Philemon 1:6 - ASII LAKDAP Bible (BSI)

⁶ Ngi raq i tsan na atsi maq achu jaü tiikang arka, nashiq liipan na, Phungmaiqse rintii riilungwii tsantsii rüm tiikai arka, atsaü maq misi laq. Raüta, nashiq ma Khristo lümaq achu shiiman ümtinkhan wa sitlaq kra, nashiq ma mikuq laq nguta achu jaü tiikang.

Hawa Naga Bible 2001

⁶ Kvmluimx jix miqsaz rvtiq mnoz nuiyc nuiyshiq kuex vdvmz dvmz kungjix rvyaungc ningkhvnc nuex Christu nuex vshiz dvyx yaungx ruiux, rullungx tvraungx ningkhvnc nuex naungshiq rueq lvp vshix ruimrix kejux htenc kuex pinhtumc vthuiuz vsungx nuex tuiuz tay wvnc tvkoc ngaz rueq vjux thoz vshaungx.

Muklom

⁶ Nga ba kam o karok kara miq dak tang ma jaqhal jaksom thalat ma romtam chu ang, chammatakoi nang aa thaji sunmaan sha usam eq u, eshi sunmaan sha Khristo wang í aa kapti.

Philemon 1:6 Referencias Cruzadas

Matthew 25:16

Ajaqshi se chaq kampho hingbiingi lapti we ka jaqlo miili piikii raüta, hingbiingi aliip hali tiidong nongto.

Matthew 5:16

Akhiisii hali, namshiq walü li kiimin, mangjong maiqse man na liliim ra tlo. Akha liliim wan han jiitiq, namshiq raq jaqsham ahea shamtlan thun kra tsangshiq raq michhi. Kiimaq tsangshiq raq nam We ramungtan na sitiwe kra mitiitsam kam.”

1 Corinthians 14:25

Apaiq tsan nai mongjii na, ümchuwa apaiq raq apaü ashan raüta, thü tlaq tiima tsantsii thun kra wiita she michhi. Kiimaq apaiq ka Shiikeawe jichong na bum tlii raütiishe Shiikeawe ka, “O namshiq rai Shiikeawe ka asi dea!” nguta apaiq ngarai kra tiidii tlii maq, Shiikeawe ka mishom noq dam.

1 Corinthians 16:9

Arjaq atang asha wanti maiq ka pahea asi li jiimin, ngi raq Shiikeawe jaqsham chang ka jonghea dea asi shaq li.

Philippians 4:8

Phunainotiim le, bomshat wan ma chongkuq nong pha. Namkhu tsai ka ara ariq phan hupsam maq tiima lanta, thü ronglaq. Tarü raq tiitsam kamli chang phan maq tiima lanta thü ronglaq: tengtlaq phan, athuk atsom phan, riikhaqli, asii, maiqlung ngamwii, shreng sea chang phan hupsam maq tiima lanta thü ronglaq.

Colossians 1:9

Ara chongtiikai, namshiq raq Shiikeawe mangchan sap wan lan thun ara ningkhan, naishiq raq namshiq tsütsa ahea kra tai kai ranaiq miiphat, namshiq miitu achu jaükuq wan ruq miili sitiikai. Naishiq raq Shiikeawe jaq wa, namshiq tsan nai mongjii ka apaiq raq jamlai wa tiima tlaq, kra poshi min tiikhea man maq, sap wan miitu anyan phaqchi ama asho awo mithü kuq laq nguta achu jaü tiikai. Kiimaq Asii Wenyi raq ümchuwa phaqchi jonghea rüm tlaq, kiimaq ümchuwa taksu tsii rüm tlaq, kra namshiq ma asho awo thap raüta miphea kuq laq nguta achu jaü tiikai.

Colossians 3:10

Kra lanta, rilung anye pum kiimiishe song wan lan. Riita, ara rilung anye pum song lan arka, Shiikeawe raq tiiq lotaq kra. Apaiq raq namshiq rilung ka ranaiq rawa, apaiq pumsii rilung ngam phu maq laikuqto. Ara klaikuq taq arka, namshiq raq apaiq rilung ka kunkun sap wan miitu klai kuqtlo.

Titus 3:14

Nashiqnok Phungmaiqsetiim riika, jamlai phan minshiiq raü wa ahea miraq, kra phan ka sham chang. Akha minshiiq shiichaq wan raütiq, akhek amu khrumke chang raa tlaqti ma, khrum kongphiq jaqmiiq ka mikuq ne wan lot. Tsangshiq rilung ka lam ahü na, shaphaq raa mak.

Hebrews 6:10

Shiikeawe raq maiqse ka tiishaü tiiji raüta kappe maq shin mak. Namshiq raq Shiikeawe jaqsham tlan kriika laqbaiq mak. Namshiq raq Shiikeawe mang na, Phungmaiqse ma khrum kuq lan. Kiimaq namshiq raq, ümchaü min shiikum pan kuq ruq riitlan kriika, Shiikeawe raq laqbaiq mak.

James 2:14

Lungwii Phungmaiqse phunainotiim lei, Phungmaiqse weshi raq, Jesuq Khristo ma kamtiikang nguta, anübok miili tiitsaki raü jiika, apaiq raq kamtsantsii rümtlaq kra, apaiq jaqsham maq tiichhikuq mak jiika, apaiq kamtsantsii chongtlaq kriika, shaqmii li ngushat. Kiikhiinok kamasham riika apaiq rilung ka tiichhii wan lot mak.

James 2:17

Ara chongtiikai akhiisii, kamtsantsii rüm ngutlaq kiimin kata. Maiq weshi raq kamtsantsii ka rümtiikang ngu raü, ajaq sham maq tiichhikuq mak jiika, apaiq kamtsantsii ka thiihü, amaa.

1 Peter 2:12

Namshiq rong arai ka thatsang maiqse maklii na ahea awa, athuk atsom, jam shut ahü maq siraa tlo. Krai mren, tsangshiq raq namshiq ka phanrap abi ati kiimungti nguta shra raü min, tsangshiq raq namshiq jaqsham, asap ada sham tlan kra, shamto dea nguta tsangshiq kiq khii chang ahü miraq. Kiimaq krai mren, Tatiwe saükai akhing Ranaiq na, namshiq dea riikhaqli nguta tsangshiq raq Shiikeawe ka mitiishom raa wan.

1 Peter 3:1

Akhiisii hali, Phungmaiqse ta-nyungre lei, namshiq min maiqmii we asetiim wokhong na saksi minmi maq shongnga raa tlo. Namshiq rong arai athuk atsom maq siwan kra chhi raüta, tsangshiq phong wa, weshi ra ka Tsütsa Ahea ma kam makti li siraü min, mikam wan. Akha shonga han jiika, namshiq raq tsangshiq ma kamwan ronglaq, nguta chongke rea ngo min rarai mak li.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.

2 Peter 1:8

Arthun angu tu ara namshiq rilung na asi riichang. Arthun ara namkhum na asho awo maq siraüla, namshiq ka wenyi rilung na, howe minwe siisaq mija han. Namshiq raq Jesuq mangchan ka atsaü maq khon tlan kra wiishe namshiq khum na atsi ango kra dong man wan tlo.