Revelation 3:4 - ASII LAKDAP Bible (BSI)

⁴ Shatmaq, namshiq Sardis na siti Phungmaiqsetiim liipan wa maiq wiijamti ka asii sitlan. Namshiq asii maq siwantibi ka, ngi rai adam na khealü miirii sam lanta misi wan dam han. Jamkhano ngukla, namshiq ka wenyi na awongsii maiqshaq sitlan.

Hawa Naga Bible 2001

⁴ Yuq muinz Sardi ghaq nuex miqmac khoz vkhvy tvshuy shac muq jix miq raungluingx saz httax yaq. Tsuingshiq kuex hunghtaungx yaq jix htenc rvtueq ningkhvnc nuex vluiz vsawc khoz vkhvy svmx vtueq, ngaz rulc roc nuex khuemx shamx naungx phuex.

Muklom

⁴ Etharin ba Sardis haq na chamtey miq atha, ning aa ning ni ning khat sha thanan moq angta. Ning apung khat sam eq i jamoq lingqhing na chammatakoi ning aa ira jin somlo eq aa.

Revelation 3:4 Referencias Cruzadas

1 HOKHVMX 19:18

Artaü maq dongdii min, Ngi raq Israil mung na Ngi shomnoqti maiq ka hingmiishe atra sishat li mithüha. Tsangshiq raq Ngi ka tsapkapkap maq shomnoq wantlo. Kiimaq tsangshiq raq Baal phra ka shomnoq mak. Kiimaq Baal samla ka tsangshiq raq nü maq shupki mak.”

ESTHAR 8:15

Raütiishe Mordekai ka hokham raq sam chang awai nai alü maq ataq samtong jong kaü kra samto. Kiimaq müsaisai raihi-nairai maq ataq waichatchat rong nai railü maq ataq sambin samtong jong kaü kri samraü she, kiimaq akhupo na chaq khuphok ri phok raü, hokhamwe jam mong maq donghoto. Kra chhi raütiishe Susa chela na siti mungmaiqse thun ka chojong chise arü ariiq wa trangli she, Mordekai ka taoto.

Tvtsvmc 68:14

Ningkun Ajong Shiikeawe raq rewe hokhambi thun Jalmon Pum na tiipin jobaiqtaq akhing apaiq raq tsakhiiq ka kiijaq trokto.

THARC TVLUINGC 9:8

Wranaiqshe khuthai thea mai, laüta chojong chise miili silaq.

ISAIA 1:9

Riita Tati Ajong Pinthum raq khup wongkuq mak nguraü ka akha aso amose dongdii min tiichong mak, Sodom nai Gommora chela then wantaq kiikha ara Jerusalem chela armin laimiq mitiithen baiq wa.

ISAIA 52:1

Jerusalem lei, ningkun shoqlaq laüta thongshiri ajong ma janonglaq! Asii Shiikeawe chela lei, achhai anyii miirii tiimiikhiiq nonglaq! Thatsang maiqse ka üm kilamchong thun mong na nyapmak she miraq.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

ISAIA 64:6

Naishiq tarü kunli ka ngarai maiqse siisaq. Naishiq raq athuk atsom pinthum jaqsham wan tiikai nguta tiima wan tiikai kriimin namtoktok ngarai namtsamli. Naishiq ngarai ka atinkhan arkha maq naishiq rilung ka pejaq jung wantlaq ikhli jungkitlo. Raüta rahai raq pan wan saqli she pan wantlo.

LEWI 13:48

riimakla laihin müsaisai raihi-nairai khea phu thaq na lo, riimakla uni khea na lo, riimakla ngamkhü thaq na lo, ngamkhü maq aklo laihin hupsam thaq na thathaü kop raüla,

Matthew 10:11

“Namshiq ka maiqhiq chela ashi na, lo maiqhiq shong ashi niiwa saüho han jiila, kra hiqshong kiijaq warong laq. Lanta, namshiq tao wanti wandü jam kra rit wan lili rong laq. Lanta, kra hiqshong maq maiqhiq ahin na mitiido wan han shaq wiiwii, maiqmii wanti ta jam kiijiili sirong laq.

Mark 16:5

Krai mren, tsangtsam ka longsha makho mong na nyap wa raüta liito. Kiijaq tsangshiq raq norii we ashi, samtong jong alü wiq kaü sam raüta, jaqtsi nü na nga raü chhi hoto. Kra chhi raütiishe, tsangshiq ka kai awang riito.

Luke 20:35

Shatmaq, Shiikeawe raq khaphoke jai she, ümriiti wa ama wa dong wan thek tlo nguta phokuq tlaq, kriiti miika, saüho tlaq pat na arlam arwa ngutiika ahü she.

Luke 21:36

Ara chong tiikai mra pin akhing saü wan tlaq kra thun ka wiita kunkun tang wan miitu, lanta namshiq ka tiichhii wan miitu, achu jaü shatmaq kiimaq, honkamshat maq si ronglaq. Lanta, namshiq ka Maiq Se man na chap wan li chang miitu, pharang rang maq si ronglaq.”

