Philippians 1:7 - ASII LAKDAP Bible (BSI)

⁷ Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

Hawa Naga Bible 2001

⁷ Ngvy thuinz vmungx maq nuimshiq kuex mkaq muinz rvwvl vphaungx! Kvkhoc lvmx kuex ngaz rueq nuimshiq lungwawc hvlc ningkhvnc nuex muinz, kvmaq majuiuc kuex ngaz khoktep nuex shuiuz rvhumc vtaungx baunglaung shuenruenc bomjungc kuex vtuing vshaung vguez jungphvnx tvluing kuq vtueq tv-phaungx ngaungx tvy vkhangx lvp tauk nuex muinz, nuimshiq wvyvmc kuex Tishox rueq vkuq kejux kuex ngaz rulc vdvmz lvp wvnc wuez tuit.

Muklom

⁷ Nim thaji rangma nga irimal tathin raa khakla, chammatakoi nim thaji i tin na! Nga thanga chukna tong ang jo tho, etha ang moq ang ajo tho nga asing tungtang qhal phanchan ang jo tho Shkewa nga ma kot taphang ráng manchan sho nim tho rok rum phin.

Philippians 1:7 Referencias Cruzadas

Acts 20:23

Ara jamkhano chongtiikang ngukla, ngi ka ümriibano kiwa tiikang, kiijaq chelatek na, ngi ma shumraü kharü nai chamchao litkot rathaiq rahai ka tiijeshat maq thü wan li tlo nguta, ngi ma Asii Wenyi raq chongkuqtlo.

Acts 21:33

Riita phentu jong we ka wa raüta, Paul ka lapto. Raüta phenlabi ma jinraü kharü anai maq tiikhato. Raütiishe apaiq raq, “Arwe ara juwa? Apaiq raq jamlai wa shiithen ta?” ngutiishe bom ka waito.

1 Corinthians 13:7

Lungwiitsii rümti riika, ümtiikiimin thaq baiq mak phan. Kiimaq kamtsantsii, ranphan tsii, kiimaq anin tsii ka ümtiikiimin atu na moki mak phan.

1 Corinthians 9:23

Arthun hunnii rai tiikang arka, Tsütsa Ahea pülii kra tiipan jan kewan miitu hunnii tiikang. Lata, Shiikeawe raq kuq tlaq, ramram jaqsham achu shiiman ka triisha kewan miitu sham tiikang.

2 Corinthians 3:2

Namshiq sitlan kata naishiq mang triisapke chang lak dap. Arka nanok ahinti wiitarü raq phat wan miitu, naishiq tsan nai mongjii na awaiq she sitlan.

2 Corinthians 7:3

Ngi raq ara ngutiikang arka, ju tiijiq wan bom min riimak. Ngi raq kongkhu lak na, jamkho chong pha, namshiq ka ngi raq pinthum tlungwii tiikang. Kriikha maq, nashiq ka atra sihai jiimin, amaa sihai jiimin, adam li sitiikai.

Galatians 5:6

Jamkhano akha riichopi tiikai ngukla, jangshi she Jesuq Khristo rai pumshi hanshi she powan kai miiphat, athohan kai lo, han mai lo, kriika thiihüli she. Shatmaq, riikhaqli maq nashiq jaq riiwiiq wan chang khearapaq sitlaq kriika, Jesuq Khristo ma kamwankai, kra lungwii tsantsii jaqsham maq tiichhi chang kli she akhek.

Ephesians 3:1

Riita, ija, ara chong tiikai namshiq noknai ri ka wehea miishe tiijato. Kriika ngi Paul raq, namshiq Pongnok phan maiqse miitu, Jesuq Khristo jaqsham kuq tiikang arkha na, ngi ka phaqtek mong na shaqto. Li jiimin, ngi raq namshiq miitu, Shiikeawe jaq wa achuli jaükuq tiikang.

