NEHEMIA 9:8 - Hawa Naga Bible 2001

⁸ Mnoz muex piq tvmtuing httax yaq kuex khiz vtueq, mnoz rueq piq rulc bomkhvrc taq toq. Mnoz rueq piq muex Kanaan miqsaz htenc ghaq vraungx, Hitti nuiyc Amori miqsaz ghaq vraungx, Perizi, Jebusi, Girgashi, kvruex mungx kuex piq suiuz vsaz httaz muex kuq toq. Mnoz tvmtuing rvtoq rulc rv-ngvlc, mnoz bomkhvmc kuex tv-phaungx taq toq.

ASII LAKDAP Bible (BSI)

⁸ Ümniiraq apaiq ka tsapkapkap maq, ümnaq lungwiitiwe nguta sap wan laü. Krai mren ümniiraq apaiq rai, tongshong wan laü. Laüta ümniiraq apaiq ma, Kanannok hiqshong, Hitaitnok nai Amoraiqnok hiqshong, kiimaq Perisaiqnok hiqshong, Jebusaiqnok nai Girgashaiqnok hiqshong thun kra, apaiq saü setiim hiqshong ma, tiite wan miitu mikuq wan ha, nguta kiqkham kuq laü ihata. Krai mren, ümniiraq ümkiqkham ka, kunkun shiikupi kuq wan laü. Jamkhano ngukla ümniika tsapkapkap maq, kiqkham raüpot rümwantiwe.

NEHEMIA 9:8 Referencias Cruzadas

RAPHA HIQWA LAK 12:7

Yehowa kuex Abram muex kvkhic kaz vtueq piq muex ngoc, “Vruex mungx kuex msuiuz msaz hez muex ngaz rueq kuq phaungx,” ngoz tueq jungx tueq. Kvkaq Abram rueq piq muex shvmx kvkhic kaz tueq Yehowa tvkoc kvruex baung kvyuq shomrawx tvhungx tueq.

RAPHA HIQWA LAK 15:6

Abram kuex Yehowa muex kvmluimx ningkhvnc nuex Yehowa rueq piq kuex raungc raq vtueq lvmz tueq.

RAPHA HIQWA LAK 22:12

Raungkamx waz rueq, “Nox kvruex nauk tuingc kaz, piq kuex yvmx muinz nauk ruez kaz. Msaz washiz lauklauk kuex vpiq muex kuy tvkoc mnoz rueq tvlvlc muq rvtoq ningkhvnc nuex, Tishox muex mnoz hiyaz tvtsanc nganc vtueq tay phvnx vshuiux kuex majuiuc ngaz rueq tuiuz tauk shex,” ngoz tueq jungx tueq.

2 SAMUEL 22:31

Tishox vpiq rueq shuimx kaz yaq kuex hunghtaungx mvrc yaq, vpiq rueq jungx yaq kvjaz htenc kuex vkvmx juing doc ix! Vpiq rueq tvkhup wungx yaq kuex thuiyc jix miq lotlaz tvkoc vpiq kuex lak vshiz ikhoc rvtueq.

1 KAÜWA WERAÜ 1:14

Kanaan kuex Jebusi, Amori, Girgashi,

1 KAÜWA WERAÜ 16:16

Abraham rulc vpiq rueq vtaq bomkhvrc kvmuinz, Esak rulc vtaq bomkhvmc kvmuinz, mkaq muinz nauk lauk kaz.

EJRA 9:15

Yehowa Israel Tishox lex, mnoz kuex tsuingrux waz rvtoq, yuq muinz nuiyshiq muex rullungx tvraungx kuq phux. Nuiyshiq kuex mhtumc nuex nuiyshiq mvrax kuex kvjungc vtix; nuiyshiq kuex mkhaungkac nuex httuiuc lot jix washiz muinz vguez.”

NEHEMIA 9:33

Mnoz rueq nuiyshiq muex murx tvgurc phux kuex vlvmx rvtueq; nuiyshiq rueq mvrax yaq wvnc tiq, mnoz kuex tvmtuing httax yaq!

Tvtsvmc 116:5

Yehowa kuex menjenc vhttax nuiyc vhvlx waz rvtueq; naungshiq Tishox kuex menjenc thuinz vhttax waz rvtueq.

