NEHEMIA 9:8 - ASII LAKDAP Bible (BSI)

⁸ Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

Hawa Naga Bible 2001

⁸ Mnoz muex piq tvmtuing httax yaq kuex khiz vtueq, mnoz rueq piq rulc bomkhvrc taq toq. Mnoz rueq piq muex Kanaan miqsaz htenc ghaq vraungx, Hitti nuiyc Amori miqsaz ghaq vraungx, Perizi, Jebusi, Girgashi, kvruex mungx kuex piq suiuz vsaz httaz muex kuq toq. Mnoz tvmtuing rvtoq rulc rv-ngvlc, mnoz bomkhvmc kuex tv-phaungx taq toq.

NEHEMIA 9:8 Referencias Cruzadas

RAPHA HIQWA LAK 12:7

Tatiwe ka Abram phana dongkito. Raüta apaiq ma akha nguto, “Armung ara Ngi raq ümsaü ümsetiim miishe mikuqha.” Kiijiishe Abram raq Tatiwe apaiq phana dongkitaq kriiba kiijaq berong-wacha ashi haito.

RAPHA HIQWA LAK 15:6

Kiimaq Abram raq Tatiwe ma kamto. Kiimaq kra ningkhan Tatiwe ka apaiq ma khoqriiqto. Raüta apaiq ka taoto.

RAPHA HIQWA LAK 22:12

“No dü na jaq naq miiqkiq. Kiimaq apaiq dü na naq tiimitsikiq,” nguta apaiq raq nguto. “Ümchaü ngi raq sapkang she, ümniiraq Shiikeawe ka shreng tlaü. Kiimaq Shiikeawe aming ka langtlaü. Jamkhano ngukla ümniiraq ümse sekhuq laq laq se ka khun nü maü maq ngi ma kuqlaü.”

2 SAMUEL 22:31

Ara Shiikeawe jaqsham ka minhap; apaiq bomchong ka tingting kappe akamsea chang! Apaiq ka awokhong na siwanti ma liiq;

1 KAÜWA WERAÜ 1:14

Kiimaq Kanan lai wiika Jebusaiqnok, Amoraiqnok, Girgashaiqnok,

1 KAÜWA WERAÜ 16:16

Apaiq raq Abraham rai tongshongto, apaiq raq Isak ma kiqkham kuqto.

EJRA 9:15

O, Israilnok Tati Shiikeawe lei. Ümniika tri raü tingting maq shamwanti. Shatmaq ümniiraq naishiq ka atrali tiichhun kuq wan laü. Naishiq ngarai ma howan tiikai ara, ümman na tiidii wan tiikai. Riikhaqli maq liiwan raüla, naishiq ka ümman na chap wan ka thek mai.”

NEHEMIA 9:33

Riita ümniiraq naishiq, tiichamchao tlaü arka riikhaq li dea. Naishiq raq ümtinkhan wa, ngarai klo wan kai li jiimin, ümniiraq naishiq ka tsapkapkap maq, rümkom tlaü.

Tvtsvmc 116:5

Tatiwe ka tiihangheawe kiimaq aheawiq; nashiq Shiikea ka mangchan heawe.

DUNGWVNC 3:17

Ngi raq tsangshiq ka Ejip mung na ümtinkhan wa haihii raüta tiichamchaotlaq kiiwa ahin niishe mitsuq wanha nguta thimi wankang she. Lata tsangshiq ka hiqpo hiqwin mung niishe Kanannok sichang, Hitaiqnok sichang, Amoraiqnok sichang, Perijaiqnok sichang, Hiwaiqnok sichang, kiimaq Jebusaiqnok sichang mung niishe mitsuq wanha.

DUNGWVNC 3:8

Kra ningkhan Ngi ka tsangshiq kra Ejip mungti jaqkhon mong wa tiichhiike kai satki kang. Lata tsangshiq ka Ejip mung wa tsuq wan lata binlu binli hiqshong rahai, hiqpo hiq win mung na, ümchaü Kanannok, Hitaiqnok, Amoraiqnok, Perijaiqnok, Hiwaiqnok, kiimaq Jebusaiqnok sitlaq mung niishe mitsuq wanha.

