Revelation 2:9 - Hawa Naga Bible 2001

⁹ Mnoz rvhumc toq kuilc daz nuiyc htemc vrvmc ngaz rueq tuiuz yaq; yuq muinz vsuing mnoz rungwanx vtuiux! Yuda miqsaz rvtauk ngoz tueq kv-ngoc ruiux, Yuda miqsaz rvmuq jix miqsaz htenc rueq mnoz yomnamc yaq honc vbac shummarc bomc jungphvnx yaq kuex ngaz rueq tuiuz yaq; vsuing ngoz ruiux tsuingshiq kuex Satan phungc wawc miqsaz htenc rvtueq!

ASII LAKDAP Bible (BSI)

⁹ Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Muklom

⁹ Nga ba tsamnang sha usam eq ang; nang sha tangshi ta nga usam eq phang, etharin nang tanglom; utang eq piq ni piq tha Jehudi ta bat aa etharin Jehudi ang moq, Thangwa synagogue ang aa, nang aa ning miiksuk eq u ta nga usam eq ang.

Revelation 2:9 Referencias Cruzadas

Matthew 4:10

Kvkaq Yesu rueq, “Satan lex, kaz wvnc kuiuz! Rumvrc luik nuex, ‘Taungjix m-Tishox muex dvyx nawk palx lvp shuiux nuiyc vpiq muex shomc kuy rax!’ ngoz tueq juex wuiyq shec tvnx,” ngoz tueq tvralc tueq.

Luke 12:21

Yesu rueq vtvsuip jungx tueq, “Miqmac tvkoc tsak vnyvmx tvyoalc taq ruiux, Tishox htumc nuex lvp muq luz muq jix waz kuex kvruex luiz waungx waz rulc rv-ngvlc tuex,” ngoz tueq jungx kuq tueq.

Luke 22:65

Tsuingshiq lvmz vganc paunghvlc maq shummarc ngoz ngax wuez tueq.

Luke 4:18

“Taungjix Siyac kuex ngvy htauk nuex svt kaz ruex; htemc saz jix muex thuix thaungx vhvlx jungc kuy tvkoc vpiq rueq ngaz muex vpuiz tix maq nyvt kuq phuex. Khvrc buinc rvhumc jix htenc tvdung wvnc shuex lvmz nuiyc, muik mawz jix htenc rueq muik khiz wvnc shuex lvmz jungphvnc kuy tvkoc muinz; tuinghtuing rvhumc jix htenc palc wvnc shuex lvmz muinz;

Luke 6:20

Yesu rueq vpiq sangac bix kuex lawc vtueq jungx tueq kuex, “Nuimshiq htemc saz jix htenc kuex thuinhvlx yaq; yvmx khoc lac ngoz ruiux lec Tishox Mungtan kuex nuimshiq mungtan rvtueq!

John 16:33

Nuimhez kuex ngaz rulc vshiz dvyx yaungc ningkhvnc nuex nomic lvp wvnc shuinx, yuq muinz nuimhez kuex mungkawx nuex htemrvmz kuilc daz rvhumc tuinx. Yuq muinz thuinz nauk tvruinc kaz! Ngaz rueq mungkawx kuex taungx gay tauk shex!” ngoz tueq.

Acts 14:22

“Naungshiq kuex Tishox Mungtan nuex httuiuc tvkoc kuilc daz htemc rvmc paunghvlc rvhumc wvnc tix,” ngoz tueq jungphvnx kuq ruiux kvmluimx miqsaz kuex tv-phaungx ngaungx kuq tueq. Tsuingshiq kvmluimx thuinz phaungx ngaungx tvkoc muinz honc tvsvmz jungx kuq tueq.

Acts 26:11

Vjux thoz yuimx htenc maq muinz, ngaz rueq tsuingshiq kuex paunghvlc lauk guirguenc tvrvhumc vtueq, tsuingshiq rueq phvnx yaq lvmx kuex tuip gay tvkoc hunglaungx wvnc tauk. Tsuingshiq htauk nuex thuinz tvkhaq vtueq, pungmungx wawc miqghaq htenc nuex httuiuc laz kaz vtueq tsuingshiq kuex guirguenz wvnc tauk.

