NEHEMIA 4:21 - ASII LAKDAP Bible (BSI)

²¹ Krai mren, wranaiqtek ranap chu maq chap wan laita, raji ranyaq na, raiqsaiq dong wantlaq akhing na saülili, naishiq phong wa maiq khoko riika, ruk tiihea hai jaqsham, kiimaq khoko riika, sontri tsong, piq doraq maq kongti jaqshamti kra khe chap wan tiikai.

Hawa Naga Bible 2001

²¹ Kvkhoc rvtueq wvraungx nuiyq tek, raungnvp shalx dung yaq maq raungyac ruiysuiyq dungc nuex httuiuc laz naungshiq miq wvyvmc rueq yauk shuimx ruiux, wvyvmc rueq paq shuimx vtueq bvmc wuez tiq.

NEHEMIA 4:21 Referencias Cruzadas

NEHEMIA 4:20

Arningkhan, namshiq raq boli tsü taihan jiila, namshiq ka ngi tro na riitam wan rong laq. Nashiq Shiikeawe raq nashiq re ka mikhat kuq.”

NEHEMIA 4:22

Kra akhing na, ngi raq tsangshiq sheati welabi khumtek ma, ruk tiihea hai tiikai bala niika, tsangshiq welabi nai tsangshiq jaqkhong na siti jaqshamti kiimin, Jerusalem niili sichang miraq; laita rawa niimin Jerusalem chela ka sontri tsong laita kheshat riichang miraq; kiimaq ranaiq niika ruk tiihea hai chang miraq, nguta tsii chongkuq kang.

1 Corinthians 15:10

Shatmaq Shiikeawe apaiq khoqramkii maq kekuq shat rüm wan kha maq, ngi ka ümchaü maiqse ashi wiqwiq she dea ngutiishe sitiikang. Shiikeawe raq ngi ka apaiq kaphap wokhong mong maq, tiichhan chhi tlo arka atu niika moki mak dea. Riita ümchaü sanha riikhaqli maq shin raü jiila, ahinti kiimwebi thaq na, ngi raq riiwe ka jaqsham kaiwa apa achan ana she sham tiikang. Riita ara ümtinkhan wa hongla lata, jaqsham tiikang arka, i han-ngam ningkun miika riimak. Shatmaq Shiikeawe apaiq kaphap ningkun ka i khum na ngi rai asi kra lümaq jaqsham tiikang.

1 Corinthians 15:58

Riita ara chongtiikai arai mren, lungwii phunainotiim lei, kamasham na pharangrang kiimaq phataqtaq si rong laq. Tatiwe jaqsham na tsan tiitsi lanta, wranaiqshe shiikut chaq wan ruq si rong laq. Namshiq raq asap han, Tatiwe miitu jaqsham tlan kriika atu na moki mak phan. Kriikha maq, apaiq miitu jaqsham ka shiichaq wan ruq shiichaq ronglaq.

Galatians 6:9

Riita, ija, ümchaü min, ara chong tiikai arai mren, nashiq ka ahea awa jaqsham wan kli she shiichaq rong i. Nashiq raq shamhea kaiwa ka thaq mai maq, shiichaq wan ruq sham hai jiika, akhing ashi na, nashiq raq tsam ka mijut wan rong i dongdii.

Colossians 1:29

Riita Phungmaiqse thun tiichhanchhi wan ha jiilei nguta, ngi ranaiq rawa, Khristo raq akuq ningkun ajong i khum na sitlaq kra holata, rokpan riipan hunnii lata jaqsham tiikang ahata.