Revelation 2:9 - ASII LAKDAP Bible (BSI)

⁹ Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Hawa Naga Bible 2001

⁹ Mnoz rvhumc toq kuilc daz nuiyc htemc vrvmc ngaz rueq tuiuz yaq; yuq muinz vsuing mnoz rungwanx vtuiux! Yuda miqsaz rvtauk ngoz tueq kv-ngoc ruiux, Yuda miqsaz rvmuq jix miqsaz htenc rueq mnoz yomnamc yaq honc vbac shummarc bomc jungphvnx yaq kuex ngaz rueq tuiuz yaq; vsuing ngoz ruiux tsuingshiq kuex Satan phungc wawc miqsaz htenc rvtueq!

Muklom

⁹ Nga ba tsamnang sha usam eq ang; nang sha tangshi ta nga usam eq phang, etharin nang tanglom; utang eq piq ni piq tha Jehudi ta bat aa etharin Jehudi ang moq, Thangwa synagogue ang aa, nang aa ning miiksuk eq u ta nga usam eq ang.

Revelation 2:9 Referencias Cruzadas

Matthew 4:10

Kiijiishe Jesuq raq treto, “Thawe ümniika tiibin tlo laq! Asii bomtsi na, ‘Tati Shiikeawe kli shomnoq laq, kiimaq apaiq kli shreng laq!’ nguta chongtlo.”

Luke 12:21

Kiimaq Jesuq raq bom ka akha shatto, “Ara chong tiikang akhiisii maiq juwa han-ngam niili rongboq win tlaq, shatmaq, Shiikeawe maklii na, miitsan sitlaq, kriiti thun ka athum mirki.”

Luke 22:65

Kiimaq, arthaq niimin, tsangshiq raq apaiq ka pahea shummii siqto.

Luke 4:18

“Tatiwe Wenyi ka i khum na asi. Ara jamkhano chongtiikang ngukla, apaiq raq ngi ka, miitsan miijan maiqse ma, tsütsa ahea chongke miitu shongto. Apaiq raq ngi ka kharü mong na siti ma, kharü diike tsütsa chongke kai tiikito. Di ama ikha chamchao maiqse sitlaq, kriiti ka dokda kai tiikito.

Luke 6:20

Jesuq raq ajaqshisetiim pha nü na lii raüta chongto, “Namshiq miitsan maiqse ma chochi; Shiikeawe Mungtn ka namshiq rii!”

John 16:33

Ngi raq namshiq ma ara bomtsi chongkuq tiipha arka, namshiq ka ngi rai pumshi hanshi maq silanta, hansang maq misi laq nguta ngo maq chongkuq tiikang. Mangjong maiqse raq namshiq ka mitiichamchao wan. Shatmaq, srea nola ma ja ronglaq! Ngi raq mangjong hiq ka tang kang she!”

Acts 14:22

Tsangshiq raq phungmaiqsetiim ma tsangshiq kamasham rang ka samhea apha maq tiicham wan miitu bom she chongkuq wanto. Kiimaq Jesuq ma kamwan tsantsii ka pharangrang maq rüm ronglaq nguta tsaido jido bom akha tsii chongkuqto. “Nashiq ka chamchao litkot walü pahea lea wan laitiitiq Shiikeawe mungtan na saü wan chang,” nguta trahokuqto.

Acts 26:11

Ngi raq tsangshiq ka akhing pahea, sinagok thun maq tsat wan kang. Lata tsangshiq raq Jesuq ma kamtsantsii thü tlaq, tsangshiq kamtsantsii kra, tiipan baiq miitu, tiiphiip miijiip longliiq wan kang. Ngi ka tsangshiq ma, i tsankhiq ninlot mangshe kha maq, tsangshiq ka pongmung chela thun na saülili she tiikot trot jowan lata, tsangshiq pahea tiichamchao wan kang.

Romans 12:12

Shiikeawe ma ranphan wan tlan krai mren, chochikhiq maq si ronglaq. Namshiq ma chamchao saü tlaq ranaiq na, tsan tiibum lanta nin ronglaq. Kiimaq wranaiqshe achu jaüshat maq si ronglaq.

Romans 2:17

Riita, namshiq kiiha? Namshiq raq, namshiq ka Jehudinok phan nguta tiitsaki rai tlan. Namshiq riika, Shiikeawe raq Thungtri ka, namshiq ma kuqto nguta tiima tlan. Kiimaq namshiq ka, Shiikeawe sengi nguta shiikong tlan.

Romans 5:3

Nashiq riika nashiq chamchao tiikai ara miitu min, tiishom ra tiikai. Ara jamkhano ngukla, nashiq raq asap i, chamchao walü riika, anin wan ningkun ka ache miishe mitiija wan.

Romans 8:35

Riita, ara chongtiikai, Khristo mangchan wokhong mong wa, nashiq ka jurwa mitriiphea wan lot? Nashiq ka chamchao ranaiq akhing riilo, alit akot riilo, maiq raq ngeng seng wan tlaq kra riilo, song aram tsi riilo, miitsan miijan riilo, haisi rasong riilo, kiimaq tsaimiq khusiq saü wan ranaiq riilo, nashiq ka Khristo mangchan wokhong mong wa, mitiitsü ngii lot sha?

Romans 9:6

Ngi riika Shiikeawe raq akuq, kiqkham kongphiq raükha kriika apoi riikito nguta ka ngu mang. Kra kiqkham ka tiiku wanto. Ara jamkhano chongtiikang ngukla, Shiikeawe raq asengi miitu maiqse ümchuwa akhek atiitsang raüta tsea wantaq thun kra, ümchaü sanha, ümsiimiiwa Israilnok phan sitlaq kra thaq niimin apa she.

