NEHEMIA 8:6 - ASII LAKDAP Bible (BSI)

⁶ Kiijiishe Ejra raq, “Ajong pinthum Shiikeawe, Tatiwe kli tiitsam rong i!” nguta bompha hoto. Kiijiishe, mungmaiqse wiita raq tsangshiq jaq ka ra na dorang doto. Raüta tsangshiq raq, “Amen! Amen!” nguta apaiq bom ka treto. Raüta tsangshiq ka lakütsrong maq bum rang raüta, Shiikeawe shomnoqto.

Hawa Naga Bible 2001

⁶ Ezra rueq, “Yehowa yunghvlc Tishox muex tvtsvmc wuez shuinz!” ngoz tueq. Miq lotlaz rueq yauk phac tv-phup wuez vtueq, “Amen! Amen!” ngoz tueq, kuix tsvrung maq ghaq nuex httuiuc laz bumx vtueq nawk palx wuez tueq.

NEHEMIA 8:6 Referencias Cruzadas

RAPHA HIQWA LAK 14:22

Kiijiishe Abram raq treto, “Ngi raq Tatiwe man na tumkham tolata, Ratsan Ramong Nyang Na Siti Shiikeawe man na, Ra nai hiq klotiwe mang na tiitum lata ngutiikang,

RAPHA HIQWA LAK 24:26

Kiijiishe kriiwe ka hiq na alakü maq ngasaq raüta Tatiwe ka shomnoqto.

1 KAÜWA WERAÜ 16:36

Tatiwe, Israilnok Shiikeawe kli tiitsam rong laq! Tiitsam rong laq apaiq kli ümchaü kiimaq pattup pat-sa. Kiijiishe mungmaiqse kunli raq, “Amen,” nguto, kiimaq Tatiwe ka tiitsamto.

1 KAÜWA WERAÜ 29:10

Kiijaq mungmaiqse thungtlaq khaki na Hokhamwe Dawit raq Tatiwe ka tiitsamto. Apaiq raq akha nguto, “Naiti Jakob Tatiwe Shiikeawe lei, ümmang ka pattup pat-sa tiitsam wan ruq li mirlaq!

1 KAÜWA WERAÜ 29:20

Raütiishe Dawit raq mungmaiqse ma, “Namshiq Tatiwe Shiikeawe ka tiitsam ronglaq!” nguta aming kuqto. Kiimaq ngongthun tlaq mungmaiqse kunli raq tsangtitiim Tatiwe, Shiikeawe ka tiitsamto. Kiimaq tsangshiq ka hiq na bumtlii raüta Tatiwe shrengto kiimaq hokhamwe min shrengto.

2 KAÜWA WERAÜ 20:18

Kiijiishe Hokhamwe Jehoshaphat ka hiq na bumki tlü bumkito. Kiimaq mungmaiqse tlotli apaiq rai hiq na bum rang raüta Tatiwe ka shomnoqto.

2 KAÜWA WERAÜ 29:10

“Riita ümchaü ngi raq Tatiwe Israilnok Shiikeawe rai tongshong wan ratlo nguta thapthi wankang she. Kra riihai jiitiq apaiq ka nashiq ma atsan tiikhiq mak she miraq.

2 KAÜWA WERAÜ 29:30

Hokhamwe raq nai mung welabi raq Lewinok ma Dawit raq awaiq thü Tatiwe tiitsam shi thun kra kiimaq shammiwe Asaph raq awaiq thü kra shirong laq nguta chongto. Krai mren maiq loweatek raq chojong chise maq tsangshiq ka hiq na lakütsrong raüta Shiikeawe shomnoq lam maq shingeto.

2 KAÜWA WERAÜ 6:4

Apaiq raq nguto, “Israilnok Tatiwe Shiikeawe ka tiitsam ronglaq! Apaiq raq iwe Dawit ma kiqkham kumtoq kra tiiku wanto. Apaiq raq iwe ma akha nguto,

NEHEMIA 5:13

Kra lot laitiishe, ngi raq ichhü na pa tiikang kheachü shinket kra chhut lata, naüshaüshaü naübaiq kang. Kra naü baiq lam maq, “Ikhii jiila, ümchaü armiiphat, namshiq phong wa jurwa, ara kiqkham raüpot lang mak riijiiq, Shiikeawe raq kriiti jamkun nai kriiti tachong kra hutjok, minaü baiq laq. Raüta namshiq ka kheahü kealok she mitiichamchao laq,” nguta tsangshiq ma tumkham tiinyang kang. Krai mren, kiijaq ngati tarü raq, “Amen!” nguto. Kiimaq Tatiwe ka tiitsamto. Krai mren welabi raq tsangshiq kiqkham ka riikhaqli maq lang wanto.

NEHEMIA 8:7

Raütiishe, tsangshiq ka chaprang riito. Raüta maiqmii ba na chapki rang riito. Kiimaq Lewinok wa arwetiim raq, mungmaiqse ma Thungtri bomtsi aheawiq maq chongkuqto: Jeshua, Bani, Sherebia, Jamin, Akkub, Shabbethai, Hodia, Maaseia, Kelita, Ajaria, Jojabad, Hanan, kiimaq Pelaia riito.

Tvtsvmc 134:2

Shomjam maq jaq ra na dolanta achu jaü ronglaq, lantea Tatiwe tiitsam ronglaq!

Tvtsvmc 141:2

Ngi raq achu jaütiikang arka honglu akuq ikha taolaq, ijaq ra na dotiikang arka raji honglu akuq ikha taolaq.

Tvtsvmc 28:2

Ngi raq ümjaq wa khrum jaü hoqsiitiikang ara tailaq, ngi raq ümnaq asii Shomjam nü na ijaq dolata achu jaütiikang.

