Revelation 4:8 - ASII LAKDAP Bible (BSI)

⁸ Kra chongtiikai ngamkaü blai wiita dü niika kaüshi khum niili arakong ka trokrok. Kiimaq kra arakong thun ka, akii niimin, among niimin, amakpo siisaq tiidiimshat. Ranaiq rawa tsaq mak phan maq, tsangshiq raq akha Shiikeawe ka shomnoq shitlo: “Asii, asii, asii Tati Ajong Shiikeawe ka asii. Apaiq ka man na min asi, ümchaü min asi kiimaq jai na saühoti we.”

Hawa Naga Bible 2001

⁸ Kvruex ngvmx saz bvlic vtaungx nuex vraungx tvruk phok httax yaq, tsuingshiq shauk gvnz vmungx vtsec lotlaz nuex vmuik poz mvrc yaq. Tsuingshiq kuex raungnuiyq raungwvrx thauk muq maq: “Mvnnuex pat, majuiuc pat, yix maq pat httuiuc wvnc yaq nuex httax ruq httax yaq, Tvphaungc Tvsuip Taungjix Tishox kuex vsawc, vsawc, vsawc rvtueq,” ngoz tueq jungx yaq.

Muklom

⁸ Thabali atharang phan shima urang tharok angta, etho hang wang tha umong miik eq tahop ta; ning aa rangpal rangwung nángtong hunga ira batta, “Ajong Shkewa Teyhungwa, nang asang, asang, asang, nang angtu, etho nang ang u, etho nang ukat ang phanu.”

Revelation 4:8 Referencias Cruzadas

RAPHA HIQWA LAK 17:1

Abram ka arawii wiiroq tiikaü ri wiitiikaü she angu na, Tatiwe ka apaiq rai riihumto. Raüta akha nguto, “Ngi ka Ningkun Ajong Shiikeawe. Ibom tailaq. Kiimaq wranaiqshe riikhaqli kli klolaq.

Tvtsvmc 91:1

Juwa Tatiwe tiiwong na watlaq, juwa Ajong Pinthum wokhong na sitlaq,

DUNGWVNC 15:11

“Tatiwe lei, ümnaq khan phra phong na asi sha? Ümnaq khan, asii pinthum asi sha? Ümniiraq shamtlaü khan awang chang nai ningkun aheng jaqshamti asi sha?

DUNGWVNC 3:14

Shiikeawe raq nguto, “Ngi ka Ngi dongdii. Ümniiraq tsangshiq ma akha ngo ratlo: ‘Ngi ka Ngi dongdii nguta ngutlaqwe raq ngi ka namshiq phana tiikito.’

ISAIA 13:6

Amitsi ma gitrang ronglaq! Tatiwe ranaiq ka saühoto she. Ajong Pinthumwe raq tiithenbaiq ranaiq akhing ka saükito she.

ISAIA 62:1

Ngi raq Jerusalem ma tsaijidoke bom michongkuqha; Ngi ka kaiqshak nga mang apaiq mitiichhii shaq wiiwii, Kiimaq apaiq raq rekhat tangtaq khushü ka rawa na ketwa liliimtlaq ikha litlo.

EJEKIEL 1:18

Kra ajikom kaütiim akii tro thun kriika amakpo tonglong maq adiim rat riito.

EJEKIEL 1:5

Kra rathaiq raitlaq among ba niika, ngi raq alii miika maiq sham ikha atra ngamkaütiim kaüblai jong ri chhikang.

EJEKIEL 1:6

Shatmaq kra ngamkaütiim blai ka atheaphi ka blailai jongri kiimaq akaü khumtek dü na arakong ka blailai riito.

EJEKIEL 10:12

Tsangshiq khum thun kra, tsang raikhü nü thun kra, tsang jaq thun kra, tsang rakong thun kra, kiimaq ajikom thun kra, wiita amakpo phong siisaq maq adiim rat.

Yoel 1:15

Alei! Tatiwe ranaiq saütlo she! Tati Ajong Shiikeawe raq, mangjong maiqse shiithen baiq wan akhing saüwato she. Kra ranaiq thenjen wan akhing ka, pinthum phiiptsi chang sitlo!

Acts 20:31

Arkha maq, namshiq ka tsii lamshat maq shongnga ronglaq. Ngi raq namshiq ma makphai pahea trok lata, phaqthak nithak maq naiqhü wasü tran tsii wan pha ira tsan na tiitsang shatmaq shongnga rong laq. Ngi raq namshiq tarü wiitsam tingkhit tran tsii chongkuq kang.

