Philippians 1:8 - ASII LAKDAP Bible (BSI)

⁸ Shiikeawe ka i hakhi. Ngi raq chongtiikang arka tengteng. Ngi raq namshiq miitu, i tsan mong na tsaühea maq, riiwea wan tiikang arka, Khristo Jesuq apaiq tsan mong wa, adong lungwiitsii walü kra nyai tlo.

Hawa Naga Bible 2001

⁸ Ngaz rueq Christu Yesu lungwawc thuinz vmungx maq nuimshiq kuex pinhtumc rvwvl vshaungx lvmz Tishox kuex ngvy hakhix muex yaungx yaq.

Muklom

⁸ Shkewa usam hun eq aa, Khristo Jesu aa chammal nim ma tinma aa, shimal nga tho nim ma tinma phang.

Philippians 1:8 Referencias Cruzadas

YOBA 16:19

Ramungtan na ngi rai pongdamti maiq ashi ra asi, apaiq ka rung na chap raüta ngi tiiwong na mibom.

ISAIA 16:11

Ngi ka Mob mungti miitu makphai khüshang shirisiq tiikang. Kiimaq Kir Heres chelati miitu jümiisiq tiikang.

ISAIA 63:15

Tatiwe, naishiq ka ramungtan maq liilaq. Kiijaq ümniika asii arai kiimaq achhai anyii waheala sitlaü. Riita ümniiraq naishiq miitu ümtsan tsihea maq tiimatlaü irha ümbano? Ümningkun jong ira ümbano? Ümnaq mangchan tsantsii nai tsantsi mongtsi maq lungwii tsii riimtlaü ira ümbano? Naishiq ka naq shipoqkiq.

JEREMIA 31:20

“Israil lei, ümniika ise ngi raq pinthum mangchan tiikang. Ümtiikiiwa Ngi raq ümmang chong tiikang, Ngi raq ümniika lungwiikhiq maq tiimasiq tiikang. Imongjii ka ümnaq miili rantlo; Ngi raq ümniika mitiihangha.

Luke 1:78

Nashiq Shiikeawe ka mangchan rümti tsanin woknin. Apaiq raq nashiq ma tiichhii wan rashe kii liliim kra mitli kuq wan she.

Romans 1:9

Ngi raq ara chongkuq tiikang arka, tengto dea nguta hakhi keti ka Shiikeawe asi. Shiikeawe ka ngi raq, i tsan i mongjii wiita kiinong kuq lata, Ase manphan Tsütsa Ahea bomtsi ka, nanok ma chongkuq tiikang kra lümaq, ngi raq shomnoq wan tiikang. Ngi raq achu jaü tiikang akhingtek na,

Romans 9:1

Ngi raq chong tiikang arka tengteng. Ngi ka Khristo wokhong na siti we. Ngi ka rot mang. Asii Wenyi raq shunshea raüta, i tsan i tsii ka tsangriri maq sitiikang. Krai mren, Asii Wenyi riimin hakhi kuqtlo. Ara ngi raq chong tiikang arka tengteng. Ngi ka rotmang.

2 Corinthians 13:9

Ngi ka wenyi na wepuq wese ikhli sirai ha jiimin, khoqriiq khiq miili sitiikang. Ngi ka wepuq ikhli jiimin, namshiq ka wenyi rilung na, srea nola sihan jiika hongrai jiiq she. Kriikha maq, namshiq ka kamasham rilung na, Shiikeawe raq minhap ma mitiija wan laq ngutli, achu jaükuq tiikang.

2 Corinthians 6:12

Naishiq raq naishiq tsantsii kilü ka namshiq miitu shaq mai. Namshiq raq riiwe, namshiq tsantsii kilü ka naishiq ma ashaq riilan.

2 Corinthians 7:15

Kiimaq krai mren, namshiq ma apaiq lungwiitsii kiimin jong wan wan she, jong wanto. Apaiq raq, namshiq ma sungkhu tsiilam chongkuqtaq kriika, namshiq raq phaqchii nichii maq tai lan kra, apaiq raq tsan na tiitsang shat maq thü tlo. Kiimaq namshiq raq apaiq saü wantaq akhing na, shreng lanta, tiihai song shatmaq apaiq ka tao wan lan.

Galatians 1:20

Ngi raq arjaq waiq tiikang arka tengteng. Shiikeawe riimin asap. Ngi raq arot ka chong mang!

Galatians 3:26

Riita, ümchaü sanha, namshiq tarü ka Shiikeawe setiim siisaq she jawan lan. Arka, Jesuq Khristo ma kamtsantsii thü tlan kra lümaq tiija wanto.

