun jonglu henghea bala liipan niili, arong ka angoq she riikito. Kra rongchü chamchang ba kiijaq, ajongjongwiq rongnye rongblai she chamto. Kra rongblai chamtaq kriika, arong tsii thun ka, siimblai ri na tiinyi raqraq riito.

Jona 1:4

Shatmaq, Tatiwe raq rathaiq henghea khamjong mong na tiisaüto. Raüta rathaiq heng riishe mokkiitu ka khamjong mong na khamtso wa raq kapbaiq namnam, pheram pherak akap atsea pherak wanto.

JEKERIA 6:1

Kiimaq, ngi raq thongshi hali, itok ka ra nü na dolata liikang. Krai mren, kumrang leng blai, nairai pum nai heawea maq akai rai chhikang.

JEKERIA 6:5

Kiijiishe apaiq raq, “Ara kumrang leng blai chhitlaü arka, lamblai maq haiwan tlaq rahai kra tiichhikuqto. Arthun rahai haiwan tlaq arka, mangjong hiq rümti Tatiwe raq atiiwa,” nguta treto.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

Mark 13:27

Kra akhing na apaiq raq rasetiim ka tiiki raüta mangjong hiq barap se na siti Shiikeawe raq atsea wan maiqse angu thun wiita kra mirchom hea wan.”

Revelation 20:8

Kiimaq apaiq ka mangjong hiq wa maiq mung ümchuwa sitlaq kra lao kai she mikiho. Kiimaq ara mangjong hiq thun mang ka Gok nai Megok nguta ngutlo. Soitan raq tsangshiq ka adam na rekhat ma mitriitam. Tsangshiq ka khamjongraikii na kumtsai phii wa kumtsai riiphong tlaq ikha awealot chang riimak pahea miraq.

Revelation 6:6

Ngi raq maiq bom ikha, atra ngamkaü blai phong wa akha chongto taikang, “Bunwong win tokshi ka ranaiq shi jaq maq ma miraq, kiimaq jaili wongwin toktsam ka, ranaiqshi jaq maq ma miraq. Shatmaq, olip pero nai spiqtsiro bagan ka naq tiithenkiq!”

Revelation 7:3

Rase raq, “Naishiq raq Shiikeawe sengi ka tsangshiq khakam na sil maq waiq laita, pong na mirai hai shaq wiiwii, namshiq raq mangjong hiq nai sammoktra jü kiimaq pechong wiirü thun ka naq shiithen rongkiq shaq,” nguta riimto taikang.

Revelation 8:7

Krai mren, aphati rase raq alerong kriishe tsüto. Kra tsüri, tsakhiiq nai wa ka tiijai rai adam na triishot raüta, mangjong hiq na raü baiqto. Krai mren, wa raq mangjong hiq raikhü wa, atra phan pe chamtlaq ajaq awai phan pe-awii, sangphii miijii angu thun ka, mantsam wa manshi rii ka wiita she hutjok khiim baiqto.

Revelation 9:14

Kra maiq bom raq rase trok ngojati ma, “Rasetiim blai Euphretis jüjong rai na kharü maq akhathü kra diibaiq laq!” nguta chongto.

Revelation 9:4

Kupchi miika pechong wiirü, sangphii miijii, kiimaq ajaq awai phanphan nyiimjaq ka shiithen raa mak nguta aming kuqto. Tsangshiq riika maiqse angu wa, tsangshiq khakam na Shiikeawe sil maq raiwaiq hüti thun kra ngiq raüta, tiichamchao chang nguta arang kuqto.