Philippians 3:1 - ASII LAKDAP Bible (BSI)

¹ Riita phunainotiim lei, bomshat ho ma ngi raq, namshiq ma ara bomtsi ara chongke rotiikang. Tatiwe wokhong na, chojong chise maq si ronglaq. Ngi raq kongkhu na jamlai wa waiqkang, kra bliiq kiki waiq nong miika, jam bimak. Kra riiwe ka, namshiq ma honkamshat maq sima ahea miraq.

Hawa Naga Bible 2001

¹ Phunox bix lex, vtvsuip jungx ngoz ruiux, Taungjix rulc vshiz dvyx yaungx vtueq kokez wuez kuinz. Kungkhux nuex ngaz rueq wuiyq kuq phaungx lvmx kuex majuiuc hulawx tvyez jungc kuy yek tvkoc ngaz duimz mauk, nuimshiq pinhtumc kvwungx wvnc tvkoc dvyx rvtueq.

Muklom

¹ Uthun ma, i no nia pho tang, nim Teyhungwa na sungrang ang inn. Eshi raaq sha jukni juktom nim ma wit ma nga ma tsamnang ahung, etho ira nim rangma utáng eq ching angna.

Philippians 3:1 Referencias Cruzadas

1 KAÜWA WERAÜ 15:28

Krai mren Israil mungti tlotli ka Tongshong Tek krai kongshi maq Jerusalem na saüli arü ariiq watrang la, chojong chise, paison lerong tsüwa trangla, ngirong tsüwa trang la, kiimaq süpseng tsüwa trangla kiimaq phaqlamtoro tsüwa trang la hiima hiqma wawanto.

1 KAÜWA WERAÜ 16:10

Chojong chise sironglaq, nashiq ka apaiq rii; apaiq shomnoqti tarii khoqriiq ronglaq!

1 KAÜWA WERAÜ 29:22

Raüta kra ranaiq tsangshiq raq Tatiwe man na khoqriiq shishiiq maq phekhiq chhaq phaqsea kham nyang peoto. Tiithongnai ngoja hali tsangshiq raq Solomon ka hokhamlii nguta shongto. Tatiwe mang na tsangshiq raq apaiq khum na tsangshiq pengtiwe ma tel maq nyukto. Kiimaq Jadok ka ramwe ma shongto.

NEHEMIA 8:10

“Riita, ümchaü min, namshiq ka maiqmii jam na wa rong laq. Lanta phaq asea chamtraq poi ajong klo rong laq. Poi klo wan miitu tü-adung nai spiqtai ka ju jaq niiwa ahü, kriiti miika asisiti raq kran kuq lanta, riiphea riinyin phaqsiq ronglaq. Ümchaü ranaiq arka Tatiwe ma asii ranaiq. Kra ningkhan, namshiq ka munjuk mijuk naqsi rongkiq. Tatiwe raq namshiq ma kuqtlaq chochi kriiraq, namshiq ningkun ka ajong ma mitiija,” nguta mungmaiqse ma chongkuqto.

YOBA 22:26

Kra riihaütiq wranaiqshe ümniiraq Shiikeawe ma mikam haü kiimaq apaiq kli dea ümniima chochi kham rai miraq.

Tvtsvmc 149:2

Chochi ronglaq Israil lei, jamkhano ngukla üm Phansangtiwe asi; chochi ronglaq, Jajon hiqti lei, üm hokhamwe asi!

Tvtsvmc 32:11

Namshiq kechu maiqsetiim ka, khoqriiq shishiiq kiimaq chojong chise sironglaq jamkhano ngukla Tatiwe raq jaq shamkuqto she, Namshiq apaiq aming langtibi ka, chochi sitsi ma arü ariiq gitrang ronglaq.

Tvtsvmc 33:1

Namshiq tarü kechu maiqsetiim raq, agilülü chochi ronglaq, Tatiwe raq jaq shamtaq kra miitu; apaiq tiitsam ronglaq, awokhong na siti namshiq tarü raq.

