Philemon 1:6 - Muklom

⁶ Nga ba kam o karok kara miq dak tang ma jaqhal jaksom thalat ma romtam chu ang, chammatakoi nang aa thaji sunmaan sha usam eq u, eshi sunmaan sha Khristo wang í aa kapti.

ASII LAKDAP Bible (BSI)

⁶ Ngi raq i tsan na atsi maq achu jaü tiikang arka, nashiq liipan na, Phungmaiqse rintii riilungwii tsantsii rüm tiikai arka, atsaü maq misi laq. Raüta, nashiq ma Khristo lümaq achu shiiman ümtinkhan wa sitlaq kra, nashiq ma mikuq laq nguta achu jaü tiikang.

Hawa Naga Bible 2001

⁶ Kvmluimx jix miqsaz rvtiq mnoz nuiyc nuiyshiq kuex vdvmz dvmz kungjix rvyaungc ningkhvnc nuex Christu nuex vshiz dvyx yaungx ruiux, rullungx tvraungx ningkhvnc nuex naungshiq rueq lvp vshix ruimrix kejux htenc kuex pinhtumc vthuiuz vsungx nuex tuiuz tay wvnc tvkoc ngaz rueq vjux thoz vshaungx.

Philemon 1:6 Referencias Cruzadas

Matthew 25:16

Hayat banga nginti kaptey, piq takot kang eq hayat banga wey thajoq ta.

Matthew 5:16

Khakla irimal hun, nim wallit thaji miq tangma takhi ma kot inn, etho ning aa nim jaqhal jaksom lot tang sha siin eq nim rangmungtan Wa sha tasapsey na.”

1 Corinthians 14:25

Ning tin na apu ashim raaq sha thalak na, etho ning anim náng bon eq Shkewa sha shumnuk eq batna, “Asing wang hun Shkewa nim jaktung na!”

1 Corinthians 16:9

Chammatakoi irina daqhan ralwa tang tong ajo tho i rangma jaqhal etho ajong jaksomlot rangma kalung alak.

Philippians 4:8

Uthun o i no miqnu nia miqwa tang, bara asing, bara rangka eq ching, bara khakla, bara asang, barey sungrang kot aa, bara rapney qhal aa, bari tung aa raaq raa aqhal raaq, eshi tang shi tathin inn.

Colossians 1:9

Eshirangma bari saal wang nim tung aa raaq tat ti, nim rangma romtam chuk shingchak mi angti. Nim aa Tsija wang thaji thunglam nia usam tha kap eq Shkewa tinuk thaji sha sam rangma salwet í aa Shkewa ma romtam chu i.

Colossians 3:10

Anal rollung shi somlo inn bara nim huntey Shkewa aa piq ni piq mal anal hunchey ro eq aa, irimal ang eq nim aa piq sha jaqhal eq jin sam nin.

Titus 3:14

Hiqtang miq shey jaqhal jaksom shina rangham tatham ma, etho barina ràa aa eshina kotma usam eq ching; ning sha thanghung rollung tong ching ang moq.

Hebrews 6:10

Shkewa aja wang khaphung tey ang moq; piq rangma nim jaksom etho nim tinmat piq aa lakchak moq, esha nim aa piq miqtang nong etho unong eq chey aa sha takhi tin.

James 2:14

I no nia pho tang, nim wang chamtey tang eq bat aa, í aa ukam eq i; etharin nim jaksom na ira takhi moq ajo chamlang kapna? Irimal kam eq nim sha jin thalun eq na i?

James 2:17

Eshimal hun kam sha tho, jaksom jamoq ang moq ang ajo, irimal kam sha amáng mal.

1 Peter 2:12

Gentile tang miq jamna nim dangjang jaqhal cham ang aa, irimal ang ajo ning aa nim ma jashit ta raaq phin jo tho, ning aa nim jaqhal jaksom somlot sha khi tungkang o Shkewa kat saal o piq sha tasapsey na.

1 Peter 3:1

Irimal hun himteynu tang, nim ni nim himteywa jaktáng o tong inn, irimal ang ajo ning wang chamtey Shkewa raaq han moq ang ajo himteynu tang aa ning sha tho uhan eq ma jin solna. Iri raaq raa raaq eq ang moq etharin himteynu tang dangjang wang,

1 Peter 3:16

Etharin tinin etho rangka wang eshi thawel bat inn. Nim tinmong raaq shi usang cham ang aa, eshimal ang ajo nim Khristo jiphantey ang eq nim jaqhal dangjang ma tashit raaqtey tang sha rakri na.

2 Peter 1:8

Nim irimal chalot ang chey inn jo, hiqtang Teyhungwa Jesu Khristo usam rangma irey nim raa unong eq phanin.