NEHEMIA 9:1 - ASII LAKDAP Bible (BSI)

^1-2 Kra jipi lü na sii hali, raroqnai ri rablai ranaiq na, Israilnok ka adam na thung nongto. Raüta, tsangshiq ngarai miitu shutkai dea nguta tsanbi tiichhi mra tiidii dungsea achu jaüto. Kra akhing na, tsangshiq ka pongmung maiqse phong wa pong na atiitsea wan wishe riito. Raüta, makphai khüshang maq, tsangshiq khakam na botkhulai maq tiinyat raüta, kiimaq wunthaü riinaü thoila sam raüta, ngarai tiidiito. Raüta achap lam maq tsangshiq ngarai ümchu wa tang wantaq, kiimaq tsangtitiim pat na ngarai ümchu wa tang wantaq thun kra wiita tiidiito.

Hawa Naga Bible 2001

^1-2 Kvruex yapix 24 raungnuiyq nuex Israel miqsaz miqmac mvrax tvkoc yonzyex yaq kuex tvtsuingc laung nuex phuiuz svy mamc tvkoc rvtuimx wuez tueq. Tsuingshiq shauk pumz kuex pungnuk miqsaz htenc rulc rv-phvlc wvnc wuez shex rvtueq. Tsuingshiq ruiyhec khvy kuex svmx wuez ruiux tvtsuingc muex khux poz nuex bokkhuyx maq kvwuinc wuez tueq. Kvruex yimaq tsuingshiq kuex miqmac mvrax nuiyc jix vwaz tamx mvrax htenc kuex kvjungc wuez tueq.

NEHEMIA 9:1 Referencias Cruzadas

2 SAMUEL 1:2

Kriimaq napjai ranaiq na, Saul piitiip wa jerowe ashi saükito. Kriiwe raq atsanbitsi dea nguta tiichhike miitu adü na asam khea kra achai riito. Kiimaq akhupo na hiq maq nyatto. Raüta apaiq ka Dawit phana wato. Raüta hiq na ku saq raüta, Dawit ka shreng noqto.

2 KAÜWA WERAÜ 20:3

Jehoshaphat ka kai haito. Kiimaq Tatiwe jaq wa hon atsii rit achu jaüto. Raütiishe apaiq raq Juda mung tlotli na dungsea tlea achu jaü raa nguta aming kuqto.

2 KAÜWA WERAÜ 7:10

Kiimaq kriimaq napjai ranaiq na, kriika jipi lümiishi wa raroqnai ri ranaiqtsam ngoja ranaiq na, Solomon raq mungmaiqse ka maiqmii hiqshong niishe tiiwa baiqto. Tsangshiq tarü ka Tatiwe raq asengi Israilnok ma, Dawit ma, kiimaq Solomon ma ümtinkhan wa achu shiiman kuqtaq kra chhi raüta kai khoqriiq shishiiq miishe wawanto.

EJRA 8:21

Kra lot latiishe, manglaü wanhiq khum lam na Shiikeawe raq, lam mishea laq nguta, kiimaq nashiqnok ka nyungwe nosere rai, kiimaq nashiqnok tachong huk asam thun hoho tiikai kra, tung alam maq jam min ngusiq mak maq, hansang maq namung na saüho miitu, Shiikeawe man na aranse ma jalaita amaq achu jaü rong i nguta Ahawa chela mong na jürai kitlaq kra kii maq, ngi raq mungmaiqse ma aming kuqkang.

EJRA 8:23

Krai mren, naishiq mungmaiqse raq, Shiikeawe jaq wa, naishiq tiichhii kuq phiilii nguta achu jaü kai. Krai mren, Shiikeawe raq naishiq achu jaü ka tre kuqto.

NEHEMIA 8:2

Krai mren. Ejra riimin thungtri lakdamkom ka, mungmaiqse maiqwere, jechakre, kiimaq nosere, phanrap ahea abi mitaklotti thun thungtlaq kiijaq tlam wato.

ESTHAR 4:16

“Kilaq, laüta Susa chela na Jehudinok mungmaiqse ümchuwa sitlaq kra tarü adam na triitam laq. Lanta, ngi miitu amang maq achu jaü ronglaq. Anaiq naitsam, awa watsam, jamlai min naq phaqsiq rongkiq. Kham min naq nyang rongkiq. Ngi riimin, ijaqshisetiim jechaksere rai, namshiq rai adam na achu mijaükang. Kra lot jai shetiq, tri na hongmak li jiimin, ngi ka hokhamwe rai riihum wa she miwa kang. Riita kra miitu, ngi ka atsai chang she dea jiika, bam laq. Ngi ka mung miitu mitsai kang.”