Romans 12:12

Nuimshiq nuex thuinz tvluimc juing httax yaq ningkhvnc nuex kokez wuez kuinz, kuilc daz rvhumc ruiux muinz nanx wvnc wuez shuinz, vjux thoz lvmz nuex mkaq muinz thauk muit maq thoz shuinz.

Romans 2:17

Mnoz kuex yvmx khoc lac? Mnoz mshauk pumz kuex Yuda miqsaz vshiz rvtauk ngoz ruiux, Tvrac muex kvmx vtueq Tishox lvmx nuex kvsomc parc vtuiux.

Romans 5:3

Kuilc daz rvhumc ruiux muinz kokez kvsomc parc vtix, yvmx khoc lac ngoz ruiux lec kuilc daz rueq vnanx thuinz muex tvyaungc kuq yaq,

Romans 8:35

Kvkhoc rvtueq uraq lac naungshiq kuex Christu lungwawc thuinz rulc tv-phvlc lot phvnx? Kuilc daz rvhumc lvmx, kvtsux tsaungx lvmx, vhunnyec lvmx, htemc vrvmc rvhumc lvmx, thuinbac hunnyex lvmx, vhiz vsungx rulc rvhumc lvmx, vthvy rvgay yaq lvmx htenc kvraq vpiq lungwawc thuinz rulc naungshiq kuex tv-phvlc gay lot shuex haz?

Romans 9:6

Tishox bomkhvmc kuex hungx kaz shex ngoz tueq ngaz rueq ngoz mauk; yvmx khoc lac ngoz ruiux lec Israel miqsaz lotlaz kuex Tishox miqsaz htenc rvmuq.

2 Corinthians 6:10

thuinbac ruiux muinz mkaq muinz kokez vtix; htemc saz jix ikhoc ngoz ruiux muinz miq paunghvlc muex tv-phoay rungx kuq vshix; vsuing jungx ix ngoz ruiux yuq, hup vsvmx phvnshiz muinz guimz miq ngoz ruiux muinz lotlaz kuex guimz vshix.

2 Corinthians 8:2

Kvruex phungc htenc kuex vkuilc vdaz paunghvlc rvhumc wvnc tueq, yuq muinz tsuingshiq kokez thuinz pinhtumc yungx luz vtueq, pinhtumc htemrvmz ruiux muinz vkuy vnoalc lvmx nuex pinhtumc raungc raq wuez yaq.

2 Corinthians 8:9

Nuimshiq rueq naungshiq Taungjix Yesu Christu kejux lvmx kuex tuiuz vshuinx rvtueq; vpiq kuex rungwanx hvlc waz rvkoq yuq muinz nuimshiq tvkoc vpiq shauk pumz kuex htemc saz tvyaungc tueq, vpiq kuilc daz rvhumc ningkhvnc nuex nuimshiq rungwanx wvnc tuit.

1 Thessalonians 3:4

Yvmx khoc lac ngoz ruiux lec nuiyshiq kuex kuilc daz rvhumc wvnc tix lvmz, nuimshiq rulc vdvmz nuex nuiyshiq httax tiq jauz maq phuex nuimshiq muex jungx tvsvmz wvnc phix shex; kvruex rulc rv-ngvlc rvkhauk laz majuiuc yaungx wvnc vtuex kuex nuimshiq rueq tuiuz vshuinx.

1 Timothy 1:13

ngaz rueq kuex lvy wvnc tueq vkhing nuex Taungjix muex shummarc ngoc ngac jix, yurc yawc guirguenc jix, yomnamc jix waz rvtauk. Yuq muinz Tishox rueq ngaz kuex menjenc yaq, yvmx khoc lac ngoz ruiux lec ngaz nuex kvmluimx max httaz shauk doc rvtueq ngaz rueq yvmx lac shuimx vshaungx ngaz rueq tuiuz mauk.

