NEHEMIA 6:7 - ASII LAKDAP Bible (BSI)

⁷ Kiimaq ümniika Judia wang na hokhamwe she shong wanto nguta, mungmaiqse man na agilülü maq Jerusalem na chiiriim raüta chongke wan miitu, ümniiraq shammibi wiijam kiimin atiije wishe nguta chongtlo. Riita, Hokham Ajongwe riika ara tsütsa arka ümkhiiriita jiimin mitai dongdii. Kra ningkhan, ngi riika nanai ka adam na ngalaita, ara bomtsi khuthaq na hon atsii akhek riichong haijaq ahea nguta tiima tiikang.”

Hawa Naga Bible 2001

⁷ Yerusalem ghaq kvyuq mnoz kuex Yuda hokhvmx ngoz tueq tvtay tvkoc shvmmax bix wvyvmc rulc tvhungx vshuiux lvmz muinz jungx phuex. Hokhvmx waz piq rueq vruex lvmz kuex vsuing tay tueq shex shvmx, kvkhoc rvtueq httoarc vphaungx kuex rvjungc phvnc tvkoc ngaz kox nuex rvhumc kaz loq,” ngoz tueq lomx tueq.

NEHEMIA 6:7 Referencias Cruzadas

1 HOKHVMX 1:18

Shatmaq ümchaü Adonija ka hokhamwe ma ajakaikun she. Shatmaq kra tho ka ümniiraq jammin hemaü shaqli.

1 HOKHVMX 1:25

Ümchaü ranaiq apaiq ka kiho raüta nyamse honglu pahea, minsaü pongwe thun, skukong thun, kiimaq ahan phintsaqtsaq hea minsaü saüre pongsetiim, honglu na tato. Kiimaq apaiq raq ümsetiim thun tlotli, kiimaq üm phentu ajong pinthumwe Joab, kiimaq ramwe Abiathar thun kra, wiita poi lomkai dam miitu tiiheato. Krai mren, ümchaü tsangshiq tarü ka kiijaq poi klo phaqsea polotlo. Kiimaq ‘Hokhamwe Adonija ka rilung alu misi laq!’ nguta gitrangtlo.

1 HOKHVMX 1:34

Lantea kriijaq Jadok nai Nathan raq apaiq ka Israil mung thaq na hokham ma tel maq minyuk laq. Kra lantiishe lerong ka tsü rong laq. Lantea, ‘Hokhamwe Solomon ka rilung alu misilaq!’ nguta rütrang ronglaq.

1 HOKHVMX 1:7

Apaiq raq Joab rai bom ka riiwaito (Anyung ka Jeruia) kiimaq ramwe Abiathar rai ri bom ka riiwaito. Krai mren, tsangnai riimin apaiq rai dea pongchang nguta kiq ka rito.

NEHEMIA 6:6

Kra lak dam niika akha waiqto: “Riita, lamthaq lamkiq na siti maiqhiq shong thun na, ümniiraq namshiqnok Jehudinok kra shea laüta, hokhamwe wokhong wa dongho laüta, maiqmii hokham shong wan ma nguta, chiqchap rechap she sürii wan tlaü nguwa, nguta shapshaü ka pa wantlo, nguta Geshem raq ngi ma tiitaito. Kra miitu tiina, namshiqnok raq Jerusalem chela ruk kra athen arki wa tiihea haitlo nguta, mungmaiqse hea wea na bom ka riichong rai tlo. Kiimaq Geshem raq ngi ma, ümniika Jehudinok thaq na hokham miishe mija wan haü nguwa nguta chongto.

NEHEMIA 6:8

Ngi raq apaiq bom tre akha tiiho wan kang: “Ümniiraq chongtlaü kriika arot teng mak. Arka ümniiraq maiqmii nübok maq joja laüta bom tlaü.”

Acts 23:15

Riita, ümchaü min, namshiq ajong alabi nai Rung welabi raq, Paul mra ka samhea tiishangrii nong ma nguta tiimanhii lanta, Roman phentujong we kiima Paul ka Rung na tiisheaho nonglaq nguta bom ka tiichong wa nong rongkiq. Shatmaq, naishiq ka lam na tiipaü laita kheshat mirhai. Laita, Paul ka arjaq misaü ho shaq liipan wiili mitsat baiq kai,” nguta tsangshiq welabi ma bom ka tiitaito.