Revelation 7:3 - ASII LAKDAP Bible (BSI)

³ Rase raq, “Naishiq raq Shiikeawe sengi ka tsangshiq khakam na sil maq waiq laita, pong na mirai hai shaq wiiwii, namshiq raq mangjong hiq nai sammoktra jü kiimaq pechong wiirü thun ka naq shiithen rongkiq shaq,” nguta riimto taikang.

Hawa Naga Bible 2001

³ “Naungshiq Tishox nvrc waz hez khaungkuimx nuex tvsik kuex naungshiq rueq max tvkop kuq wawwawx nuimshiq rueq ghaq, svmuktvrax nuiyc pulx jungx htenc kuex uraq muinz vgvrx vtsvrx nauk tvhttuiuc kaz,” ngoz tueq yunghvlc maq ramc tueq.

Muklom

³ “Í aa hiqtang Shkewa sanga tang khang sho maal sha tharap mi nángduk, mingkang, jungshi etho bang tang sha tashit mi angni.”

Revelation 7:3 Referencias Cruzadas

DUNGWVNC 12:13

Kilamchong pumpat na ngam tiijai nyattlan kriika namshiq sitlan jam thun ka pong na araibaiq miithii shong miraq. Krai mren ümtiikiiwa Ngi raq ngam tiijai ka michhiha, Ngi raq namshiq jam thun ka alea mirwanha. Kiimaq Ejip mungti tsat baiq wan tiikang na, Ngi raq namshiq ka tsat mang mitiihangha.

DUNGWVNC 12:23

Krai mren ümtiikiiwa Tatiwe ka Ejip mung hamli wa Ejipnok tseakai kitlaq akhing na, apaiq raq kilamchong rati pumpat na nai siimkonai ri pumpat na ngam tiijai ka michhi. Raüla apaiq raq maiqtseati rase kitlaq kriika, namshiqnok jam mong na tiiwa mak miraq. Raüta namshiq ka tiitsat baiq mak miraq.

ISAIA 27:8

Tati raq asenginok ka pongmung na munglu shumwikong ma tiija raüta amo tiihoto. Apaiq raq tsangshiq ka shedong mung wa rathaiq bihea pinthum tiisaü raüta tsuq wanto.

ISAIA 54:17

Shatmaq jamlai chuntsi nyiimwin riimin ümdü na tiimitsi mak miraq; ümnaq shrati tlotli loweatek ma ümkiq khiichang bom asi miraq. Ngi raq ijaqshisetiim ka mitiichhii wanha, lata tsangshiq ma rekhat ka mitiitangha.” Arka Tatiwe raq ngutlo.

ISAIA 6:13

Armung na maiq roqshi phongwa weshi li she tiichongki raü min, apaiq kiimin mishthenbaiq wan. Apaiq ka ok pechong adaqbaiq rea jai na achongkhuk bu tiichongkitlaq ikha miraq.” (Kra achongkhuk kriika Shiikeawe senginok rilung anye misongpha wan nong kra nangnga ngutlo.)

ISAIA 65:8

Tatiwe raq ngutlo, “Spiqtsi ahea ka jurmin tiithen baiq mak. Shatmaq kriimaq che klotlo. Ngi riimin isenginok tlotli ka tiithen baiq mang. Ngi shiikumpantibi ka Ngi raq atiichhii mirkuqha.

EJEKIEL 9:4

“Ümniika chela mong na tiikhamli kilaq, laüta ara chela mong na ashe ashi riikhiq maiqphai asi jaqsham wan kha na maiqse ümchu wa pinthum tsantsi mongtsi maq sitlaqti thun khakam na atiitsang wan chang waiq thülaq.”

EJEKIEL 9:6

Tikiibi thun kra, jerobi thun kra, jetu nyungre thun kra, anyungre thun kra, kiimaq nosere thun kra jiipbaiq ronglaq. Shatmaq ju khakam niiwa miithii awaiqthü asiti thun kriiti dü niika namshiq raq jaqmiiq mai mak. Ara i Shomjam mong armaq tsat phaho ronglaq.” Krai mren, tsangshiq raq welabi Shomjam mong na chaptlaq kriimaq jiipbaiq phahoto.

