Revelation 4:6 - ASII LAKDAP Bible (BSI)

⁶ Kiimaq hali, hokham ngacho khaki na sammoktra jü chhai wa ikha, chamni phong maklüp jaqlüp wüjang jang hea achhai anyii chhikang. Hokham ngacho ka komtlii siimblai wiita na, ngamkaü kaüblai asi. Kra ngamkaü tiim ka tsangshiq khum na, khaki niimin kiimaq ajai nü niimin, amakpo siisaq diimshat asi.

Hawa Naga Bible 2001

⁶ Hoc daungraungc khaungkac kox nuex lungluiz wuic rulc rv-ngvlc yaq jamnac ikhoc yuix jumx httax yaq. Kvmaq hoc daungraungc tvroz samx wvguip nuex vyix vmax nuex muik httax yaq ngvmx saz bvlic httax yaq.

Muklom

⁶ Eshi tongching jakho shina shisha jungshi mal esha crystal mal alang angta. Tongching sokthabi na bali atharang phan, etho ning jiko jakho shina miik chan angta.

Revelation 4:6 Referencias Cruzadas

1 HOKHVMX 7:23

Huram raq miiki ngam maq khamtum tamloklok piikhaü kaü ikha atsaü nü na 2.2 mitar kiimaq khamtum nübok ka siimko maq riita siimko na saüli ka 4.4 mitar, kiimaq kra khamtum trotam maq akii-tro ka ajong nü na 13.2 mitar riito.

YOBA 28:17

Taksu tsii ka chaq nam miimin athii tsinhea. Chaqkok lo kokhea pinthum thaq niimin athii tsinhea.

DUNGWVNC 38:8

Kiimaq apaiq raq miiki maq jaqhe chang nüchhong winpin nai kra shong chang kham ka jechakre Tatiwe asi Tombutiip kilamchong na jaqshamti chamni phong kriimaq kloto.

EJEKIEL 10:12

Tsangshiq khum thun kra, tsang raikhü nü thun kra, tsang jaq thun kra, tsang rakong thun kra, kiimaq ajikom thun kra, wiita amakpo phong siisaq maq adiim rat.

EJEKIEL 10:14

Cherubim kaütiim theaphi ka blailai siisaq. Apha shaqshaq theaphi ka minsaü pongwe theaphi ikha. Kiimaq theaphi anai ngojati kriika maiqse theaphi ikha. Kiimaq theaphi atsam ngojati kriika hangsikaü theaphi ikha. Kiimaq theaphi blai ngojati kriika liihawekaü theaphi ikha.

Revelation 14:3

Kra maiq phong 1,44,000 sitlaq kriika, hokham ngacho khaki na, ngamkaü blai khaki na, kiimaq nyungwere khaki na chap raqraq riito. Tsangshiq ka ashi anye ashi shishun sea. Kra shishun tlaq kriika, mangjong hiq wa chhii wantaq maiqse 144,000 kra tlea raüta, maiq ahinti riika ju riimin shishun lot mak.

Revelation 15:2

Kiijiishe, ngi raq chamni phong ka walü tu nyai rai tlaq mong na liirai tlaq ikha, achhai anyii wa henghea chhai rai tlo chhikang. Kiimaq sammoktra jü maq adong ngamthaiq kaü kiimaq, kra ngamthaiq kaü sumla, kiimaq ngamthaiq kaü mang lombot maq tiiwaiq wan mak maq riikhat raüta, rekhat tang wanti thun maiq phong kriimin ngi raq chhikang. Tsangshiq ka kra chamni phong liliim chhai rai tlaq kra tho na chap raqraq riito. Shiikeawe raq tsangshiq ma akuq phaqlam toro thun ka, tsangshiq jaq na doraq chhaq maq, chapraqraq.

Revelation 15:7

Kiijiishe, atra ngamkaü blai wa kaüshi raq, rasetiim miishi ma chaq sorija winpin miishi kuqto chhikang. Kra winpin thun ka, pattup pat-sa atra siti we, Shiikeawe tsankhiq che athü tuptup ama riito. Kra che winpin thun ka, mangjong maiqse khuthaq na raübaiq wan miitu she kuqto.