Acts 1:15

Kiitincho ji na kamasham maiqsetiim ka adam na rintii thungngato. Tsangshiq ka wiitarü shishi ri roqnai tin khan riito. Kiimaq kiitiikaq Petar ka chap raüta akongtibi kiima akha chongto,

2 Thessalonians 1:5

Riita, arthun chongtiikai ara miili she, Shiikeawe raq kha phokuq tlaq arka, tingting maq shin raütiidea phokuq tlo nguta, nashiq raq sap tiikai. Kiimaq ümchaü namshiq chamchao tlan arkha maq, namshiq ka apaiq Mungtan na, awokhong na, awongsii asengibi ma mitiija wan.

Jude 1:23

Maiq wiijamti ka wamungtan na adea wan namshnam sitlo. Kiiwa tsangshiq ka tingting lam phan na tiijang shea wan nong rong laq. Lanta tiichhii kuq rong laq. Kiimaq maiq wiijamti ka tsangshiq maiqmii ashe ngarai ramho kharü mong na sitlo. Kiiwa tsangshiq ma mangchan tiitsi kuq rong laq. Lanta, Shiikeawe ma haisong wan lam kra chongkuq rong laq. Kra tiina, honkamshat maq siwan lili rong laq. Tsangshiq ngarai sükha rilung kriika, asaisi riironglaq. Shatmaq, namkhum kriika tsangshiq ngarai khamchum kiijaq naq tiitsam dam rongkiq.

Revelation 1:11

Kra maiq bom raq chongto, “Ümniiraq jamlai wa chhi tlaü kra waiq thü laq. Laüta, kra lakdap ka ara chela miishi na, phungtuti sitlaq kiima tiiho wan laq. Ara chela miishi thun ka ara: Ephisia, Smarna, Pargamum, Thiatira, Sardis, Philadalphia kiimaq Laodesia.”

Revelation 11:13

Kra tsangnai wawan ri, tlothit li she henghea langlang hiqjong muto. Kra hiqmu raq chela ka manroqshi khu wa manshi rii ka tiithen baiqto. Kiimaq, maiq ka hingmiishi jiimto. Kiiwa chantlaq maiqse angu thun ka, kai phiip raq tsaito. Raüta, tsangshiq raq ramungtan wa Shiikeawe ningkun jonglu kra chhi raüta, apaiq ka tiitsamto.

Revelation 14:4

Tsangshiq ka jechakre rai kiicham mak maq, siirairai maq siti. Tsangshiq ka junsangse kong. Tsangshiq ka Skuse jai phanphan shongati. Tsangshiq ka mangjong maiqse phong wa adaa wan. Raüta, Shiikeawe nai Skuse ma tsamwi poi wong ikha, honglu na akuq.

Revelation 19:14

Ramungtan wa phenlabi thun ka apaiq jai phanphan wa tlo. Tsangshiq thun ka kumrang lü thaq na chao raqraq riito. Kiimaq tsangshiq miirii ka siirairai raihi-nairai khea samraqraq riito.

Revelation 19:8

Junrii nyung miika siirairai hea namrai khea miirii akekun she!” (Ara namrai khea miirii arka Shiikeawe sengi raq, asii jaqsham wantaq thun kra riito.)

Revelation 3:18

Arningkhan, ngi raq namshiq ma tsii chongkuq tiikang ara. Tairong laq. Namshiq raq i jaq wa awongsii wenyi tsiiq, chiisan tsiiq ara rirong laq. Kra riihan jiitiq, riikhaqli chiithe ma mija han. Lanta, i jaq wa khealü miirii ka ri lanta sam rong laq. Lanta, namkhum kheahü ma, jeasi miari sitlan kra, pang rong laq. Lanta, namshiq mak na jut chang tsiq min rilanta, jut rong laq. Kra riihan jiila, nam mak ka mipiiq. Raüta, michhi han.

Revelation 3:5

Jurwa rekhat tang tlaq, kriiti ma ara khealü miirii ara mitiitsam kuq. Kiimaq ngi raq tsangshiq mang ka atrati mang lakdap wa lambaiq mang mirha. I we man na kiimaq apaiq rasetiim man na, ngi raq kholam kholiiq tsangshiq ka i sengi lü nguta rairai riirii she mirairii wan ha.

Revelation 4:4

Hokham ngacho komtam na, hokham ngachang ngacho ahin ka roqnai ri blai asi. Kiijaq nyungwere shiilangbi roqnai ri weblai ngaraqraq riito. Tsangshiq miirii ka alü, kiimaq tsangshiq ka chaq khuphok phok raq raq.

Revelation 6:11

Tsangshiq wiitarü ma khea thum samtong alü miirii achhuq chhuq kuqto chhikang. Kiimaq tsangshiq ka heashi ri nii tiitsak khe ronglaq, tsangshiq jamkho tsattaq kiikhiisii, tsangshiq ma aphu ano ümchuwa atsai chang asi shaq dea asi, kra wiita tiithumli khe chang nguta chongkuqto.

Revelation 7:9

Arjai miishe, ngi raq liinong kang. Liikangta, kiijaq mungmaiqse phong angu kla jako michong. Ahing amun, awea lot chang riimak chhikang! Tsangshiq ka maiq aphantek wa, kaüwa tek wa, mungtek wa, kiimaq maiq aphan aphan bom tek wa athung rai. Tsangshiq ka hokham ngacho na ngati we nai Skuse ngacho khaki nü na chap raqraq maq thungto chhikang. Tsangshiq ka khealü miirii samtong jong sam raq chhaq riito. Kiimaq tsangshiq jaq na taitsi hii doraq chhaq maq chapraq raq riito.