NEHEMIA 9:1 - Hawa Naga Bible 2001

^1-2 Kvruex yapix 24 raungnuiyq nuex Israel miqsaz miqmac mvrax tvkoc yonzyex yaq kuex tvtsuingc laung nuex phuiuz svy mamc tvkoc rvtuimx wuez tueq. Tsuingshiq shauk pumz kuex pungnuk miqsaz htenc rulc rv-phvlc wvnc wuez shex rvtueq. Tsuingshiq ruiyhec khvy kuex svmx wuez ruiux tvtsuingc muex khux poz nuex bokkhuyx maq kvwuinc wuez tueq. Kvruex yimaq tsuingshiq kuex miqmac mvrax nuiyc jix vwaz tamx mvrax htenc kuex kvjungc wuez tueq.

ASII LAKDAP Bible (BSI)

^1-2 Kra jipi lü na sii hali, raroqnai ri rablai ranaiq na, Israilnok ka adam na thung nongto. Raüta, tsangshiq ngarai miitu shutkai dea nguta tsanbi tiichhi mra tiidii dungsea achu jaüto. Kra akhing na, tsangshiq ka pongmung maiqse phong wa pong na atiitsea wan wishe riito. Raüta, makphai khüshang maq, tsangshiq khakam na botkhulai maq tiinyat raüta, kiimaq wunthaü riinaü thoila sam raüta, ngarai tiidiito. Raüta achap lam maq tsangshiq ngarai ümchu wa tang wantaq, kiimaq tsangtitiim pat na ngarai ümchu wa tang wantaq thun kra wiita tiidiito.

NEHEMIA 9:1 Referencias Cruzadas

2 SAMUEL 1:2

Nvp kvyix raungnuiyq yalxrox washiz kuex Sholu jerak maq httuiuc kaz vtueq piq khoz vkhvy htenc juir gay ruiux vkhux nuex bokkhuyx maq kvwuinc vtueq vyonz vyec lvmz kuex tvkhic tueq. Piq kuex Dawid kox nuex kaz vtueq ghaq nuex bumx ruiux tvtsanc nganc kuq tueq.

2 KAÜWA WERAÜ 20:3

Jehoshaphat kuex hiz vtueq Yehowa rueq lvmx shvlc kuy tvkoc vjux thoz tueq. Kvruex yimaq wvmungx tuimx rueq phuiuz svy mamc tvkoc nvr tueq.

2 KAÜWA WERAÜ 7:10

yapix lex mvshix raungx 23 nuex Solomon rueq mungx miqsaz htenc kuex miqmac yuimx nuex tvyek tueq. Yehowa rueq vpiq miqsaz Israel muex muinz Dawid nuiyc Solomon muex muinz kuq tueq ruimrix kejux lotlaz ningkhvnc nuex tsuingshiq kuex vkoz vkez rvwuez tueq.

EJRA 8:21

Naungshiq Tishox khaungkac nuex naungshiq lotlaz rueq phuiuz svy mamc vtueq miqmac shauk pumz tvyomx tvkoc muinz, naungshiq khuemc wvnc juing lvmx kuex shunshvlc kuy muex nuiyc naungshiq muinz naungshiq suiuz vsaz htenc muinz, naungshiq tsak vnyvmx htenc muinz tvkhup wungx kuy muex vpiq kox wawc thoz tvkoc tsuingshiq kuex Ahawa ruilx hep maq nvr tauk.

EJRA 8:23

Kvkhoc rvtueq naungshiq muex tvkhup wungx kuy tvkoc Tishox kox wawc phuiuz vsvy mamc vtueq vjux thoz wuez vshix, naungshiq vjux thoz bomc kuex vpiq rueq tay kuq yaq.

NEHEMIA 8:2

Kvkhoc rvtueq Ezra rueq shvmhvlx tuiuz tay thenc jix miqwaz, yalxjuik rulx htenc nuiyc nosaz rulx htenc ngoz yaq miq htenc rvtuimx yaq baung kvyuq lvmz laq tueq.

ESTHAR 4:16

“Kaz vtueq Susa nuex httax yaq Yuda miqsaz htenc lotlaz kuex tvtuimx shuiuz; phuiuz svy mamc vtueq ngvy tvkoc vjux thoz kuq kuit. Raungnuiyq thuimx tup raungnuiyq raungwvrx yvmx muinz nauk phauk nauk nuingx kaz. Ngaz muinz ngvy nvrc nyuiuz hez muinz kvkhoc ruez wuez shix. Kvruex yimaq jix tvrac muex yaq ruiux muinz hokhvmx waz kox nuex kaz taungx. Kvkhoc shuimc ningkhvnc nuex vthueyc juing ngoz ruiux muinz thueyc khvmc taungx,” ngoz tueq jungx tvtay tueq.