Ephesians 4:1

Riita, ümchaü ngi phaqtek mong na sitiikang arka, ngi raq Tatiwe jaqsham tiikang kriikha na shaqtlo. Ümchaü ngi raq namshiq ma, tsii chongkuq tiipha ara, tsan na samhea tiitsang shaq rong laq. Ümchaü sanha, namshiq ka, Shiikeawe raq asengi ma tiija miitu hea wantaq akhing na, namshiq ka ümtinkhan thuktsom maq siwan chang ngutiiwa thapthi wantaq, kra thap jangkii kra, tiimali lantiishe si rong laq.

Ephesians 6:20

Ngi ka ara Tsütsa Ahea ara chongketi kiimwe. Ümchaü phaqtek mong na sitiikang armin, Tsütsa Ahea chongke kha na sitiikang. Ngi raq Tsütsa Ahea kra haisong mang maq, achaq awaq maq chongke miitu, ngi ma achuli jaükuq rong laq.

Philippians 1:12

Ngi raq namshiq ma chongke rotiikang ka ara: Ngi ma jamlai mra wa pintaq, kriiraq Tsütsa Ahea jaqsham kli tiinyii wanto.

Philippians 1:13

Arkha maq, Roman hokham we jamkheti phenlanok nai maiq ahinti tarü raq, ngi ümchaü phaqtek na sitiikang arka, Khristo jaqshi ma jatiikang kriikha na dea, ngutiishe sap wanto.

Philippians 1:14

Ngi phaqtek na shaq kha maq, Phungmaiqse phunainotiim apako raq, Tati ma kamtsantsii thü wan tlaq kra, kamtsantsii rang ka apha riiwan tlo. Kiimaq tsangshiq ka hai mak maq, Tsütsa Ahea kra chongke shiichaq wan tlo.

Philippians 1:5

Ara jamkhano chochi tiikang ngukla, namshiq raq ngi rai Tsütsa Ahea chongke wan jaqsham na, apha maq riita ümchaü niitaq saüli, sham kuq dam tlan.

Philippians 2:22

Kiimaq namshiq raq apaiq jaqsham kaiwa thü kriika asap han she. Apaiq ka i se shaq ma jaraüta, i jaq tiihap ma, ngi rai Tsütsa Ahea chongke jaqsham tiijong damti.

Philippians 4:14

Li jiimin la, namshiq tsii hea kha maq, ngi chamchao bala, namshiq raq ngi khrum kuq lan kriika ahea pinthum.

Philippians 4:15

Namshiq Philipiati riika ahea wiq asap han. Man na Tsütsa Ahea chongke wa, jaqsham apha wanji na, ngi ka Mesidonia wang maq tiido wan jai, namshiq Philipia phungtuti riili, ngi khrum kuq lan ihata. Ngi rai aliip apha ranaiq min, kiimaq asum arum ranaiq min, pong wan damruq maq jaqsham damti ka namshiq li riilan.

Philippians 4:3

Kiimaq ngi rai kongshi maq jaqshamti we, kongti we lei, ümniiriimin la, ara nanyino nyungnai ara kiqram wan miitu, khrum kuq haü jaq ahea miraq. Tsangnai ka ngi rai, Tsütsa Ahea ara chongke jaqsham kra tiijong wan miitu, Klemen nai nanok phunobi ahinti kongtibi rai, reraüshi maq chap wan damti, kongti nyungnai jo. Ara chongtiikai, Shiikeawe jaqshamtibi mang ka, Shiikeawe raq atrati thun mang waiq chang, lakdam thü tlaq kiijaq asi.

Colossians 4:18

Ara ngi raq i jaq maq waiq tiikang: Paul raq namshiq ma salam tiiwan tlo. Ngi phaqtek na sitiikang ara naq laq rongkiq! Shiikeawe kaphap namshiq rai misi laq.

Colossians 4:3

Kiimaq namshiq raq naishiq miitu min, nong nong maq achu jaü ronglaq. Kra achu jaükuq tlan krai mren, Shiikeawe raq naishiq ma Jesuq Khristo tsütsa ahea, man na apaü raüta athü kra phanchan kewan miitu akhing ahea mikuq. Ngi ka ara Tsütsa Ahea ara chongke kha na, ümchaü phaqtek mong na sitiikang.