DANIEL 3:17

Riita, ümchaü min, naishiq raq shomnoq tiikai Shiikeawe raq, naishiq ka ara watum mong wa michhiilot, kiimaq ümjaq khon mong wa mitiichhii lot jiika, apaiq raq mitiichhiikuq.

DANIEL 3:26

Kiijiishe, Nebukadnejar ka watum khok nyairaitlaq kilü kiina ra na wato. Raüta tiihong raüta, “Shadrakh! Meshakh! Abednego! Ajong Pinthum Shiikeawe sengi! Kinphai na dongki rongkiq!” nguta heato. Kiimaq tsangtsam ka watum mong wa donghosaqli dongkito.

DANIEL 6:16

Krai mren she hokhamwe raq Daniel lapwa miitu aming kuqto. Raüta apaiq ka hangsikong khok mong kiijaq tiidea baiqto. Apaiq raq Daniel ma akha nguto, “Riita ümniika ümniiraq apaiq rai tiipumtlii laüta shomnoq tlaü Shiikeawe riitiq she dea mitiichhiikuq laq.”

JEPHANIA 2:3

Tatiwe wokhong na jang rong laq. Namshiq tsannin woknin maq shongti, singmung maiqse lei; apaiq aming thun langtibi; tingting jaqkli sham ronglaq. Kiimaq Tatiwe makki na aran ma jaronglaq, jursap Tatiwe raq atsankhiq tiichhi tlaq ranaiq na, namshiq ka mipaükuq lo riila.

MALAKI 3:18

Isenginok raq thongshi ri hali, kechu maiqse nai ashut maiqse, jurwa ngi shomnoq tlaq kiimaq jurwa ngi shomnoq mak, kra liipan na ahea abi trairii wan tlaq kra tsangshiq raq mak michhi wan,” nguta Tatiwe raq ngutlo.

Matthew 24:22

Shatmaq Shiikeawe raq kra chamchao thawa ranaiq akhing ka atiitoq baiq wishe. Apaiq raq kra tiitoq baiq mak ngu raü jiika maiqse angu jumin lun lot mak miraq. Shatmaq Shiikeawe raq apaiq raq atsea wan asengi thun kra miitu chamchao rahiq akhing ka atiitoq mirbaiq.

Matthew 24:31

Rase raq lerong ka ramok rachhai watrang ikha mitsii. Kiimaq apaiq raq arasetiim ka mangjong hiq trotam na mitiiki. Kiimaq tsangshiq raq Shiikeawe sengi thun ka mangjong hiq hamli wa wiita hutjok adam na mirchom wan.”

John 12:26

Kiimaq jurwa i jaqshi ma jawan raüta, ngi shiililii wan lungwii tlaq, kriiti ka, i jai phan phan wa wawan raa tlo. I jaqshi ka, ngi rai nong nong maq sichang. Kiimaq, jurwa ngi shiililii tlaq, kriiti ka i We raq mishreng.”

John 3:33

Shatmaq, jurwa apaiq hakhi ma kamtlaq, kriiti riika, Shiikeawe bomtsi chongkuq tlaq kriika tengto dea nguta hakhi kuq wantlo.

Romans 6:22

Shatmaq, ümchaü sanha, namshiq ka ngarai kharü mong wa ada wan kun she. Ümchaü sanha, namshiq ka, Shiikeawe disetiim she. Krai mren, namkhum ka ngamrea phu akuq ikha, Shiikeawe ma, namrilung ka kiinong kuq lan krai mren, namshiq rilung ka ümchaü asii she. Riita, akha sitlan ara tsingo ka, namshiq raq pattup pat-sa rilung she lap tlan.

Revelation 13:16

Kra hiq mong maq adong ngamthaiq kaü raq, mangjong maiqse tlotli, ajong aran, chiithe miitsan, chiisan, kiimaq di-ama angu wiitarü raq tsangshiq jaqtsi nü na, riimak la tsangshiq khakam na sil maq khat waiqthü raa dongdii nguta aming she kuqto.