Galatians 4:19

Mangchan i setiim lei! Bliiq biishi chong tiikang ara tiitsang tairong laq! I tsan mong na, namshiq miitu chapa tsi ka, anyung raq ase chii na, nowüchhi tsi chamchao tlaq ikha, Jesuq Khristo rong arai ka, namshiq rilung na chhi mang shaq wiiwii ka, ara nowüchhi tsi arka, tsi ruq li mitsi.

Philippians 2:1

Namshiq ka ümchaü sanha Khristo nyam mong na, phintsaq tsaqhea she sitlan. Kiimaq apaiq mangchan wokhong na, tsailam jilam sitlan. Namshiq ka Asii Wenyi rai rintii ashi maq sitlan. Kiimaq, namshiq liipan na riilung riiwii, kiimaq riimang riichan miishe sitlan.

Philippians 2:26

Apaiq ka ümchaü, namshiq tarü rai sham riichhitlo hajaq, nguta atsan tsihea maq sitlo. Kiimaq, namshiq raq, apaiq ka atsi nguta tsütsa tai lanta, namshiq chaparai holan sham, nguta atsan tiichhii raüta, namshiq phana saü wan tlo hajaq, nguta kai chapa tlo.

Philippians 4:1

Ara chong tiikang arai mren, lungwii phunainotiim lei, namshiq ka ngi ma lakshiitum alak ha ikha sitlan! Ngi ka namshiq sham chhiro raq ahaü sitiikang! Namshiq raq ngi ka kai tiichochi tlan. Krai mren, ngi ka namshiq miitu, ra na dü ma phipii tiisomrasiq tiikang. Ija, akha riimak i jiita. Ümchaü sanha namshiq raq, Tatiwe ma pharang rang maq kam tlan kata. Akha kamwan ruq maq sirong laq.

Colossians 2:1

Ngi chongpha. Ngi raq namshiq miitu pinthum rokngoq riingoq jaqsham wan kang. Kiimaq Laodesia na siti Phungmaiqse miitu kiimaq nanok ahinti wiitarü, juwa ngi rai mang mirsap shaqti thun miitu kai hunnii wan kang.

Colossians 3:12

Namshiq ka Shiikeawe sengi she. Apaiq raq namshiq mangchan tlo. Raüta, namshiq ka apaiq miitu tsea wanto. Krai mren, namshiq tsan nai mongjii na kongti ma mangchan tsii, lungwii tsii, aran se ma ja tsii, saksi minmi tsii, kiimaq anin wan tsii, kra thun rong arai maq tiimiikhiiq lantiishe si rong laq.

1 Thessalonians 2:5

Namshiq riimin la ahea wiq asap han she. Man na naishiq namshiq phana wakai akhing na, namshiq ma tiishi tiinyea manphan ka chongkuq mai. Kiimaq naishiq raq, naishiq maiqmii sükha tsii thü laita min, chongkuq mai! Naishiq tsantsii shinti we ka Shiikeawe asi!

1 Thessalonians 2:8

Namshiq ma naishiq mangchan tsihea kha maq, naishiq raq namshiq ma Tsütsa Ahea chongke lamlamli min riimak, kra thaq niimin, naishiq rilung ka namshiq rai adam na takchung pinchiim shi maq siwan kai. Namshiq ka naishiq ma dang na lakshiitum alak ikha lungwii laita, sikai!

2 Timothy 1:4

Nanai kiim riiphea ranaiq na, ümmakphai roktaq irka, ngi raq laqbaiq mang. Ümchaü min, ngi ka ümniirai sham riichhiro raq haü tiikang. Ümniirai riihum ka ngi ma pinthum chochi jonghea.

Philemon 1:12

Riita, ija ümchaü min la, ngi raq apaiq ka ümpha niishe tiijang wan tiikang. Apaiq tiiwa tiikang arka, ngi raq ümniima, i tsan i mongpo panke khan tai tlo.

Philemon 1:20

Riita, phuno we lei! Ngi raq ngohea shaqshaq chongtiikang, ümjaq wa ngi raq, Tati mang na phanshi ra aliip jaü rotiikang. Khristo mang na, phuno we lei, i tsaiji ara tiijongkuq wan phiina. Kiimaq ngi ara tiichochi wan phiina!

1 John 3:17

Riita chiithe maiqse weshi raq, aphu ano ka acham achao rai michhi. Shatmaq mangchan mak, achhi ikha chhi mak ikhli liiraü jiika, apaiq raq Shiikeawe lungwii tlo nguta ngo chang ka asi sha?