Revelation 19:4

Nyungwere roqnai ri blai, kiimaq ngamkaü blai ka hiq na bumrang raüta Shiikeawe ka shomnoqto. Shiikeawe ka ngacho na ngashat. Tsangshiq raq akha nguto, “Amen! Shiikeawe tiitsam rong i!”

Revelation 21:11

Kiimaq Jerusalem ka Shiikeawe khushü ngao raq achhai anyii wa hea la riito. Kra Chela ka athii tsinhea phan Jaspar longseng chhai tlaq ikha wüjangjang hea chhai raitlo.

Revelation 21:18

Khetuk ka jaspar longseng maq ahai wan. Kiimaq chela mong riiwe kla chiisan chaq ngam maq ahai wan, chamni chhai rai tlaq ikha wüjang jang hea ali aliim wahea la riito.

Revelation 21:21

Kilü roqshi ri anai kriika, pear longseng ngutlaq phan maq haito. Kilü chong ashi kriika, pear longkaü kaüshi miili ahai riito. Chela mong na lam thun kriika, chiisan chaq ngam maq haito. Chela mong na lamjong thun kriika, chamni chhai rai tlaq ikha, chhaisam sam hea achhai anyii maiqsham ra shra riito.

Revelation 22:1

Rase raq ngi ma atra rilung tsitsü khamrai kiimin tiichhikuqto. Kra khamrai ka longseng chhai rai tlaq ikha wüjangjang hea achhai anyii. Kiimaq kra khamrai dong chang kuk kriika, Shiikeawe nai Skuse hokham ngachang ngacho takiq na.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Revelation 5:11

Kiimahali, ngi raq liinong kang. Krai mren, rasetiim bom taikang. Rasetiim ka ahing amun awea lot mai chhikang! Tsangshiq ka hokham ngacho, atra ngamkaü blai, kiimaq nyungwere thun kra trotam na chhikang.

Revelation 5:14

Kiijiishe atra ngamkaü blai raq, “Amen!” nguta treto. Kiimaq kra nyungwere riimin hiq na bum rang raüta, Shiikeawe nai Skuse ka shomnoqto.

Revelation 5:6

Kiijiishe ngi raq, Skuse ka hokham ngacho khaki na chap raü chhikang. Kiimaq apaiq tro niika atra ngamkaü blai, kiimaq nyungwere ka asi riito. Skuse ka atsea arbaiq wa ikha riito. Arong ka miishi. Kiimaq, amakpo min miishi. Kriika Shiikeawe winji miishi ara mangjong hiq hamli, Shiikeawe raq atiiki kra riito.

Revelation 5:8

Apaiq raq kra jaüri, atra ngamkaü blai nai nyungwere roqnai ri blai ka, Skuse khaki na hiq na bumrang riito. Tsangshiq khumtek jaq na toropo nai chaq winpin shamraqraq riito. Chaq winpin niika, Shiikeawe sengi achu jaü honglu homseng athü, asho awo amachhaq riito.

Revelation 6:1

Kiijiishe, Skuse raq sil miishi wa atrap phan, apha wan sil kra tiibun raüta linto chhikang. Kra linri, ngi raq kra atra ngamkaü blai wa kaüshi raq, ramok wa ikha hong raüta, “Wara!” nguta heato taikang.

Revelation 6:6

Ngi raq maiq bom ikha, atra ngamkaü blai phong wa akha chongto taikang, “Bunwong win tokshi ka ranaiq shi jaq maq ma miraq, kiimaq jaili wongwin toktsam ka, ranaiqshi jaq maq ma miraq. Shatmaq, olip pero nai spiqtsiro bagan ka naq tiithenkiq!”

Revelation 7:11

Kiimaq, rasetiim thun kunli ka hokham ngacho na ngati we nai nyungwere, kiimaq atra ngamkaü blai tro na chap raqraq riito. Raüta, tsangshiq tarü raq hokham ngacho na ngati we khaki na, hiq na bum rang rang raüta, Shiikeawe ka shomnoqto.

Revelation 7:17

Ümchaü sanha, hokham ngacho wang mong na ngati, Skuse ka tsangshiq rümti she. Apaiq raq tsangshiq ka, rilung tsitsü raisetiim wa kham mitiinyang. Kiimaq Shiikeawe raq, tsangshiq makphai khüshang, wiita atat she mirkuq.”