Philippians 1:6 - ASII LAKDAP Bible (BSI)

⁶ Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Hawa Naga Bible 2001

⁶ Kvkhoc rvtueq nuimshiq htauk nuex vruex vhvlx yauk shuimc shuimx phaungc wvnc jix waz Tishox kuex, Christu Yesu Raungnuiyq max httuiuc wvnc nuex dvyx kvruex yauk shuimc kuex tvlot shuex ngoz tueq ngaz kvmx vtaungx.

Muklom

⁶ Shkewa nim jaktung o iri jaqhal jaksom raa phang somlo ta, etho Khristo Jesu saal o iri jaksom raa tathun náng thula piq aa somlo chey roq eq na ta nga han ang.

Philippians 1:6 Referencias Cruzadas

Tvtsvmc 138:8

Ümniiraq ümchuwa kiqkhamkuqlaü kra wiita miklokuqhaü; Tatiwe lei, ümnaq lungwii ka pattup pat-sa. Ümjaqsham ümchuwa phalaü ka tiithumli shamlaq.

John 6:29

Kiijiishe, Jesuq raq treto, “Shiikeawe raq namshiq ka apaiq raq atiiki, we kiima kam ronglaq nguta thaütlo”

Acts 11:18

Tsangshiq raq ara Petar raq chongkuqtaq tsütsa kra tai raütiishe, tsangshiq raq Petar shra bom nyantaq kra diibaiqto. Kiimaq, “Ikhiijiika, Shiikeawe raq ara Pongnok phan maiqse miimin, tsangshiq ngarai kra tiidii miitu, tsangshiq miimin kilü ka dikuqto she dea. Raüta tsangshiq miimin, atra maq si miitu rilung lam she tankuq wanto!” nguta tsangshiq raq Shiikeawe kiishe tiitsam kamto.

Acts 16:14

Kiijaq naishiq traho bom chongke tai wanti phong wa, jechak nyung ashi ka Lidia riito. Apaiq ka Thajatira chela wa aki rongmin khea piikiiti nyung. Apaiq ka Shiikeawe shomnoqti nyung. Kiimaq, Tati raq apaiq tsan achhü maq, Paul raq traho bom chongkuqtaq kra mitiitsang tai wanlaq nguta atsan tsii kilü ka dikuqto. Krai mren, apaiq raq Jesuq Khristo ma kamto.

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

2 Corinthians 1:15

Ngi raq ara shiwea wan kang kriika, namshiq riimin ngi rai ahea dea nguta mipong dam han sham nguta tiima wankang. Krai mren tiina, ngi ka namshiq phana riihum wa riiwe ka kongkhu na miwaha nguta tiima sürii wan kang. Ngi watiikang krai mren, namshiq riimin achu shiiman thongnai milap laq nguta tiima kang.

2 Corinthians 2:3

Ngi raq lak waiq lata tiiho wan kang ka, kra bala, ngi ma namshiq phana wa miika miinuna mak riito. Jamkhano ngukla, kra bala ngi namshiq phana waha jiila, ngi ma i tsan tiibi chang khoti miraq. Jamkhano ngukla, namshiq kli ngi tiikhoqriiqti! Kiimaq ngi raq asap ha, ngi khoqriiq shishiiq siha jiila, namshiq min khoqriiq shishiiq misihan.

2 Corinthians 7:16

Riita, arthun ara chhi lata, ngi ka ümchaü namshiq ma pinthum riichopi tiikang. Kiimaq chochi tiikang!

2 Corinthians 9:4

Ngi raq tsangtsam sinkhu na tiiwali tiikang arka, ümtiikiiwa ngi phunainotiim, Mesidonia wangti kongtibi ka shea lata, namshiq phana saü wan tiikang, kra akhing na, namshiq raq honglu ka mitiije shaqli lowan hai jiika, ngi ma jeasi kla jawa michongsiq, namshiq miika jeasi jonghea ngaü chang mirki. Ara jamkhano chong tiikang ngukla, ngi raq namshiq ka tsangshiq man na atsaki rea wan wishe. Ngi raq namshiq tsaki rat wan kang kriika, arot miishe mijaki!

Galatians 5:10

Shatmaq, ngi ka ümchaü niitaq, namshiq ma kam tiikang. Nashiq Tati Jesuq Khristo rai pumshi hanshi she, tiipum singa wan kai kra bomtsi khuthaq na kam tiikang, namshiq riika ngi raq jamlai wa tiima tiikang akha siili tiima tlan ahiq, nguta kam tiikang. Kiimaq namshiq trang ra wanti ka juli jiimin mirlaq. Kriiwe kriika, Shiikeawe raq mitiichamchao wan dongdii. Shiikeawe raq apaiq ka tiijoq wan mak miraq.

Ephesians 4:12

Apaiq raq, ara kongphiq phea nyin kuqtaq arka, Shiikeawe sengi phungtu sitlaq kriiraq, Shiikeawe jaqsham miitu kuqto. Raüta, ara jaqsham tlaq kra lümaq, apaiq Khristo khum ka tiijonglu miitu she shongto.

Philippians 1:10

Kiikha sihan jiila, namshiq ma jamlai wa ahea pinthum, kra tsea wan lanta milang han. Kra riihan jiitiq, Khristo Ranaiq na, namshiq khum na ashe ashi jam min ahü miraq. Namdü na jamlai shutphit min ahü, siirairai hea miraq.

