Philippians 1:12 - ASII LAKDAP Bible (BSI)

¹² Ngi raq namshiq ma chongke rotiikang ka ara: Ngi ma jamlai mra wa pintaq, kriiraq Tsütsa Ahea jaqsham kli tiinyii wanto.

Hawa Naga Bible 2001

¹² Phunox bix lex, ngaz rvhumc wvnc tauk yaungx wvnc tueq lvmx htenc kuex shuenruenc bomjungc yungc loayc wvnc lvmx nuex vsuing htuiz daungx romc kuy tvkoc yaungx wvnc tueq lvmx ngaz rueq nuimshiq muex tvtuiuz roc vphaungx.

Muklom

¹² I pho nia no tang, i jamna chamlang angta, eshiwang tungtang qhal taqhong dang rangma nong taphin.

Philippians 1:12 Referencias Cruzadas

ESTHAR 9:1

Riita ija, jipi lüroqshiri lünai saüto angu na, kriika Adar jipi lü wa raroqshi ri ranaiq tsam ngoja ranaiq na, kra ranaiq ka hokhamwe aming maq, Jehudinok ma wesang jatinok raq, Jehudinok ka mijiipbaiq hai nguta khekham maq akhe wan wa, tri ka ablak riiwato. Krai mren, Jehudinok jaqtibi thun raq, Jehudinok jiipbaiq wan rii na, Jehudinok riishe tsangshiq kriishe tseabaiq wan akhing saü wato.

Tvtsvmc 76:10

Maiqse tsankhiq riika ümnaq tiitsamkam tiijong wan chang li saütlo; re jaqsong atiichongti raq ümnaq shomra poi thun kra milang wan.

DUNGWVNC 18:11

Ümchaü ngi raq sapkang Tatiwe ka tarü phra kong thaq na ajong. Jamkhano ngukla Ejip mungti raq Israilnok ka atinkhan hok maq nishishi haihü wan kiita, apaiq raq tsangshiq ka tiichhii kuqto.”

Luke 21:13

Riita, arka namshiq raq Tsütsa Ahea kra maiqse ma chongke akhing miraq.

Acts 8:4

Shatmaq, Phungmaiqsetiim ümchuwa pin wantaq kra raq, barap binrii na khum wan wan raüta, Tsütsa Ahea kriishe chongkuq wanto.

Romans 8:28

Nashiq raq asap i, Shiikeawe lungwii wanti maiqse ümchuwa siwa tlaq, kriiti miitu ka, apaiq raq phanrap phanrii na, ahea miituli klo wan tlo. Arka Shiikeawe apaiq raq, maiqse ümchuwa, apaiq raq jamlai phan wa thapthi wantaq, kra tiikupi wan miitu, hea wantiiti thun kra miitu chongtlo.

Romans 8:37

Shatmaq, arthun chong kai chamchao litkot wa nai kham arthun arka, nashiq raq, nashiq mangchan wanti we lümaq, kunkun atang wan kun she!

Philippians 1:5

Ara jamkhano chochi tiikang ngukla, namshiq raq ngi rai Tsütsa Ahea chongke wan jaqsham na, apha maq riita ümchaü niitaq saüli, sham kuq dam tlan.

Philippians 1:7

Namshiq ka wranaiqshe, i mong jü na sitlan! Ngi raq namshiq miitu, akha tiima tiikang arka athuk atsom jaqsham. Namshiq ka ngi rai reraüshi maq, Shiikeawe raq ngi ma tiitsangdada Tsütsa Ahea chongke wan jaqsham kuqtaq ara, riisha sham dam tlan. Namshiq ka man na, ngi jam tiibanbi ahü maq, Tsütsa Ahea ara, achaq awaq maq, chongkuq lata, arang apha maq tiicham wankang, kra akhing niimin, ngi rai reraü shi maq silan. Kiimaq ümchaü, ngi phaqtek mong na sitiikang niimin, ngi rai reraüshi maq chap dam tlan.

Philippians 2:22

Kiimaq namshiq raq apaiq jaqsham kaiwa thü kriika asap han she. Apaiq ka i se shaq ma jaraüta, i jaq tiihap ma, ngi rai Tsütsa Ahea chongke jaqsham tiijong damti.

Philippians 4:15

Namshiq Philipiati riika ahea wiq asap han. Man na Tsütsa Ahea chongke wa, jaqsham apha wanji na, ngi ka Mesidonia wang maq tiido wan jai, namshiq Philipia phungtuti riili, ngi khrum kuq lan ihata. Ngi rai aliip apha ranaiq min, kiimaq asum arum ranaiq min, pong wan damruq maq jaqsham damti ka namshiq li riilan.

Philippians 4:3

Kiimaq ngi rai kongshi maq jaqshamti we, kongti we lei, ümniiriimin la, ara nanyino nyungnai ara kiqram wan miitu, khrum kuq haü jaq ahea miraq. Tsangnai ka ngi rai, Tsütsa Ahea ara chongke jaqsham kra tiijong wan miitu, Klemen nai nanok phunobi ahinti kongtibi rai, reraüshi maq chap wan damti, kongti nyungnai jo. Ara chongtiikai, Shiikeawe jaqshamtibi mang ka, Shiikeawe raq atrati thun mang waiq chang, lakdam thü tlaq kiijaq asi.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

2 Timothy 2:9

Ngi raq Tsütsa Ahea ara chongkuq tiikang arkha na, ngi ka tiichamchao wan tlo. Ngi ka matwe tsawe kaü ikha, shumraü kharü maq kha raüta tiichamchao wan tlo. Shatmiitiq, Shiikeawe bomtsi ka kharü maq khalot mak.

2 Timothy 4:17

Shatmaq, Tatiwe ka ngi rai nong shiinong. Kiimaq apaiq raq ngi ma ningkun kuqto. Krai mren, ngi raq Tsütsa Ahea ka kunli ma chongkuq kang. Pongnok phan maiqse wiitarü raq taili chang chongkuq kang she. Kiimaq ngi ka phaqsi na thübaiq chang wiimin tiichhii kuq wanto.