Philippians 3:2 - ASII LAKDAP Bible (BSI)

² Ara abi jaqshamtibi, hi kong, athohan tri ka lang raa dongdii nguta shiichuttibi, maklii wa hon kamshat sirong laq.

Hawa Naga Bible 2001

² Honc vbac yauk shuimc jix htenc, guyhex htenc, miqmac shauk vgvnz kvgvnc jix htenc kuex koayc wuez shuinz.

Muklom

² Jashit jaksom tey hi tang wang etho hankhup qhantey tang wang rangtun eq tong inn.

Philippians 3:2 Referencias Cruzadas

Tvtsvmc 119:115

Ngi tho wa namshiq tiibintlo ronglaq, namshiq ngarai maiqsekong, ngi ka i Shiikeawe aming thun milangha.

Tvtsvmc 22:16

Abi kiimungti kong ka ngi tro na; hikong raq akaq ma tam wantlaq ikha ngi tam wanto, tsangshiq raq ijaq wiinai kiimaq ihok wiinai ka chaiphaq wanto.

Tvtsvmc 22:20

Ngi ka nepja wa tiichhii kuqlaq; irilung ka kra hikong nübok wa tiichhiilaq.

TAKSU LAK 26:11

Hikaü raq aphai mesiq tlaq ikha, angok angiti riimin la, thongshi hali shutki nongtlaq.

Matthew 24:10

Kra akhing na ngi ma kamwanti maiqse pahea raq tsangshiq kamtsantsii ka athaq mirbaiq. Tsangshiq liipan na riingeng riiseng she mirwan. Kiimaq weshi raq weshi ka mung welabi ma mitiishaü kuq wan.

Matthew 7:15

“Arot shammibi thiikho wa honkam shat maq sirong laq. Rakhütsiri na tsangshiq ka skusetiim ikha puqsut ngo chang chang namshiq pha na watlo. Shatmaq among niika shekong ikha sitlo.

Matthew 7:6

“Ngamrea ka hi kong ma naq kuq rongkiq. Tsangshiq raq namshiq khoti mikaq. Lakshii tum ka waqkong khaki naq baiq rongkiq. Tsangshiq riika hok miili minibaiq wan.”

Romans 2:28

Riita, juwa chiisan Jehudi riikhaqli maq athohan jeti maiqse ka? Riikhaqli Jehudi phan maiqse ngutlaq kriika, han-ngam athohan lamlamli ka riimak.

2 Corinthians 11:13

Kra tiishomra tlaqti kriika, riikhaqli kiimwebi ka riimak. Tsangshiq ka joksaü liiqse kiimwebi. Tsangshiq raq tsangshiq sham akai kriika, arot akiq chong tlo. Kiimaq tsangshiq ka, riikhaqli Jesuq Khristo kiimwebi dea mingu laq nguta, jaqsham mangkhü maq tiihong tlo.

Galatians 5:13

Riita, i phu i notiim lei, namshiq riiwe kla, Shiikeawe raq wasetiim ma tiija raüta, awokhong na tiisi miitu hea wanto. Shatmaq, ümchaü sanha, namshiq ma wasetiim rilung kuq taq arka, namshiq han-ngam sükha tsi ma, naq tiijamsha rongkiq she. Kra rii na, mangchan tsantsii maq kaütak rishi lanta, riilung riiwii miili she singa rong laq.

Galatians 5:15

Shatmaq, namshiq ka rum ngamse kong ikha, maiqmii liipan na, riikung riita la sihan jiila, liishat rong laq, namshiq maiqmii cham chang rangchong kriimaq, tiibarai lanta, mitiiphaiki han! Lanta, namshiq raq weshi raq weshi ka miqchup mitiithenbaiq han.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Philippians 3:19

