Philippians 3:3 - ASII LAKDAP Bible (BSI)

³ Nashiq ahata, riikhaqli maq athohan tri langti. Tsangshiq ka riimak. Nashiq riika, Asii Wenyi lümaq Shiikeawe shomnoq wantiikai. Kiimaq Jesuq Khristo wokhong na si laita, kai chochi tiikai. Nashiq riika rakhütsi ri thunglai lang tri poi kriimiika kam mai.

Hawa Naga Bible 2001

³ Vhttoar gvnc vhtungx rvkhauk laz phvnc jix kuex tsuingshiq rvmuq, nuiyshiq juex rvtiq nguinx, yvmx khoc lac ngoz ruiux lec nuiyshiq kuex Tishox muex vpiq Siyac maq nawk palx kuq ruiux, Christu Yesu rulc vshiz dvyx yaungx vtueq rullungx tvraungx lvmx nuex kokez jix htenc rvtueq. Nuiyshiq rueq vtsec kox shvmx vrvmx muex tvluimc miq.

Muklom

³ Hiqtang raa hun asing hankhup qhan kap chol tey tang, chammatakoi hiqtang aa Shkewa sha u Tsija wang tasapsey i, etho Khristo Jesu na tharangka kot aa, etho hiqtang aa hankhup o tungmang shing mi.

Philippians 3:3 Referencias Cruzadas

Tvtsvmc 105:3

Chochi ronglaq nashiq asengi; apaiq shomnoqti tarü polo ronglaq.

ISAIA 45:25

Ngi Tatiwe, raq Jakob saüse thun ka wiita mitiichhiiha, kiimaq tsangshiq raq Ngi mitiitsam.

JEREMIA 4:4

Namshiq raq tongshong raükha ka ngi raili, Ngi namshiq Tatiwe raili thü ronglaq. Lanta namshiq Juda mungti nai Jerusalemti raq, namshiq khum asai kiimaq tiima tsantsii ka wiita ngi ma kiinong kuq lantli sironglaq. Kiimaq namshiq raq ara chongtiikang kra shamwan man riihanla, namshiq raq ngarai pahea klowan lan kriikha na, itsankhiq walü ka namshiq khuthaq na milü. Kriika mikhiim wan dongdii. Kra wa kriishe liiwan raüla, kra tiimatketi maiq ka jumin ahü she miraq.”

MALAKI 1:11

Mangjong maiqse shedong maq riita shenyap mung na saüli raq, ngi shrengtlo. Tsangshiq raq barapse maq ngi ma homseng honglu athuk atsom kuqtlo. Tsangshiq tarü raq ngi shrengtlo!

Romans 1:9

Ngi raq ara chongkuq tiikang arka, tengto dea nguta hakhi keti ka Shiikeawe asi. Shiikeawe ka ngi raq, i tsan i mongjii wiita kiinong kuq lata, Ase manphan Tsütsa Ahea bomtsi ka, nanok ma chongkuq tiikang kra lümaq, ngi raq shomnoq wan tiikang. Ngi raq achu jaü tiikang akhingtek na,

Romans 15:17

Ngi ka Khristo Jesuq rai pumshi hanshi she sitiikang. Krai mren, ngi raq ara Shiikeawe jaqsham wan tiikang ara miitu, ngi ma atiishom raa wan chang lam ka asi.

Romans 7:6

Shatmaq, ümchaü riiwe kla, nashiq ka Thungtri kharü mong wiika daa wanto she. Thungri disetiim ma jawan laita siwan kai rilung irka, tsaiki kaishe. Thungtri raq man na, nashiq ka akharü maq kha raüta, rüm wanto. Ümchaü sanha, thungtri raq aming kuq tlaq, kra phan phan, Shiikeawe ka shomnoq mai she. Shatmaq, Asii Wenyi raq lam anye tankuq wantaq, kra lam phan phan she, shongnga tiikai.

Romans 8:15

Ara jamkhano chongtiikang ngukla, Shiikeawe raq namshiq ma, Asii Wenyi kuq wantaq, kriiraq namshiq ka disetiim ma tiija raüta, shiinüm sha wan mak. Kiimaq namshiq ka tiihai miichhai, siakaq mak. Kra rii na, Asii Wenyi raq namshiq ka, Shiikeawe setiim miishe tiijatlo. Krai mren, nashiq tarü raq, Asii Wenyi ningkun maq, Shiikeawe nangnga, “I We loi! Nawe loi!” nguta riibom lot tiikai she.