EJEKIEL 33:24

“Maiqse lei, athen arki Israil mung na chela thun na siti mungmaiqse raq akha ngutlo: ‘Abraham ka maiqse weshi li riito. Kiimaq apaiq ma mung ka kunli kuqto. Riita ümchaü nashiq ka maiq pahea she. Kriikha na mung ka nashiq riishe.’

WEAWEA 13:29

Kiimaq Amalakaiqnok ka Kanan mung shemai nü wang na shongtlo. Kiimaq Hitaiqnok, Jebusaiqnok, kiimaq Amoraiqnok thun ka ku akin tonglong wang kiina shongtlo. Kiimaq Kanannok ka Mediterenian khamjong kii wang na nai Jordan rai khü phan phan na shongtlo.”

WEAWEA 23:19

Shiikeawe ka maiq ikha riimak, arot chong ma; Apaiq ka maiqse ri riimak, atsantsii klai ma. Apaiq raq jamlai kiq wa khamtlaq, apaiq raq klotlo; Apaiq raq bomtlo, kra sham kuqtlo.

Acts 13:22

Shiikeawe raq apaiq ka hokham ngachang wa tiisat baiq raüta, Dawit she hokham ma shongto. Shiikeawe raq Dawit khuthaq na, ‘Ngi raq i tsan mong na jamlai wa lungwii tiikang, kra phanphan ngi ma mitsito li chang jaqsham kewanti ka, Jessi se Dawit kra miraq,’ nguta hakhi kuqto chhi wan tiikai.

TRI CHONGKE 26:3

Laüta kiijaq ramwe juwa arang hoti sitlaq kriiwe ma lamkuq holaq. Laüta apaiq ma akha ngulaq, ‘Ngi raq ümchaü Tatiwe i Shiikeawe ma kechutum tiikang, apaiq raq natitiim ma mung ashi mikuqha nguta kiqkham kuqtaq kra mung na ngi ümchaü saüwa kang she.’

TRI CHONGKE 32:4

“Tatiwe ka ümnaq khup wongti ningkun jonghea, apaiq sham akai wiita na minhap kiimaq tingting. Üm Shiikeawe ka tsapkapkap kiimaq riikhaqli; apaiq riika tengteng kiimaq riikhaqli kli klotlo.

TRI CHONGKE 7:1

“Tatiwe namshiq Shiikeawe raq namshiq ka Kanan mung na mishea wan. Kra mung ka namshiq riishe milap wan han. Kiimaq apaiq raq kra mung wa maiq phan pahea mung ka ajo mirbaiq. Namshiq ka kra mung khat wan wan maiq mung thun kra jiiwan tlan kra phan phan, apaiq raq namshiq thaq na maiq mung jonghea hea kiimaq namshiq thaq na ningkun jonghea hotinok mung miishi kra mijobaiq wan: Tsangshiq ka Hitaiqnok, Girgashaiqnok, Amoraiqnok, Kanannok, Perijaiqnok, Hiwaiqnok, kiimaq Jebusaiqnok thun kra mijobaiq wan.

TRI CHONGKE 9:5

Arka ümniika ahea maiqshaq ja laüta riimak. Kiimaq tingting jaq sham laüta riimak. Kriikha na Tatiwe raq ümniima tsangshiqnok hiqshong ka likuq wan mak. Apaiq raq tsangshiq jobaiq wantlaq kriika tsangshiq ka abi kha maq jobaiq wantlo. Kiimaq apaiq raq ümtitiim Abraham, Isak, kiimaq Jakob ma kiqkham raüpot khakuqtaq kra tiikupi wan miitu she ümniima armung ara kuq wantlo.