Tsangshiq ka wamungtan na mide wan. Ara jamkhano chongtiikang ngukla, tsangshiq shiikeawe ka tsangshiq han-ngam ramho. Tsangshiq ma shiikeawe ka, han-ngam ramho dunghiqtlaq kriili. Tsangshiq raq jamlai wa kiimung tlaq kra miitu, tsangshiq ka jeasi raq tsai chang riiwe khoti, tsangshiq ka kra ajiq jaqsham wantlaq kra miitu, tiishom mra lishe, srarai hotaq ahata. Kiimaq tsangshiq riika, phiija wa raq jamlai phan wa rotlaq, kriili shamtlo.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

1 Timothy 1:19

Kiimaq ümkam tsantsii ka pharangrang maq thü wan lili riilaq. Kiimaq ümnaq tiima tsantsii ka khangriri, siirairai maq thü wan lili riilaq. Phungmaiqse wiijamti raq tsangshiq ma, maiqmii tsan mong na jamlai wa tiido tlaq, kra maiqmii tsaiji bomchong taimak maq, tlea raüta, ajiq lam phan wanto. Kriikha maq, tsangshiq kamasham rilung ka ashthen riibaiqto.

Titus 1:16

Tsangshiq raq Shiikeawe ka saptiikai nguta tiitsaki rai tlo. Shatmaq, tsangshiq rilung na jaqsham tlaq kra riika, tsangshiq ka arot wetiim dea ngutli she, saqseng hakhi khoti kuq tlo. Tsangshiq ka Shiikeawe maklii na maiqphai asi, ashe sitlo. Tsangshiq ka Shiikeawe kiq khiiti. Tsangshiq ka jaqsham ahea shamti ka riimak she.

2 Peter 2:22

Tsangshiq ma mra pin wantaq kriiraq taksu bomtsi na chongtlaq ka tengto dea nguta hong wato: “Hi kaü riika, aphai da kra hali mesiq ki nongtlo.” Kiimaq, “Waq kaü ka kham maq ajii tiiheke jai, jangphat boqtham chum na hali bumki nongtlo.”

Jude 1:4

Ara jamkhano chong tiikang ngukla, nashiq phong na, nashiq raq chhilap mai shon li, Shiikeawe sap makti maiq shang wanto. Tsangshiq raq, Shiikeawe kaphap mangchan ka, ajiq lam nü na seng raüta chongkuq tlo. Tsangshiq ka nashiq Tatiwe nai nashiq Chhiiti we, Jesuq Khristo ka shreng makti. Tsangshiq ka, Asii bomtsi na, man na, rathup rapha ji niiphü dongdii, atiishut baiq wan wishe.

Revelation 2:9

Ngi raq namshiq chamchao ka asapha. Namshiq ka thümse ngutiimin asapha. Shatmaq, namshiq ka chiithe jong! Maiq wiijamti, tsangshiq ka Jehudinok nguta tiingo tlo. Shatmaq, arot. Tsangshiq raq namshiq chongsiq tlo kiimin asapha. Tsangshiq ka Thawe shomnoqti kong!

Revelation 21:8

Shatmaq, haisuti thun, mung shaphaqti thun, maiqse ka lamjiq na shunsheati thun, showe ma jawanti thun, sethoq jawanti thun, maiqwuq maiqlongti thun, sumla noq wanti thun, kiimaq arot akiq bom chong wanti thun ka, tlotli wamungtan na nyiimwin wa ikha nyai tlaq kiijaq mitiidea baiq. Arka thongnai tsai ngutlaq kriishe.”

Revelation 22:15

Shatmaq chela phai na ashang baiq wanti maiqse thun kriika, ajok aliiq kiimaq maiqwuq maiqlongti, sethoq sepii jati, kiimaq showe lumwe ma jati, sumla phra noqtibi kiimaq abom asa na kiimaq jaqsham kaiwa na arot akiq wanti bi thun ka miraq.

Revelation 3:9

Tai rong laq! Kiijaq siti Thawe sengi arot kong raq, tsangshiq ka Jehudinok nguta tiichong tlo. Shatmaq, arot. Ngi raq tsangshiq ka namshiq jichong na mitiibum ha. Raütiq tiina, tsangshiq raq, namshiq ka ngi raq lungwii tiikang dea nguta misap.