Revelation 2:10 - ASII LAKDAP Bible (BSI)

¹⁰ Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Hawa Naga Bible 2001

¹⁰ Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Muklom

¹⁰ Bari tsamnáng raa nang aa kap nu, eshima nak cho u. Nim tari ma thangwa aa nim wang chamtey sha chuk náng shak phanin; etho nim aa saal asi náng thula tsamnáng sha nan ching. Utik náng thula kam u, etho nga nang ma rollung khopok kot phanáng.

Revelation 2:10 Referencias Cruzadas

Tvtsvmc 31:23

Tatiwe ka lungwii ronglaq, asengi awokhong na tsapkapkap maq sitibi raq. Tatiwe raq awokhong na tsapkapkap maq siti ka tiiwong kuqtlo, shatmaq kumrong kumraqti ka tsangshiq jaq maq kra khan khan mo tiihotlo.

AJONJÜ 3:57

Ümniiraq ngi achu jaü tre laü. Kiimaq ngi ma naqha aikiq ngulaü.

DANIEL 1:12

Raüta, akha nguto, “Naitsam ka raroqshi miitu shrira liilaq. Naishiq miika dungtsap chang jücha weashaü nai anyang chang khamsang lamlamli kuqlaq.

DANIEL 1:14

Krai mren, apaiq riimin tsangtsam miika raroqshi miitu kham nai jücha weashaü lamlamli kuqto.

HABAKUK 2:3

Ara riisham bomchong hongwan akhing, misaü shaqli; Arka miku wan dongdii jaqlo miili. Ngi raq jamlai wa chongkang kra, mihong wan dongdii. Alo kuwan mak tiijai tlo ngochangchang miraq, Shatmaq kherong laq miku wan dongdii; Arka poimak phan; Alu ka khing mak she.

Matthew 10:22

Maiq wiitarü raq namshiq ka i mang na makshu rashe mingeng. Shatmaq jurwa atiithum ranaiq na saüli nin wan tlaq, kriiti kli mitiichhii.

Matthew 10:28

Maiqse riika han-ngam khum kli mitsat lot; shatmaq wenyi ka tsatlot mak she. Tsangshiq miika naqhai rongkiq. Shatmaq han-ngam nai asak tsitsü kra wamungtan na tiikai lotti we Shiikeawe miili haisong tsantsii ka rüm lanta siwan lili ronglaq.

Matthew 24:13

Shatmaq jurwa atiisup na saüli ngi ma kamwan tlaq, kriiti kli mitiichhii wan lot.

Mark 13:13

Wiitarü raq, namshiq ka ngi miitu mingeng. Shatmaq, jurwa atiithum na saüli nin wan ruq maq ngi ma kam wan tlaq, kriiti ka mitiichhii wan.”

Mark 8:35

Jurwa atsitsü ka tiichhii tiima tlaq, kriiti raq apaiq rilung ka atiimo mirbaiq. Shatmaq, jurwa apaiq rilung ka i jai phan miitu nai Tsütsa Ahea ara chongke miitu, tiimo baiq tlaq, kriiti raq apaiq rilung ka mitiichhii.

Luke 21:12

Riita, arthun mra ara mipin wan shaq na, namshiq ka maiq raq alu aban miraq. Raüta, mitiichamchao. Namshiq ka sinagok thun na mitiichap. Raüta, namshiq kha ka mipho. Kiimaq phaqtek mong na mishaq. Namshiq ka hokhambi nai welabi man na, i mang chong ara miitu mitiichap.

John 12:25

Krai mren, jurwa maiqmii rilung ka lungwii tlaq, kriiti raq maiqmii rilung ka atiimo mirbaiq. Shatmaq, jurwa maiqmii rilung ka ara mangjong hiq maq asaisi riiwan tlaq, kriiti raq maiqmii rilung ka, pattup pat-sa atra siwan miitu mithü wan.

John 13:2

Jesuq nai ajaqshisetiim ka raji dungsea adam na artam nga wishe. Kra akhing na, Tha raq Simon Iskariot se Judas tsan ka, Jesuq shaphaq miitu arap baiq kun she.

John 13:27

Krai mren, Judas raq kra winsii phu ka phaq ri li she, Soitan ka apaiq khum niishe shang wanto. Kiimaq, “Ümniiraq jamlai phan klo chang wa, kriika jaqlolo klo tlo laq!” nguta Jesuq raq apaiq ka thaüto.

Acts 20:24

Shatmaq, ngi raq i rilung arka rariq mang she. Tati Jesuq raq ngi ka Tsütsa Ahea Shiikeawe kaphap bomtsi kra chongke miitu shongto. Kra jaqsham kra tlot wan tlo hajaq ngutli tsinngin tiikang.