2 Corinthians 6:18

Ngi ka namwe jong ma mija kang, kiimaq namshiq ka I setiim, maiqwe sere nai jechak sere ma mija wan han, nguta Ajong TATIWE raq chongtlo.”

1 Thessalonians 2:9

Phunainotiim lei! Naishiq raq namshiq tiichhanchhi wan miitu, itinkhan ranaiq rawa, japhü wasü hunnii kai irka, ümchaü namshiq tsan na asi li ahiq! Naishiq raq Shiikeawe Tsütsa Ahea ka namshiq ma chongke lam maq, naishiq raq ranaiq rawa jaqsham laita sikai. Laita naishiq raq namshiq ka jam min süpsi mai maq, jaqshamkai.

1 Timothy 4:16

Ümbom ümsa na, ümrong ümrai na, maiqla ashi nguta kamto maq silaq. Asii bomtsi shrinkuq tlaü kra, jaqkhon ka tiiphashat maq, shrinkuq laq. Laüta ümrilung na tsapkapkap maq lang laüta silaq. Kra ümrilung jaqsham kra lü miitiq, ümkhum kra mitiichhii wan haü. Kiimaq nanok ümbom tai wantibi rilung kiimin mitiichhü wan.

2 Timothy 4:2

Ümniiriika, maiqse angu ma trahoke wan kli shiichaq wan ruq riilaq. Kholam kholiiq, chiiriim laüta, akhing hongtaq lo, hong mak lo jiimin, chongkuq wanruq maq shiichaq laq. Ara chongkuq tlaü kra lümaq, maiqse tsan ka tiinin lili mirlaq. Tsangshiq raq tsii chhi wanli chang, bomtsi ka atsin maq trantsii son laüta, chong kuqlaq. Kiimaq tsangshiq tsaiji ka dokuq laq. Ara trahoke jaqsham arka, phanrap na nin wan ruq maq, chongkuq laq.

Hebrews 13:8

Jesuq Khristo ka klaimak. Apaiq ka man niimin klaimak. Ümchaü min klaimak. Kiimaq rawiichii niimin klaimak.

Revelation 1:4

Johan raq Asia wang na siti phungtu miishiti ma: Shiikeawe raq namshiq ka phumram kham maq batshat, kiimaq khoqramkii maq keishat maq mirümkom laq. Shiikeawe ka man niimin asi, ümchaü min asi, kiimaq apaiq ka jai maq saüho tlaq we. Kiimaq Shiikeawe shiiliti winji miishi, Shiikeawe ngacho khaki na nga tlaqti raq,

Revelation 1:8

“Ngi ahata atiipha kiimaq atiisup” nguta Tati Shiikea Ajong we raq chongtlo. Apaiq ka ümchaü min asi, man niimin asi, kiimaq apaiq ka jai maq saüho tlaq we.

Revelation 11:17

Tsangshiq raq Shiikeawe ka akha shomnoqto: “Tati Shiikeawe Ajong ümchaü min asi, kiimaq man na min asi! Ümniiraq ümningkun ajong maq mung rüm tlaü! Arkha maq, naishiq raq ümniima kechutum tiikai!

Revelation 14:11

Tsangshiq tiikhiim chaq chang walü nai wakhuk ka pattup pat-sa matki mak phan she miraq. Ümriiti wa ngamthaiq kaü ka shomnoq tlaq lo, apaiq sumla ka shomnoq tlaq, kiimaq tsangshiq dü na apaiq mang sitlaq, kriiti thun ka ranaiq rawa chamchao wamong niili she mikhiim wan.”

Revelation 14:3

Kra maiq phong 1,44,000 sitlaq kriika, hokham ngacho khaki na, ngamkaü blai khaki na, kiimaq nyungwere khaki na chap raqraq riito. Tsangshiq ka ashi anye ashi shishun sea. Kra shishun tlaq kriika, mangjong hiq wa chhii wantaq maiqse 144,000 kra tlea raüta, maiq ahinti riika ju riimin shishun lot mak.

Revelation 15:3

Raüta, tsangshiq ka Shiikeawe jaqshise Mosheq raq shingetaq kra shi nai Skuse raq shinge wantaq kra akha shinge trang taikang: “Achong lot mai awang chang ajong jaqshamti, O Tati Ajong Shiikeawe lei. Tingting tri raütu kappe shamti, Pattup pat-sa Hokham we.

Revelation 15:7

Kiijiishe, atra ngamkaü blai wa kaüshi raq, rasetiim miishi ma chaq sorija winpin miishi kuqto chhikang. Kra winpin thun ka, pattup pat-sa atra siti we, Shiikeawe tsankhiq che athü tuptup ama riito. Kra che winpin thun ka, mangjong maiqse khuthaq na raübaiq wan miitu she kuqto.

