Revelation 3:3 - ASII LAKDAP Bible (BSI)

³ Arningkhan, man na namshiq Phung na shang wan pha ji na achongkuq, tengteng bomtsi raü kra, tsan na samhea tiitsang shat thü rong laq. Lanta, lang wan ruq maq sirong laq. Lang tlan krai mren, ngarai ka baiq rong liishe. Namshiq ka akon wa sam wan man li sihan jiila, ngi ka ahuk saüki tlaq ikha, namshiq phana tiihanghiiq miili misaükiha. Namshiq riika ngi saükai akhing min sap man mirhan.

Hawa Naga Bible 2001

³ Kvkhoc rvtueq mnoz rueq yvmx lac tvluing wvnc tonx nuiyc tay wvnc toq lvmz kuex rvwvl yek shuiuz; kvruex tay phvnx vtueq, mmvrax htenc wawc thuinz kvlayc kvwek yek kuiuz, mnoz honc svmz muq ngoz ruiux yuq kuex vguiuq waz ikhoc ngaz mnoz kox nuex kaz raungx, ngaz kaz taungx vkhing kuex mnoz rueq tuiuz shuiux rvmuq.

Muklom

³ Eshirangma, nang aa chamal eq thung kap tu etho tat tu, eshi tasik u; eshina tong u etho tin kaley u. Ujib wang shat mu ang ujo nga ahut mal thupha náng, etho nga bari rangham o ba jamnáng thupha náng sha nang aa baluk o tho sam mu ang nu.

Revelation 3:3 Referencias Cruzadas

EJEKIEL 20:43

Kiijiishetiq namshiq raq, namshiq raq ümtinkhan wa maiqjea asi klo wan lan thun kra namtsan mong na midong wan. Kiimaq namshiq raq maiqmii khum ka jamkho tiisheshi baiq wanlan, kriithun ka namtsan mong na midong wan. Namshiq ka maiqmii nai maiqmii kli she mitiitap tang han. Jamkhano ngukla namshiq raq atinkhan ashut klowan wan lan.

EJEKIEL 36:31

Namshiq raq ümtinkhan wa abi rong arai rüm wan lan kra tsan na mitiitsang han kiimaq ajiq ümtinwa klo wan lan kra tsan na mitiitsang han. Lanta namshiq maiqmii raq ümtinkhan wa ngarai tang wan lan kiimaq ashut klo wan lan thun kra tum lanta, maiqmii nai maiqmii riili she agoq apaiq misaisi han.

Matthew 25:13

Raüta Jesuq raq abom chong ka akha shatto, “Arkha maq, namshiq ka honlam shatmaq sironglaq. Ara jamkhano chongtiikang ngukla Maiq Se ka ranaiq niisha rawa niiwa saüki tlaq riila, kriika namshiq raq sap man.

Mark 13:33

Kra ranaiq akhing saükai kriika namshiq raq sapman. Kriikha maq, namshiq ka honkam shat maq, kheshat lanta siwan lili ronglaq.

Mark 13:36

Apaiq ka tiihanghiiq maq saüki raüla, apaiq raq namshiq ka akon sia loho mak chang miitu, namshiq ka honkam shat maq si ronglaq.

1 Thessalonians 5:2

Ara jamkhano chongtiikang ngukla, namshiq maiqmii riimin la, Tatiwe saükai Ranaiq ka, rawa na ahuk saüwa tlaq ikha, tiidong chhaq miili misaüki nguta, samhea wiq asap han she.

1 Timothy 6:20

Timothi lei, ümjaq na jamlai phan wa tiisham kuqtaq, kriika samhea wiq maq shiikum pan laüta saiqsam laq. Asii bomtsi tiisheshi chang bom tlaq kriika, naq tre damkiq. Kriijaq ümniika naq lom wan damkiq.

2 Timothy 1:13

Shrawe ashi raq nanok ma tengtlaq bomtsi ka jamkha trahoke chang wa, kiimaq jamkha shrinke chang wa, kra jaqsham ka ngi raq ümniima tlang kuq kang she. Ümniiriika i jaqtho lap laü she. Kra kha maq, kra phanphan sham wan lili riilaq. Jesuq Khristo pum lümaq tengteng kamtsantsii, nashiq ma kuqtaq, kiimaq lungwii tsantsii kuqtaq kra arang samhea tiipha laüta tiicham laq.

Hebrews 2:1

Ara chongtiikai arkha maq, nashiq raq tai kai tengman tlaq bomtsi ka, tsan na tiitsang shat maq rüm laita lang rong i. Akha si riihai jiika, nashiq rilung na jamlai phan rathaiq rahai saü raü min, nashiq ka tiimeshi lot mak miraq.

2 Peter 1:13

Ngi raq namshiq ma akha sungkhu tsiilam chongke wan arka, ngi ma homaho jaqsham ashi. Arkha maq, ngi ka atra sitiikang wiiwii, namshiq tsan tiichhii wan miitu tsii chongke ka nungpaq mang mirha nguta tiima tiikang.

2 Peter 3:1

Lungwii phunobi lei, ngi raq namshiq ma ümchaü lak waiq tiikang ara raq, jangnai she waiq tiikang. I lak anai ri na namshiq ma tiima tsantsii khangriri tingting maq sironglaq nguta, namshiq tsan tiichhiike miitu waiq kang.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.

Revelation 16:15

Tati raq nguto, “Tairong laq! Ngi ka ahuk dong kai ikha tiihang hiiq miili misaüki ha! Kechu jonghea, juwa akon riilaq mak maq, asam maq kheshat sitlaq. Kiimaq miirii ka tiije je maq sitlaq. Krai mren nokwe phong na apaiq ka raiqhü ma kha na nguta jea ngaü chang ahü miraq!”

Revelation 2:25

Shatmaq, ngi misaüho shaq wiiwii, ümchaü jamlai mo kam tlan, kra jaqkhon pharang rang maq riiwiiq lanta sironglaq.

Revelation 2:5

Tiima rong laq. Namshiq ka ümtinkhan tsaü diikiq niishe wa dea wan lan! Arkha maq, ümchaü min, namshiq ngarai lam wa ngi phana jang wan tlo ronglaq. Lanta, man na aphaji na ngi ka jamkho lungwii lan, ikha hali lungwii lanta sironglaq. Namshiq ngarai lam phan wa jang wan man la jiila, ngi kilata namshiq lem ka ato chang ba wa ado mirki ha.

Revelation 22:7

“Tairong laq!” nguta Jesuq raq chongto. “Ngi ka jaqloli she misaüho ha! Kechu jonghea, jurwa ara lakdap wa shammi bomchong ara lang tlaq!”

Revelation 3:11

Ngi ka jaqloli misaüho kang. Namshiq wenyi rilung ka awongsii thü rong laq. Kiikha sihan jiitiq, namshiq srea poksi ka jurmin nyeaho lot mak miraq.

Revelation 3:19

Ngi raq lungwii tiikangti ka atiitsii ma, ason atsea riitiikang. Arkha maq chong tiipha. Ümchaü min, namshiq ka ngarai lam wa jang wan tlo ronglaq.

Revelation 3:2

Arkha maq, namshiq ma tsii chongkuq tiipha ara tai rong laq. Lanta, namshiq ka wenyi na akon wa, sam wan tlo ronglaq. Namshiq mongjii na wenyi wa ka ham wanto she. Kra mimatki shaq na, tiinyai chaq tlo rong laq. Namshiq raq Phungmaiqse jaqsham lan ka i Shiikeawe makki na riikhaqli thuktsom mak.