Acts 21:13

Shatmaq, Paul raq tsangshiq ma, “Namtsam ka akha jamkho ngi rai tlan? Aho anyi trang lanta, i tsan ara tiibun baiq sha dan tlan? Ngi ka Jerusalem na shumraü kharü maq tiikha lamlamse li ka riimak! Tati Jesuq miitu, Jerusalem na atsai ma kham tiikang,” nguta tsangshiq bom ka treto.

1 Corinthians 9:25

Phanrap atochang phan na maiq arlong laa wanti sitlaq kriika tsangshiq ma shrinke liipan bala, pinthum thungtri atsin maq shrin kuq tlo. Arka athen kai chang poksi khushü dong chang khuphok lap wan kra miitu riilong tlo. Shatmaq nashiq riika, pattup thenki mak phan poksi lap miitu sham tiikai.

Ephesians 2:2

Kra lea wan lan akhing na, namshiq raq ara mangjong hiq na siti, abi maiqse rilung lam kra phan lanta silan. Krai mren, kiitiikaq, namshiq ka, ara ümchaü pat wa mangjong maiqse, Shiikeawe kiq khiiti ara jamsha wanti we, rawang win na siti abi winji welabi thun thaq na, hokham jati we wokhong na silan.

Ephesians 6:12

Ara jamkhano chongtiikang ngukla, nashiq rekhat ka han-ngam rewebi rai ka riimak. Shatmaq rawang win na Thawe abi winji welabi rai, arang hotibi kiimaq ara ranyaq pat wa mangjong hiq arwa maiqse jamshati abi winjibi rai riikhat tiikai.

James 1:12

Jurwa maitai chamchao akhing saü raü min, apaiq raq Shiikeawe ma kamtsantsii rüm tlaq kra, tiimeshi mak maq, pharangrang maq, chamchao litkot kra nin wan ruq miili sitlaq, kriiti ma pinthum kechu jonghea. Shiikeawe raq apaiq lungwiitibi miitu, pattup pat-sa rilung mikuq ha nguta kiqkham kuqtaq kra, apaiq riimin milap.

1 Peter 5:4

Namshiq raq akha tsapkapkap maq sku sekong ka rüm han jiila, ümtiikiiwa sku Rümti Ajong Pinthum we ka saüho nongtlaq akhing na, apaiq raq namshiq ma poksi, pattup pat-sa thenki mak phan achhai anyii wa hea la khuphok she mikuq.

1 Peter 5:8

Honkam shat rong laq! Khekham si ronglaq! Namjaqti, Thawe ka, namshiq tro na ashi ra kaqphaq hoha jaq nguta, hangsi kaü ikha, agam agu wa la, khum tlo.

Revelation 13:14

Ara hiq mong maq adong anai ngoja ngamthaiq kaü ma, sammoktra jü mong maq adong apha ngamthaiq kaü makki na, awang chang jaqsham wan miitu arang kuqto. Kra awangchang jaqsham pahea sham wantaq kra lümiishe, mangjong maiqse kunli ka, ngarai lam na lao wanto. Kra hiq mong maq adong anai ngoja ngamthaiq kaü raq, sammoktra jü mong maq adong, apha ngamthaiq kaü ka ja maq ase baiq, atsai arki wa, atra she jang wan nongtaq kra ngamthaiq kaü khushü tiijong miitu, sumla phra ka ashi hai raa dongdii ngutiishe aming kuqto.

Revelation 13:2

Kra, ngamthaiq kaü sham ka chiqwaiq kaü ikha. Ahokpe ka chapbi hokpe ikha. Kiimaq anübok ka hangsi nübok ikha. Prenkaü raq ngamthaiq kaü ma, apaiq raq rüm tlaq ningkun tu, apaiq ngachang hokham ngacho, kiimaq apaiq raq rüm tlaq arang jonghea kiiwa wiijam triisha raüta kuqto.

Revelation 13:7

Kra ngamthaiq kaü ma, Shiikeawe sengi ka khat miitu arang ka kuqto. Raüta tsangshiq ka apaiq raq mitang. Ngamthaiq kaü miika maiq aphan aphan thaq na, maiq amung amung thaq na, maiq phan bom ümchuwa sitlaq kra thaq na, kiimaq maiq kaü wa weraü ümchuwa sitlaq kriithaq na, kunli jamsha wan miitu arang kuqto.

Revelation 17:14

Kra ngamthaiq kaü nai hokham weroqshi raq, Skuse ka mikhat. Shatmaq, Skuse nai asengi raq tsangshiq ka mikhat wan. Raüta mitang. Apaiq ka Tati ajong pinthum. Apaiq ka hokham thaq na Hokham. Tatiwe thun thaq na Tati. Kiimaq tsangshiq ka Shiikeawe raq ashong kiimaq atsea wan kiimaq tsangshiq ka apaiq ma pinthum kamtsantsii thü raüta siwanti.”

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!