Philippians 1:11 - ASII LAKDAP Bible (BSI)

¹¹ Krai mren, namshiq rilung ka, Jesuq Khristo pülii ahea awa rong arai ngu tu petsi chong ikha miraq. Kra chongtiikai petsi tu kriika, Khristo riitiq dongdii tiitsi ngo chang. Kra maiqse raq chhi raüta, Shiikeawe khushü mitiijong. Raüta, Shiikeawe klishe mishomra wan.

Hawa Naga Bible 2001

¹¹ Kvruex dvyx muinz rvmuq, Tishox ngauz vngax tvdungc wvnc tvkoc nuiyc muingjungc kuex tvtsvmc kvmc muex Yesu Christu maq jix lvp lot yaq vhvlx pinhtumc vtsuing vrux vthuey htenc kuex nuimshiq rullungx tvraungx lvmx htenc nuex mvrc tuex rvtueq.

Muklom

¹¹ Nim rollung na asing tingo sha Jesu Khristo wang thu tapha sha nim jaktung na shey ching. Iri wang Shkewa ma tasapsey nia phun amun kapna.

Philippians 1:11 Referencias Cruzadas

Tvtsvmc 1:3

Tsangshiq ka jüserai kii na acham pero ikha, akhing khaq khaq na atsi ango riitlo, kiimaq ajaq thun ka shinki mak phan. Tsangshiq raq jam lai wa shamtlaq kra ong wan ruq riitlo.

ISAIA 5:2

Apaiq raq hiq ka thuto raüta longpo thun ka dobaiqto; raüta apaiq raq pinthum ahea phan spiq chhito. Raüta apaiq raq sonruk khechang longmaq kongmong chong ashi haito, raüta spiqtsi tiikitchang longtham ashi haito. Raüta apaiq raq spiqtsi kra tiimansea kheto, shatmaq spiqtsi thun ka wiita haidangdang siisaq riito.

ISAIA 60:21

Ümsenginok tarü raq riikhaqli kli misham. Kiimaq tsangshiq raq nam mung ka pattup pat-sa she misiq wan. Ngi raq tsangshiq ka hiq na chhi wan kang she. Ngi raq tsangshiq ka phansang kang she. Arka Ngi jonglu kra maiqse kunli ma tiichhike miitu klokang.

ISAIA 61:11

Tsamlai ka jamkho cham wantlaq Raüta jong wantlaq ikha, Ajong Thaq Na Ajong Pinthum Tatiwe raq asenginok ka mitiichhiikuq, Kiimaq maiq mung thun tlotli raq apaiq mitiitsam wan.

ISAIA 61:3

Jajon chela na maaho manyiti siti ma, Ashi ari siti ma, Chonjong chise khoqriiq shishiiq kekai, Ajü amii siti ma, Tiitsamkam shi kekai. Tsangshiq ka pero ikha miraq Kriika Tatiwe apaiq raq achhi wan. Tsangshiq wiita raq riikhaqli jaqsham kli misham, Kiimaq Shiikeawe raq jamlai jaq wa shamtaq kra miitu apaiq ka mitiitsam wan.

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

John 15:16

Namshiq raq i puk na nyap wan miitu, ngi ka ritwan man dea. Shatmaq, ngi raq namshiq ka tsea tsiiq wan kang. Lata, namshiq ka shong wan kang. Arka namshiq rilung jaqsham na, pattup thenkimak chang phan, atsi ango pahea mitsi ngo laq nguta, ngi raq namshiq ka shong wan kang. Krai mren, i mang na namshiq raq ajaü jaü kra, i We raq namshiq ma mikuq.

John 15:2

Apaiq raq i tsung na, atsi ahühüti i kü i ko thun kriika, angei riibaiqtlo. Kiimaq, atsi asisiti i kü i ko thun kriika, aheawiq maq tiisii chhintsii wantlo. Raüta, atsi ango ka apapa she tiitsi ngo wan miitu, ashun thun kriika, aton riibaiqtlo.

John 15:8

Namshiq ka apapa tsingo wan lili riihan jiitiq, i We khushü ka mijong wan. Krai mren, namshiq ka, awongsii i jaqshisetiim miishe mija wan han.

Romans 15:28

Riita, ngi raq ara tsangshiq miitu honglu ahi kampho ara kunli, tsangshiq jaq na kuq thü lot la tiishetiq, ngi ka Spen mung na wawan lam miishetiq, namshiq rai ka mirhum kang nguta thapthi wan tiikang.

Romans 6:22

Shatmaq, ümchaü sanha, namshiq ka ngarai kharü mong wa ada wan kun she. Ümchaü sanha, namshiq ka, Shiikeawe disetiim she. Krai mren, namkhum ka ngamrea phu akuq ikha, Shiikeawe ma, namrilung ka kiinong kuq lan krai mren, namshiq rilung ka ümchaü asii she. Riita, akha sitlan ara tsingo ka, namshiq raq pattup pat-sa rilung she lap tlan.

1 Corinthians 10:31

Ahea na. Kriika riikhaqli ngutlaü. Ümniiraq dungsiq laü lo, phanrap ka Shiikeawe khushü tiijong miitu li phaqsiq ronglaq.

2 Corinthians 9:10

Shiikeawe ka maiqse ma achhi ajang chang tsamlai chomrom keti we. Kiimaq maiqse ma phaqnai sea chomrom keti we. Krai mren, Shiikeawe raq, namshiq ma tsamlai achhi ajang ma, namshiq ma ümchuwa ra wan tlaq, kra mikuq. Raüta, jamlai wa chhi jang tlan kra, mitiijong luwan. Akhiisii hali, ara ümchaü namshiq raq ümchuwa honglu phongtsoktsok kuqne wan lan, kra dong man wan raüta, namshiq raq asho awo tsam mijut wan han.