Tvtsvmc 37:4

Tatiwe wokhong na apeowiq shongnga kra rittlaq, raüla apaiq raq ümtsan raq aroro kra mikuq.

Tvtsvmc 42:4

Leawan kang akhing tiima kang la imongjii buntlo, man na ngi mungmaiqse rai akong ada Shiikeawe jam na watiikang kra tiimalata kiimaq tsangshiq rai lamshea agi wa trangla Shiikeawe tiitsamkam shi.

Tvtsvmc 5:11

Shatmaq ümwokhong tiiwong na sitibi ka tlotli chochikhiq misi; tsangshiq ka wranaiqshe khoqriiq shishiiq mishinge. Ümnaq lungwiitibi ka khupwong kuqshat riilaq; ümwokhong maq tsangshiq ka ngoheadea khoqriiq shishiiq sitlo.

Tvtsvmc 97:1

Tatiwe ka hokham! Hiq lei chochilaq! Chochi ronglaq, namshiq khamjong mong na siti maiqmung thun lei!

ISAIA 41:16

Ümniiraq kriithun ka ra na tiithok hihi mibaiqhaü; kiiwa rahai raq mipan wan, kiiwiishe rathaiq raq barapse na miwan baiq. Kiijiishetiq ümniika michochi haü; jamkhano ngukla Ngi ka üm Shiikeawe, ümniiraq Ngi mitiitsamhaü, Israilnok asii Shiikeawe.

ISAIA 61:10

Jerusalem chochitlo Tatiwe raq jaq shamke wan khana. Apaiq ka junriise ajunwa akhing na tiimiitlaq ikha. Shiikeawe raq apaiq ma tiichhiiwan miirii tiisam kuqto Raüta rekhat tiitangkuqto she.

ISAIA 65:14

Tsangshiq ka khoqriiq shishiiq ashi ange misi wan. Shatmaq namshiq ka tsan among bunlaklak mihoqsiq wan han.

Yoel 2:23

“Jajon saünai setiim lei, pinthum chochi ronglaq. Namshiq Tati Shiikeawe raq, namshiq miitu shamkuq wantaq, kai khoqriiq ronglaq. Apaiq raq liidong wan rajun min akhing riikhaqli na kuqto. Kiimaq ralii rajun min hongli tiisaü kuqto. Kiimaq lamsesat jun min riikhaqli kuqto.

JEPHANIA 3:14

Chochikhiq maq arü ariiq shinge rong laq, O, Israilnok lei! Ümtsan mong maq chochi laq, Jerusalem lei!

JEPHANIA 3:17

Tati üm Shiikeawe ka, ümniirai asi. Apaiq ningkun jong maq ümniima, rekhat mitiitangkuq. Tatiwe ka ümniima michochi, Kiimaq apaiq lungwii wokhong maq, ümniima rilung anye she mikuq. Apaiq ka ashi ange miraq, kiimaq ümniima pinthum michochi,

JEKERIA 10:7

Kra akhing na Israilnok ka, rekhatti srea nolabi ma mija wan. Chenyang dungsea polo ikha michochi wan. Tsangsetiim raq ara rekhat tangwan ara tsan na mitiitsang, kiimaq Tatiwe raq jamlai wa shamtaq, kra miitu chochikhiq miraq.

Matthew 5:12

Namshiq ka khoqriiq shishiiq miili sironglaq. Jamkhano ngukla namshiq miitu ramungtan na poksi jonghea thütlo. Namshiq ma kongkhu pat wa shammibi min la akhiisii dea tiichamchao wanto.”

Luke 1:47

I tsai i ji sanglili kai chochi, Shiikeawe ka ngi Chhiiti.

Romans 5:11

Riita ara chong tiikai ara lamlam siili ka riimak. Arthaq niimin apa dea asi shaqli. Nashiq raq khoqriiq wan chang lamlu ka jonghea dea asi. Arka Shiikeawe raq Tati Jesuq Khristo pum lümaq, nashiq ka Shiikeawe khi alu bi miishe tiija kuq wantaq arkha maq khoqriiq siq tiikai.

