Biblia Todo Logo
La Biblia Online
- Anuncios -




Revelation 2:10 - Hawa Naga Bible 2001

10 Mnoz rvhumc wvnc juing kuilc daz muex nauk hiz kaz. Lawc shuiuz! Nuimshiq muex talc lawc tvkoc Htaungc rueq nuimshiq wawc wvyvmc kuex khoktep nuex shauk vtueq nuimshiq kuilc daz jamjaux rvhumc tuinx lvmz kuex raungx rokshiz tup httvmx tuex. Vthueyc nuex httuiuc laz ngaz nuex tvmtuing httax kuiuz, kvkaq ngaz rueq mnoz muex rullungx khushec kuq phaungx, kvruex kuex mnoz rueq taungx wvnc toq yauk mauk rvtueq.

Ver Capítulo Copiar

ASII LAKDAP Bible (BSI)

10 Namshiq ma jamlai chamchao wa saü tlaq, kra miitu min naqhai rongkiq. Tairong laq! Abi Thawe raq namshiq phong wa, maiq wiijamti ka phaqtek mong na mithü kiiphan. Raüta, namshiq kamtsantsii ka mimaitai kiiphan. Shatmaq, namshiq ka raroqshise li micham chao han. Namshiq raq ngi ma kamtsantsii ka pharang rang maq thü ronglaq. Kra miitu atsai chang li jiimin naq thaq rongkiq. Jurwa rekhat tang tlan, kriiti ma ngi raq srea poksi ka pattup pat-sa rilung mikuq kang.

Ver Capítulo Copiar

Muklom

10 Bari tsamnáng raa nang aa kap nu, eshima nak cho u. Nim tari ma thangwa aa nim wang chamtey sha chuk náng shak phanin; etho nim aa saal asi náng thula tsamnáng sha nan ching. Utik náng thula kam u, etho nga nang ma rollung khopok kot phanáng.

Ver Capítulo Copiar




Revelation 2:10
36 Referencias Cruzadas  

Vpiq muex tvmtuing httaz jix miq lotlaz lex, Yehowa muex lungwawx wuez shuinz. Yehowa rueq tvmtuing miqsaz kuex tvkhup wungx kuq yaq, yuq muinz ngamc ngax jix htenc kuex tsuingshiq rueq lvp aungx yaq rulc rv-ngvlc murx tvgurc kuq yaq.


Mnoz rueq ngaz muex ngoc nauk hiz kaz ngoz tueq tvralc jungx kuq phux.


Piq rueq jungx tueq, “Nuiyhez kuex raungx rokshiz talx lawc kuit, nuiyhez rueq kvruex baunglaung phuiuz svy tvkoc wvyshuiuz namx yauk nuiyc yuix dvyx kuq kuit.


Piq rueq tsuinghez kuex raungx rokshiz talc lawc tvkoc rungx raz tueq.


Kvruex wuiyq taq shuiuz, yvmx khoc lac ngoz ruiux lec kvruex kuex vsuingc suing yaungx wvnc vkhing max httuiuc doc rvtueq. Yuq muinz vkhing kuex vlox dvyx httuiuc wvnc yaq, ngaz rueq mnoz muex tvkhic phaungx lvmz kuex vsuing httuiuc wvnc tuex. Kvruex httuiuc wvnc yaq vkhing kuex kvhet rut hvlc ikhoc yaungx yaq, yuq muinz kvruex bvmc shuiuz; kvruex kuex vsuingc suing yaungx wvnc tuex, kvruex httvmx tuex rvmuq.


Ngvy ningkhvnc nuex miq ruip rawx rueq nuimhez kuex shuiuc pac kv-phuinx. Yuq muinz vtvsuip nuex httuiuc laz nanx lot jix waz kuex palc daungc rvhumc wvnc tuex.


Gvnngvmx thvt gay lot ruiux siyac kuex thvt gay lot muq jix kvmac nauk hiz kaz; siyac rulc nongx gvnngvmx kuex ngarvyx mungx nuex tvdvy gay lot jix waz Tishox muex dvyx kvhiz wuez kuinz.


Yuq muinz vtvsuip nuex httuiuc laz phaungx ngaungx jix waz kuex palc daungc wvnc rvhumc tuex.