Philippians 1:29

Ara jamkhano chongtiikang ngukla, Shiikeawe raq namshiq ma thek tlaq Khristo shiililii jaqsham kuq wantaq kriika, apaiq ma kamwan lamlam li ka riimak. Shatmaq, apaiq miitu chamchao wan kiimin adam na kuqto.

Philippians 2:12

Riita, ija, ara chongkuq tiipha arai mren, lungwii phunainotiim lei, man na ngi, namshiq rai adam siji na, namshiq raq jamkho, i bom chong ka phaqchii nichii maq tai lan, kra nam miimin, namshiq raq ümchaü i bom chong ara tai wan ka akhek lin she. Namshiq raq tiichhii wan rilung lap wan kra, awon awu ma tiija wan miitu, Shiikeawe lamphan na, pinthum shiikut chaq lanta sironglaq.

Philippians 2:13

Ara jamkhano chongtiikang ngukla, Shiikeawe raq namshiq ma apaiq bomchong ka, phaqchii nichii maq lang wan miitu, namshiq tsan tiichhii kuqtlo. Kiimaq, namshiq raq apaiq jaqsham miitu, ningkun kuq tlo.

Philippians 2:16

Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

Colossians 2:12

Ara jamkhano chongtiikang ngukla, namshiq raq ümtiikiiwa kham lam wan lan, kra akhing na namshiq ka Khristo rai maakho chiimshi na lap baiqto. Kiimaq kham lam lan na, namshiq ka Khristo ma namshiq kamtsantsii thü wan lan kra lümaq, amaa arki ikhiiwa tiidong wanto. Kriika Shiikeawe atra ningkun raq, Khristo ka amaa wa jamkho tiidong wantaq kiikhiisii hali tiidong wanto.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

2 Thessalonians 1:11

Arningkhan tiina, naishiq raq namshiq miitu, wranaiqshe achu jaükuq tiikai. Arka, Shiikeawe raq namshiq ka, athuk atsom maiqsetiim miidea mitiija wan laq, nguta achu jaükuq tiikai. Namshiq raq kamasham jaqsham ahea, ümchuwa sham tlan kra, Shiikeawe raq apaiq ningkun maq, kunli dea tiihongtha kuq raü jaq ahea, nguta achu jaü tiikai.

2 Thessalonians 3:4

Kiimaq, Tatiwe raq namshiq ka wenyi rilung na maiqshaq ma tiija tlo nguta, naishiq ka tsankhun maq sitiikai. Krai mren, namshiq kamasham rilung na, naishiq raq namshiq ma jamkho shrinkuq kai, kra phanphan ümchaü jamkho lang tlan, kiikha, jai miili jiimin lang wan ruq maq misi han nguta kam tiikai.

Philemon 1:21

Ngi riika asap ha na. Ümniiraq i kiq ka tlea maü maq, ara lak na waiq kang arthaq niimin, achan lin miklo haü nguta kamto maq sitiikang.

Hebrews 10:35

Riita, ara ningkhan, namshiq ka awongsii Phungmaiqse she dea nguta, jamkho silan, kra taqtaq li si rong laq. Namshiq ka akha shiichaq wan ruq, nungpaq man maq si han jiila, namshiq raq poksi jonghea milap han.

Hebrews 12:2

Nashiq maklii ka, Jesuq theaphi na tiitsi rong i. Apaiq ka nashiq ara kamtsantsii rilung lam na shea wanti. Kiimaq apaiq riili, nashiq kamtsantsii rilung ara, atiisup na saüli awongsii ma mitiija wan lot. Apaiq ka pumsongkham na tsai ma hai raüta nashiq tiichhii wan jaqsham ka thaq baiq mak dea riito! Shatmaq, apaiq ka akhiismin tiime mak riito. Jamkhano ngukla, apaiq raq chochi jonghea lap wan chang asi nguta asap. Kriikha maq, apaiq raq pumsongkham na, maiqjea asi tsai wan kriika, akhiismin tiima wan mak riito. Krai mren, ümchaü sanha, apaiq ka Shiikeawe hokham ngacho maq jaqtsi nü na ngatlo.

1 Peter 5:10

Shatmaq namshiq ka alose chamchao lot jai, phanrap kaphaptiwe, jurwa namshiq ka apaiq pattup pat-sa chhainyii kra Khristo pum lümaq riishake miitu hea wantaq, apaiq raq namshiq ka minhap ma mitiija, kiimaq pharang rang, ningkun, kiimaq tiimeshi mak arang mitiiphakuq wan.

2 Peter 3:10

Shatmaq Tatiwe Saükai Ranaiq ka ahuk dong wa tlaq ikhli, tiihanghiiq miili misaüki. Kra Ranaiq na ra thun nai ra na diim tlaq raiqsaiq jipi thun wiita hiq maq hutse, amok dungdung, apat arat wa trang liishe, wa raq tiibunlak, apun min ahü mikhiim baiq. Kiimaq ara mangjong hiq diim armin, hiq raikhü na ümchuwa diim tlaq kra wiita hutjok, tiisiirai wa maq michaq baiq.