Revelation 16:14

Tsangshiq arka abi winji, awang chang jaqshamti. Ara abi winji atsam arka mangjong hiq hupli na kihoto. Raüta mangjong hiq na hokham bi thun ka adam na triitam raüta Phangthum Khapho Ajong Ranaiq na riikhat wan miitu she tiije ho tlo.

Revelation 16:7

Kiijiishe, ngi raq kra berongwacha wa maiq bom ashi akha chongto taikang, “Ajong Shiikeawe lei! ümniiraq kha pho tlaü ka tengteng. Kiimaq riikhaqli, athuk atsom maq pho kuq tlaü!”

Revelation 19:15

Apaiq nübok wa siraüraü nepja ashi dongkito. Kra nepja maq apaiq raq mangjong tlotli ka long raüta mitang. Apaiq raq tsangshiq khuthaq na jin chongwai kii shamshat maq mipeng. Kiimaq apaiq raq Ajong Pinthum Shiikeawe tsankhiq spiqtsi tiikitchang longtham na mitiikit baiq wan.

Revelation 19:4

Nyungwere roqnai ri blai, kiimaq ngamkaü blai ka hiq na bumrang raüta Shiikeawe ka shomnoqto. Shiikeawe ka ngacho na ngashat. Tsangshiq raq akha nguto, “Amen! Shiikeawe tiitsam rong i!”

Revelation 21:22

Ngi raq chela mong na shomjam ka chhi mang she. Tati Shiikeawe Ajong kiimaq Skuse kriili she chelati miitu Shomjam. Shiikeawe ka chelati rai wranaiqshe siruq lishe. Kiimaq krai mren, Shiikeawe shomnoq miitu hiq bashi tiitsang dada thürea wan ka raa mak she.

Revelation 3:7

“Philadalphia na phungtu sitlaq kra liiti rase ma ara waiq laq: “Ara tsütsa arka Asii kiimaq tingting sitiwe raq atiiwan. Apaiq jaq na Dawit sapitu ka asi. Krai mren ümtiikiiwa apaiq raq kilü ashi ka ditlaq, kriika jurmin shaqlot mak she, kiimaq ümtiikiiwa apaiq raq kra ashaq riitlaq, kriika jurmin dilot mak she.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Revelation 4:6

Kiimaq hali, hokham ngacho khaki na sammoktra jü chhai wa ikha, chamni phong maklüp jaqlüp wüjang jang hea achhai anyii chhikang. Hokham ngacho ka komtlii siimblai wiita na, ngamkaü kaüblai asi. Kra ngamkaü tiim ka tsangshiq khum na, khaki niimin kiimaq ajai nü niimin, amakpo siisaq diimshat asi.

Revelation 4:9

Atra ngamkaü blai raq ngacho na ngati we kra shomnoq, apaiq khushü jong ka tiitsam kam shinge, shreng manto shinge, kiimaq apaiq somra shinge shishun trang tlo. Apaiq ka pattup pat-sa atrali siruq sitiwe. Ümtiikiiwa ngamkaü blai raq shitrang tlaq, tsangshiq rai dangshi maq

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.

Revelation 6:1

Kiijiishe, Skuse raq sil miishi wa atrap phan, apha wan sil kra tiibun raüta linto chhikang. Kra linri, ngi raq kra atra ngamkaü blai wa kaüshi raq, ramok wa ikha hong raüta, “Wara!” nguta heato taikang.

Revelation 6:6

Ngi raq maiq bom ikha, atra ngamkaü blai phong wa akha chongto taikang, “Bunwong win tokshi ka ranaiq shi jaq maq ma miraq, kiimaq jaili wongwin toktsam ka, ranaiqshi jaq maq ma miraq. Shatmaq, olip pero nai spiqtsiro bagan ka naq tiithenkiq!”

Revelation 7:11

Kiimaq, rasetiim thun kunli ka hokham ngacho na ngati we nai nyungwere, kiimaq atra ngamkaü blai tro na chap raqraq riito. Raüta, tsangshiq tarü raq hokham ngacho na ngati we khaki na, hiq na bum rang rang raüta, Shiikeawe ka shomnoqto.

Revelation 7:15

Arningkhan she, ümchaü sanha, tsangshiq ka Shiikeawe wokhong niishe, apaiq shomnoq ranaiq rawa, apaiq shomjam mong na sitlaq ara. Ümchaü sanha, hokham ngacho na ngati we raq, tsangshiq ka achi arakhong maq pangshat she.