1 Timothy 6:18

Vhvlx shuimc kay tvkoc muinz, vhvlx yauk shuimc nuex rungwanx wvnc tvkoc muinz, miq vganc muex phvlc shuinc kuy lvmz nuex muinz, hungx laz htaungx laz kuy tvkoc tvyoalc yoalx maq mhttax wuez kueq tsuingshiq muex jungphvnx kuq shuiuz.

Revelation 1:9

Ngaz kuex nuimshiq phunox waz Yohan rvtauk. Yesu yix phvnc jix waz vshiz ikhoc maq vpiq Mungtan nuex seng yaq miqsaz htenc rvhumc yaq kuilc daz kuex thuinz vluz maq nuimshiq rulc roc nuex nanx jix waz rvtauk. Ngaz kuex Tishox bomjungc nuiyc Yesu rueq hakhix tvkhic wvnc tueq tsuingrux lvmx jungphvnc tvtay kuy ningkhvnc nuex, Patmo julc lomz nuex tvkay gay rvhumc tauk.

Revelation 2:13

Mnoz httaz vtuiux baung kuex ngaz rueq tuiuz yaq, mnoz kuex Satan hoc daungraungc httax yaq kvyuq httax vtuiux. Ngaz nuex tvmtuing maq hakhix khvmc kuy jix waz Antipa kuex Satan httaz juing baung nuimshiq hvlwvl nuex thvt gay tueq kvkaq doc muinz, mnoz kuex ngaz nuex tvmtuing httax vtueq ngaz muex kvmluimx lvmx kuex tvlvlc gay muq.

Revelation 2:2

Mnoz rueq shuimx vshuiux yauk shuimc kuex ngaz rueq tuiuz yaq; mnoz rueq mtanc khvnc gvrc tsvrc maq shuimx kaz toq lvmz, mnoz rueq mtanc lac nanx vshuiux htenc kuex ngaz rueq tuiuz yaq. Mnoz rueq honc vbac miqsaz htenc muex nanx kuq lot muq lvmx muinz, kamx waz rvmuq rvhvt maq kamx waz ngoz tueq kv-ngoc yaq jix htenc kuex mnoz rueq wisoz koq tueq vrot vkaq hez rvtueq kuex tuiuz vshuiux ngaz rueq tuiuz yaq.

Revelation 2:24

“Yuq muinz Thiatira ghaq nuex kvjungx yaq phungc miqsaz hez wvyvmc kuex honc vbac tvluing yaq lvmx nuex phvnx muq kvdvyx muinz rvmuq, miq rueq jungphvnx yaq Satan mungyumx thuinz thuiuz sungx hvlc ngoz yaq kvmuinz tvluing phvnx wvnc muq rvtueq, ngaz rueq nuimshiq muex jungc roc kuex, nuimshiq nuex ngaz rueq vganc gurc liq tvrvp kuq phaungx rvmauk.

Revelation 3:9

Tay shuinz! Miqmac kuex Yuda miqsaz rvtiq ngoz ruiux muinz Yuda rvmuq jix, Satan phungc nuex lomx yaq vrot vkaq jix htenc kuex m-yaz phaungx nuex tsuingshiq muex ngaz rueq tvnawk kaz phaungx. Ngaz rueq mnoz lungwawx vphaungx kuex tsuingshiq lotlaz rueq tuiuz wvnc shuex.

Revelation 7:14

Ngaz rueq, “Jiyungx lex, ngaz rueq tuiuz mauk, mnoz rueq tuiuz vshuiux,” ngoz tueq tvralc tauk. Piq rueq, “Tsuingshiq kuex vkuilc vdaz mungx wawc vluenx wvnc miqsaz htenc rvtueq. Tsuingshiq rueq miqmac khoz vkhvy htenc kuex Khelbuenx Saz tvguiy maq tvsawc hoal wuez tueq.