NEHEMIA 6:7 - Hawa Naga Bible 2001

⁷ Yerusalem ghaq kvyuq mnoz kuex Yuda hokhvmx ngoz tueq tvtay tvkoc shvmmax bix wvyvmc rulc tvhungx vshuiux lvmz muinz jungx phuex. Hokhvmx waz piq rueq vruex lvmz kuex vsuing tay tueq shex shvmx, kvkhoc rvtueq httoarc vphaungx kuex rvjungc phvnc tvkoc ngaz kox nuex rvhumc kaz loq,” ngoz tueq lomx tueq.

ASII LAKDAP Bible (BSI)

⁷ Kiimaq ümniika Judia wang na hokhamwe she shong wanto nguta, mungmaiqse man na agilülü maq Jerusalem na chiiriim raüta chongke wan miitu, ümniiraq shammibi wiijam kiimin atiije wishe nguta chongtlo. Riita, Hokham Ajongwe riika ara tsütsa arka ümkhiiriita jiimin mitai dongdii. Kra ningkhan, ngi riika nanai ka adam na ngalaita, ara bomtsi khuthaq na hon atsii akhek riichong haijaq ahea nguta tiima tiikang.”

NEHEMIA 6:7 Referencias Cruzadas

1 HOKHVMX 1:18

Yuq muinz Adoniya kuex hokhvmx muex shex yaungx kaz, mnoz rueq kvruex thaungc kuex tay muq doc shvmx.

1 HOKHVMX 1:25

Piq kuex majuiuc raungnuiyq dvyx kaz wvnc vtueq, manx, khelbuenx nuiyc vgvnz vnyel manx saz paunghvlc maq shomc nawk kuy shomc kuq vtueq, msaz hez lotlaz muinz, mnolaungx bix guimz lawc jix Joab muinz, shomc waz Abiatha muinz gvl vtueq, majuiuc baunglaung tsuinghez rulc vdvmz nuex phauk saq ruiux, ‘Hokhvmx Adoniya rullungx mluz kueq!’ ngoz tueq guyc sez wuez yaq.

1 HOKHVMX 1:34

kvruex baung kvmaq Zadok nuiyc Nathan rueq piq kuex Israel hokhvmx yaungc muex ruimruimc puiz tix maq mshvy kuq shueq. Kvruex yimaq bolic tvthuiz vtueq, ‘Hokhvmx Solomon rullungx mluz kueq!’ ngoz tueq guyc wuez kuinz.

1 HOKHVMX 1:7

Piq kuex Joab (vnyuiuz kuex Zeruia rvtueq) nuiyc shomc waz Abiatha rulc rvjungc phvnc vtueq, piq yauk shuimc kuex romc kuy muex rungx raz wuez tueq.

NEHEMIA 6:6

Kvyuq vkhoc httax yaq: “Mnoz nuiyc Yuda miqsaz htenc rueq khawc lvlc tvkoc kvmungx vshuinx ningkhvnc nuex palx ruk vshuinx lvmz kuex, tvroz phic vphaungx miq htenc rueq jungx wuez yaq ngoz tueq thaungc kuex Geshem kox wawc tay tauk. Piq rueq jungc mpumz kuex hokhvmx yaungc tvkoc dvnc vshuiux ngoz wuez,

NEHEMIA 6:8

Ngaz rueq piq muex tvyez tauk kuex, “Mnoz rueq jungx vshuiux bomc vsuing rvmuq, kvruex lotlaz kuex mshauk pumz maq hangc vtueq jungc dvyx rvtueq,” ngoz kuq tauk.

Acts 23:15

Kvkhoc rvtueq, nuimhez nuiyc phoc waz bix rueq Polu muex kvjaz vhvlx waq wisoz tvkoc ikhoc tvyaungc vtueq, Roma nolaungx yungx waz muex piq kuex nuimshiq kox nuex shvlc lvy tvkoc thoz waung kuinz, nuimshiq kox nuex max httuiuc kaz nuex dvyx piq kuex thvy gay tvkoc nuiyshiq rueq bvmc tvyoalc laz shix,” ngoz tueq jungx tueq.