NEHEMIA 8:6 - Hawa Naga Bible 2001

⁶ Ezra rueq, “Yehowa yunghvlc Tishox muex tvtsvmc wuez shuinz!” ngoz tueq. Miq lotlaz rueq yauk phac tv-phup wuez vtueq, “Amen! Amen!” ngoz tueq, kuix tsvrung maq ghaq nuex httuiuc laz bumx vtueq nawk palx wuez tueq.

ASII LAKDAP Bible (BSI)

⁶ Kiijiishe Ejra raq, “Ajong pinthum Shiikeawe, Tatiwe kli tiitsam rong i!” nguta bompha hoto. Kiijiishe, mungmaiqse wiita raq tsangshiq jaq ka ra na dorang doto. Raüta tsangshiq raq, “Amen! Amen!” nguta apaiq bom ka treto. Raüta tsangshiq ka lakütsrong maq bum rang raüta, Shiikeawe shomnoqto.

NEHEMIA 8:6 Referencias Cruzadas

RAPHA HIQWA LAK 14:22

Abram rueq, “Raungx nuiyc ghaq tvdungc jix Waz, Johvlc Pinhtumc Yehowa Tishox khaungkac nuex ngvy yauk tenz vtueq kvtuemc vtaungx,

RAPHA HIQWA LAK 24:26

Kvkaq piq kuix tsvrung nuex ngaungc vtueq Yehowa muex nawk palx kuq tueq.

1 KAÜWA WERAÜ 16:36

Yehowa Israel Tishox muex tvtsvmc wuez shuinz! Majuiuc vmaq vpiq muex pattup tvtsvmc wuez shuinz! Kvruex yimaq miqsaz lotlaz rueq, “Amen,” ngoz wuez ruiux, Yehowa muex tvtsvmc wuez tueq.

1 KAÜWA WERAÜ 29:10

Hokhvmx Dawid rueq mungx rvtuimx yaq wvtaungx khaungkac nuex Yehowa muex tvtsvmc tueq. Piq rueq, “Yehowa naungshiq jix vwaz Yaku Tishox lex, mnoz kuex pattup tvtsvmc aungx yaq waz rvtoq!

1 KAÜWA WERAÜ 29:20

Kvruex yimaq Dawid rueq miq htenc muex, “Yehowa nuimshiq Tishox muex tvtsvmc wuez shuinz!” ngoz tueq nvr tueq. Kvkaq rvtuimx jex yaq wvtaungx rueq Yehowa tsuingshiq jix vwaz tamx Tishox muex tvtsvmc wuez vtueq, Yehowa muex muinz, hokhvmx waz muex muinz tsuingshiq bumx vtueq tvtsanc nganc kuq tueq.

2 KAÜWA WERAÜ 20:18

Kvruex yimaq Hokhvmx Jehoshaphat kuex vhtvlx ghaq nuex kvhtuy laz bumx koq tueq, mungx miqsaz htenc lotlaz muinz piq rulc vdvmz bumx wuez vtueq Yehowa muex nawk palx wuez tueq.

2 KAÜWA WERAÜ 29:10

“Majuiuc ngaz rueq Yehowa Israel Tishox rulc bomkhvrc tvy tvkoc dvnc vshaungx, vpiq kuex naungshiq muex loayc hvlc kuex khaq tuex rvmuq.

2 KAÜWA WERAÜ 29:30

Hokhvmx waz nuiyc vphvnx htenc wawc walaungx bix rueq Dawid nuiyc shvmmax Asap rueq vtvkuiux shec shic kvmaq Yehowa muex tvtsvmc shic tvkoc Lewi miqsaz htenc muex jungx tueq. Kvkhoc rvtueq miq ruip rawx kuex pinhtumc kokez vtueq shix ruiux Tishox muex kuix tsvrung nuex bumx vtueq nawk palx kuq wuez tueq.