Romans 8:39

Kiimaq, nashiq khu thaq na, rawang win mong na ümchuwa mung sitlaq kra riimin, kiimaq nashiq takiq na, mung ümchuwa sitlaq kra riimin, Shiikeawe raq phanrap phanrii ümtinkhan wa phansang wantaq thun kriijaq siti ningkun thun raq, nashiq arka, nashiq Tati Khristo Jesuq lümaq Shiikeawe raq mangchan tlaq ara wokhong mong wiika, triiphea lot mak she.

Romans 9:6

Ngi riika Shiikeawe raq akuq, kiqkham kongphiq raükha kriika apoi riikito nguta ka ngu mang. Kra kiqkham ka tiiku wanto. Ara jamkhano chongtiikang ngukla, Shiikeawe raq asengi miitu maiqse ümchuwa akhek atiitsang raüta tsea wantaq thun kra, ümchaü sanha, ümsiimiiwa Israilnok phan sitlaq kra thaq niimin apa she.

2 Corinthians 11:18

Shatmiitiina, maiq pahea han-ngam maq tiishomra sea wanti ka asi. Krai mren, ngi armin la, mitiishom raa siq wan lot ha.

Galatians 5:25

Ümchaü sanha, Asii Wenyi raq, nashiq ma rilung she kuqto. Krai mren, nashiq tsan nai mongjii arka, Asii Wenyi raq dongdiitiq she peng chang.

Galatians 6:16

Riita, ija, ümchaü min, juwa ara chong tiikai rilung anye ara lap wan raütiishe sitlaq, kriiti ma, Shiikeawe raq khusang rakhang rilung, kiimaq atiihang wan mangchan kli she, asho awo maq mishman kuq laq. Tsangshiq miimin kiimaq, Shiikeawe sengi maiqse tarü ma, mishman kuq laq!

Ephesians 6:18

Riita ara chongtiikai thun arka, achu jaü lantli sham ronglaq. Shiikeawe raq mikhrum kuq. Asii Wenyi raq shunshea tlaq kra phanphan, jaqsham aweatek na, achu jaü lanta sham ronglaq. Arningkhan, honkam shat maq sirong laq. Ümtiikiimin naq thaq rongkiq. Wranaiqshe Shiikeawe sengi miitu achu jaüshat maq sirong laq.

TRI CHONGKE 10:16

Arningkhan, ümchaü armiiphat sanha, namshiq ka Tatiwe wokhong na phaq chii nichii maq apaiq bom tai lanta shong nga ronglaq. Kiimaq nilan miika naqja rongkiq she.

TRI CHONGKE 30:6

Tatiwe üm Shiikeawe raq ümniima kiimaq ümsaü ümsetiim ma phaqchii nichii tsantsii mikuq. Krai mren, ümniiraq apaiq ka ümtsan ümmong jii wiita kuq laüta milungwii haü, kiimaq ümniika rilung alu maq kra mung na shong nga wan ruq mirhaü.

Philippians 1:1

Ngi, Paul kiimaq Timothi rai, Khristo Jesuq jaqshi senai raq-- Shiikeawe sengi Philipia na siti tlotli ma, Khristo Jesuq rai pumshi hanshi maq siwanti ma, phungtu shrabi nai akhrumtibi rai tlop saq maq:

Philippians 3:12

Ngi raq, arthun chongtiikang arka, ümchaü sanha, ong kang she ngutiika ngu mang. Lo, ngi ka Shiikeawe man na, minhap she jawan kang nguta ka ngu mang. Shatmaq, Khristo raq ngi arka, apaiq rii li she nguta tsea wanto. Kra liichum ka ngi raq, i rilung na sap wantlo hajiilei nguta kai shiikutchaq wan tiikang.

Philippians 3:14

Krai mren, ngi ka, ngi raq asii rilung poksi ka lap wa miitu, rusan na juwan ruq li ju tiikang. Kra poksi ka, Shiikeawe raq Khristo Jesuq lümaq, ramungtan na siwa chang rilung ngi miitu, tiihong raüta athü. Kra lapwa miituli jutiikang.

Colossians 2:11

Jesuq Khristo rai pumshi hanshi she sitlan kra lümaq, namshiq khum na athohan ka hantoshe. Kriika han-ngam athohan thungtri maq ahan wan ka riimak. Shatmaq, Khristo raq namshiq khum na atho hankuqto she. Krai mren namshiq ka maiqmii pumdong han-ngam ngarai ramho kharü mong wa adaa wankun she.

Jude 1:20

Shatmaq, lungwii phunainotiim lei, namshiq riika, namshiq asii kamtsantsii rilung jam hai wan kli shiichaq wan ruq sironglaq. Asii Wenyi ningkun maq achu jaü lantli sirong laq.