Ephesians 1:12

Riita, ara miitu, nashiq raq Khristo ma kongkhu kamwan kaitibi raq, Shiikeawe khushü jonglu kra tiitsamkam rong i!

Ephesians 1:14

Nashiq ma, Asii Wenyi kuqtaq arka, Shiikeawe raq asengi ma kongphiq mikuq ha nguta kiq khamkuqtaq kra arshe dea nguta bom tiipha shat wan she riito. Kiimaq Shiikeawe raq asengi ka awongsii wasetiim miishe dea tiija wan tlo nguta tri raü kha tiipha shat wan she riito. Ümchaü sanha apaiq khushü jonglu kriili she tiitsam kam rong i!

Ephesians 2:10

Shiikeawe raq, nashiq ara ümchaü sanha, awongsii maiqsetiim miishe tiija wanto. Ara nashiq rilung arka, ümchaü sanha, Khristo Jesuq rai pumshi maq silaita, Shiikeawe raq nashiq raq sham miitu, jaqsham ahea awa phan ümchuwa tiihong tha thü wantaq, kra thun ka sham laita, sichang li she.

Ephesians 5:9

Ara chongtiikai rawü li raq, phanrap lam na, athuk atsom, kechu jaqsham, kiimaq tingting rilung tsi ka, tum akhiiq ama tiishowo kuq tlo.

Philippians 4:17

Ara chongtiikang arka, ngi raq namshiq jaq wa kongphiq jaqmiiq siika, akhing khing na, lapphaqsiq wan ruq riiha jaq nguta ngo nang ka riimak. Ngi riika namshiq ma aliip apha riiwe ka apapa, liip pha wan raü jaq nguta tiima lalata chongtiikang.

Colossians 1:10

Kra laphan jiitiq, namshiq Tatiwe raq namshiq ka jamkhii tiisinga wan wa lungwii tlaq, kiikha misi wan lot han. Kiimaq namshiq raq, ranaiqtek apaiq raq lungwii tlaq jaqsham kaiwa kra misham lot han. Krai mren, namshiq rilung na shamhea kaiwa ümchuwa sitlaq kra tsingo pahea she misi. Kiimaq namshiq ka Shiikeawe tiima tsantsii ka atsaü maq sap lanta mijong luwan han.

Colossians 1:6

Ara chongtiikai Tsütsa Ahea raq mangjong tlotli na nyam rat wanto she. Raüta mangjong maiqse pahea raq achu shiiman lap wan tlo. Arka man na namshiq phong na, aphaji na namshiq raq Shiikeawe kaphap mangchan ka atinkhan jonghea sitlo nya nguta sap lan ikha, raüta namshiq phong na nyam wantaq ikha, ümchaü min, nanok sang amang mung ahin liipan niishe nyam wan tlo.

2 Thessalonians 1:12

Ara chongtiikai akha, Tati Jesuq Khristo khushü ka, namshiq lümaq mitiijong kuq wan. Kiimahali, Shiikeawe kaphap wokhong maq nai Tati Jesuq Khristo wokhong maq, namshiq khushü ka mitiijong kuq wan.

Titus 3:14

Nashiqnok Phungmaiqsetiim riika, jamlai phan minshiiq raü wa ahea miraq, kra phan ka sham chang. Akha minshiiq shiichaq wan raütiq, akhek amu khrumke chang raa tlaqti ma, khrum kongphiq jaqmiiq ka mikuq ne wan lot. Tsangshiq rilung ka lam ahü na, shaphaq raa mak.

Hebrews 12:11

Riita, ümtiikiiwa Shiikeawe raq, nashiq son ngu tlaq, kiitiikaq nashiq tsan tiibi chang tsatson tlo nguta tiima tiikai. Achochi chang ka ahü ikha tiima tiikai. Shatmaq, kra jai miishe, tlu niishetiq, maiqse ümchuwa akha trantsii raüta jonglu wan taq, kriiti raq asii arai tingting, kiimaq kiqkap jaqshap rilung poksi kra lap wan tlo.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 2:5

Namshiq ka atra longkaüsetiim ikha warong ra. Lanta namkhum ka longkaüsetiim ikha, Shiikeawe raq asii wenyi shomjam kra mihai laq. Kra shomjam mong na namshiq ka asii ramwebi ma ja lanta, wenyi honglu kiimaq Shiikeawe tsan tiiheali chang honglu, Jesuq Khristo lümaq mikuq han.

1 Peter 2:9

Shatmaq, namshiq riiwe kla, Shiikeawe raq atsea arwan maiq phan she. Hokham we ramwebi. Asii mung ashi nguta sitlan. Shiikeawe sengi. Namshiq ka Shiikeawe raq ngarai ranyaq tangtang mong wa, apaiq tiichhii wan rawüli, achong lot mai awang chang liliim rilung she kuqto. Apaiq raq namshiq hea wantaq kriika, apaiq raq awang chang tiichhii wan jaqsham wantaq kra nanok ma chongke wan miitu tseatsiiq wanto.

1 Peter 4:14

Namshiq ka Jesuq sengi ngo kha maq, maiq raq thophi riiqphi shummii kiiphan la, namshiq ka kopan jonghea maiqsetiim ngutli tak rong laq. Maiq raq akhiishe raüka, namshiq khum na, Shiikeawe Wenyi, achhai anyii jonghea ka asi dea nguta tak wan chang.