Titus 1:2

Arka pattup pat-sa rilung ma ran tiikai kra thaq na seng raüta chong tlo. Shiikeawe ka rot mak phan, apaiq raq nashiq ma ara mikuqha nguta kiqkham kuqto, rapha hiqwa min mishaq niiphü dongdii,

Hebrews 11:17

Abraham raq Shiikeawe ma kamtsantsii thü wantaq kha ma, Shiikeawe raq apaiq ka maitai wantaq akhing ranaiq, apaiq raq ase Isak ka, Shiikeawe ma honglu na take wan miitu tiijeje maq sito. Abraham kata, Shiikeawe raq kiqkham kongphiq khakuqtaq kra lap wanti we. Kra taü maq dongdii min, apaiq raq ase sekhuq laqlaq se kra, honglu na take wan khekham riito.

Hebrews 6:18

Riita, arjaq chongtlaq, bomtsi ka anai. Shiikeawe raq mikuq ha nguta kiqkhamtaq kra nai apaiq raq sinkhamtaq bomtsi anai kra riito. Shiikeawe bomkham ngutlaq kriika, ümtiikiimin poiki mak phan. Krai mren, nashiq apaiq wokhong tiiwong na sitiikaitibi miika, tsailam jilam she sitiikai. Kiimaq nashiq raq alap chang sitlaq kriika, milap rong i dongdii nguta, ran tiikai. Laita kamto maq khe tiikai.

JOSHUA 11:23

Tatiwe raq Mosheq ma aming kuqtaq kra phan phan, Joshua raq mung ka kunli jiiwan raüta lapto. Raüta Joshua raq Israilnok ma tsangshiq tachong hiqshong miitu kuqto. Raüta maiqphan aweatek ma, maiqmii riirii hiqshong tiikho chumkuq raüta phea kuqto. Kiimaq, Israilnok ka mungtsing mungngang miishe shongnga wanto.

JOSHUA 11:3

Kiimaq apaiq raq tsütsa ka Jordan raikii siimhapri wang binjü na siti Kanannok ma, kiimaq Amoraiqnok ma, Hitaiqnok ma, Perijaiqnok ma, kiimaq kin binjü wang na siti Jebusaiqnok ma, kiimaq Harmon Pumji wang binjü wa Mijpa tan na siti Hiwaiqnok miimin tsütsa ka tiichonghoto.

JOSHUA 23:14

“Ngi ma rilung lamsea ka athum she. Namshiq tarü khumtek raq maiqmii tsan nai mongjii na asap han, Tatiwe nam Shiikeawe raq, ahea awa phan ümchuwa mikuqha nguta kiqkham kuqtaq thun ka wiita kuqto Apaiq raq kiqkham raüpot ümchuwa khakuqtaq kriika, wiita kunkun shiikupi kuqto. Bomtsi poshi dongdii min tiipoi mak.

JOSHUA 9:1

Israilnok raq rekhat tang wantaq thun tsütsa ka, Jordan rai maq shenyap mung na siti maiqmung thun kunli niishe nyam wanto. Pum na siti mung thun na, pumjiji na siti mung thun na, kiimaq Mediterenian khamjongkii mung thun kiijaq nyam wanto. Hiqkhu nü wa Lebanon mung kiina saüli nyam wanto. Riita ara hokhambi thun arka, Hitaiq mung, Amoraiq mung, Kanan mung, Perijaiq mung, Hiwaiq mung, kiimaq Jebusaiq mung hokhambi riito.

1 John 1:9

Shatmaq, nashiq raq nashiq ngarai ka Shiikeawe man na troq hai jiika, apaiq raq nashiq ma jamlai wa khamkuq taq kra tengteng mikuq. Kiimaq tengman tlaq lam na mishun shea. Apaiq raq nashiq ngarai thun ka wiita midii kuq. Kiimaq nashiq tsan mong na ashe ashi tiima ümchuwa sitlaq thun kiimin wiita mitiisii hekuq.