2 Corinthians 13:11

Riita, ümchaü sanha, phunainotiim lei, awashejo! Minhap jawan miitu shiichaq ronglaq; ngi tiipaiqnea bom kra tai ronglaq; ari aram maq si ronglaq; hansang maq si ronglaq. Kiimaq lungwii Shiikeawe kiimaq khusang ka namshiq ma misilaq.

Ephesians 6:10

Riita ümchaü sanha, bomshat wan na namshiq ma ara tsiichong kuq tiipha ara tai rong laq. Namshiq ka Tatiwe rai pumshi hanshi she tiipum tlan krai mren, apaiq ningkun kra lap lanta srea nolabi ma ja lanta sirong laq.

TRI CHONGKE 12:18

Namshiq kiimaq namsetiim thun kra, nam jaqshisetiim rai adam maq kiimaq Lewinok namshiq chela thun na sitibi rai, arthun honglu kuqtlan thun arka, Tatiwe namshiq Shiikeawe rai mantut na, namshiq Tatiwe namshiq Shiikeawe raq, apaiq shomnoq miitu hiq bashi tiitsang dada tsea wantaq, kriiba niili phaqsea wan ratlo. Kiimaq namshiq ka kiijaq phanrap ümchuwa sham akai shamlan kra miitu khoqriiq shishiiq si ronglaq.

TRI CHONGKE 16:11

Tatiwe rai man tut na, ümsetiim nai ümjaq shisetiim rai kiimaq Lewinok rai, kiimaq pong mungti namshiq rai siti rai kiimaq jechisetiim rai kiimaq manti-nyungre namshiq chela thun na siti rai adam na khoqriiq shishiiq maq poi ka lang ronglaq. Ara poi ka noqku chang hiq ba kriijaq klo ronglaq.

Philippians 3:3

Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Philippians 4:4

Tatiwe wokhong na wranaiqshe chojong chise miili sirong laq. Tiithongshi ri chongpha: chochi ronglaq!

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

1 Thessalonians 4:1

Riita, chongtiikai krai mren, phunainotiim lei, namshiq raq Shiikeawe tiichochi chang rilung kli she si ronglaq. Arka namshiq raq naishiq rilung wa, jaqtho lap wan lan she. Riita, ümchaü sanha, namshiq ma nohotin trantsii chongkuq tiikai krai mren, namshiq ka ümchaü sitlan kra thaq niimin achat lantiishe, asii arai maq si ronglaq.

1 Thessalonians 5:16

Wranaiqshe khoqriiq shishiiq maq si ronglaq.

James 1:2

Iphu inotiim lei, namshiq raq phanrap phanrii maitai riihum tlan na akhing na, kopan jonghea nguta tiima rong laq.

1 Peter 3:8

Riita ümchaü jamlai wa chong kang, kra bomtsi ka ashat she riipha. Namshiq wiitarü ka tiima tsantsii ashi kiimaq chap ashi, nga ashi maq sirong laq. Namshiq liipan na siphu sino ikha riilung riiwii sirong laq. Riimang riichan kiimaq sobsob bombom maq sironglaq.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

2 Peter 3:1

Lungwii phunobi lei, ngi raq namshiq ma ümchaü lak waiq tiikang ara raq, jangnai she waiq tiikang. I lak anai ri na namshiq ma tiima tsantsii khangriri tingting maq sironglaq nguta, namshiq tsan tiichhiike miitu waiq kang.

1 SAMUEL 2:1

Hanna raq akha achu jaüto: “Tatiwe raq imongjii na, chochi asho awo kuqto; ngi ka kai chochi, apaiq raq ngi ma klo kuqto! Ngi raq ijaqtibi naikü tiikang, ngi ka pinthum khoqriiq tiikang, Shiikeawe raq ngi khrum kuqto!