DUNGWVNC 3:17

Ngaz rueq tsuingshiq kuex Ejip mungx wawc tvdungc shvlc wvnc tvkoc htvp htaz wuez shex, tsuingshiq guirguenz yaq kvwawc shvlx wvnc vtueq, puix nuiyc nyaq ngurx dung yaq mungx, Kanaan, Hitti, Amori, Perizi, Hiwi nuiyc Jebusi phvnx htenc httax yaq mungx nuex shvlx wvnc tvkoc htvp htaz tauk shex.

DUNGWVNC 3:8

kvkhoc rvtueq Ejip miqsaz yauk wawc tsuingshiq kuex palc wvnc vtueq, Ejip mungx maq tvdung wvnc ruiux, puix nuiyc nyaq ngurx dung yaq mungx nuex tsuingshiq kuex shvlc wvnc tvkoc ngaz svt kaz tauk. Kvruex mungx kvyuq Kanaan, Hitti, Amori, Perizi, Hiwit nuiyc Jebusi phvnx htenc majuiuc httax wuez yaq,

EJEKIEL 33:24

Vpiq rueq, “Vthueyc rvyaq miq lex, Israel mungx wawc bac wvnc vtuex ghaqyungx htenc nuex httax yaq miq htenc rueq, ‘Abraham kuex miq washiz dvyx rvtueq, yuq muinz wvmungx tuimx kuex piq muex kuq tueq. Kvruex yuq naungshiq paunghvlc httax vtix, kvkhoc rvtueq majuiuc kuex naungshiq mungtan shex rvtueq,’ ngoz tueq jungx wuez yaq.

WEAWEA 13:29

Amalek miqsaz htenc kuex kvruex mungx ghaqyaz kox nuex httax yaq, Hitti, Jebusi nuiyc Amori miqsaz htenc kuex kuz vkanx htenc nuex httax yaq, Kanaan miqsaz kuex Mediteranean yuix kawx nuex nuiyc Yodan ruilx kawx tv-phvnc htenc nuex httax wuez yaq,” ngoz tueq jungx tueq.

WEAWEA 23:19

Tishox kuex miqsaz ikhoc vrot vkaq kvjak muq; Miqsaz ikhoc thuinz kvlec lauz muq. Bomkhvmc rulc rv-ngvlc shuimx yaq; Jungx shuex rulc rv-ngvlc yaungx woz yaq.

Acts 13:22

Kvruex yimaq Tishox rueq Sholu kuex tvdux gay ruiux, Dawid kuex tsuingshiq hokhvmx muex tvyaungc tueq. Kvruex waz nuex seng vtueq Tishox rueq jungx tueq kuex: ‘Jese saz Dawid kuex ngvy thuinz rulc rvhumc jix waz, ngaz rueq shuimx roc shaungx phvnx htenc kuex shuimc jix waz rvtueq ngaz rueq khiz tauk,’ ngoz tueq.

TRI CHONGKE 26:3

Kvruex baunglaung yauk shuimc aungx yaq shomc waz kox nuex kaz vtueq piq muex, ‘Nuiyshiq muex kuq phaungx ngoz tueq, nuiyshiq jix vwaz tamx muex bomkhvmc kuq tueq mungx nuex ngaz nyuip lvp tauk kuex Yehowa ngvy Tishox ningkhvnc nuex rvtueq, majuiuc ngaz kvjungc vtaungx,’ ngoz tueq jungc rax.

TRI CHONGKE 32:4

Yehowa kuex hungc vlaungc maq mvrc yaq nuimshiq kvwungx juing rvtueq, Vpiq lvmx htenc lotlaz kuex hunghtaungx vtueq tsuingruik yaq; Nuimshiq Tishox kuex tvmtuing nuiyc tsuingrux rvtueq; Vpiq kuex vlvmx nuiyc tvrac vlvmz rvtueq.

TRI CHONGKE 7:1

“Yehowa nuimshiq Tishox rueq nuimshiq rueq lvp wvnc shuinz mungx kvyuq nuimshiq kuex shvlx wvnc vtueq, kvruex mungx wawc miqphvnx paunghvlc kuex yurc gay tueq. Nuimshiq kvtenc kaz wvnc ruiux yuq, vpiq rueq nuimshiq htauk nuex muinz miq vpaung, luimc vkawc httaz hvlc miqphvnx mvshix rvtueq, Hitti, Girgashi, Amori, Kanaan, Perizi, Hiwi nuiyc Jebusi miqsaz htenc kuex yurc gay shuex.

