Revelation 4:7 - ASII LAKDAP Bible (BSI)

⁷ Apha kaü ka hangsi kaü ikha. Kiimaq kaü nai ngojati ka minsaü pongwe ikha. Kiimaq kaütsam ngojati ka maiqse theaphi ikha. Kiimaq kaüblai ngojati ka liihawe abi wan nam shiinam ikha.

Hawa Naga Bible 2001

⁷ Vphaungc wawc ngvmx saz kuex hangsic rulc rv-ngvlc yaq; Vnueyc ngoc yaungc ngvmx saz kuex manx pung rulc rv-ngvlc yaq; Vthuimx ngoc yaungc ngvmx saz htvlx phawc kuex miq htvlx phawc rulc rv-ngvlc yaq; bvlic ngoc yaungc ngvmx saz kuex vbaz rvyaq lawx rulc rv-ngvlc yaq.

Muklom

⁷ Jakho atharang phan sha shaq mal, eshi thong wang sha maanpong mal, eshi thong wang sha miq sham mal, etho uthun sha upuk ang aa láng mal angta.

Revelation 4:7 Referencias Cruzadas

RAPHA HIQWA LAK 49:9

Juda ka hangsikaü ikha, Ngam ka kaq raüla abum chang longsha na jang wantlo, Abumsea ahok tlii raüta ahü ahan tiishun. Apaiq abum wa jurmin niqsiq walot mak.

2 SAMUEL 1:23

“Saul nai Jonathan ka pinthum heahea, kiimaq lungwii tsihea; Atra niimin pumshi hanshi, amaa niimin pumshi hanshi. Tsangnai ka liihawe bitlaq ikha phiqhea, Hangsi kong thaq niimin honghea.

TAKSU LAK 28:2

Mung na ngarai tang raüla, hokhambi ka ashi jai na ashi, klai ruqruq miraq. Mung ka tsing mak miraq. Shatmaq mung pengti ka, taksu maiqse kiimaq nyan phaqchi asi raüla, mung ka atsing angang miraq.

ISAIA 40:31

Shatmaq jurwa Tatiwe raq mikhrumkuq nguta kamtlaq, tsangshiq ma ningkun anye mishoqkuq. Tsangshiq ka rakong maq ra na liihakong ikha mibisiq, tsangshiq ka phiqhea miju shatmaq nii tsimak miraq, tsangshiq ka khum wan ruq miraq, shatmaq ahun anü ahü miraq.

EJEKIEL 1:10

Kra atra ngamkaütiim loweatek theaphi ka kaüshi theaphi ka pong pong phanblailai theaphi riito: khaki nü wa theaphi ka maiq theaphi, jaqtsi nü siim wa theaphi ka hangsi theaphi, jaq pha nü siim wa theaphi ka minsaü pongwe theaphi, kiimaq tokkun nü wa theaphi ka liihawe theaphi riito.

EJEKIEL 1:8

Kriithaq niimin, tsang theaphi blailai kiimaq tsang rakong blailai kra khong na, tsangshiq loweatek khum na maiqjaq ka blai lai jongri asi, rakong ashi khong na maiqjaq ka ashishi asi riito.

EJEKIEL 10:14

Cherubim kaütiim theaphi ka blailai siisaq. Apha shaqshaq theaphi ka minsaü pongwe theaphi ikha. Kiimaq theaphi anai ngojati kriika maiqse theaphi ikha. Kiimaq theaphi atsam ngojati kriika hangsikaü theaphi ikha. Kiimaq theaphi blai ngojati kriika liihawekaü theaphi ikha.

EJEKIEL 10:21

Tsangshiq loweatek khum na tsang theaphi ka blailai chaq, rakong kiimin blailai chhaq, kiimaq tsang rakong aweatek takiq niika maiq jaq ikha ajaq ka achhuq chhuq asi siisaq.

DANIEL 7:4

Apha shaqshaq kaü ka, hangsikaü sham ikha. Shatmaq liiha kaü ikha arakong asi. Ngi raq liirat tiikang bala liipan niili, arakong thun ka chatbaiqto. Raüta ngamthaiq kaü ka ado raüta maiq ikha tiichapto. Raüta apaiq miika maiqse khutsai she thiikuqto.

Obadia 1:4

Ümniiraq ümjam ka ratsan se na, liihawe chü ikha hailaü jiimin, ra na raiqsaiq phong na apaq ikha, li jiimin, ngi raq ümniika mitiidea hit baiqha.

WEAWEA 23:24

Israil mung ka honghea pinthum hangsikaü ikha; Apaiq raq ngam ka bunlak buncha chaibaiq hü maq, raüta phaq baiq hü maq sanglili bum mak, Apaiq raq kaqtaq thun tiijai thun ka mishup nyang shaq wiiwii, sanglili bum mak.”

WEAWEA 24:9

Armung ka hangsi kaü honghea ikha; Ümtiikiiwa apaiq akon sea bumtlaq, Jurmin tiisamki kham mak. Jurwa Israilnok ma ram ram kuqtlaq, Kriiti ma achu shiiman miraq, Kiimaq jurwa Israilnok ma manson tlaq, Kriiti raq manson milap.”

1 Corinthians 14:20

I phu I notiim lei, namshiq ka namshiq tiima na noshiisetiim ikhiika naqsi rongkiq she. Abi ati lam phan niika, noshii setiim ikha si ronglaq. Shatmaq ahea lam phan niika, namshiq tiima tsantsii ka nyungwere tsii ikhiishe tsii ronglaq.

TRI CHONGKE 28:49

Tatiwe raq üm khuthaq na pong mungti rathup rapha mungti kra mishea wan. Kra mungti bom ka ümniiraq taimaü mirhaü. Tsangshiq ka wa raüta liihawe raq wu phiimtlaq ikhiishe ümniika miphiim wan.

Revelation 4:6

Kiimaq hali, hokham ngacho khaki na sammoktra jü chhai wa ikha, chamni phong maklüp jaqlüp wüjang jang hea achhai anyii chhikang. Hokham ngacho ka komtlii siimblai wiita na, ngamkaü kaüblai asi. Kra ngamkaü tiim ka tsangshiq khum na, khaki niimin kiimaq ajai nü niimin, amakpo siisaq diimshat asi.

Revelation 6:3

Kiijiishe, Skuse raq anai ngoja sil trap phan ka tiibun raüta linto chhikang. Kiimaq, ngi raq atra ngamkaü anai ngoja raq, “Wara!” nguta heato taikang.

Revelation 6:5

Kiijiishe, Skuse raq sil atrap atsam ngoja kriishe tiibun raüta linto chhikang. Kiimaq, ngi raq ngamkaü kaütsam ngoja raq, “Wara!” nguta heato taikang. Kiijaq ngi raq liikangta, kumrang anyaq kaü ashi chhikang. Kra kaü thaq na chaoti we jaq niika tok ashi shamraü chhikang.

Revelation 6:7

Kiijiishe, Skuse raq sil atrap blai ngoja kra tiibun raüta linto chhikang. Kiimaq, ngi raq atra ngamkaü kaüblai ngoja raq, “Wara!” nguta heato taikang.