Philippians 1:10 - ASII LAKDAP Bible (BSI)

¹⁰ Kiikha sihan jiila, namshiq ma jamlai wa ahea pinthum, kra tsea wan lanta milang han. Kra riihan jiitiq, Khristo Ranaiq na, namshiq khum na ashe ashi jam min ahü miraq. Namdü na jamlai shutphit min ahü, siirairai hea miraq.

Hawa Naga Bible 2001

¹⁰ kvkaq jix nuimshiq kuex Christu httuiuc kaz yek tuex Raungnuiyq nuex sawc muq vshuy vshac lvmx phvnx ruip saz wawc dung wvnc vtueq mvrax kop muq jix htenc yaungx tuinx.

Muklom

¹⁰ Irimal ang eq nim thaji phey náng eq jaqhal sha jin tal inn etho Khristo saal o nim asang nia chamtho jashit ang moq ang eq angna.

Philippians 1:10 Referencias Cruzadas

RAPHA HIQWA LAK 20:5

Abraham apaiq riili kriinyung ka ashea nyung nguta ngutaq ihata. Kiimaq kriinyung riimin kiikhiisii ngutaq ihata. Ngi raq apaiq ijam na tiisheaki kang kriika itsan tsii siirai rai maq klokang. Ngi riika jamlai min ashut klomang dea.”

YOBA 12:11

Shatmaq namtili maq phaq asea sum tei lanta chochi tlan kiikha hali, namni miimin maiq bom taisea lungwii tlan.

YOBA 34:3

Namshiq raq ümtiikiiwa lairap phaqsiq tlan arka asumwiq nguta saptlan, shatmaq taksu bomtsi ka tai lantea sap man.

Mikha 3:2

Shatmaq namshiq raq tingting tri ka ashishe riitlan. Lanta ashut tri kra lang tlan, Namshiq raq isengi mungmaiqse ka akhü koq lanta tiichamchao tlan. Kiimaq tsangshiq ka riitsi tsaitsiiq siphaq tlan!

Matthew 16:23

Kiijiishe Jesuq raq Petar pha nü na trosaq lii raüta Petar ka sonto, “I tho wa tiijin tlo laq Thawe! Ümniiraq ngi tiibanbi tlaü. Ümniiraq jamlai wa tiima tlaü kriika maiqse tiima, Shiikeawe raq tiima tlaq kra riimak.”

Matthew 26:33

Shatmaq kra tai raüta Petar raq, “Nanok tarü raq ümniika tiishaü baiq raü jiimin, ngi raq ümniika ümtiikaq jiimin tiishaü baiq mang!” nguta Jesuq bom ka treto.

John 1:47

Jesuq raq Nathaniel ka apaiq phanü na awa rai kra chhi raüta, apaiq miitu akha chongto, “Arhata miikiim se ashi Israil we. Apaiq ka chiisan maiqse ashi!”

John 3:20

Abi ngarai jaqsham riika, rawü ka angeng riitlo. Kiimaq rawü niika siro mak. Rawü na si raüka, apaiq raq ranyaq jaqsham tlaq kra rawü na mitiichhiki. Kriikha maq apaiq raq rawii ka romak.

Acts 24:16

Riita, ara kam tiikang arai mren, ngi raq, i tsan i tsii ka khangriri hea maq, ranaiqtek Shiikeawe man na nai maiqse man na, athuk atsom maq shiiting shrai lata siwan miitu shiikut chaq tiikang.

Romans 12:2

Namshiq rilung ka, ara mangjong hiq rilung thangpo mong na thü lanta naq tlo rongkiq. Shatmaq, namshiq tiima tsantsii kra anye tingsang ma tiija wantlii riili chang, Shiikeawe ma tiitiiq rong laq. Kra tiiq kuq wan haü jiitiq, Shiikeawe raq namshiq rilung miitu athuk atsom ahea awa jamlai wa tiihong tha kuq tlaq kra kiimaq apaiq raq jamlai phan wa lungwiitlaq kra, namshiq raq mikhonlot han.

Romans 12:9

Maiq ma lungwii tsii ka siirairai hea thü wan lili ronglaq. Jamlai wa abi phan, kriika atsaihai rii ronglaq. Jamlai wa ahea, kra jaqkhon tiipha lanta shamshat maq si ronglaq.

Romans 16:17

Phunainotiim lei, ngi raq namshiq ma phaqthak nithak lata, ara chongkuq tiipha ara tai ronglaq: Maiq triiphea baiqti nai kamtsantsii ka lamjiq na sheahoti sitlaq kra, maklii wa namshiq ka tsii lamshat maq sironglaq. Tsangshiq riika, namshiq raq jamlai wa tengteng bomtsi saptsin lan, kra bomtsi manphan kra jin raüta, ajiq bomtsi michong kuq. Tsangshiq rai ka arbom min naq riibom rongkiq! Namshiq ka tsangshiq maklii wa alu na sirong laq!