ESTHAR 4:3

Hokhvmx rueq bomc tvtay luik lvp tueq mungx hong htenc wawc Yuda miqsaz htenc kuex pinhtumc yonzyex wuez yaq. Tsuingshiq rueq phuiuz svy mamc ruiux khoar nyerx vtueq yonzyex rvhumc wuez yaq, Tsuingshiq vpaung kox kuex ruiyhec khvy svmx vtueq tvp htauk nuex woalc wuez yaq.

YOBA 2:12

Tsuinghez rueq vluz maq dvyx Yoba kuex khiz tueq, yuq muinz piq kuex tvtsuingc muq. Tsuinghez rueq khiz vtueq, vhtaq maq vkhoar miqmac khvy htenc kuex juir gay ruiux, bokkhuyx kuex raungx nuex wuinc wuez vtueq miqmac khux htauk nuex tvpvnc wuez tueq.

ISAIA 22:12

Tvphaungc Tvsuip Johvlc Yehowa rueq mnoz kuex vkhoarc vnyerc, vyonz vyex, mkhux luk gay ruiux ruiyhec khvysvmc tvkoc nvr shec tueq.

Yoel 2:12

Yehowa rueq, “Majuiuc yuq muinz rvkhauk laz tharc humc yek vtueq, phuiuz vsvy mamc ruiux khoarsez yonzyex wuez vtueq ngvy kox nuex yek waung luit.

LEWI 23:39

Nuimshiq rueq tsvmz yut lot vtueq bulax tap moalx kuex lex mvshix yapix, raungx rokshiz rac raungx bv-ngac maq phaungc vtueq raungx mvshix tup moalx shuinz. Moalx phaungc raungnuiyq kuex htep raungnuiyq ngoz tueq nyec tvkuiyq guilc rax.

JOSHUA 7:6

Yoshua nuiyc Israel miqsaz vyungx vlaungx bix htenc kuex thuinbac yonzyex vtueq miqmac khvy htenc kuex juir gay ruiux, Yehowa Bomkhvrc Jep kvlc nuex woalc ruiux, tsuinghez khux nuex bokkhuyx maq wuinc vtueq raungx tvyac laz yonzyec lvmz tvkhic tueq.

Revelation 11:3

Ngvy hakhix khvmc jix wanueyc kuex ngaz rueq tvkaz shaungx, tsuingnueyc kuex ruiyhec khvy svmx vtueq raungnuiyq 1,260 tup Tishox bomjungc kuex jungphvnx kuq shuex,” ngoz tueq.

PHOWEBI 20:26

Kvruex yimaq Israel miqsaz lotlaz kuex Bethel nuex duiz waung vtueq khoarnyerx wuez tueq. Tsuinghez kuex Yehowa httax yaq nuex ngaungc kaz vtueq raungx tvyac laz phuiuz svy mamc wuez tueq. Tsuinghez rueq Yehowa httax yaq baung kvyuq lux rvyaungc shomc kuy nuiyc wvr maq jauk shomc kuy kuex shomc nawk kuq tueq.

1 SAMUEL 4:12

Benjamin phvnx wawc miq washiz kuex ralx rvlungc yaq baung kvwawc Shilo ghaq nuex yuz wvnc vtueq, kvruex raungnuiyq dvyx kvyuq httuiuc woz tueq. Kvkaq piq yonzyex yaq kuex tvkhic muex ngoz tueq piq khvy htenc kuex juir gay ruiux, vkhux nuex ghaq maq kvwuinc tueq.

1 SAMUEL 7:6

Kvkhoc rvtueq tsuingshiq lotlaz Mizpa nuex rvtuimx wuez tueq. Yuix raungluingx saz tsuingshiq rueq khuz vtueq Yehowa muex shomc kuy tvraung ruiuc tueq, raungnuiyq nuiyq tuimc phuiuz svy mamc tueq. Kvkaq tsuingshiq rueq, “Yehowa muex nuiyshiq yaq gay tiq,” ngoz tueq kvjungc wuez tueq. (Vruex kuex Mizpa maq Israel miqsaz htenc muex Samuel rueq phox thamx kuq tueq lvmz rvtueq.)