2 KAÜWA WERAÜ 6:4

Piq rueq, “Yehowa Israel Tishox muex tvtsvmc wuez shuinz! Vpiq rueq iwaz Dawid muex, ngaz rueq ngvy miqsaz htenc muex kuq tauk bomkhvmc kuex tv-phaungx tauk,

NEHEMIA 5:13

Kvruex yimaq ngaz rueq ngvy khemenc kuex lvmz vtueq nuiuc ruiux raz tueq, “Miqmac bomkhvmc phvnx muq waz kuex Tishox rueq vkhoc nuiuc gay shuex. Nuimshiq yuimx htenc nuiyc taungx vwawx phvnx ruip saz kuex Tishox rueq lvmz gay shuex ningkhvnc nuex nuimshiq tvkoc yvmx muinz kvjungx tuex rvmuq,” ngoz kuq tueq. Kvruex yuq httax yaq miq htenc rueq, “Amen!” ngoz tueq tvralc wuez ruiux Yehowa muex tvtsvmc wuez tueq. Walaungx bix rueq muinz miqmac bomkhvmc rulc rv-ngvlc shuimx wuez tueq.

NEHEMIA 8:7

Kvruex yimaq tsuingshiq kuex miqmac baung nuex jvp wuez tueq, kvkaq tsuingshiq muex Lewi miqsaz rvtueq: Jeshua, Bani, Sherebia, Jamin, Akkub, Shabbethai, Hodia, Maasea, Kelita, Azaria, Jozabad, Hanan nuiyc Pelaia rueq Tvrac vlvmz kuex jalc jungx kuq tueq.

Tvtsvmc 134:2

Nuimshiq yauk htenc kuex tenz vtueq Shomc Yuimx mungx nuex vjux thoz shuinz, Yehowa muex tvtsvmc shuinz!

Tvtsvmc 141:2

Ngvy vjux thoz bomc kuex homc hvlc phvnx loban ikhoc, ngvy yauk tenz vshaungx kuex raungyac wawc shomc nawk kuy juing ikhoc lvp wvnc koq.

Tvtsvmc 28:2

Mnoz vsawc Shomc Yuimx kox nuex yauk tenz vtueq, romc kuy tvkoc thoz ruiux yuq ngaz rueq thoz phaungx kuex tay kuq koq.

Tvtsvmc 41:13

Yehowa Israel Tishox muex tvtsvmc wuez shuinz! Majuiuc vmaq pattup pat-sac vpiq muex tvtsvmc wuez shuinz! Amen! Amen!

Tvtsvmc 63:4

Ngvy rullungx tvraungx wawwawx mnoz muex kejux vyungx ngoz shaungx; yauk tenz vtueq mnoz kox wawc vjux thoz shaungx.

Tvtsvmc 95:3

Yvmx khoc lac ngoz ruiux lec Yehowa kuex hungc vlaungc httaz hvlc Tishox, tishox lotlaz htauk nuex guimz yaq hungc vlaungc mvrx yaq hokhvmx waz rvtueq.

DUNGWVNC 12:27

nuimshiq rueq, ‘Vruex kuex Yehowa rueq Ejip mungx wawc Israel miqsaz htenc yuimx kuex lvy gay shec tueq ningkhvnc nuex, vpiq muex tvtsanc nganc kuy tvkoc shuimx lvmz vshix Tvlvy Wvnc Moalx shomc nawk kuy rvtueq. Vpiq rueq Ejip miqsaz htenc thvt gay tueq, yuq muinz naungshiq kuex tvjungx shec phuex,’ ngoz tueq jungx shuinz,” ngoz tueq. Kvkaq Israel miqsaz rueq bumx vtueq Yehowa muex nawk palx wuez tueq.

DUNGWVNC 4:31

Tsuingshiq kvmx wuez tueq, Yehowa kuex tsuingshiq kox nuex svt kaz vtueq, tsuingshiq pinhtumc tvkuilc daz yaq kuex khiz tueq shex lvmz tay wuez vtueq, tsuingshiq bumx vtueq nawk palx wuez tueq.