Ngvy ningkhvnc nuex miq ruip rawx rueq nuimshiq kuex shuiuc pac rvhumc tuinx. Yuq muinz vtvsuip nuex httuiuc laz phaungx ngaungx jix waz kuex palc daungc wvnc rvhumc tuex.


Yvmx khoc lac ngoz ruiux lec miqmac rullungx kvpalc wvnc roc jix waz ukhaq yuq muinz rullungx momaq wvnc tuex; yuq muinz ngvy ningkhvnc nuex nuiyc shuenruenc bomjungc ningkhvnc nuex piq rullungx tvmaq gay khvmc jix waz kuex kvruex palc wvnc rvhumc tuex.


Kvruex lvmz htenc max yaungx wvnc nuex, miq rueq nuimshiq kuex lvp vtueq tvkuilc daz kv-phuinx; vjux thoz yuimx htenc maq phox vtueq khoktep nuex tvshauk gay kv-phuinx; ngvy ningkhvnc nuex hokhvmx bix nuiyc vyungx vlaungx bix khaungkac nuex httuiuc tuinx.


Miqmac rullungx lungwawx jix waz kuex miqmac rullungx momaq sumx wvnc tuex, mungkawx vyuq miqmac rullungx shuiuc pac gay jix waz kuex pattup rullungx tvkhup wungx wvnc shuex.


Yesu nuiyc vpiq sangac hez kuex raungyac dungc svy saq wuez tueq. Yesu kuex tvshuk lekuy gay tvkoc htaungc rueq Simon saz Yuda Iskarut thuinz vmungx nuex kvmungx htawc kuq tueq.


Yuda rueq wanx kvruex tsenc phuiuz rac dvyx, Satan kuex piq nuex nyuip wvnc tueq. Kvkhoc rvtueq Yesu rueq, “Mnoz rueq shuimc juing yauk shuimc kuex htat htat shuimx shuiuz,” ngoz kuq tueq.


Yuq muinz ngvy tvkoc ruiyrawz kuq shec phuex yauk shuimc nuiyc Taungjix Yesu rueq vkuq yauk shuimc kuex tvlot laz shuimc tvkoc dvyx ngvy htauk nuex httax yaq ningkhvnc nuex ngvy thuiuzthuic momaq kay muex ikhunc nyerc sac muq. Taungjix rueq vkuq yauk shuimc kuex Tishox kejux lvmx Thuix Thaungx Vhvlx tvtay kuy tvkoc dvyx rvtueq.


Kvkaq Polu rueq, “Nuimshiq rueq yvmx ngoz tueq lac kvkhoc khoar nyerx vtueq ngvy thuinz vmungx tvshirix laq phuinx? Yerusalem nuex vkhvrc vbuinc rvhumc saz dvyx rvmuq Taungjix Yesu muingc jungc ningkhvnc nuex kvyuq vthueyc khvmc kay tvkoc doc muinz tvyoalc yoalx shex,” ngoz tueq.


Vyuz rvsherc jix htenc rvthaungx juing baung wawc tvrac kuex phvnx tvhungx yaq; tsuingshiq rueq kvkhoc shuimx kaz yaq kuex vyuiuq vbac kay lot yaq pulx puic khushec lvp tvkoc shuimx kaz yaq; yuq muinz naungshiq rueq kuex yuiuq kaz bac kaz muq phvnx raungc hvlc khushec lvp wvnc tvkoc shuimx kaz vshix.


Kvtanc jauz nuimshiq rueq mungkawx honc vbac lvmx nuex phvnx vtueq raungwuilx wanc wawc siyac luimc vkawc htenc guimz jix waz khung nuex httax wuez tuit; Tishox rueq nvr yaq kuex phvnx muq jix htenc kuex majuiuc muinz siyac yac rueq guimz lawc khung nuex dvyx httax yaq.


Yvmx khoc lac ngoz ruiux lec naungshiq kuex miqsaz gvnngvmx vhttax rulc rvkhvt vtix rvmuq, raunghtauk mungx nuex httax yaq layx bac siyac htenc rulc muinz, vruex mut wvnc tueq mungkawx kuex guimz lawc jix luimc vkawc htenc, vrangx vpangx vhttax jix htenc rulc rvlongx rvkhvt vtix rvtueq.


