NEHEMIA 6:6 - ASII LAKDAP Bible (BSI)

⁶ Kra lak dam niika akha waiqto: “Riita, lamthaq lamkiq na siti maiqhiq shong thun na, ümniiraq namshiqnok Jehudinok kra shea laüta, hokhamwe wokhong wa dongho laüta, maiqmii hokham shong wan ma nguta, chiqchap rechap she sürii wan tlaü nguwa, nguta shapshaü ka pa wantlo, nguta Geshem raq ngi ma tiitaito. Kra miitu tiina, namshiqnok raq Jerusalem chela ruk kra athen arki wa tiihea haitlo nguta, mungmaiqse hea wea na bom ka riichong rai tlo. Kiimaq Geshem raq ngi ma, ümniika Jehudinok thaq na hokham miishe mija wan haü nguwa nguta chongto.

Hawa Naga Bible 2001

⁶ Kvyuq vkhoc httax yaq: “Mnoz nuiyc Yuda miqsaz htenc rueq khawc lvlc tvkoc kvmungx vshuinx ningkhvnc nuex palx ruk vshuinx lvmz kuex, tvroz phic vphaungx miq htenc rueq jungx wuez yaq ngoz tueq thaungc kuex Geshem kox wawc tay tauk. Piq rueq jungc mpumz kuex hokhvmx yaungc tvkoc dvnc vshuiux ngoz wuez,

NEHEMIA 6:6 Referencias Cruzadas

EJRA 4:12

“Naishiq raq Ajong Pinthum Hokhamwe ma bomtsi ara ümniima tiitaike wan rotiikai. Ümwokhong na siti Jehudinok ka tsangshiq sichang mung ahin maq Jerusalem niishe laüho wito. Raüta ümchaü sanha tsangshiq ka, man na redong akhing na atiithenbaiq, ara abi pinthum kiimaq hokhamwe wokhong na siro mak mungshukti chela, Jerusalem kra hali tiihea hai nong tlo. Tsangshiq raq chela tro na longperuk thun kra tiihea hai wanto she. Jaqsham ka jaqlo liipan niilishe mingut wan.

EJRA 4:15

Ajongwe lei, ümniiraq ara chela manphan ka, man na pat na ümti ümwe raq munglang wantaq manphan lakdap kiijaq samhea konchon lii wan miitu aming kuq laq. Kra ritkot wan raü jiila, manphan lakdap na awaiqthü kiiwa, ara chela arka ümsmiiphü abi chela dongdii. Kiimaq hokhambi wokhong na siwan mak phan mungshuk wanti dongdii nguta michhi haü. Ara chela arka Hokhambi kiqkhii wan sru riiwanti ashi. Kiimaq ara chela na siwanti Jehudinok phan ngutlaq kriika ashpuq wan miimin habi pinthum nguta michhi haü. Tsangshiq ka akha hokham wokhong na siwan mak phan kha maq, man na redong akhing ashi na ara chela ka shiithen baiqto.

NEHEMIA 2:19

Ara jaqsham ahang sürii wan tsütsa ka tai raüta, Sanballat, Tobia, kiimaq Arab phan wa maiq weshi, amang min Geshem ngutlaq kriiwetiim raq, naishiq ka shumtsü miitsü raütiishe shummii siqto. “Ei, riita, namshiq riika jamlai riihokai ngutiiwa tiima tlan? Namshiq ka ajong hokhamwe wokhong wa dongho lanta maiqmii wela jaho ngutiisha dan tlan?”

NEHEMIA 6:13

Tsangnai raq apaiq ma tsiiqlap kuq raüta, ngi tiihai raüta ngarai mitang laq nguta kloto. Raüta tsangshiq raq, i khushü tiijam baiq ma kiimaq ngi ma jea tiingaü ma nguta thiikho thuto.

NEHEMIA 6:5

Kra jai miishe, Sanballat raq ajaqshi se weshi ka ngi phana tiiki nongto. Kriika jangbiingi ngoja tsütsa tiichong kai she riito. Ara jangbiingi ngoja niika, apaiq raq lak ashi waiq raüta, lakdam kom ka sil maq thanghü miili tiihohoto.