TRI CHONGKE 9:5

Yehowa rueq mungtan kvruex nuimshiq muex kuq kv-phuinx kuex nuimshiq vhvlx ningkhvnc nuex nuiyc nuimshiq yauk shuimc vlvmx ningkhvnc nuex kuy rvmuq. Tsuingshiq honc bac ningkhvnc nuex nuiyc nuimshiq jix vwaz tamx Abraham, Esak, Yaku muex vkuq shec bomkhvmc kuex tv-phaungx tvkoc thuinroc lvmx httax yaq ningkhvnc nuex tsuingshiq kuex yurc gay tueq.

Titus 1:2

Kvruex nawk palx htungx vlayx lvmx kuex pattup rullungx kuex tvluimc juing lvmx nuex vjungx tec shec tueq. Vrot vkaq vguez Tishox rueq mvnnuex pat vjat maq phuex pattup rullungx kuex naungshiq muex kuy tvkoc bomkhvmc taq shec tueq.

Hebrews 11:17

Abraham kuex Tishox rueq taruiyx rvhumc tueq nuex, kvmluimx thuinz maq vsaz Esak kuex shomc nawk kuy juing muex tvyaungc vtueq shomc kuq tueq. Abraham kuex Tishox kox wawc bomkhvmc lvp wvnc jix waz rvtueq, yuq muinz piq rueq vsaz vshiz lauklauk kuex shomc nawk kuy tvkoc tvyoalc yoalx rvtueq.

Hebrews 6:18

Kvkhoc rvtueq bomkhvrc nuiyc bomkhvmc phvnx nueyc wvtaungx kuex kvlayc kaz muq phvnx ningkhvnc nuex Tishox rueq vrot kvjaz jungx muq. Kvkhoc khuec nuex vpiq nuex kvwungx vtueq suinglix lvp jix htenc ngoz yaq naungshiq kuex naungshiq muex kuq phuex thuinz tvluimc juing baung nuex phaungx duing rvwak tvkoc hungc vlaungc kuy lvmz pinhtumc lvp wvnc tiq.

JOSHUA 11:23

Yoshua kuex Yehowa rueq Moshe muex nvr tueq rulc rv-ngvlc, wvmungx tuimx khvt vtueq Israel miqsaz muex tsuingshiq tsak jungx ghaq muex vpiq rueq kuq vtueq, miqphvnx tek muex phvlx kuq tueq. Kvkhoc rvtueq miq htenc kuex rv-khvt rvlungc yaq wawc nyec tvkuiyq wuez tueq.

JOSHUA 11:3

Piq rueq Yodan ruilx samx wvguip nuex httax yaq Kanaan miqsaz, Amori miqsaz, Hitti miqsaz, Perizi miqsaz nuiyc kuz hong nuex httax yaq Jebusi miqsaz, Mizpa mungx wawc Hermon kanx yaz hong nuex httax yaq Hiwi miqsaz muex thaungc tvtay tueq.

JOSHUA 23:14

“Majuiuc ngaz kuex vthueyc wvnc shex. Yehowa nuimshiq Tishox bomkhvmc rulc rv-ngvlc vhvlx phvnx kejux httax yaq lotlaz nuimshiq muex kuq kv-phuinx kuex nuimshiq vshiz maq vshiz rueq miqmac thuinz vmungx maq nuiyc thuinz maq tuiuz vshuinx. Vpiq bomkhvmc lotlaz kuex tvhungx lot tueq shex, phvnx shiz muinz tvyomx gay muq doc.

JOSHUA 9:1

Yodan ruilx maq shalx nyuip kox wawc kuz htenc, kuz yaz htenc, ghaqkhux kox Lebanon kanx nuex httuiuc laz luz yaq Svmuktvrax Mediteranean kawx htenc guimz yaq Hitti, Amori, Kanaan, Perizi, Hiwi nuiyc Jebusi phvnx hokhvmx bix htenc kuex Israel miqsaz rueq taungx wvnc tueq thaungc tay wuez tueq.

1 John 1:9

Yuq muinz mvrax kvjungc ruiux yuq, Tishox kuex bomkhvmc tv-phaungx vtueq tvrac rulc rv-ngvlc shuimc jix waz khuec nuex naungshiq mvrax kuex dawc kuq gay ruiux, naungshiq kuex vshuy vshac htenc wawc tvsawc kuq gay phuex.