ESTHAR 4:3

Hokhamwe aming nai tri raüpot kuqtaq kra, ümriibaba niiwa saü wantaq, kra wangtek thun na Jehudinok phan ka aho asii watrang lishe riito. Tsangshiq ka amang maq aho asii walam maq, agilülü achu jaü wanto. Kiimaq tsangshiqnok apako riika wunthaü riinaü khea sam raüta, tapkhu maq khakam na nyat raüta sito.

YOBA 2:12

Tsangtsam raq Job ka alu wiq miili chhito. Shatmaq apaiq sham ka tiitsang mak dea riito. Kiimaq tsangtsam raq asham ka tiitsang raütiishe tsangtsam ka agi asii watrang liishe hoq tranghoto. Tsanbitsi ma tsangtsam dü wa khu akhea kra chaihea hea raü tiishe botkhulai ka ra na wan rang rang raüta, kiimaq tsangtsam khupo na phongtsoktsok raütiishe hoqtrang wanto.

ISAIA 22:12

Ajong Thaq Na Ajong Pinthum Tatiwe raq kiitiikaq maaho manyi hoqsii ronglaq kiimaq namkhu ka loktam sibaiq lantea, wunthaü riinaü khea samlanta hoq ronglaq nguta hea wanto.

Yoel 2:12

Shatmaq Tatiwe raq ngutlo, Ümchaü li jiimin namshiq raq riikhaqli maq, amang maq makphai trok lanta aho ajü achu jaü rong laq, lanta ngarai tiidii lanta, ngi phana jang wan rongra,

LEWI 23:39

Ümtiikiiwa namshiq raq bunwong ka hanlot tlan, ara poi ara ramiishi na saüli klo lanta lang ronglaq. Jipi lümiishi angu na raroqshi ri rabiingi ranaiq maq phaho lanta poi ka klo ronglaq. Kra apha ranaiq ka akhek atiitsang niitiitsak ranaiq miraq.

JOSHUA 7:6

Kriikha niishe, tsanbi hosi tsi nin wan lot mak she raüta, Joshua nai Israilnok maiqlare nyungwere thun kra, tsangdü na asam khu akhea kriimin chaiham chaihea raüta, Tatiwe Tongshong Tek khaki na hiq na bumrang achu jaü hoqsii trang wanto. Raüta kiijaq ranap chu maq riita raji na saüli, tsangkha kam na botkhulai maq nyat raüta tsanbi hosi tsi ma akap atsea hoqsiqto.

Revelation 11:3

Ngi raq i shammi anai, ngi miitu hakhi kekai mitiikiha. Tsangnai ka maaho maanyi miirii sam raüta miki. Tsangnai raq Shiikeawe tsütsa ka 1,260 ranaiq liipan na mangjong maiqse ma, chiiriim raüta michong kuq.”

PHOWEBI 20:26

Kiijiishe Israilnok thun tlotli ka Bethel na wanong raüta, maaho manyi hoqsii trangto. Tsangshiq ka kiijaq Tatiwe man na raji na saüli, dung min simak ngato. Tsangshiq raq rintii honglu wiijam takuqto kiimaq wiipumtam maq wa na chaqtlii honglu thun wiitarü Tatiwe ma kuqto.

1 SAMUEL 4:12

Benjamin phan wa maiq weshi ka rekhat rü maq ju raüta, Shilo na kra ranaiq niili saüto. Apaiq tsanbi hosi tsihea kra tiichhi miitu, adü na asam akhu akhea ka chaiphaiphai chaibaiqto. Raüta akhupo na hiq maq nyatto.

1 SAMUEL 7:6

Krai mren, tsangshiq tarü Mijpa chela na thungto. Tsangshiq raq kham wiijam do raüta Tatiwe ma honglu na nyukto. Raüta kra ranaiq ka ranaiq minru amang maq achu jaüto. Tsangshiq raq nguto, “Nashiq raq Tatiwe man na ngarai tangkai.” (Samuel raq Israilnok liipan wa kha ka Mijpa chela maq phokuqtlo.)