JEREMIA 28:6

“Vwangc juing nyix! Yehowa rueq kvruex mruez shueq ngaz rueq tvluimc vshaungx! Shomc Yuimx tsak vnyvmx lotlaz nuiyc vthuq wvnc rvhumc jix mungx miqsaz lotlaz kuex Babelon mungx wawc vpiq rueq tvyez shvlx wvnc yek shuex lvmx jungx jix vpiq shvmmax kvjaz kuex vpiq rueq tvhungx kuq shuex, ngaz rueq vsuing tvluimc vshaungx.

AJONJÜ 3:41

Raungmungx nuex httax yaq Tishox kox nuex naungshiq thuinz vmungx htenc kuex daz vtueq vjux thoz ix;

LEWI 9:24

Vhuingc rvhek laz Yehowa rueq wvr tvkaz vtueq, shomrawx htauk wawc wvr maq jauk shomc kuy juing nuiyc vpuiz phuinz phux htenc kuex tvkhamc gay tueq. Kvkaq miq htenc rueq kvruex khiz vtueq tsuinghez vguyc vsez maq ghaq nuex bumx ruiux nawk wuez tueq.

Matthew 26:39

Kvruex maq vpiq kuex phuinz shiz saz kaz ruiux, ghaq nuex bumx vtueq, vjux thoz tueq, “Iwaz lex, vruex kuilc daz juing kok kuex ngvy htauk wawc tvlvy gay mvy ruiux kuex tvlvy gay shuiuz! Yuq muinz ngvy thuinroc kuex rvmuq, mthuinz roc lvmx m-yaungx wvnc kueq,” ngoz tueq jungx tueq.

Matthew 6:13

Vlauc vlawc rvyaq kvyuq nuiyshiq kuex nauk tvkaz vkueq, Honc bac waz kox wawc palc wvnc koq.’

1 Corinthians 14:16

Nuimshiq rueq siyac maq dvyx Tishox muex kejux vyungx ngoz vtueq vjux thoz ruiux yuq, nawk palx rvtuimx yaq nuex lomx jix miq talaz vshiz rueq nuimshiq rueq jungphvnx vshuinx kvjaz kuex tuiuz muq ningkhvnc nuex, nuimshiq rueq vjux thoz vshuinx kvjaz kuex yvmx khoc lac “Amen” ngoz tueq tvralc naungx shvnx?

Ephesians 1:3

Naungshiq Taungjix Yesu Christu Waz Tishox muex kejux vyungx ngoz kuq ix! Yvmx khoc lac ngoz ruiux lec naungshiq kuex Christu rulc vshiz dvyx yaungc ningkhvnc nuex vpiq rueq raungmungx htauk wawc siyac nuex seng yaq ruimrix kejux phvnx ruip kuex kuq phuex.

1 Timothy 2:8

Phungc nuex nawk palx rvtuimx vtuinx ruip rawx miqwaz rulx muex vjux tvthoz roc vshaungx, tsuingshiq kuex Tishox muex lekuy yoalx jix ningkhvnc nuex thuinkhvy lvmx, rvkhawc lvlc lvmx lomx muq maq yauk tenz vtueq vjux mthoz shueq.

1 Peter 1:3

Naungshiq rueq naungshiq Taungjix Yesu Christu Waz Tishox muex kejux vyungx ngoz ix! Yvmx khoc lac ngoz ruiux lec vpiq menjenc yunghvlc maq Yesu Christu kuex vthueyc wawc tvyuing tvtenc wvnc khuec nuex vpiq rueq naungshiq muex rullungx vnyalx kuq vtueq naungshiq nuex vtvraungx httax yaq thuinz tvluimc juing kuex tvmvrc kuq phuex.

Revelation 7:11

Raungkamx bix lotlaz rueq muinz, walaungx bix htenc nuiyc ngvmx saz bvlic muinz hoc daungraungc kuex tvkomc tuimz jvp yaq. Kvkaq tsuingshiq kuex hoc daungraungc khaungkac nuex bumx vtueq Tishox muex nawk palx wuez ruiux,