1 Thessalonians 5:5

Ümchaü sanha, namshiq tarü ka, rawü maiqsetiim siisaq she. Kiimaq ranaiq na siti siisaq. Nashiq ka ranyaq maiqse ri riimai she. Kiimaq ranyaq nyang na siti min riimai she.

2 Timothy 1:8

Ara chongtiikang arai mren, ümniika nashiq Tatiwe miitu, nanok ma hakhi kewan lam na, nola we ashi ikha silaq. Kiimaq ngi ara Khristo tsütsa chongketi we ngo kha maq, phaqtek mong na shaq tlo. Ümniiraq ngi miitu min naq jeasikiq. Kra rii na, ngi jamkho chamchao tiikang akha, ümniimin Tsütsa Ahea miitu chamchao wan ma khekham maq silaq. Shiikeawe raq ümniima phanrap chamchao nin wan miitu ningkun mikuq.

2 Timothy 2:9

Ngi raq Tsütsa Ahea ara chongkuq tiikang arkha na, ngi ka tiichamchao wan tlo. Ngi ka matwe tsawe kaü ikha, shumraü kharü maq kha raüta tiichamchao wan tlo. Shatmiitiq, Shiikeawe bomtsi ka kharü maq khalot mak.

Philemon 1:13

Lamshi miika, ngi raq apaiq ka, ngi raili ajaq tiisiruq rotiikang. Ngi ka ara Tsütsa Ahea jaqsham kha na, phaqtek na shaqtlaq liipan na, ümniiraq ngi khrumke la na, apaiq raq ngi mikhrum laq nguta tiima ashi ka sitlo.

Hebrews 3:1

Shiikeawe raq ngi rai ahea wan damti, asii lungwii Phungmaiqse phunainotiim lei! Nashiq raq Shiikeawe ma kam tiikai lamphan na, nashiq shunshea wanti we, Jesuq ka Shiikeawe raq Ramwe Ajong Pinthum ma shong raüta tiikito. Apaiq raq nashiq ma Ramwe Ajong jaqsham kuq tlaq kra atsi dada maq tiima laita si rong i.

1 Peter 4:13

Jesuq jamkho chamchaotaq, apaiq jijai na namshiq min apaiq jaiphan chamchao tiikai nguta khoqriiq shishiiq maq sirong laq. Krai mren, apaiq ümtiikiiwa saüho tlaq, kra akhing na namshiq raq apaiq khushü jonglu kra chhi lanta kai michochi han.

1 Peter 5:1

Ngi ka phungtu shunsheati maiqla weshi ngo maq, namshiq phungtu shunsheati maiqlare ma, ara bomtsi ara akhek tiitai rotiikang. Ngi raq i mak maq Khristo chamchao wantaq kra chhi kang she. Kiimaq Khristo ka ümtiikiiwa saüki nong jiiq, ngi riimin apaiq asii khushü, ngao, ningkun kra milap ha nguta kamto maq khelata sitiikang. Ara ningkhan, ngi raq ara namshiq ma tiitai tiipha ara.

2 Peter 1:13

Ngi raq namshiq ma akha sungkhu tsiilam chongke wan arka, ngi ma homaho jaqsham ashi. Arkha maq, ngi ka atra sitiikang wiiwii, namshiq tsan tiichhii wan miitu tsii chongke ka nungpaq mang mirha nguta tiima tiikang.

1 John 3:14

Nashiq raq asap i, ümchaü sanha nashiq raq amaa rilung lamphan ka baiqthü kaishe. Laita rawü rilung lamphan laitiishe shongnga tiikai. Nashiq ka rawü rilung lamphan laitiishe sitiikai nguta nashiq raq asap i she. Nashiq raq naphu nanotiim lungwii laita sitiikai ahata rawii rilung ngutiikai arka. Arkha maq jurwa phunaino lungwii mak maq sitlaq, kriiti ka ümchaü niitaq tsai lam ningkun kharü mong niili sitlo.