Philemon 1:7 - ASII LAKDAP Bible (BSI)

⁷ Lungwii phuno we lei, ümniiraq phunaino phungmaiqsetiim lungwii tlaü kra chhi lalata, ngi ka kai khoqriiq tiikang! Kiimaq ara chhi lalata, i tsaiji ka kongtam puqshi she jong wan tlo. Ümjaq sham ahea kra chhi raüta, Shiikeawe sengi tarü chochi tlo.

Hawa Naga Bible 2001

⁷ Phunox waz lex, mlungwawc thuinz ningkhvnc nuex ngaz pinhtumc kokez vtueq hungc vlaungc lvp vshaungx! Mnoz rueq Tishox miqsaz htenc lotlaz thuinz vmungx kuex tvpiauc liauc kuq vshuiux.

Muklom

⁷ I no, ba tinmat wang nga rapney sungrang kap táng etho i tin thajong tu, chammatakoi ba tungkang o Shkewa miqtang tin sungrang aa.

Philemon 1:7 Referencias Cruzadas

1 Corinthians 16:18

Kiimaq tsangshiq saükitaq kra ningkhan, namshiq jamkho chochi lan, kiikha ngi min kai chochi kang. Riita tsangshiq akha phukhu welabi ka pinthum shreng wan chang.

2 Corinthians 7:13

Arkha maq tiina naishiq tsaiji jong taq. Naishiq ma tsaiji jong wan lamlamli ka riimak. Namshiq tarü raq, Titas ka jamkho shiikum pan lan, kra tai laita, naishiq ka pinthum chochi kai!

2 Corinthians 7:4

Ngi ka namshiq ma pinthum riichopi lata sitiikang. Kriikha maq, namshiq sham na liilata, kai tiishomra tiikang! Naishiq chamchao litkot liipan niimin, ngi ka tsailam jilam miili sitiikang. I tsan mong na chochisi raq aliim ale miili she sitiikang.

1 Thessalonians 1:3

Naishiq raq, namshiq ka, na Shiikeawe kiimaq Nawejong Shiikeawe man na, namshiq raq kamtsantsii ka jaqsham ma shiitai tlan kra miitu, kiimaq Shiikeawe ma lungwiitsii rüm tlan kriikha maq, Shiikeawe jaqsham ka pinthum shiichaq lanta sham tlan kra miitu, kiimaq namshiq raq, nashiq Tati Jesuq Khristo ma ran tsantsii thü tlan kra, pharang rang maq thü tlan kra miitu, Shiikeawe man na, laq maiq maq achu jaü tiikai.

1 Thessalonians 2:13

Kiimahali, naishiq raq wranaiqshe Shiikeawe ma kechutum tiikai arka, alam ashi dea asi. Arka, man na naishiq raq namshiq ma, Tsütsa Ahea chongke wa saü wan kai akhing na, namshiq raq Tsütsa Ahea ka, maiqse bomtsi nguta riimak, shatmaq, Shiikeawe bomtsi nguta tai lanta, lang wan lan. Kriika tengto dea. Jamkhano ngukla, namshiq apaiq ma kam tlantibi rilung na, Shiikeawe bomtsi raq, ümchaü min jaqsham wan ruq li.

1 Thessalonians 2:19

Jamkhano ngukla, namshiq kata, naishiq tsantsii ran chang. Namshiq kata naishiq chochi chang. Kiimaq Tati Jesuq man na, jaqsham rekhat ka tang kai she dea nguta, khushü dong chang tiishom raa wan ka, namshiq sitlan kra kata. Namshiq ka nanok ahinti thaq na nungpaq man.

1 Thessalonians 3:9

Ümchaü ka, namshiq miitu naishiq raq, nashiq Shiikeawe ma kechu tumke chang li she sitlo. Namshiq ningkhan, naishiq kai khoqriiq tiikai. Ara miitu, Shiikeawe ma kechutum tiikai.

2 Timothy 1:16

Tatiwe raq Onesiphoras ta ma atiihang mangchan jonghea mikuqlaq. Jamkhano ngukla, apaiq raq, ngi ma jang pahea tsaido jido bom chongkuqto. Apaiq ka ngi ara phaqtek mong na sitiikang ningkhan niimin, tiijeasi mak.

Philemon 1:20

Riita, phuno we lei! Ngi raq ngohea shaqshaq chongtiikang, ümjaq wa ngi raq, Tati mang na phanshi ra aliip jaü rotiikang. Khristo mang na, phuno we lei, i tsaiji ara tiijongkuq wan phiina. Kiimaq ngi ara tiichochi wan phiina!

2 John 1:4

Na Wejong Shiikeawe raq nashiq ma aming kuqtaq kra phanphan, ümsetiim phong wa maiq wiijamti ka tengteng bomtsi kra lang raüta shongnga tlaq kra chhi lata, ngi ka kai chochi kang.