Romans 2:18

Shiikeawe raq namshiq ma, jamlai phan jaq tiisham wa lungwii tlaq, kriika namshiq raq asap han. Kiimaq Thungtri wa riikhaqli maq jaqsham wan lamlu chong tlaq kriimin asap han she.

Romans 7:16

Riita, ija ngi raq jamlai phan wa shamro mang, kra phan riiwe ka lamlam asham kikap sham tiikang jiika, ara wiili she dea, Thungtri raq chong tlaq arka ka tengteng dea riishatmaq, maiqse raq riiwe lang wan lot mai kha ana, ngutiishe tri ka tak wan tiikang.

Romans 7:22

I tsan i mong jii riika, Shiikeawe thungtri kra lang la tiidea siha jaq nguta, lungwii siq tlo.

Romans 8:7

Arkha na tiina, juwa maiqmii han-ngam tiima tsantsii jaqkhon mong na sitlaq, kriiti ka Shiikeawe ma wesang. Ara jamkhano chongtiikang ngukla, apaiq ka Shiikeawe thungtri wokhong na silot mak. Kiimaq apaiq riika, ümkhiiriita jiimin, Shiikeawe tri aming ka lang lotmak.

1 Corinthians 1:8

Apaiq raq namshiq ka atiithum ranaiq na saüli, kamasham na pharangrang maq mithü. Krai mren, Tati Jesuq Khristo saükai akhing Ranaiq na, Shiikeawe raq namshiq ka kechu maiqse nguta mipho kuq wan.

1 Corinthians 10:32

Namshiq ka athuk atsom maq singa rong laq. Jehudinok miimin, Pongnok phan miimin lo, kiimaq Shiikeawe sengi phungtuti miimin, jamlai tsan riibi chang ahü maq, shongnga rong laq.

1 Corinthians 8:13

Riita akha ara ningkhan, ngi raq jamlai wa phaqsiq tiikang, kra lümaq i phu i no ka ngarai na tiidea tiikang jiila, i phu i no ngarai na tiidea baiq mang chang miitu, ngi raq sumla noq ma akuq ngam ka phaqsiq mang she amiim mirbaiq ha.

2 Corinthians 1:12

Naishiq ka phanshi miitu tiishomra wan tiikai. Riita arka tengteng chongtiikai. Shiikeawe raq jamkho lungwii tlaq, kra phan phan naishiq ka namshiq rai jaqsham kaiwa na, abom asa na tingting kiimaq tsangriri hea maq sitiikai. Naishiq hon atsii ka maiqse taksu tsii raq shun shea raüta riimak, shatmaq Shiikeawe kaphap ningkun raq shunshea raüta sitiikai.

2 Corinthians 2:17

Naishiq ka nanok maiq ahinti pahea raq, Shiikeawe Tsütsa chongke jaqsham ka, mangjong hiq wa tsiiq nai nyam laopan jawanti raq shanshiiq tlaq laopanbi piikii hupsam kiikhiika shanshiiq mai phan. Tsangshiq raq Tsütsa Ahea chongkuq tlaq kriika, maiqmii wokpo kra tiipao wan miitu chongkuq tlo. Shatmaq, naishiq riika, tsantsii siirairai maq kiimaq tiima tsantsii tingting thü laita, ara Tsütsa Ahea ara nanok ma, Shiikeawe man na, Shiikeawe raq aming ke kha maq, apaiq tsasoq wantibi ma jawan laita kiimaq Khristo jaqshisetiim ma ja laita traho bomtsi kra chongkuq tiikai.

2 Corinthians 6:3

Naishiq kiimwebi raq jaqsham tiikai ara, maiq raq setsiiq ka romai. Kriikha maq, naishiq raq maiq lam phan ka tiibanbi ki mai.

2 Corinthians 8:8

Arka ngi raq namshiq ma amingke kla riimak. Shatmaq, Mesidonia wang na siti Phungtuti raq khoqriiq shishiiq maq honglu kuq wantaq kra liilanta, namshiq tsan na nanok ma lungwiitsii ka awongsii dea rüm tlan jiika, namshiq raq mangchan jaqsham maq tiichhikuq rong laq nguta chongkuq tiikang.

Galatians 5:11

I phu i notiim lei, ümchaü ngi raq namshiq ma chongke chang bomtsi ka arli she sitlo: Ngi riika, ümchaü niitaq, athohan tri ka lang raa dongdii nguta, nokwe ma traho kuq tiikang jiika, nanok raq ngi arka, jamlai khano ngengseng tla? Riita, tsangshiq raq ngi ma ara huknyan wan tlaq ara ngohea dea jiika, ngi raq Jesuq Khristo pumsongkham na tsaito nguta tra hokuq tiikang kra tai raüta, nanok raq ngi ka ngeng mak chang she kata.

Ephesians 4:15

Kra la na, lungwii tsantsii ashi maq, Tsütsa Ahea ka barap se na tiinyam chongkuq laita, nashiq ka, phanrap lam na, nashiq ma akhupo Khristo khum na jonglu wan chang.