Tvtsvmc 41:13

Tatiwe tiitsam laq, Israilnok Shiikeawe ka! Apaiq ka ümchaü kiimaq pattup pat-sa tiitsam laq! Amen! Amen!

Tvtsvmc 63:4

Ngi atra sikang wiiwii ümniima kechu mitumha; ijaq ra na dolata ümjaq wa achu mijaüha.

Tvtsvmc 95:3

Jamkhano ngukla Tatiwe ka ajong pinthum Shiikeawe, apaiq ka tisho kong tarü thaq na ajong pinthum hokhamwe.

DUNGWVNC 12:27

Namshiq raq akha mitrehan, ‘Arka Tatiwe shreng Tiichhii Wan Poi honglu na ataakuq. Jamkhano ngukla apaiq raq Ejip mung maq Israilnok jam thun ka alea raüta wa wanto. Apaiq raq Ejip mungti ka jiipbaiqto. Shatmaq nashiqnok ka atiiwong riikuqto.’” Kiimaq Israilnok ka hiq na bum raüta shomnoqto.

DUNGWVNC 4:31

Kiimaq tsangshiq raq kamto. Kiimaq tsangshiq raq Tatiwe ka tsangshiq phaniishe saükito. Kiimaq tsangshiq ka maiq raq ümtinkhan wa hok maq nishishi tiichamchao haihiitlaq kra chhito she nguta tai raüta, tsangshiq ka hiq na bum rang raüta shomnoqto.

JEREMIA 28:6

“Pinthum awang chang kata! Ngi riimin rantiikang, Tatiwe raq kriidea miklolaq! Ngi raq kai riichopi lata khoqriiq tiikang ara ümniiraq riisham bom maq tiithai tlaü ardea mikupi wan laq. Raüta Shomjam wa tsiiq tum Bebilon mang na howantaq kra ana lamho nong raü jiidea ahea. Kiimaq mungmaiqse munglu shumwi ma Bebilon mung na atsuq wan kra ana tiijang sheaho raü jiidea ahea.

AJONJÜ 3:41

Nashiq tsan mongjii kilü ka, ramungtan na siti Shiikeawe ma dikuq rong i! Laita akha achu jaü rong i:

LEWI 9:24

Tiihanghiiq miili Tatiwe raq wa tiisatto. Raüta chaqtlii-honglu akuq ngam kra nai ngampü akuq berong-wacha wiika wiita khiimbaiqto. Mungmaiqse raq kra chhi raüta, tsangshiq tarü gitrangto. Kiimaq tsangshiq tarü hiq na bumtlii kurang raüta shrengto.

Matthew 26:39

Kra ngu raütiishe, apaiq ka phanshi kongkhu linlin na wa raüta, hiq na bumtlii maq akha achu jaüto, “I We le, mai tlaq jiila ara chamchao kok arka i khum arwa alam riibaiq laq! Shatmaq arka ngi raq tiima tiikang kra thaq na seng raüta riimak. Shatmaq ümniiraq jamkho tiima tlaü kra thaq na seng laüta tiihong laq.”

Matthew 6:13

Naishiq ma tsinhea maitai naq tiisaükiq, shatmaq naishiq ka Abi We maklii wa tiiwongshat riilaq.’

1 Corinthians 14:16

Riita ümniiraq ümtiikiiwa Shiikeawe ma kechutum achu jaü tlaü, kiitiikaq ümtsai ümji wenyi miili achu jaü haü jiika, nanok ahinti nyungwe nosere ümchuwa kriijaq lom dam tlaq, kriiti riika sapmak miraq. Riita kriiti riika ümniiraq kechutum achu jaü tlaü kra tlot na, “Amen” ngutiika jamkho mitre dam? Jamkhano ngukla, nyungwe nose riika ümniiraq jamlai wa achü jaü tlaü kriika sapmak miraq.

Ephesians 1:3

Riita, ümchaü sanha, nashiq wiitarü raq, Shiikeawe, Tati Jesuq Khristo ma Awejong Shiikeawe ma, kechu tum rong i! Ara jamkhano chongtiikang ngukla, nashiq ka Jesuq Khristo rai pumshi hanshi she tiipum wan kai krai mren, Shiikeawe apaiq raq, nashiq ma ramungtan na ümchuwa achu shiiman sitlaq kra, wiita kuqto she.

1 Timothy 2:8

Arkha maq maiq, barapti raq, noqku akhingtek na, maiqwere raq achu jaü ronglaq. Maiqmii khum ka Shiikeawe ma kiinong kuq lanta siti, kamasham na maiqlare nguta sitlanti ka chap lanta, asii jaq ka ra na do lanta achu jaü ronglaq. Achu jaü lam maq, tsan na akhiq abi kiimaq maiq rai riikhii riilea tiima tsantsii jam min naq thü rongkiq.

1 Peter 1:3

Nashiq raq Shiikeawe, nashiq Tati Jesuq Khristo ma Awejong ma kechutum rong i! Apaiq raq nashiq ka, apaiq mongpo pankuq li khan lungwii tlo. Kriikha maq, apaiq raq Jesuq Khristo ka amaa wa tiidong wan raüta, nashiq ma rilung anye kuqto she. Ara kam tiikai arka moki mak phan.

Revelation 7:11

Kiimaq, rasetiim thun kunli ka hokham ngacho na ngati we nai nyungwere, kiimaq atra ngamkaü blai tro na chap raqraq riito. Raüta, tsangshiq tarü raq hokham ngacho na ngati we khaki na, hiq na bum rang rang raüta, Shiikeawe ka shomnoqto.