Revelation 13:17

Ara jü mong ma adong apha ngamthaiq kaü abi khoqramkii maq ju dü niiwa waiqhü riijiiq, kriiti riika, ari athii jamlai min rithii lot mak kiimaq asha ata min shata lot mak miraq. Kra waiq tlaq ka ngamthaiq kaü mang. Riimak la, ngamthaiq kaü mang lombot.

Revelation 14:1

Kiijiishe, ngi raq liinong kang. Liikangta, Skuse ka Jajon Hiqlam na chap raü chhikang. Apaiq rai maiq phong ka 144, 000 asi. Tsangshiq ka, tsangshiq khakam na apaiq mang nai Awe mang tiiwaiq jeti thun kra riito.

Revelation 14:9

Kra kongkhuwa rase nai anai kra tiijosaq niishe, rase atsam ngojati riishe hali, akha hong raüta rüm chongto, “Ümriiti wa ngamthaiq kaü shomnoq tlaq kiimaq apaiq sumla kra shomnoq tlaq, kiimaq apaiq abi khoqramkii maq maiqmii khakam na lo, maiqmii jaq na lo tiiwaiqtlaq,

Revelation 19:2

Apaiq raq khapho tlaq ka tingting, kiimaq riikhaqli pho tlo! Apaiq raq mangjong maiqse sethoq ja ngarai maq tiisheshi wanti, mephe nyung kha ka photo she. Shiikeawe raq asengi thun tsea baiq wan kha na, mephe nyung ka tiidea baiqto she.”

Revelation 20:4

Kiijiishe, ngi raq hokham ngachang ngacho thun ka chhikang. Kiimaq hali ngi raq Jesuq tsütsa nai Shiikeawe bomtsi ka tsapkapkap maq traho bom chongke wan kha na, atsatbaiq wanti maiq tsaiji thun min chhikang. Tsangshiq raq ngamthaiq kaü lo, ngamthaiq kaü sumla lo kra shomnoq mak dea riito. Kiimaq tsangshiq raq ngamthaiq kaü abi khoqramkii maq tsangshiq khakam na lo, tsangshiq jaq na lo, tiiwaiq wan mak dea riito. Tsangshiq ka amaa wa dong wan nongto. Raüta hokham ngacho na ngatlo. Jamkhano ngukla, Shiikeawe raq tsangshiq ma hokham jawan arang ka kuqto she. Kiimaq krai mren, tsangshiq raq Khristo rai rawii hingshi mung she milang dam.

Revelation 22:4

Tsangshiq raq apaiq sham ka michhi. Kiimaq apaiq mang ka tsangshiq khakam na miwaiq.

Revelation 6:6

Ngi raq maiq bom ikha, atra ngamkaü blai phong wa akha chongto taikang, “Bunwong win tokshi ka ranaiq shi jaq maq ma miraq, kiimaq jaili wongwin toktsam ka, ranaiqshi jaq maq ma miraq. Shatmaq, olip pero nai spiqtsiro bagan ka naq tiithenkiq!”

Revelation 7:1

Arjai miishe, ngi raq rasetiim blai ka, ara mangjong hiq diim shokblai na chap raqraq chhikang. Raüta, tsangshiq raq rahai shokblai maq hai wan tlaq kra ato riibaiq tlo chhikang. Arka mangjong hiq rai khü na kiimaq sammoktra jü na nai pechong wiirü thun thaq na, rahai ka tiisaü mak chang miitu tobaiq tlo.

Revelation 7:2

Kiimahali, ngi raq rase ashi hali shedong mung nü maq, atra Shiikeawe sil ka ajaq na sham raüta dong wanto chhikang. Raüta, apaiq raq hong raüta rasetiim blai, Shiikeawe raq mangjong hiq nai sammoktra jü ka shiithen baiq miitu, arang kuqtaqti kiima riimto taikang.

Revelation 9:4

Kupchi miika pechong wiirü, sangphii miijii, kiimaq ajaq awai phanphan nyiimjaq ka shiithen raa mak nguta aming kuqto. Tsangshiq riika maiqse angu wa, tsangshiq khakam na Shiikeawe sil maq raiwaiq hüti thun kra ngiq raüta, tiichamchao chang nguta arang kuqto.