Ephesians 5:10

Jamlai phan jaqsham raü jiiwa, Tatiwe tsan michochi, kra phan jaqsham rit lantli, sham rong laq.

Ephesians 5:27

Riita, ara hekuqtaq arka, phungtu ka apaiq miitu siirairai, shamhea shamjü, chiisan kiimaq jamlai shutphit min ahü, kiimaq jamlai phan na kojo min ahü maq, minhap ma tiija wan miitu hetse kuq.

Ephesians 6:24

Jurwa nashiq Tati Jesuq Khristo ka tsaimak phan lungwii maq lungwiitlaq, kriiti tarü ma Shiikeawe kaphap misilaq.

Philippians 1:16

Tsangshiq raq ara sham tlaq arka, lungwii raütiidea sham tlo. Ara jamkhano chongtiikang ngukla, Shiikeawe raq Tsütsa Ahea chongke wan jaqsham arka, ngi miidea kuqto nguta asap.

Philippians 1:6

Krai mren, Shiikeawe raq namshiq rilung na, ara jaqsham ahea shampha wantaq arka, Khristo Jesuq saükai Ranaiq na saüli, apaiq jaq thiq kra kunli mitiinyi wan dongdii nguta, tsankhun maq sitiikang.

Philippians 2:16

Namshiq raq tsangshiq ma, rilung tsitsü bomtsi kra chongke wan lam maq, akha achhai anyii lam maq, si ronglaq. Namshiq raq akha minshiiq wan han jiika, Khristo Saükai Ranaiq na, Shiikeawe man na, ngi ka namshiq miitu, kai tiishomra lata, michochi ha. Kriika ngi raq namshiq ma Shiikeawe jaqsham kuq kang kra, atu na wiiki mak dea, atsi pahea tsi wanto nguta hakhi miraq.

1 Thessalonians 3:13

Ara chongtiikai akha, apaiq raq namshiq kamasham rilung ka mitiijong kuq laq, kiimaq namshiq ka wenyi na arang apha maq mitiicham laq. Krai mren, namshiq ka nashiq Shiikeawe, nashiq ma Awejong Shiikeawe man na chap tiikai akhing na, asii ngamrea ikha, kiimaq asii kechu maiqsetiim nguta, Tati Jesuq raq apaiq ma kamwanti maiqsetiim thun rai, apaiq saüho tlaq ranaiq na mitiichap wan.

1 Thessalonians 5:21

Phanrap ahea abi ka, achen riiwan rong laq. Lanta, jamlai wa ahea, kra lang rong laq.

1 Thessalonians 5:23

Riita, nashiq ka khusang maq rüm wanti Shiikeawe raq, namshiq ka apaiq phumram kham maq batshat raüta, namshiq ka phanrap na asii arai, kiimaq namshiq khum ka, wiipumtam maq, namshiq wenyi ka, namshiq tsaiji ka, kiimaq namshiq han-ngam khum ka, Tati Jesuq Khristo saükai akhing ranaiq na saü li, ashe ashi miphan jam min ahü maq, siirai raihea maq mirümkom wan laq nguta, achu jaü tiikang.

JOSHUA 24:14

Joshua raq bom ka akha chongkuqto, “Riita, ümchaü sanha, Tatiwe ka shreng ronglaq lanta apaiq ka tsan tiitsi lanta kiimaq tsapsaü kapse maq shiililii ronglaq. Kiimaq namtitiim raq Mesapotamia mung maq shomnoqtaq kiimaq Ejip mung maq shomnoqtaq phra thun ka wiita tiijobaiq ronglaq. Lanta Tatiwe kli she shiikum pan ronglaq.

1 John 4:1

Lungwii phunainotiim lei, Wenyi ningkun lapkai she nguta ümchuro tiitsaki tlaq, kriiti wiita ma akamsea nguli ka naq kam rongkiq. Shatmaq tsangshiq khum na sitlaq wenyi ka riikhaqli Asii Wenyi Shiikeawe raq akuq dea sha, riimak wa, kra samhea chechiip rong laq. Ara jamkhano ara chongtiikang ngukla, arot shammibi ka pahea powan raüta, barap binrii niishe nyam wanto.

Revelation 2:2

Namshiq Ephisia na siti Phungmaiqse raq jamlai wa sham lan, kriika ngi raq asapha. Namshiq ka pinthum jaqsham shiikut chaq wan tlan. Kiimaq namshiq tiichamchao wan taq kiimin tsan tiibum lanta nin wan lan. Ngi raq asapha, namshiq raq maiq abi lamphanti, namshiq phana awa ka ninlot man riilan. Kiimaq jurwa kiimwebi jatiikai nguta, namshiq makki na tiichan ne wi taq, kra namshiq raq chechiip lan. Lanta, tsangshiq ka awong riimak, achhü nguta sap lan.