2 Corinthians 6:10

Naishiq ara acha apa ranaiq min, khoqriiq shishiiq miili sitiikai. Naishiq arka miitsan miijan maiqse ikhli sirai tiikai. Shatmaq naishiq raq maiq pahea ka chiithe lüwa ma tiija kuq wan tiikai. Naishiq ka jaqhü jihü ngo chang chang ikha sirai tiikai; shatmaq naishiq jaq na phanrap asi.

2 Corinthians 8:2

Tsangshiq ka kamasham na, pinthum litkot chamchao wa maq chen wanto. Shatmaq tsangshiq chochi tsantsii ka ama, alüm alei sitlo. Kriikha maq, tsangshiq ka miitsan miijan li jiimin, tsangshiq raq alu atan kewan lam niika pinthum jaqchii jichii maq kuqne wanto.

2 Corinthians 8:9

Namshiq raq nashiq Tatiwe Jesuq Khristo kaphap mangchan tsaü kra ri asap han. Apaiq ka chiithe lüwa. Shatmaq, namshiq ka chiithe lüwa ma tiija wan miitu, apaiq ka miitsan maiqse ma jakito. Apaiq raq thümsaü litse rilung siwantaq kra lümaq, namshiq ka chiithe ma tiijakai miitu kito.

1 Thessalonians 3:4

Arka naishiq, man na namshiq rai adam siji niiphü, akha chamchao akhing ka misaü kiiphan liijo nguta binwin bom chongkuq thiikai ihata. Arka ira, chongthükai ira phanphan she saü rai wanto.

1 Timothy 1:13

Ngi raq man na, phung na mishang wan ha shaq na, apaiq ka shulii wan kang. Kiimaq apaiq ka ngeng wan kang. Lata Phungmaiqse ka shiikeng miileng, rachhai ralüp longliiq wankang. Li jiimin, Shiikeawe raq, ngi ma apaiq mangchan tsii kli khoti tiichhikuqto. Ara jamkhano chongtiikang ngukla, kra akhing na ngi raq, i shutphit lam ka chhi phaq mang dea lea wan kang. Jamkhano ngukla, kiitiikaq ngi raq apaiq ma mikam wanha shaqli riikang. Kriikha maq, ngi shut lam ka sap mang dea lea wan kang. Kiitiikaq i tsii ka chhi mang shaqli lea wan kang.

1 Timothy 6:18

Tsangshiq ma, shamhea kaihea kli apapa sham ronglaq nguta aming kuq laq. Shamhea kaiwa na tsangshiq ka chiithe jawan ronglaq nguta aming kuq laq. Phanrap na tsan achhü maq, maiq ma keke neinei angu na, kiimaq nanok rai riiphea riinyin raüta si ronglaq nguta chongkuq laq.

Revelation 1:9

Ngi ka Johan, namshiq kongti phunowe. Ngi ka Jesuq wokhong na siti kha maq, namshiq ma jamkho tiichamchao tlaq, kiikha ngi miimin tiichamchao tlo. Nashiq tarü ka, Khristo mungtan la she sitiikai. Krai mren, nashiq tarü raq, chamchao litkot saü wan tlaq arka, tsan tiibum laita nin wan ruq maq sichang li she. Ngi raq maiqse ma, Shiikeawe bomtsi kra chiiriim lata chongke wan kha na nai Jesuq hakhi kewan kha na, tsangshiq raq ngi ka, ara khamjong mong hiq Patmos mung na, phaqtek na shaqto.

Revelation 2:13

Ngi raq namshiq sitlan chela ka Thawe hokham sichang ba nguta asapha. Namshiq ka ngi rai tingting maq sitlan. I jaqshise maiqshaq pinthum, Antipas ka ngi ma kamtlaq kha na tsat baiqto. Apaiq ka Thawe hokham sichang ba maq tsatto. Apaiq tsaitaq akhing niimin, namshiq kamtsantsii thaq man maq silan.

Revelation 2:2

Namshiq Ephisia na siti Phungmaiqse raq jamlai wa sham lan, kriika ngi raq asapha. Namshiq ka pinthum jaqsham shiikut chaq wan tlan. Kiimaq namshiq tiichamchao wan taq kiimin tsan tiibum lanta nin wan lan. Ngi raq asapha, namshiq raq maiq abi lamphanti, namshiq phana awa ka ninlot man riilan. Kiimaq jurwa kiimwebi jatiikai nguta, namshiq makki na tiichan ne wi taq, kra namshiq raq chechiip lan. Lanta, tsangshiq ka awong riimak, achhü nguta sap lan.

Revelation 2:24

“Shatmaq, Thajatira na siti namshiq ahinti raq ara ajiq bomchong lam ka phan dam man. Maiq ahinti raq ‘tsaühea Thawe mochii’ nguta tlang kuqtaq kra, namshiq raq tlang man. Riita, ümchaü ngi raq namshiq miika laihin holai ka tiiho mang.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.

Revelation 7:14

“Shiilang we lei, ngi riiri sap mang. Ümniiraq asap haü,” nguta ngi raq trekang. Kiijiishe apaiq raq ngi ma chongto, “Arthun arka Phungmaiqse kong, kai chamchao wamong nyang maq alun wanti thun ahata. Tsangshiq raq tsangshiq miirii ka Skuse tiijai maq hewanto she. Raüta, ümchaü sanha lüdiidii hea she samtlo.