NEHEMIA 6:7

Kiimaq ümniika Judia wang na hokhamwe she shong wanto nguta, mungmaiqse man na agilülü maq Jerusalem na chiiriim raüta chongke wan miitu, ümniiraq shammibi wiijam kiimin atiije wishe nguta chongtlo. Riita, Hokham Ajongwe riika ara tsütsa arka ümkhiiriita jiimin mitai dongdii. Kra ningkhan, ngi riika nanai ka adam na ngalaita, ara bomtsi khuthaq na hon atsii akhek riichong haijaq ahea nguta tiima tiikang.”

JEREMIA 20:10

Ngi raq barapse na atsise maq maiq raq akha riichongtlo tai tiikang, “Barap binrii na phiiptsi chang tong long! Arkha na apaiq ka mungpengti rung na shok rong i!” Ngi ma tatishaqti raq dongdii min, ngi ka ümtincho wa dea wan jiiq nguta kli khesiqtlo. “Jursap, apaiq ka momin raili moraq miraq,” nguta tsangshiq liipan na riichongtlo. “Kriishe nguraü ka nashiq raq apaiq ka thiikho na mitiiminlot rong i. Laita nashiq phuk ka milamlot rong i.”

Matthew 5:11

“Namshiq ka isenginok ngo kha maq, maiqse raq namshiq ka shummii raüla, kiimaq tiichamchao raüla, kiimaq namshiq khuthaq phanrap phanrii abi arot akiq nyan raüla, chochi ronglaq.

Luke 23:2

Raüta, tsangshiq raq apaiq ma kha ka akha nyanto, “Arwe ariiraq, naishiq nok mungmaiqse thun kriika, mungshuk lam phan na sheaho wa, naishiq raq apaiq ara lap wan kai. Apaiq raq Roman Hokham we ma phunta kewan ra mak nguta mungmaiqse ka tiishontlo chhi tiikai. Kiimaq, apaiq ka naishiq Jehudinok mung thaq na Khristo nguta tiichongtlo. Kriika hokham we nguta tiingo riito.”

John 19:13

Pilat raq kra bom ka tai raütiishe, Jesuq ka kinphai na tiisheaho nongto. Raüta, apaiq ka phowe ngachang, “Longkaü damsii” ngutlaq kiijiishe ngato. (Hibru bom maq kra mang ka “Gabbatha” ngutlo.)

Romans 3:8

Ikhiijiika akhli ngu rong i na, “Ai ahea dea. Ngarai khoti apapa tang laita sirong i na. Krai mren, Shiikeawe khushü ka jonghea tiijong ruq li riima,” nguta maiq wiijamti raq chong tlo. Maiq wiijamti raq, ngi raq nangnga akha bom tlo nguta, tsangshiq shut ka i nübok na sukkuq raüta, ngi ka trot kiq tlo! Shiikeawe raq tsangshiq ka akha, aku anong bom tlaq arkha na, kha ma ka jonghea mitiiho kuq wan.

2 Corinthians 6:8

Naishiq arka maiq wiijamti raq ashreng riitlo; kiimaq maiq wiijamti riika atiijeasi li riitlo. Naishiq ara ashummii min riitlo. Kiimaq asomra min riitlo. Naishiq ara trotkiq wanti min kiitin khan asi. Shatmaq naishiq riika tengteng bomtsi kli chongkuq tiikai.

1 Peter 3:16

Tsangshiq bom ka tre lam maq, anato lanta, bomnin se maq tru chongkuq ronglaq. Bomtre lam maq, namshiq tsantsii ka wüjang jang hea maq, chongkuq rong laq. Phungmaiqse ashi raq jamkha bomtre chang wa, kiikha tre rong laq. Akha sihan jiila, namshiq ka Khristo sengi nguta, namshiq sung atsii ahea, kiimaq sham akai ahea sham tlan kra, abi nguta namshiq shummiitibi nai namshiq saisi wantibi ka, tsangshiq maiqmii bom miili she mijiasi.