Mvyx tvy rvhumc ruiux yuq phaungx duingduing tvmtuing httax jix waz kuex thuinhvlx yaq, yvmx khoc lac ngoz ruiux lec piq rueq kvkhoc talx lawc yaq kuex lotlaungc wvnc shuex nuex Tishox rueq vpiq muex lungwawc jix muex kuq shaungx ngoz tueq bomkhvmc kuq shec tueq rullungx yauk mauk kuex lvp wvnc shuex rvtueq.


Khelbuenx Remc Wayungx dung wvnc tuex nuex nuimshiq kuex vphez vlez shvmx mkaq muinz mut kaz muq ngauz vngax mvrc yaq kushec kuex lvp wvnc wuez shuinx.


Nuimshiq honc svmz tharc lvmz hvt maq httax kuinz! Nuimshiq ralx waz ngoz yaq Htaungc waz kuex ukhaq lac yuk phauk gay lvp shaungx ngoz tueq huk hez yaq hangsic ikhoc kvroz khuemx yaq.


Vphaungc wawc svl vwvl kuiux khaungkac nuex tvkhic kuy vkhangx lvp yaq romzyac htenc kuex tvkhic vtueq, ghaq htauk nuex httax yaq miqsaz lotlaz kuex laulawc gay tueq. Yaung mac rvhumc ruiux muinz thueyc muq tvraungx shauk doc svl vwvl kuiux muex tvtsanc nganc kuy ikhoc maq piq yac yuimx kuex guirc tvhungx tvkoc mungkawx miqsaz muex nvr tueq.


Ngaz rueq khiz tauk svl vwvl kuiux kuex jaqtuik kuiux rulc rv-ngvlc yaq, vhuk kuex japbawx huk ikhoc vnuix kuex hangsic nuix ikhoc rvtueq, yungrex kuiux rueq piq luimc vkawc nuiyc piq daungraungc kvmuinz, yungc loayc hvlc vrangx vpangx htenc muinz svl vwvl kuiux kvmac lekuq gay tueq.


Piq rueq Tishox miqsaz htenc kuex khvt vtueq taungx lot gay tvkoc vrangx vpangx nuiyc mungtan ruip rawx nuex httax yaq kvjaz phvnx ruip saz maq kvjak yaq miqphvnx ruip rawx waruiuz ruip rawx lotlaz htauk nuex guimx lawc tvkoc vkhangx muinz kuy rvhumc jix waz rvtueq.


Tsuingshiq kuex Khelbuenx Saz kvrulc rvkhvt rvlungc wvnc tuex; yuq muinz Khelbuenx Saz kuex taungjix htauk nuex Taungjix, hokhvmx htauk nuex Hokhvmx ningkhvnc nuex tsuingshiq kuex yurc gay shuex. Vpiq rueq vgvl shec hez nuiyc vpiq muex tvmtuing httaz jix htenc kuex vpiq rulc vroc nuex taungx wvnc vkhangx lvp wvnc wuez shuex,” ngoz tueq.


Mnoz httaz vtuiux baung kuex ngaz rueq tuiuz yaq, mnoz kuex Satan hoc daungraungc httax yaq kvyuq httax vtuiux. Ngaz nuex tvmtuing maq hakhix khvmc kuy jix waz Antipa kuex Satan httaz juing baung nuimshiq hvlwvl nuex thvt gay tueq kvkaq doc muinz, mnoz kuex ngaz nuex tvmtuing httax vtueq ngaz muex kvmluimx lvmx kuex tvlvlc gay muq.


Mnoz rvhumc toq kuilc daz nuiyc htemc vrvmc ngaz rueq tuiuz yaq; yuq muinz vsuing mnoz rungwanx vtuiux! Yuda miqsaz rvtauk ngoz tueq kv-ngoc ruiux, Yuda miqsaz rvmuq jix miqsaz htenc rueq mnoz yomnamc yaq honc vbac shummarc bomc jungphvnx yaq kuex ngaz rueq tuiuz yaq; vsuing ngoz ruiux tsuingshiq kuex Satan phungc wawc miqsaz htenc rvtueq!


Síguenos en:

Anuncios


Anuncios


¡Síguenos en WhatsApp! Síguenos